စက်သုံးဆီကစားပွဲ အစိုးရပါရန်လိုပြီလော

ပြည်တွင်းစက်သုံးဆီရောင်းဈေးကို အစိုးရက ကန့်သတ်လိုက်သည်။

နှစ်လတွင်း တရိပ်ရိပ်တက်လာသည့် ကမ္ဘာ့ရေနံဈေးနှုန်းကြောင့် ပြည်တွင်းစက်သုံးဆီဈေးများ ထက်ဝက်နီးပါး မြင့်တက်ခဲ့သည်။ ဝန်ကြီးချုပ်သည် ထိုအခြေအနေအတွက် ရတက်ပွေနေသည်။

နိုင်ငံ၏သယ်ယူပို့ဆောင်ရေး၊ ကုန်ထုတ်လုပ်မှုအားလုံးသည် စက်သုံးဆီဈေးနှင့် သက်ဆိုင်နေသည့်အတွက် ဖြစ်သည်။

တက်ဈေးတွင်သာ ဆက်လက်ရပ်တည်နေမည်ကို စိုးရိမ်သည့်အတွက် ကမ္ဘာ့ရေနံပေါက်ဈေးနှင့် အတတ်နိုင်ဆုံး ညှိပြီး မေလ ၂၃ ရက်တွင် ဈေးသတ်မှတ်ခဲ့ခြင်းဖြစ်သည်။

သို့သော် မြန်မာနိုင်ငံတွင်တော့ မဟုတ်။ မြန်မာ့အိမ်နီးချင်း ထိုင်းနိုင်ငံတွင် ဖြစ်သည်။

ကမ္ဘာ့ရေနံဈေးတက်ခြင်းကြောင့် ထိုင်းနိုင်ငံကဲ့သို့ပင် မြန်မာနိုင်ငံတွင်လည်း ဈေးတက်နေသည်။ စက်သုံးဆီဈေးသည် ဧပြီလမှစ၍ ကျလမ်းမရှိ တက်လာရာ မေလ ၂၄ ရက်တွင် ဒီဇယ်တစ်လီတာလျှင် ၉၀၅ ကျပ်အထိ ရောက်ရှိသွာသည်။

ရှစ်နှစ်တာကာလအတွင်း စက်သုံးဆီဈေးကွက်၏ စံချိန်တင်ဈေးနှုန်းလည်း ဖြစ်သည်။

စက်သုံးဆီဈေးဆွဲရာနောက်သို့ သယ်ယူပို့ဆောင်ရေးနှုန်းထား၊ ကုန်ဈေးနှုန်းထားများ ကောက်ကောက်ပါအောင် တက်လာနိုင်သည်ကို စိုးရိမ်လာကြသည်။

ထိုင်းနိုင်ငံတွင် စက်သုံးဆီဈေးကို အုပ်ချုပ်ရေးယန္တရားက ဝင်ရောက်ကိုင်တွယ်နေသည့်အချိန်တွင် မြန်မာနိုင်ငံတွင်မူ စီမံကိန်းများဆွဲရင်း အချိန်ကုန်ဆဲဖြစ်သည်။

ပြည်တွင်း၌စက်သုံးဆီမြင့်တက်ရခြင်းက သိုလှောင်နိုင်စွမ်းမရှိသောကြောင့်ဖြစ်ပြီး ကမ္ဘာ့စက်သုံးဆီဈေးကျဆင်း ချိန်တွင် စက်သုံးဆီများကို သိုလှောင်ထားနိုင်မှသာ တည်ငြိမ်သည့်ဈေးနှင့် သုံးစွဲနိုင်မည်ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာက ဒုတိယဝန်ကြီးဦးအောင်ထူးက ဆိုသည်။

“ရေတို၊ရေရှည်၊ ရေလတ်စီမံကိန်းတွေဆောင်ရွက်ဖို့ ညှိနှိုင်းနေပါတယ်”ဟု ၎င်းကဆိုသည်။

အစိုးရ၏ စက်သုံးဆီကျဆင်းရေး ရေတို၊ ရေလတ်၊ ရေရှည်စီမံကိန်းကို မည်သူများနှင့် မည်သည့်အချိန်တွင် မည်သို့ဆောင်ရွက်မည်ကို ပြောကြားခြင်းမရှိသေးသော်လည်း စက်သုံးဆီကို အမှီပြုနေရသော ကဏ္ဍအသီးသီးက အော်သံညံနေပြီဖြစ်သည်။

“မကြုံဖူးတော့လည်းအစိုးရကဘာမှလုပ်ထားတာမရှိဘူး”ဟု မြန်မာ့စီးပွားရေးလေ့လာသုံးသပ်သူ ဦးလှမောင်က ဆိုသည်။

ရှစ်နှစ်အတွင်းအမြင့်ဆုံးစံချိန်ကို ချိုးခဲ့သည့် စက်သုံးဆီဈေးအတွက် မြန်မာအစိုးရသည် ထိုင်းနိုင်ငံကဲ့သို့ အစိုးရကဝင်ပါရန်လိုပြီလော။

