စက်ရုပ်တွေလာပြီ၊ စက်တွေလာပြီ ဘယ်သူတွေ အလုပ်ပြုတ်ကြရတော့မလဲ

ခေတ်ရေစီးကြောင်းနှင့်အညီ အသက်မွေးဝမ်းကျောင်းအလုပ်များမပြောင်းလဲနိုင်ပါက အနာဂတ်တွင် ထမင်းအိုးပျောက်တော့မည်။

နည်းပညာလျင်မြန်စွာ ပြောင်းလဲတိုးတက်နေရာအသက်မွေးဝမ်းကျောင်း အလုပ်အကိုင်များလည်း ပြောင်းလဲလျက် ရှိသည်။

တိုးတက်မှုအသစ်များနှင့် အလုပ်အကိုင်အသစ်များပေါ်ပေါက်နေသည့်အခါတွင် ရှိရင်းစွဲအလုပ်များမှာ မတည်မြဲဘဲ ပျောက်ကွယ်သွားနိုင်ရာ အပြောင်းအလဲကို မလိုက်နိုင်ပါက အလုပ်လက်မဲ့ဖြစ်မည့်ကိန်း ဖြစ်သည်။

ထိုမှတစ်ဆင့် ကိုယ်ကျွမ်းကျင်သော အလုပ်များ ဈေးကွက်အတွင်း မရှိသောအခါ တစ်ဆင့်နိမ့်အလုပ်များသို့ ကူးပြောင်းသွားရနိုင်သည်။

ထိုအခါတွင် ပွင့်လင်းတိုးတက်စပြုလာသည့် မြန်မာနိုင်ငံရှိအလုပ်လုပ်ကိုင်နေသူများ၏ စားဝတ်နေရေးနှင့် ဆက်စပ်၍ မေးခွန်းနှစ်ခုပေါ်လာသည်။

ယင်းမှာအနာဂတ်တွင် မည်သည့်အလုပ်အကိုင်အသစ်များ ခေတ်စားလာမည်နည်း။ အဆိုပါ အလုပ်အကိုင်များကို လုပ်ကိုင်နိုင်ရန်မည်ကဲ့သို့ ပြင်ဆင်ထားသင့်သနည်းဟူ၍ပင် ဖြစ်သည်။

နည်းပညာတိုးတက်လာသည်နှင့်အမျှ မိရိုးဖလာလုပ်ကိုင်နေပြီး လက်ရှိအခြေအနေကို တစ်ဆင့်မမြှင့်တင်နိုင်သည့် လုပ်ငန်း၊ အလုပ်အကိုင်များမှာ လျော့ပါးသွားနိုင်ခြေရှိကြောင်း ပြည်တွင်းအလုပ်အကိုင်ရေးရာ ကျွမ်းကျင်သူများက ဆိုကြသည်။

အနာဂတ်၁၀နှစ်ခန့်တွင် မြန်မာနိုင်ငံ၌ နည်းပညာနှင့်စီးပွားရေးလုပ်ငန်းများ လက်ရှိအခြေအနေထက် ပိုမိုဖွံ့ဖြိုးတိုးတက်လာနိုင်ခြေရှိကြောင်း စီးပွားရေးနှင့် နည်းပညာကျွမ်းကျင်သူများက ဆိုကြသည်။

ထိုအခါတွင် ယင်းနှင့် ဆက်စပ်သည့် ဘေးထွက်ဆိုးကျိုးကိစ္စရပ်များလည်းရှိလာမည်ဖြစ်ရာ ယင်းကို ကာကွယ်ဖြေရှင်းမည့်လုပ်ငန်းနှင့် အလုပ်အကိုင်များ အနာဂတ်တွင် ပိုမိုခေတ်စားလာနိုင်ကြောင်း ကျွမ်းကျင်သူများကဆိုကြသည်။

၁။ အတိတ်မှ အလုပ်အကိုင်များ

အနာဂတ်တွင် ခေတ်စားလာမည့် တစ်နည်း အခွင့်အလမ်းပိုမိုကောင်းမွန်လာမည့် အလုပ်အကိုင်များကို ခန့်မှန်း နိုင်ရန်မှာ ပြီးခဲ့သည့် ၂၀၁၇ ခုနှစ်မှ လက်ရှိ ၂၀၁၈ ခုနှစ်အထိ ကာလအတွင်း ပျောက်ကွယ်စပြုနေသော အလုပ်အကိုင်အချို့ကိုလည်း လေ့လာရန်လိုအပ်သည်။

အချို့သော မိရိုးဖလာအလုပ်အကိုင်များမှာ အမှားအယွင်းကြီးကြီးမားမား မလုပ်ရဘဲ လုံးပါးပါးကာ ပျောက်ကွယ်သွားမှုများရှိသည်။

(က) မိရိုးဖလာကားဝပ်ရှော့များ

ပျောက်ကွယ်ရန်တာစူနေပြီး ရပ်တည်နိုင်ရန် ရုန်းကန်နေရသည့် အလုပ်အကိုင်များအထဲတွင် ကားပြုပြင်သည့် ကားဝပ်ရှော့အလုပ်အကိုင်များလည်း ပါဝင်သည်။

သမ္မတဦးသိန်းစိန်လက်ထက် ၂၀၁၂ ခုနှစ် မော်တော်ယာဉ်တင်သွင်းခွင့်မူဝါဒများကို ပြောင်းလဲလိုက်သည်မှစ၍ မော်ဒယ်လ်မျိုးစုံ ကားသစ်များ ပြည်တွင်းသို့ ဝင်ရောက်လာခဲ့သည်။

ထိုအခါတွင် ယာဉ်အိုယာဉ်ဟောင်းများနေရာတွင် ခေတ်မီယာဉ်များဝင်ရောက်လာသည်။ ၎င်းတို့အတွက် ခေတ်မီရောဂါရှာဖွေပြင်ဆင်သော နည်းပညာများလည်း တစ်ပါတည်းပါလာသည်။

ထိုကြောင့် သမားရိုးကျလုပ်ကိုင်သည့် ဝပ်ရှော့လုပ်ငန်းများ မှေးမှိန်စပြုလာပြီး အချို့မှာ အလုပ်ပိတ်ပစ်လိုက်ရပြီဖြစ်သည်။

များစွာသော သမားရိုးကျစက်ပြင်ဝပ်ရှော့လုပ်ငန်းများ၏ ၅၀ ရာခိုင်နှုန်းခန့်မှာ ပျောက်ကွယ်သွားကြောင်း လုပ်သက်နှစ် ၂၀ ခန့်ရှိသည့် ဝပ်ရှော့ဆရာဦးသိန်းလွင်က ပြောကြားသည်။

ဦးသိန်းလွင်သည် သုဝဏ္ဏမြို့စုပေါင်းမှတ်တိုင်အနီးတွင် ဟင်္သာမင်းအမည်ဖြင့် ကားဝပ်ရှော့ဖွင့်လှစ်လုပ်ကိုင်နေသူ ဖြစ်သည်။

“အပြောင်းအလဲကို မလိုက်နိုင်ရင် ကျန်ခဲ့မှာပဲ။ အခုနောက်ပိုင်းနည်းပညာအသစ်နဲ့ ကားတွေကို ပြင်နိုင်ဖို့ ကွန်ပျူတာကျွမ်းတဲ့ လူငယ်စက်ပြင်တွေကို ငှားပြီး ကိုယ်ပါ သင်ယူနေရတယ်”ဟု ၎င်းက ပြောသည်။

ယနေ့ခေတ်တွင် ကားများကို ကွန်ပျူတာစနစ်သုံးပြုပြင်ခြင်းသည် ခေတ်စားလာသည်။

ကားပြင်ရာတွင်လည်း ယခင်လို ဆီချေးများပေနေသည့် စက်ပြင်အလုပ်သမားများက တူ၊ ပလာယာတို့ဖြင့် တဒုန်းဒုန်းရိုက်နှက်ကာ ပြုပြင်ခြင်းမျိုးမဟုတ်တော့ဘဲ ဝတ်စုံပြည့်ဝတ်ဆင်ထားသည့် ပညာရှင်များက နေရာယူလာကြသည်။

ကားဘီးဖြုတ်သည့် ကွင်း၊ ခွများပင် ကားအမျိုးအစားအလိုက် ရှိသည်။

အချို့အဆင့်မြင့်ကားပြင်သည့် ဆိုင်ကြီးများဆိုလျှင် ဥရောပကားများကိုသာ သီးသန့်ပြုပြင်ပေးသည်။ ကားပြင်မည်ဆိုပါက ပြင်ဆင်မည့် ကားအမျိုးအစားအလိုက် ဥရောပသို့ Code နံပါတ်တောင်း၍ ပြင်ရသည်များလည်း ရှိသည်။

