ဆန်ဈေးကွက်တွင်း ဝင်ရောက်စွက်ဖက်မည်မဟုတ်ဟု အင်ဒိုနိုင်ငံပိုင် ထောက်ပို့လုပ်ငန်းပြောကြား

အင်ဒိုနီးရှားနိုင်ငံပိုင် ထောက်ပို့ရေးလုပ်ငန်း(Bulog) ပိုင် ဂိုဒေါင်တစ်ခု

ဂျာကာတာ၊ မေ ၁၅

ဆန်ဈေးကွက်တွင်း ပစ္စည်းပျက်လတ်မှုများ ပေါ်ပေါက်ပါက ယခင်က ဝင်ရောက်စွက်ဖက်ကာ ဈေးနှုန်းကျဆင်းရေး လုပ်ဆောင်ခဲ့သော်လည်း ယခုအခါ ယင်းသို့လုပ်ဆောင်မည် မဟုတ်ဘဲ ဈေးကွက်တွင်း ဆန်အမြဲမပြတ်ရနိုင်ရေး အာမခံနိုင်အောင် လုပ်ဆောင်မည်ဟုအင်ဒိုနီးရှားနိုင်ငံပိုင် ထောက်ပို့ရေးလုပ်ငန်း (Bulog) ဥက္ကဋ္ဌသစ် ဘူဒီဝါစီဆိုက ပြောကြားသွားကြောင်း The Jakata Post သတင်းတွင် ဖော်ပြထားသည်။

“(ကျွန်တော့် ဦးဆောင်မှုအောက်မှာ) ဈေးကွက်တွင်း ဝင်ရောက်လုပ်ဆောင်မှုရှိမှာ မဟုတ်ပါဘူး။ အရင်တုန်းကတော့ Bulog က မီးသတ်သမားလို လုပ်ဆောင်ခဲ့ပါတယ်။ ဈေးကွက်တွင်း ဆန်အမြဲရှိနေအောင်ပဲ ကျွန်တော်လုပ်မှာပါ”ဟု ဘူဒီက သတင်းထောက်များကို ပြောကြားသွားသည်။

ထို့အပြင်တာဝန်ယူပြီးနောက် မကြာခင်အချိန်တွင်း ကုန်ပစ္စည်းများကို အွန်လိုင်းအချက်အလက်စင်တာမှ တစ်ဆင့် စောင့်ကြည့်နိုင်ရေး ဘားကုဒ်စနစ်ကိုလည်း ဘူဒီစတင်အသုံးပြုခဲ့သည်။

အလယ်အလတ်အတန်းအစားအရည်အသွေးရှိသည့် ငါးကီလိုဂရမ်နှင့် ၁၀ကီလိုဂရမ်ဆန်ထုပ်များအပြင် လူများစုလက်လှမ်းမီနိုင်ရန် ၂၅၀ ဂရမ်ပမာဏရှိသည့် အလယ်အလတ်အတန်းစား ဆန်ထုပ်များကိုလည်း ရောင်းချမည်ဖြစ်သည်။

ဆန်ပြတ်လတ်မှုမဖြစ်စေရန် နိုင်ငံပိုင်ဆန်ဂိုဒေါင်များတွင်ဆန်အပြည့် ဖြည့်တင်းထားမည်ဖြစ်သလို ရာမန်ဒါကာလတွင် စားသောက်ကုန်ဈေးနှုန်းများ တက်လာနိုင်သည်ကို ကြိုတင်ပြင်ဆင်ထားရန် ဘူဒီက သတိပေးထားသည်။

ဈေးနှုန်းတည်ငြိမ်ရေးနှင့်ပစ္စည်းလုံလောက်ရေးအတွက် Bulog လုပ်ငန်းက စီမံသည့် စားသောက်ကုန်များဖြန့်ဝေ ခြင်းကို အစိုးရက လုံးဝထိန်းချုပ်ရန် လိုအပ်ကြောင်း ၎င်းက မှတ်ချက်ပြုထားသည်။

You may also like...

Leave a Reply

Your email address will not be published. Required fields are marked *