ဦးဝင်းဇော်သည် Auto Care Motor မှ အုပ်ချုပ်မှုဒါရိုက်တာ ဖြစ်သည်။

ပြည်ပမှ အတွေ့အကြုံများကို သယ်လာပြီးနောက် ၂၀၁၁ ခုနှစ်တွင် အမေရိကန်နှင့် ဥရောပနိုင်ငံထုတ် ယာဉ်များကို ကွန်ပျူတာဖြင့် စက်ချွတ်ယွင်းမှုရှာဖွေစနစ် (Computerized Diagnostic System) ဖြင့် ပြုပြင်သည့် လုပ်ငန်းကို တည်ထောင်ခဲ့သည်။

ခေတ်ကို ကြိုတွေး၍ အပြောင်းအလဲကို မြင်ကာ ပြောင်းလဲခဲ့သောကြောင့် လက်ရှိအချိန်အထိ ရပ်တည်နေနိုင်ခြင်းဖြစ်ကြောင်း ၎င်းက ဆိုသည်။

“ဂျပန်ကား တော်တော်များများလည်း စက်အကူနဲ့ ပြင်ရတာ တော်တော်လေးများလာပြီ။ နောက် လေးငါးနှစ်လောက်ဆို တော်တော်လေးကို ပြောင်းလဲသွားနိုင်ပါတယ်။ အဲဒီတော့ ဘာလုပ်ရမှာလဲ ဝပ်ရှော့ပိတ်ပစ်ရမှာလား။ အဲဒီလိုတော့လည်း မဟုတ်ပါဘူး”ဟု၎င်းက ဆိုသည်။

“ပြောင်းလဲဖို့ လုပ်ရမှာပေါ့။ အဲဒီလို မလုပ်ဘဲ ခေတ်နဲ့အညီ မပြောင်းလဲဘဲနေမယ်ဆိုရင်တော့ ကြာလာရင် လုပ်ငန်းက ပျောက်ကွယ်သွားမှာပဲ”

ကားဝပ်ရှော့လုပ်ငန်းများ ပိတ်ပစ်ရပါ အဆိုပါလုပ်ငန်းတွင် လုပ်ကိုင်နေသည့် အတတ်ပညာတစ်ဆင့် မမြှင့်တင်ထားသော စက်ပြင်လူငယ်များမှာလည်း အလုပ်လက်မဲ့ဖြစ်သွားလေပြီ။

(ခ) တယ်လီဖုန်း ခေါ်ပေးသူ

လွန်ခဲ့သော ရှစ်နှစ်ဝန်းကျင်ကဆိုလျှင် ရန်ကုန်မြို့လယ်တွင် တယ်လီဖုန်း ဆိုင်လေးများ နေရာအနှံ့ရှိသည်။

တစ်ခါတစ်ရံတွင် တန်းစီ၍ပင် စောင့်ရသော အများပြည်သူသုံးတယ်လီဖုန်းဆိုင်များနှင့် ဖုန်းခေါ်ဆိုမှုကို မှတ်သားငွေသိမ်းသည့် အလုပ်ပျောက်ကွယ်လိမ့်မည်ဟု ထိုစဉ်က လူအများ မျှော်လင့်ခဲ့ကြဟန်မတူပေ။

တပ်မတော်အစိုးရ အုပ်ချုပ်မှုကာလက ပြည်သူအများစုသည် တယ်လီဖုန်းဆင်းမ်ကတ်ဈေးနှုန်း မြင့်မားသောကြောင့် အလွယ်တကူ မိုဘိုင်းလ်ဖုန်းမကိုင်နိုင်ကြသဖြင့် အများပြည်သူသုံးတယ်လီဖုန်းဆိုင်များနှင့် ရပ်ကွက်အတွင်းရှိ ပုဂ္ဂလိကဖုန်းဆိုင်များကိုသာ အားကိုးခဲ့ကြရသည်။

၂၀၁၃ ခုနှစ် နောက်ပိုင်းမှစ၍ ဆင်းမ်ကတ်တစ်ခု ၁၅၀၀ ကျပ်နှုန်းနှင့် MPT,Telenor,Ooredoo စသည့် မိုဘိုင်းလ်ဆက်သွယ်ရေး အော်ပရေတာများဈေးကွက်အတွင်း ဝင်ရောက်လာရာ လူတိုင်းနီးပါး မိုဘိုင်းလ်ဖုန်းများ အသုံးပြုလာနိုင်ခဲ့သည်။

ဆူးလေလမ်းမပေါ်မှ ပျောက်ကွယ်သွားပြီဖြစ်သည့် အများပြည်သူဆက်သွယ်ရေး ၀န်ဆောင်မှုတစ်ခု

ထိုသို့ဖြင့် အများပြည်သူသုံးတယ်လီဖုန်းဆိုင်များနှင့် ပုဂ္ဂလိကဖုန်းဆိုင်များမှာ ကွယ်ပျောက်ခဲ့ရသည်။

အများပြည်သူသုံးတယ်လီဖုန်းဆိုင်များ ပျောက်ကွယ်ရခြင်းနှင့် ကျွဲကူးရေပါဆိုသလိုပင် ဖုန်းခေါ်ဆိုခကောက်ခံ ငွေသိမ်းသည့် အလုပ်များလည်း ပျောက်ကွယ်ခဲ့လေသည်။

(ဂ) ယာဉ်အကူ

ရန်ကုန်မြို့တော်ကြီးရှိ သာမန်လူတန်းစားတို့ကို ကျွန်သဖွယ်ဆက်ဆံခဲ့ သူတို့ မြင်နေကျနေရာများတွင် မရှိကြတော့ပါ။

ဝန်ကြီးချုပ်ဦးဖြိုးမင်းသိန်း ဦးဆောင်သည့် ရန်ကုန်တိုင်းဒေသကြီးအစိုးရအဖွဲ့က ၂၀၁၇ ခုနှစ် ဇန်နဝါရီလအတွင်း Yangon Bus Service (YBS) ခေါ် မြို့တော်သယ်ယူပို့ဆောင်ရေးယာဉ်လိုင်းစနစ်သစ် အကောင်အထည်ဖော်ခဲ့ရာ ဘတ်စ်ကားပေါ်မှ ယာဉ်အကူများမှာ အလုပ်ပြုတ်ခဲ့ရသည်။

စပယ်ယာမပါဘဲ လေအေးစက်ဖွင့် မြို့တွင်းပြေးဆွဲနေသည့် YBS တစ်စီးမှ ခရီးသည်များ

YBS ကားများတွင်ယာဉ်မောင်းသာပါပြီး ကားခကောက်ခံသည့် ယာဉ်အကူ မပါချေ။

YBS ကားများတွင် ကားခကို ဘတ်စ်ကားပေါ်ရှိ ပုံးထဲသို့သာ ထည့်ရသည်။

ယာဉ်အကူများသည် ခရီးသည်များကို ရိုင်းပြစွာပြောဆိုဆက်ဆံတတ်ပြီး ယာဉ်တစ်စီးနှင့် တစ်စီး ပြိုင်ဆိုင်မောင်းနှင်စေရန် ယာဉ်မောင်းများကို မြှောက်ပင့်ပေးသောကြောင့် ယာဉ်အကူအလုပ်ကို ဖယ်ရှားရခြင်းဖြစ်ကြောင်း ဝန်ကြီးချုပ်ဦးဖြိုးမင်းသိန်းက ပြောဆိုထားသည်။

ထိုသို့ဖြင့် ဘတ်စ်ကားများပေါ်တွင် စွာကျယ်ရိုင်းပျတတ်သော ယာဉ်အကူများ လုံးပါးပါးသွားရသည်။

(ဃ) အခြားအလုပ်အကိုင်များ

မြို့ပြပေါ်တွင် ပျောက်ကွယ်သွားသည့် အလုပ်အကိုင်များနည်းတူ နယ်ဒေသများတွင် ပျောက်ကွယ်နေသော အလုပ်များ ရှိနေသည်။

“အခုဆို ကျောက်ပန်းတောင်း၊ ညောင်ဦးဘက်မှာ ထန်းပင်တက်တဲ့ လူတွေမရှိလို့ ထန်းလျက်လုပ်ငန်းတွေ ပျောက်သလို ဖြစ်နေတာပေါ့။ မြိတ်၊ တနင်္သာရီဘက်မှာ ဓနိတောတွေ ရှားပါးလာတဲ့အတွက် ဓနိနဲ့ ဆက်စပ်တဲ့လုပ်ငန်းတွေလည်း ရှားပါးနေတယ်” ဟု အလုပ်ရုံနှင့် အလုပ်သမားဥပဒေစစ်ဆေးရေး ဦးစီးဌာန ညွှန်ကြားရေးမှူးချုပ် ဦးညွှန့်ဝင်းက ပြောဆိုသည်။

ထို့အတူ အစိုးရက ပဲခူးရိုးမအတွင်း သစ်ထုတ်လုပ်မှုရပ်ဆိုင်းလိုက်သောကြောင့် သစ်ထုတ်လုပ်မှုအခြေခံ အလုပ်အကိုင်အချို့လည်း ရပ်ဆိုင်းသွားခဲ့သည်။

ဤသို့ဖြင့် အနာဂတ်သို့ ကြိုမကြည့်နိုင်သဖြင့် အပြောင်းအလဲကို ကြိုမမြင်၍ မပြင်ဆင်နိုင်သူများမှာ လတ်တလော အလုပ်လက်မဲ့ဘ၀ ရောက်သွားနိုင်သည်။

၂။ ပစ္စုပ္ပန် အလုပ်အကိုင်

အနာဂတ်တွင် မည်သည့်အလုပ်အကိုင်အခွင့်အလမ်းများ ခေတ်စားလာမည်ကို မမျှော်ကြည့်ရသေးခင် ပြည်တွင်းအလုပ်အကိုင်ခေါ်ယူမှု၊ လျှောက်ထားမှုအခြေအနေများကိုလည်း စေ့ငုကြည့်ရန် လိုသည်။

ယနေ့ခေတ် ပြည်တွင်းအလုပ်အကိုင် ခေါ်ယူမှု၊ လျှောက်ထားမှုအခြေအနေများမှာ မည်ကဲ့သို့ရှိလေသနည်း။

ပြည်တွင်းအလုပ်အကိုင်ခေါ်ယူမှု၏ ကုမ္ပဏီပိုင်းဆိုင်ရာအလုပ်များတွင် အရောင်းပိုင်းနှင့် စီးပွားရေးတိုးတက်မှုဆိုင်ရာ အလုပ်အကိုင်များ (Sales and Business Development) က ခေါ်ယူမှု ပိုမိုမြင့်မားနေပြီး ဒုတိယအနေနှင့် နည်းပညာ၊ အင်ဂျင်နီယာအလုပ်အကိုင်များက ခေါ်ယူမှုမြင့်မားနေသည်။

တတိယအနေနှင့်မူ ငွေကြေးနှင့် စာရင်းကိုင် (Accounting and Finance) အလုပ်က ခေါ်ယူမှုမြင့်နေကြောင်း ပြည်တွင်းအလုပ်အကိုင်ရှာဖွေရေး အေဂျင်စီများထံမှ သိရသည်။

(က) အရောင်းနှင့် စီးပွားရေး ဆိုင်ရာအလုပ်အကိုင်များ (Sales and Business Development)

ပြည်တွင်းအလုပ်အကိုင်ရှာဖွေရေး အင်တာနက်စာမျက်နှာတစ်ခုဖြစ်သော My Job ၏ စာရင်းများအရ လက်ရှိ ၂၀၁၈ ခုနှစ် မေလအထိ My Job နှင့်ချိတ်ဆက်ထားသော ကုမ္ပဏီများတွင် အရောင်းနှင့် စီးပွားရေး ဖွံ့ဖြိုးတိုးတက်မှုဆိုင်ရာ အလုပ်အကိုင်ပေါင်း ၈၆၆ ခု လစ်လပ်နေပြီး အလုပ်ခေါ်ယူမှု အမြင့်ဆုံးအနေအထားတွင် ရှိနေသည်။

အရောင်းနှင့်စီးပွားရေးဖွံ့ဖြိုးတိုးတက်မှုကဏ္ဍတွင် အရောင်းမြှင့်တင်သည့် Marketing အလုပ်အကိုင်များ၊ စီးပွားရေးစီမံခန့်ခွဲမှုစသည့် အလုပ်အကိုင်များလည်း ပါဝင်သည်။

My Job သည် ၂၀၁၂ ခုနှစ်ကတည်းက မြန်မာနိုင်ငံတွင် အလုပ်ရှာဖွေသူများနှင့် အလုပ်ရှင်များကြား ဆက်သွယ်ချိတ်ဆက်ပေးသည့် အင်တာနက်စာမျက်နှာတည်ထောင်၍ လုပ်ငန်းလည်ပတ်နေသော အလုပ်အကိုင်ရှာဖွေရေးအေဂျင်စီတစ်ခု ဖြစ်သည်။

၎င်းတို့နှင့် ချိတ်ဆက်ထားသည့် မြန်မာပြည်တွင်းကုမ္ပဏီပေါင်း ၇၀၀ ကျော်ရှိနေကြောင်း My Job ထံမှ သိရသည်။

အရောင်းနှင့်စီးပွားရေး ဖွံ့ဖြိုးတိုးတက်မှုဆိုင်ရာ အလုပ်အကိုင်များသည် ကုမ္ပဏီများ၏ တိုးတက်ရေးအတွက် အခြေခံအကျဆုံးအလုပ်များဖြစ်နေရာ ကျွမ်းကျင်သူများလိုအပ်လျက်ရှိကြောင်း My Job ထံမှ သိရသည်။

(ခ) နည်းပညာနှင့် အင်ဂျင်နီယာ အလုပ်အကိုင်များ

ဒုတိယအများဆုံး အလုပ်ခေါ်ယူနေသည့် အလုပ်အကိုင်ကဏ္ဍမှာ နည်းပညာနှင့် အင်ဂျင်နီယာဆိုင်ရာ အလုပ်အကိုင်များဖြစ်ပြီး အလုပ်အကိုင်ပေါင်း ၅၆၄ နေရာခေါ်ယူနေကြောင်း My Job မှ သိရသည်။

မြန်မာနိုင်ငံအတွင်းရှိ ကုမ္ပဏီလုပ်ငန်းများသည် ၎င်းတို့၏ ကုန်စည်နှင့်ဝန်ဆောင်မှုများ ပိုမိုအရည်အသွေး ကောင်းမွန်နိုင်ရန် နည်းပညာနှင့်အင်ဂျင်နီယာကျွမ်းကျင်သူများလိုအပ်နေကြောင်း My Job ၏ အမှုဆောင်အရာရှိချုပ် Mr.Hans van Beek က ပြောကြားသည်။

ထို့ကြောင့် အဆိုပါကဏ္ဍဆိုင်ရာကျွမ်းကျင်သူများကို အလုပ်ခေါ်ယူမှုမြင့်မားရခြင်းဖြစ်ကြောင်း ၎င်းက The Voice Journal သို့ ပြောသည်။

(ဂ) ငွေကြေးနှင့် စာရင်းကိုင်အလုပ်များ

တတိယ အလုပ်အကိုင်ခေါ်ယူမှုအများဆုံးကဏ္ဍမှာ ငွေကြေးနှင့်စာရင်းကိုင်အလုပ်များဖြစ်ပြီး အလုပ်ခေါ်ယူမှု ၅၃၀ကျော် ရှိနေကြောင်း My Jon မှ သိရသည်။

ငွေကြေးနှင့်စာရင်းကိုင်အလုပ်အကိုင်များသည်လည်း ကုမ္ပဏီအဖွဲ့အစည်းများ လုပ်ငန်းလည်ပတ်နိုင်ရေးအတွက် မရှိမဖြစ်လိုအပ်သည်ဖြစ်သောကြောင့် အလုပ်အကိုင်ခေါ်ယူမှုမြင့်မားသည့် ကဏ္ဍအနေနှင့် ပါဝင်နေခြင်းဖြစ်ကြောင်း Mr.Hans van Beek က ပြောသည်။

(ဃ) ရှာဖွေမှုအများဆုံး အလုပ်များ

အလုပ်ရှာသူများဘက်ကမူ နည်းပညာနှင့် အင်ဂျင်နီယာဆိုင်ရာ အလုပ်များ၊ ငွေကြေးနှင့်စာရင်းကိုင်အလုပ်များကိုသာ အဓိကရှာဖွေကြပြီး အရောင်းမြှင့်တင်မှုဆိုင်ရာ အလုပ်အကိုင်များကိုရှာဖွေ လျှောက်ထားမှုနည်းပါးကြောင်း မစ္စတာ Hans van Beek က ဆိုသည်။

အလုပ်အကိုင်ရှာဖွေရေးပွဲတစ်ခုတွင် အွန်လိုင်းပေါ်မှ ဖောင်ဖြည့်နေကြသူများကို တွေ့မြင်ရစဉ်။

အရောင်းမြှင့်တင်မှုဆိုင်ရာ အလုပ်အကိုင်များလျှောက်ထားမှုနည်းပါးရခြင်းမှာ လူအများ၏ မှားယွင်းသော ယူဆချက်များကြောင့်ဖြစ်ကြောင်း ၎င်းက ဆိုသည်။

“ဒီအလုပ်ကို လူတွေက လစာနည်းတယ်ဆိုပြီး ထင်မြင်ယူဆထားတယ်။ နောက်ပြီး လုပ်ရတာခက်ခဲတယ်လို့ ထင်တဲ့အတွက် လုပ်နိုင်ပါ့မလားဆိုပြီး ထင်မြင်တာတွေကြောင့်ရယ် အနည်းဆုံးလျှောက်ခြင်းဖြစ်ကြတယ်”ဟု Mr.Hans van Beek ကပြောပြသည်။

နည်းပညာနှင့်အင်ဂျင်နီယာဆိုင်ရာအလုပ်အကိုင်များ၊ ငွေကြေး၊ စီးပွားရေးနှင့် စာရင်းကိုင်အလုပ်များသည် ယင်းအတတ်ပညာဖြင့် ကျောင်းပြီးသူများပြားသောကြောင့် လျှောက်ထားမှုများပြားခြင်းဖြစ်နိုင်ကြောင်း ၎င်းက ဆိုသည်။

ထို့အပြင် လစာပေးနှုန်းများမြင့်မားသောကြောင့်လည်း လျှောက်ထားသူများပြားရခြင်း ဖြစ်နိုင်ကြောင်း Mr.Hans van Beek က သုံးသပ်သည်။

နည်းပညာနှင့်အင်ဂျင်နီယာဆိုင်ရာအလုပ်အကိုင်များ၊ ငွေကြေး၊ စီးပွားရေးနှင့် စာရင်းကိုင်အလုပ်များသည် ကျွမ်းကျင်မှုကို လိုက်၍ အနည်းဆုံးလစာ ကျပ်သုံးသိန်းမှ အများဆုံးလစာ အမေရိကန်ဒေါ်လာ ၄၀၀၀ ရှိကြောင်း ၎င်းက ခန့်မှန်းပြောဆိုသည်။

(င) ကော်လံပြာအလုပ်များအတွက် အလုပ်အကိုင်

နည်းပညာနှင့် အင်ဂျင်နီယာအလုပ်အကိုင်များ၊ စာရင်းကိုင်အလုပ် စသည့် အလုပ်အကိုင်များသည် သက်ဆိုင် ရာနယ်ပယ်အလိုက် ပညာအရည်အချင်းပြည့်စုံ၍ လျှောက်ထားကြသည့် ကျွမ်းကျင်အလုပ်အကိုင်များ တစ်နည်းအားဖြင့် ကော်လံဖြူအလုပ်များ ဖြစ်သည်။

အလုပ်အကိုင်ဟုဆိုရာတွင် ကော်လံဖြူအလုပ်အကိုင်များအပြင် အတန်းပညာမပြီးဆုံးဘဲ အခြေခံပညာကျောင်းသားဘ၀မှာပင် ကျောင်းထွက်လိုက်ရသူများ လုပ်ကိုင်သည့် ကော်လံပြာအလုပ်များလည်း ရှိသည်။

ကော်လံပြာအလုပ်များဆိုသည်မှာ စက်ရုံများတွင် အလုပ်လုပ်ခြင်း၊ ပန်းရန်၊ အုတ်စီ၊ မဆလာဖျော်၊ စက်ပြင် စသည့် အခြေခံအလုပ်များပင် ဖြစ်သည်။

ယင်း အလုပ်လျှောက်ကြသူများသည် အွန်လိုင်းမှတစ်ဆင့် ကိုယ်ရေးရာဇဝင်တင်၍ အလုပ်လျှောက်လေ့မရှိကြဘဲ နီးစပ်ရာ မိတ်ဆွေအဆက်အသွယ်များမှတစ်ဆင့် အလုပ်လျှောက်ထားလေ့ ရှိသည်။

သို့ဖြစ်ရာ ပမာဏမည်မျှရှိသည်ကို ခန့်မှန်းရန် ခက်ခဲသည်။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ကောက်ယူထားသော ၂၀၁၄ ခုနှစ် သန်းခေါင်စာရင်းအရ မြန်မာနိုင်ငံတွင် အသက်၁၀နှစ်နှင့် အထက် အလုပ်လုပ်ကိုင်နိုင်သူ သန်း ၄၀ ကျော် ရှိသည်။

ယင်းတို့အနက် အစိုးရဝန်ထမ်းတစ်သန်းကျော်နှင့် လုပ်ငန်းရှင်တစ်သန်းကျော်ရှိနေပြီး ပုဂ္ဂလိကအဖွဲ့အစည်းများတွင် အလုပ်လုပ်ကိုင်နေသည့် အလုပ်သမားခုနစ်သန်းကျော် ရှိနေသည်။

အလုပ်ရှာနေဆဲလူများမှာ တစ်နိုင်ငံလုံးအတိုင်းအတာဖြင့် ကိုးသိန်းခွဲကျော်ရှိပြီး မည်သည့်အလုပ်မျှ မရှာဘဲ အိမ်တွင်နေထိုင်သူများမှာ တစ်သိန်းခုနှစ်သောင်းကျော် ရှိနေသည်။

လူတိုင်း၏လက်ထဲတွင် မိုဘိုင်းဖုန်းများရောက်ရှိလာပြီးနောက် မြန်မာနိုင်ငံ၌ အလုပ်ခေါ်ယူမှု အလုပ်အကိုင်ရှာဖွေမှုပုံစံသည် အင်တာနက်အခြေပြုချိတ်ဆက်မှုပုံစံသို့ သွားနေကြောင်း ပြည်တွင်းအလုပ်အကိုင်ရှာဖွေရေးလုပ်ငန်းတစ်ခုဖြစ်သော Job Net မှ လူထုဆက်ဆံရေး မန်နေဂျာ ကိုမှူးအိမ်ဇော်က ပြောသည်။

သတင်းအချက်အလက် ဆက်သွယ်မှု နည်းပညာပိုမိုတိုးတက်လာသည်နှင့်အမျှ အလုပ်အကိုင်ရှာဖွေခေါ်ယူမှုလမ်းကြောင်းသည် အနာဂတ်တွင် အင်တာနက်အခြေပြုချိတ်ဆက်မှုသို့ ပိုမိုရောက်ရှိသွားနိုင်ကြောင်းလည်း ၎င်းက သုံးသပ်သည်။

၃။ အနာဂတ်ကမ္ဘာတွင် ပျောက်ဆုံးနိုင်သည့် အလုပ်အကိုင်များ

နည်းပညာမြင့် ကမ္ဘာကြီးသည် လူအများအပြားကို အလုပ်ဖြုတ်ပစ်နေသည်။

၂၀၃၀ ပြည့်နှစ်တွင် လူသားလုပ်သား သန်း ၈၀၀ ၏ နေရာတွင် စက်ရုပ်များ အစားထိုးဝင်ရောက်လာမည် ဖြစ်သောကြောင့် လူသားတို့အလုပ်လက်မဲ့ဖြစ်ရမည့်အရေးကို ကြိုတွေးထားသင့်ကြောင်း ၂၀၁၇ ခုနှစ်အတွင်းကပင် McKinsey အဖွဲ့ကြီးက ပြောဆိုထားသည်။

အမေရိကန်ပြည်ထောင်စုနယူးယောက်မြို့တွင် အခြေစိုက်ထားသည့် McKinsey သည် ကမ္ဘာပေါ်တွင် ထင်ရှားသောစီမံခန့်ခွဲရေးဆိုင်ရာကုမ္ပဏီကြီးတစ်ခုဖြစ်ပြီး ၂၀၃၀ တွင် စက်များက လူသားတို့၏ အလုပ်အကိုင်နေရာများကို သိမ်းပိုက်သွားမည်ဟု ဆိုထားသည်။

လူသားတို့ အလုပ်လက်မဲ့အများဆုံးဖြစ်သွားမည့် အလုပ်နေရာများမှာ အမြန်စားအစားအစာလုပ်ငန်း၊ စက်ပြင် လုပ်ငန်းများ၊ ဥယျာဉ်ထိန်းသိမ်းရေးလုပ်ငန်း၊ ပိုက်ပြင်၊ ကလေးထိန်းစသည့် အလုပ်အကိုင်များဖြစ်ပြီး ထိုလုပ်ငန်းများတွင် စက်ရုပ်များကို ဖြည့်ဆည်းကြမည်ဟု ဆိုသည်။

McKinsey ၏ အစီရင်ခံစာကို အလုပ်အကိုင်အခွင့်အလမ်းနှင့် ဆုံးရှုံးမှုဟု အမည်ပေးထားပြီး စက်များက လူသားတို့နေရာသို့ ရောက်ရှိလာနိုင်သည့် အကြောင်းအရင်းများကို ရေးသားဖော်ပြထားသည်။

အစီရင်ခံစာအရ ကမ္ဘာပေါ်တွင် ကွန်ပျူတာစက်တပ်ဆင်မှု၌ တရုတ်နိုင်ငံသည် ပမာဏအများဆုံး ဖြစ်လာနိုင်ဖွယ်ရှိပြီး တရုတ်တို့၏ အလုပ်လက်မဲ့ပြဿနာသည် ကမ္ဘာကိုပါ ရိုက်ခတ်လာနိုင်၍ လူအများ ကြိုတင်စဉ်းစားထားရန် လိုအပ်ကြောင်း ဖော်ပြထားသည်။

၎။ အနာဂတ်မြန်မာတွင် ပျောက်ဆုံးသွားနိုင်သည့် အလုပ်အကိုင်များ

လယ်ယာစိုက်ပျိုးရေးတွင် လုပ်သားအင်အားအများဆုံး ဖြစ်နေဆဲဖြစ်သော မြန်မာနိုင်ငံတွင် လာမည့်နှစ်ပိုင်း အတွင်း အလုပ်အကိုင်အမျိုးအစားအချို့ ပျောက်ကွယ်သွားဖွယ် ရှိနေသည်။

ထို့အပြင် လွယ်ကူ၍ ထပ်ခါထပ်ခါ လုပ်ဆောင်ရသော အလုပ်များအနာဂတ်တွင် ပျောက်ကွယ်သွားနိုင်ပြီး အဆိုပါအလုပ်လုပ်ကိုင်နေသော လူသားများနေရာတွင် ကွန်ပျူတာစနစ်နှင့်စက်များက အစားထိုးနေရာ ယူလာနိုင်ကြောင်း မြန်မာနိုင်ငံကွန်ပျူတာအသင်းချုပ် တွဲဖက်အထွေထွေအတွင်းရေးမှူး ဒေါက်တာထွန်းသူရသက်က ခန့်မှန်းပြောဆိုသည်။

ပညာရှင်များ၏ အဆိုအရ အနာဂတ်တွင် ပျောက်ကွယ်သွားနိုင်သည့် လုပ်ငန်း များတွင် အထည်ချုပ်လုပ်သား၊ ယာဉ်မောင်း၊ ခရီးသွားအေးဂျင့်၊ စာပို့သမားအလုပ်အကိုင်၊ ပစ္စည်းသယ်ယူပို့ဆောင်ရေးဝန်ဆောင်မှုပေးသည့် Delivery Services အလုပ်အကိုင်များ အနာဂတ်တွင် ပျောက်ကွယ်သွားနိုင်ခြေရှိသည်။

(က) အထည်ချုပ်

မြန်မာနိုင်ငံတွင် အနာဂတ်၌စက်မှုကုန်ထုတ်လုပ်ငန်းနှင့် စိုက်ပျိုးရေးကဏ္ဍတို့တွင် စက်စ္စည်းများ အစားထိုးဝင်ရောက်လာနိုင်ခြေရှိပြီး ယင်းလုပ်ငန်းများ၌ အလုပ်လုပ်ကိုင်နေသူများသည် မိမိတို့ အသက်မွေးဝမ်းကျောင်းအတတ်ပညာကို တစ်ဆင့်မြှင့်တင်ထားသင့်ကြောင်း မြန်မာနိုင်ငံအလုပ်သမားသမဂ္ဂများ အဖွဲ့ချုပ် (CTUM) ၏ ဥက္ကဋ္ဌဦးမောင်မောင်က ပြောကြားသည်။

“ဥပမာ ပုဂ္ဂလိကအထည်ချုပ်လုပ်ငန်းတွေ ဆိုပါစို့။ စက်တွေနဲ့ ချုပ်တာတွေက သူများနိုင်ငံမှာ ခေတ်စားနေပြီ။ အဲဒီတော့ အနာဂတ်ဆိုတဲ့နေရာမှာ မြန်မာနိုင်ငံအတွက် စက်တွေနဲ့ ချုပ်တာတွေက ဖြစ်နိုင်ပါတယ်”ဟု ၎င်းက ဆိုသည်။

စက်မှုလုပ်ငန်းများ၌ လုပ်သားအင်အားနှင့် လုပ်ငန်းလည်ပတ်သည့် နေရာတွင် စက်များ အစားထိုးဝင်ရောက် လာနိုင်သည့် အခြားအကြောင်းအရင်းတစ်ရပ်လည်း ရှိသေးသည်။

မြန်မာနိုင်ငံတွင် အလုပ်သမားဥပဒေအရ အလုပ်သမားများက၂နှစ် တစ်ခါ အနည်းဆုံးလုပ်ခလစာ တောင်းဆိုနေကြသော်လည်း လစာနှင့် ထိုက်တန်သည့် ကျွမ်းကျင်မှုမရှိသည့် အလုပ်သမားများကို အလုပ်ရှင်များအနေနှင့် အလုပ်ဖြုတ်ခွင့်မရှိပေ။

ကျွမ်းကျင်မှုမရှိသည့် အလုပ်သမားများနှင့် လုပ်ငန်းလည်ပတ်ပါက ထုတ်လုပ်မှု အရည်အသွေးကျနိုင်သည့် ပြဿနာရှိနေသကဲ့သို့ လူကို အလုပ်ခန့်ထားသည်ဖြစ်ရာ အလုပ်သမားရေးရာ အငြင်းပွားမှုပြဿနာများလည်း ရှိနိုင်ကြောင်း မြန်မာနိုင်ငံကွန်ပျူတာပညာရှင်အသင်း၏ အမှုဆောင်အဖွဲ့ဝင်တစ်ဦးဖြစ်ပြီး မန္တလေးတိုင်း ကွန်ပျူတာလုပ်ငန်းရှင်များအသင်း၏ နာယကလည်းဖြစ်သူ ဦးရဲမြတ်သူက ပြောဆိုသည်။

ထုတ်လုပ်မှုအရည်အသွေးကျပါက စီးပွားရေးမကောင်းဖြစ်လာပြီး စက်ရုံပိတ်ရနိုင်ကြောင်း ၎င်းကဆိုသည်။

“အဲဒီအခါကျရင် အလုပ်လုပ်တဲ့သူက ရှင်းရှင်းလေးနှစ်မျိုးပဲ စဉ်းစားတော့မှာ စက် (ကို) ပြောင်းမှာလား၊ အလုပ် ပိတ်မှာလား ဆိုတာပဲ။ သူတို့က အလုပ်မပိတ်ချင်ရင် စက်ကိုသုံးမှာ” ဟု ဦးရဲမြတ်သူက ပြောသည်။

စက်များသည် လုပ်ဆောင်ရမည့် အစီအစဉ်အတိုင်း Program ရေးဆွဲပေးကာ လည်ပတ်ပါက လူသားများထက် အလုပ်ပိုမိုတိကျပြီး အလုပ်သမားရေးရာပြဿနာများလည်း ကင်းဝေးသွားမည်ဖြစ်ကြောင်း ၎င်းက သုံးသပ်သည်။

(ခ) ယာဉ်မောင်း

နောက်ထပ်စိတ်ဝင်စားဖွယ်လုပ်ငန်းတစ်ခုမှာ ယာဉ်မောင်းလုပ်ငန်းဖြစ်သည်။

ဂျပန်နိုင်ငံရှိ နာမည်ကျော် ကားကုမ္ပဏီကြီးတစ်ခုဖြစ်သော Nissan သည်လည်း ၂၀၁၈ ခုနှစ်မှ စတင်၍ မောင်းသူမဲ့ကားများ ပြေးဆွဲနိုင်ရန် ယိုကိုဟားမားမြို့တော်တွင် စမ်းသပ်ပြေးဆွဲမှုများ ပြုလုပ်နေသည်။

ယင်းစမ်းသပ်မှုလုပ်ငန်းကို Nissanနှင့် အခြားနည်းပညာကုမ္ပဏီ တစ်ခုဖြစ်သော DeNa တို့ ပူးပေါင်းဆောင်ရွက်နေခြင်း ဖြစ်သည်။

General Motors ကားကုမ္ပဏီကမူ လာမည့် ၂၀၁၉ ခုနှစ်တွင် မောင်းသူမဲ့ ကားများထုတ်လုပ်မည်ဟု ကြွေးကြော်ထားပြီး Fords ကုမ္ပဏီကမူ လာမည့် ၂၀၂၁ ခုနှစ်မှသာ မောင်းသူမဲ့ကားများ ထုတ်လုပ်မည်ဟု ကြေညာထားသည်။

သို့ဖြစ်ရာအနာဂတ်တွင် တက္ကစီယာဉ်မောင်းအလုပ်များ ဆက်လက်တည်တံ့နေမည့်ကိစ္စမှာ မသေချာသည့်သဘော ဖြစ်နေသည်။

“အခုနောက်ပိုင်း Uber ကုမ္ပဏီဆိုရင် ကားတွေကို မောင်းသူမဲ့နည်းပညာ စမ်းသပ်နေတာတွေရှိတယ်။ တချို့ အလုပ်တွေက ပျောက်သွားပြီးတော့ အနာဂတ်မှာ အလုပ်အသစ်တွေပေါ်လာဖို့ပဲ ရှိတယ်”ဟု မြန်မာနိုင်ငံကွန်ပျူတာအသင်းချုပ် တွဲဖက်အထွေထွေအတွင်းရေးမှူးဒေါက်တာထွန်းသူရသက်က The Voice Journal သို့ ပြောသည်။

(ဂ) ခရီးသွားအေးဂျင့်

မြန်မာနိုင်ငံတွင် လူတိုင်းအင်တာနက်ကို အသုံးပြုလာပါက သွားလိုသည့်ခရီးစဉ်ကို ကိုယ်တိုင်စီစဉ်လာနိုင်မည် ဖြစ်ရာ ခရီးစဉ်စီစဉ်ပေး၍ ဝန်ဆောင်ခရယူသည့် ခရီးသွားအေးဂျင့်အလုပ်အကိုင်များမှာ အနာဂတ်တွင် ပျောက်ကွယ်သွားနိုင်ခြေရှိသည်။

ဩစတြေးလျနိုင်ငံအခြေစိုက် ငယ်ရွယ်သော ဩစတြေးလျန်းများအတွက် ဖောင်ဒေးရှင်း (FYA) ၏ ၂၀၁၇ ခုနှစ်အတွင်း သုတေသနပြုချက်အရ လာမည့် ၂၀၃၀ပြည့်နှစ် ကမ္ဘာပေါ်တွင် ပျောက်ကွယ်သွားမည့် အလုပ်အကိုင်များထဲတွင် ခရီးသွားအေးဂျင့်အလုပ်များလည်း ပါဝင်သည်။

လက်ရှိ ဥရောပရှိ လူအချို့သည် ခရီးသွားအေးဂျင့်များမှတစ်ဆင့် ခရီးသွားခြင်းမျိုးထက် ကိုယ်ကိုယ်တိုင်ခရီးစဉ်စီစဉ်ကာ ခရီးထွက်ခြင်းမျိုးကို အင်တာနက်အွန်လိုင်းအသုံးပြု၍ ဆောင်ရွက်လာကြကြောင်း FYA ၏ သုတေသနစာတမ်းတွင် ဖော်ပြထားသည်။

သို့ဖြစ်ရာ များစွာသော ခရီးသွားအေဂျင်စီများကလည်း ၎င်းတို့၏ ရုံးခွဲများကို ပိတ်ပစ်၍ အွန်လိုင်းအခြေပြုခရီးစဉ်များ ပိုမိုဖန်တီးနိုင်ရေးအာရုံစိုက်နေကြပြီ ဖြစ်သည်။

(ဃ) စာပို့သမား

ထို့အပြင် အင်တာနက်မှတစ်ဆင့် လူအချင်းအချင်းအနာဂတ်တွင် ပိုမိုဆက် သွယ်နိုင်မည် ဖြစ်သောကြောင့်လည်း စာပို့သမားအလုပ်အကိုင်များမှာ အနာဂတ်တွင် ပျောက်ကွယ်သွားနိုင်ကြောင်း ပညာရှင်များက ခန့်မှန်းကြသည်။

လက်ရှိမြန်မာနိုင်ငံတွင်ပင် 4G အင်တာနက်ကွန်ရက်စနစ် ပိုမိုကောင်းမွန်လာရာ ကုမ္ပဏီလုပ်ငန်းအများ အပါအဝင် အဖွဲ့အစည်းအသီးသီးကြား ဆက်သွယ်မှုသည် E-mail မှ တစ်ဆင့်သာ စာပေးပို့ ဆက်သွယ်လာကြသည်။

ဗြိတိန်ရှိ British Gas ကဲ့သို့ စွမ်းအင်ကုမ္ပဏီကြီးများပင် စာရွက်ဖြင့်ထုတ်ပြန်ချက်ထုတ်ခြင်းတို့ကို စွန့်လွှတ် ခဲ့သည့်မှာ ငါးနှစ်ခန့်ရှိနေပြီဖြစ်သည်။

အနာဂတ်တွင် အင်တာနက်ဆက်သွယ်မှုစနစ်များ ပိုမိုကောင်းမွန်လာမည်ဖြစ်ရာ စာပို့သမားအလုပ်မှာ ပျောက်ကွယ်သွားနိုင်ခြေရှိကြောင်း အလုပ်အကိုင်ရေးရာ ကျွမ်းကျင်သူများက ဆိုသည်။

(င) ကုန်ပစ္စည်းသယ်ယူပို့ဆောင် ဝန်ဆောင်မှု

မျက်မှောက်ခေတ် ကမ္ဘာ့နိုင်ငံအသီးသီးတွင် မောင်းသူမဲ့လေယာဉ်အသုံးပြုမှုများ ခေတ်စားနေပြီး အနာဂတ်ကာလတွင် မောင်းသူမဲ့လေယာဉ်များမှာ ပိုမိုအဆင့်မြင့်၍ ဈေးနှုန်းသက်သာလာစေရန် ပညာရှင်များက ကြံဆတီထွင်နေကြသည်။

ထို့ကြောင့် အနာဂတ်မြန်မာနိုင်ငံတွင် ပစ္စည်းသယ်ယူပို့ဆောင်ဝန်ဆောင်မှုပေးသည့် လုပ်ငန်း၌ လူသားပစ္စည်းပို့ပေးသူများနေရာတွင် မောင်းသူမဲ့လေယာဉ်များက ဝင်ရောက်နေရာယူလာနိုင်ကြောင်း ပညာရှင်များက ပြောဆိုကြသည်။

အမေရိကန်အခြေစိုက် Uber ကားအငှားလုပ်ငန်းအပါအဝင် တရုတ်အွန်လိုင်းဈေးအရောင်းဝက်ဘ်ဆိုက်တစ်ခု ဖြစ်သော Alibaba ကလည်း မောင်းသူမဲ့လေယာဉ်ထုတ်လုပ်မှုလုပ်ငန်းများ၌ ရင်းနှီးမြှုပ်နှံနေပြီး ၂၀၁၈ ခုနှစ် မတ်လမှ စတင်ကာ သုတေသနပြုလုပ်မှုများ ပိုမိုလုပ်ဆောင်နိုင်ရန် မျှော်လင့်ကြောင်း ဆိုထားကြသည်။

သို့ဖြစ်ရာ မောင်းသူမဲ့လေယာဉ်များ အသုံးပြု၍ ပစ္စည်းများသယ်ယူပို့ဆောင်ဝန်ဆောင်မှုပေးသည့် လုပ်ငန်းမှာ လက်ရှိကမ္ဘာတွင် မစတင်နိုင်သေးသော်လည်း လာမည့်အနာဂတ်တွင် အသုံးပြုမှုတွင်ကျယ်လာနိုင်ခြေ ရှိနေသည်။

၎။ အနာဂတ်တွင် ခေတ်စားလာနိုင်သော အလုပ်အကိုင်များ

အနာဂတ်ကာလတွင် ခေတ်စားလာနိုင်သော အလုပ်အကိုင်များကို ခန့်မှန်းရသည်မှာ လွယ်ကူသည့်ကိစ္စ မဟုတ်တော့ မဟုတ်ပေ။

အထူးသဖြင့်အပြောင်းအလဲမြန်ဆန်ပြီး ခန့်မှန်းရခက်သော မြန်မာနိုင်ငံအတွက်မူသာ၍ပင် ခက်သေးသည်။

လွန်ခဲ့သည့် ၁၀နှစ် ၂၀၀၈ ခုနှစ်ခန့်က ယနေ့ ၂၀၁၈ ခုနှစ်၌ ခေတ်စားလာမည့် အလုပ်အကိုင်များဖြစ်သော ကွန်ပျူတာပရိုဂရမ်ရေးသူ Programmer ၊ ဝက်ဘ်ဆိုက်ရေးဆွဲခြင်းနှင့် ပြုပြင်ထိန်းသိမ်းသည့် အလုပ်အကိုင် Web Developer အလုပ်များကို လူအများစုမကြားဖူးခဲ့ကြချေ။

Programmer အလုပ်ကို ၁၀တန်း အောင်မြင်ပြီးနောက်ပိုင်းမှ ကြားဖူးခဲ့ခြင်းဖြစ်သည်ဟုဆိုလာသူက My Job ပြည်တွင်းအလုပ်အကိုင်ရှာဖွေရေးလုပ်ငန်းမှ လူထုဆက်ဆံရေးမန်နေဂျာ ကိုမှူးအိမ်ဇော် ဖြစ်သည်။

“ကျွန်တော်တို့ ငယ်ငယ် ၈တန်း၊ ၉တန်းလောက်တုန်းက Programmer အလုပ်ဆိုတာ မကြားဖူးဘူးဗျ။ ကြီးမှသာ ကြားဖူးတာ” ဟု ၎င်းက ဆိုသည်။

ထိုစဉ်ကမိဘများသည်ကလေးများ၏ အနာဂတ်ရည်မှန်းချက်ကို မေးမြန်းရာတွင်လည်း ဆရာဝန်၊ အင်ဂျင်နီယာနှင့် စစ်ဗိုလ်လုပ်မလားဟုသာ မေးမြန်းလေ့ရှိကြောင်း ၎င်းက ဆိုသည်။

အမြဲတီထွင်ဖန်တီးနေရပြီး လူအချင်းချင်းဆက်သွယ်မှုကို အခြေခံသည့်အလုပ်အကိုင်များမှာမူ အနာဂတ်တွင်လည်း ဆက်လက်ရှိနေဦးမည်ဟု အလုပ်အကိုင်အခွင့်အလမ်းနှင့် နည်းပညာကျွမ်းကျင်သူများက ဆိုကြသည်။

ထိုကြောင့်အနာဂတ်ကာလတွင် ခေတ်စားလာမည့် အလုပ်အကိုင်များသည် လူအချင်းချင်း ချိတ်ဆက်လုပ်ကိုင်ရပြီး နေ့စဉ်တီထွင်ကြံဆနေရသည့် အလုပ်အကိုင်များ ဖြစ်နိုင်ကြောင်းကျွမ်းကျင်သူများက ဆိုကြသည်။

အဘယ်ကြောင့်ဆိုသော် အနာဂတ်တွင် နည်းပညာဖွံ့ဖြိုးတိုးတက်မှုများ ပိုမိုဖြစ်ထွန်းလာနိုင်သည်ဖြစ်ရာ သမားရိုးကျအလုပ်အကိုင်များ၏ လုပ်ဆောင်ချက်များကို Program သွင်းထားသော စက်များနှင့် ဉာဏ်ရည်တု (Artificial Intelligent-AI) များက လုပ်ဆောင်နိုင်သောကြောင့် ဖြစ်သည်။

(က) AI ဆိုင်ရာအလုပ်များ

အနာဂတ်ကာလတွင် လွယ်ကူသည့် အလုပ်များတွင် AI များ အစားထိုးဝင်ရောက်လာနိုင်ကြောင်း မြန်မာနိုင်ငံ ကွန်ပျူတာအသင်းချုပ် တွဲဖက်အထွေထွေအတွင်းရေးမှူးဒေါက်တာ ထွန်းသူရသက်က ပြောဆိုသည်။

“ဥပမာပြရမယ်ဆိုရင် စိုက်ပျိုးရေးလုပ်ငန်းမှာ AI စနစ်တစ်ခုသုံးထားတယ် ဆိုပါစို့။ အဲဒီအခါမှာ ရာသီဥတုနဲ့ အောက်ခြေမြေပြင်အနေအထားကို ကြည့်ပြီး ဘာလုပ်သင့်တယ်ဆိုတာကို Machine (စက်)က သိလာပြီး တုံ့ပြန်ဆောင်ရွက်တာ။ ဒါကို AI လို့ခေါ်တယ်” ဟု ၎င်းက ပြောသည်။

အနာဂတ်ကာလတွင် AI နည်း ပညာဆိုင်ရာ ဆော့ဖ်ဝဲလ်ရေးသားသည့်အလုပ်အကိုင်များ၊ Machine Learning ခေါ် စက်၏ တွက်ချက်မှုကို လေ့လာဆုံးဖြတ်သည့် အလုပ်အကိုင်များ၊ အချက် အလက်များကို သုံးသပ်တွက်ချက်အဖြေထုတ်သည့် (Data Scientist) ခေါ် အချက်အလက် သိပ္ပံပညာရှင်များမှာ ခေတ်စားလာနိုင်ကြောင်း ၎င်းက ဆိုသည်။

(ခ) Image Processing နည်းပညာဆိုင်ရာအလုပ်များ

မန္တလေးကုန်သည်နှင့် စက်မှုလုပ်ငန်းရှင်များအသင်း၏ တွဲဖက်အထွေထွေအတွင်းရေးမှူးဖြစ်ပြီး စီးပွားရေး သုတေသနနှင့်တိုးတက်ရေး ကော်မတီဥက္ကဋ္ဌလည်းဖြစ်သူ ကိုဥက္ကာကျော်ကမူ အနာဂတ်တွင် ခေတ်စားလာနိုင်သည့် နည်းပညာလုပ်ငန်းနယ်ပယ်တစ်ခုအကြောင်း ပြောပြသည်။

အဆိုပါနည်းပညာသည် Image processing နည်းပညာ ဖြစ်သည်။

Image processing နည်းပညာသည် ပုံရိပ်ကို ဖမ်းယူ၍ အဆိုပါ ပုံရိပ်ကို ကွန်ပျူတာကုတ်နံပါတ်ဖြင့် မှတ်တမ်းတင်ကာ အလိုအလျောက် မည်ကဲ့သို့ တုံ့ပြန်ဆောင်ရွက်မည်ကို ရေးဆွဲထားသော အစီအစဉ်အရ ဆောင်ရွက်ခြင်းဖြစ်သည်။

Image processing နည်းပညာသည် စိုက်ပျိုးရေးမှစ၍ လုပ်ငန်းနယ်ပယ် အသီးသီး၌ အသုံးပြုလိုသူ၏ ဉာဏ်ကွန့်မြူးမှုအလိုက် စနစ်တကျဆောင်ရွက်မည်ဆိုပါက အကျိုးရှိကြောင်း၊ အဆိုပါ နည်းပညာနှင့် ဆက်စပ်သည့်အတတ်ပညာများကို လူငယ်များအနေနှင့် လေ့လာသင့်ကြောင်း ကိုဥက္ကာကျော်က ပြောသည်။

(ဂ) IOTနည်းပညာဆိုင်ရာ အလုပ်အကိုင်များ

အနာဂတ်စက်မှုကုန်ထုတ်လုပ်ငန်းများ တိုးတက်လာသည်နှင့်အမျှ အဆိုပါ နယ်ပယ်တွင် အသုံးချရမည့် အင်တာနက်အခြေပြုကာ ထိန်းချုပ်လည်ပတ်မည့် IOT (Internet of things) နည်းပညာဆိုင်ရာ အလုပ်အကိုင်များလည်း အနာဂတ်တွင် ခေတ်စားလာနိုင်ကြောင်း မန္တလေးကုန်သည်နှင့်စက်မှုလုပ်ငန်းရှင်များ အသင်း၏ တွဲဖက်အထွေထွေအတွင်းရေးမှူး ကိုဥက္ကာကျော်က ဆိုသည်။

IOT နည်းပညာကို ဂျပန်နိုင်ငံတွင် Industry Of Technology စက်မှုလုပ်ငန်းသုံးနည်းပညာဟု ခေါ်ဆိုပြီး ပိုမိုဖွံ့ဖြိုးတိုးတက်ရန် ကြိုးပမ်းနေကြောင်း ၎င်းက ပြောသည်။

“တိုင်းပြည်ရဲ့ စီးပွားရေးက ဝန်ဆောင်မှုပေးတဲ့စီးပွားရေး (Service Economy) ဘက်ကို သွားနေတာဆိုတော့ နည်းပညာကို အခြေပြုပြီး ဝန်ဆောင်မှုကောင်းကောင်း ပေးနိုင်မယ့် လုပ်ငန်းတွေ၊ အလုပ်အကိုင်တွေ အနာဂတ်မှာ ခေတ်စားလာနိုင်တယ်”ဟု ကိုဥက္ကာကျော်က ပြောဆိုသည်။

(ဃ) ပျောက်ဆုံးမသွားဘဲ ပိုကောင်းလာမည့် အလုပ်များ

လက်ရှိမြန်မာနိုင်ငံသည် ဖွံ့ဖြိုးဆဲနိုင်ငံဖြစ်ရာ နိုင်ငံ ယခုထက်ပို၍ ဖွံ့ဖြိုးတိုးတက်ရန် ရေ၊ လျှပ်စစ်၊ သယ်ယူပို့ဆောင်ရေးကဏ္ဍအပါအဝင် အခြေခံအဆောက်အဦများ တိုးတက်ရေးလိုအပ်ဦးမည် ဖြစ်သည်။

သို့ဖြစ်ရာ အခြေခံအဆောက်အဦတည်ဆောက်ရေးကဏ္ဍအတွက် နိုင်ငံတကာအဆင့်မီ ကျွမ်းကျင်လုပ်သားများနှင့် သက်ဆိုင်ရာနယ်ပယ်အလိုက် အင်ဂျင်နီယာ၊ ဗိသုကာများ လိုအပ်ဦးမည်ဖြစ်ရာ အဆိုပါအလုပ်အကိုင်များမှာလည်း အနာဂတ်ကာလတွင် ခေတ်စားလာနိုင်ပြန်သည်။

ထို့အတူ မီဒီယာလုပ်ငန်းဆိုင်ရာအလုပ်အကိုင်များ၊ ဥပဒေဆိုင်ရာ အလုပ်အကိုင်များ၊ စီမံအုပ်ချုပ်မှုဆိုင်ရာ အလုပ်အကိုင်များ၊ ငွေကြေးနှင့်ဘဏ် လုပ်ငန်းဆိုင်ရာ အလုပ်အကိုင်များမှာ အနာဂတ်ကာလတွင် ပျောက်ကွယ်မသွားနိုင်ချေ။

လုပ်ငန်းလည်ပတ်သည့်နည်းစနစ်များမှာ တိုးတက်လာသည့် နည်းပညာအပေါ်တွင် ပိုမိုအခြေခံလာနိုင်ကြောင်း ကျွမ်းကျင်သူများက ဆိုကြသည်။

လူငယ်များအနေနှင့် မြန်မာနိုင်ငံ၏ သွားနေသော စီးပွားရေးပုံစံကို လေ့လာကာ အခြားနိုင်ငံများ၏ တိုးတက်မှုများကို သတိပြုသင့်ပြီး အနာဂတ်တွင် ဖြစ်ပေါ်လာနိုင်သည့် အခွင့်အလမ်းများကို ခန့်မှန်း၍ အသက်မွေးဝမ်းကျောင်း အတတ်ပညာတစ်ခုကို သင်ယူပြင်ဆင်သင့်ကြောင်း အလုပ်ရုံနှင့် အလုပ်သမားဥပဒေ စစ်ဆေးရေးဦးစီးဌာနညွှန်ကြားရေးမှူးချုပ် ဦးညွှန့်ဝင်းက ပြောဆိုသည်။

၅။ အနာဂတ်အတွက် ပြင်ဆင်မှု

အနာဂတ်ကာလတွင် နည်းပညာပိုမိုဖွံ့ဖြိုး တိုးတက်လာမည်မှာ မလွဲမသွေ ဖြစ်ရာ တိုးတက်လာမည့် နည်းပညာများကို မျက်ခြည်မပြတ်လေ့လာသင့်ပြီး ကျွမ်းကျင်ရန်ပြင်ဆင်ရမည်မှာလည်း အသေအချာပင်ဖြစ်သည်။

အနာဂတ်လာမည့် ၁၀ နှစ် ၂၀၃၀ တွင် လက်ရှိရှိနေသော ရှေ့နေ၊ တရားသူကြီး၊ ဆရာဝန်၊ ကျောင်းဆရာအလုပ်များမှာ ရှိနေဦးမည်ဖြစ်သော်လည်း ယင်းအလုပ်များ၏ လုပ်ကိုင်မှုပုံစံမှာ ယနေ့ခေတ်ကဲ့သို့ ဟုတ်တော့မည် မထင်။

နည်းပညာကျွမ်းကျင်သည့် ဆရာဝန်၊ တရားသူကြီး၊ ကျောင်းဆရာစသဖြင့် ဖြစ်နိုင်ရာ ခေတ်နှင့် အမီ ပြုပြင်ပြောင်းလဲမှသာ ထမင်းအိုးမပျောက်ဘဲ အသက်ရှင်ရပ်တည်နိုင်မည် ဖြစ်သည်။

ယခင်အင်တာနက်ကောင်းမွန်စွာ မသုံးနိုင်သေးသည့် စစ်အစိုးရအုပ်ချုပ်မှု ကာလများက လူအများအနေနှင့် ဆိုက်ဘာတိုက်ခိုက်မှု၊ ဆိုက်ဘာပြစ်မှုနှင့် ယင်းအမှုအခင်းများကို ကိုင်တွယ်သည့် ဆိုက်ဘာရဲတပ်ဖွဲ့ဟူသည်မှာ မကြားဖူးချေ။

ယနေ့ခေတ်တွင်တော့ မကြားချင်မှအဆုံး ဖြစ်နေသည်။

အနာဂတ်ကာလတွင် မည်သည့်နည်းပညာအသစ်များ ပေါ်ပေါက်လာပြီး မည်သည့်အလုပ်အကိုင်များ ခေတ်စားဦးမည်နည်း။

တိတိပပဆိုရန်ခက်သော်လည်း အသက်မွေးဝမ်းကျောင်းဝမ်းစာတည်တံ့လိုသူများ၊ ခေတ်တိုင်းတွင် အောင်မြင် လိုသူများအနေနှင့် အနာဂတ်သို့ မျှော်ကြည့်ရမည့်ကိစ္စ ဖြစ်သည်။

အကောင်းမြင်စိတ်နှင့် သင်ယူချင်စိတ် အပါအဝင် အလုပ်လုပ်ချင်စိတ်၊ အလုပ်ကို အားစိုက်ထုတ်ချင်စိတ်ရှိပါက မည်ကဲ့သို့သော အပြောင်းအလဲများလာသည်ဖြစ်စေ ရင်ဆိုင်နိုင်မည်ဖြစ်ကြောင်း My Job ၏ အမှူဆောင်အရာရှိချုပ် Mr. Hans van Beek က ဆိုသည်။

လာမည့်အနာဂတ်ကာလတွင် ခေတ်စားလာမည့် အလုပ်အကိုင်အခွင့်အလမ်းများအတွက် လူငယ်များအနေနှင့် မည်ကဲ့သို့ပြင်ဆင်သင့်သည်ကို The Voice Journal က မန္တလေးကုန်သည်နှင့်စက်မှုလုပ်ငန်းရှင်များအသင်း၏ တွဲဖက် အထွေထွေအတွင်းရေးမှူး ကိုဥက္ကာကျော်သို့ မေးမြန်းခဲ့ရာ ၎င်းက ယခုလိုပြောသည်။

“ပြောင်းလဲချင်တဲ့ စိတ်၊ အပြောင်းအလဲကို လက်ခံချင်တဲ့ စိတ်ရှိဖို့လိုတယ်။ ကိုယ့် အိမ်နီးချင်းနိုင်ငံတွေ၊ ကမ္ဘာပေါ်က ဖွံ့ဖြိုးပြီးနိုင်ငံတွေမှာ နည်းပညာကိုသုံးပြီး ဘယ်လိုတိုးတက်အောင် လုပ်နေကြပြီလဲ။ အဲဒီလောက်တော့ မျက်စိဖွင့်ထားပြီး လေ့လာမှုတွေ ပိုလုပ်ဖို့လိုပါတယ်”

ဇင်လင်းထက်

You may also like...

Leave a Reply

Your email address will not be published. Required fields are marked *