ယင်းကို ဦးလှမောင်က သဘောတူသည်။

“ဒီလိုဖြစ်လာပြီဆိုရင်တော့ အစိုးရက ဝင်ပါဖို့ သင့်ပြီပေါ့။ သိပ်မြင့်သွားရင် မကောင်းဘူး။ သိပ်မြင့်သွားရင် ကုန်ဈေးနှုန်းတွေ တက်သွားနိုင်တယ်။ သယ်ယူပို့ဆောင်ရေးစရိတ် တက်မှာကိုး။ အခုလောက်မြင့်တက်လာရင် နောက်ထက်မတက်ရေးပေါ့။ Filter Market (ဈေးနှုန်းတစ်ခု) သတ်မှတ်တာတို့၊ ဆီတွေနဲ့ပတ်သက်တဲ့ အချက်တွေကို ကုန်သည်တွေနဲ့ အစီအစဉ်တွေ သေချာချပြီး ကန့်သတ်ချက်တွေ လုပ်ထားရင် ကောင်းမယ်” ဟု ဦးလှမောင်က ဆိုသည်။

သို့သော် အစိုးရက ဈေးနှုန်းတစ်ခုသတ်မှတ်ခြင်းကို မြန်မာနိုင်ငံစက်သုံးဆီလုပ်ငန်းရှင်များအသင်းကမူ လိုလားဟန် မတူ။

ခေတ်ဟောင်းက ဆီဈေး၊ ဆန်ဈေးသတ်မှတ်ခဲ့ပြီး မအောင်မြင်မှုကို အကြောင်းပြသည်။

“Fixed Price ကို ကျွန်တော်တို့ နိုင်ငံမှာ ကျင့်သုံးခဲ့ပြီးသား။ တစ်ချိန်က ကမ္ဘာကြီးနဲ့ အဆက်ဖြတ်ထားတယ်။ စားသုံးသူတွေ သက်သာအောင်ဆိုတဲ့ စေတနာနဲ့ အရင်မ.ဆ.လ (မြန်မာ့ဆိုရှယ်လစ် လမ်းစဉ်ပါတီ) အစိုးရလက်ထက်က ပြည်တွင်းဆန်ဈေးကို နိုင်ငံခြားဈေးနှုန်းနဲ့ဖြတ်ပြီးတော့မှ ကျင့်သုံးခဲ့တယ်။ ကျွန်တော် တို့ နိုင်ငံကောင်းခဲ့သလား ပြန်ကြည့်”ဟု မြန်မာနိုင်ငံ စက်သုံးဆီလုပ်ငန်းရှင်များ အသင်းအတွင်းရေးမှူး ဒေါက်တာဝင်းမြင့် ကဆိုသည်။

မြန်မာ့ဆိုရှယ်လစ်လမ်းစဉ်ပါတီခေတ်တွင် တစ်ဂါလန်လျှင် ကျပ် ၂၅၀၀ တန်သည့် စက်သုံးဆီကို ၂၅ ကျပ်ဖြင့် ရောင်းချခဲ့သည်။ ယင်းကြောင့် မှောင်ခိုဈေးကွက်များ ပေါ်ပေါက်ခဲ့သည်။

သို့သော် ဦးလှမောင် ဆိုလိုသော အစိုးရဝင်ပါသည်ဆိုခြင်းမှာ အမြဲတမ်း မဟုတ်။ လိုအပ်သည့်အချိန်မှ ဖြစ်သည်။

ထိုသို့အစိုးရက ဈေးနှုန်းကန့်သတ်ခြင်းသည် ယာယီသာ ဆောင်ရွက်ရန်သာလိုအပ်ပြီး အဓိကအားဖြင့် စီးပွားရေး လုပ်ငန်းရှင်များ၏ ဈေးကစားခြင်းမှကာကွယ်နိုင်ရန်အတွက်သာ ဆောင်ရွက်လေ့ရှိကြောင်း ဦးလှမောင်က ဆိုသည်။

ကမ္ဘာ့စက်သုံးဆီဈေးနှုန်းများသည် ၂၀၀၈ ခုနှစ်တွင် ရေနံတစ်စည်လျှင် အမေရိကန်ဒေါ်လာ ၁၅၀ အထိ တက်ခဲ့ဖူးပြီး ထိုအချိန်က အစိုးရမှ ဈေးနှုန်းကန့်သတ်ပေးခဲ့ခြင်းမရှိကြောင်း ၎င်းက ရှင်းပြသည်။

သို့သော် စက်သုံးဆီဈေးကိုထိန်းချုပ်ခြင်းထက် ပြိုင်ဆိုင်မှုကို အားပေးသော ဈေးကွက်အနေအထားကို အကြံပြုသည့် ပညာရှင်များလည်း ရှိသည်။

“ထိန်းချုပ်ရင်တော့ ဘာမှထိရောက်မှာမဟုတ်ဘူး။ စက်သုံးဆီဆိုတာ မရှိမဖြစ် လိုအပ်တဲ့အရာ ဖြစ်တယ်။ နာမည်ကြီးစက်သုံးဆီကုမ္ပဏီတွေကို ခွင့်ပြုလိုက်ရင် ပြိုင်ဆိုင်မှုပိုဖြစ်မယ်။ နိုင်ငံတကာအဆင့်မီတဲ့ ဆီ နိုင်ငံတကာပေါက်ဈေးဖြစ်မယ်” ဟု စီးပွားရေးပညာရှင်ဒေါက်တာအောင်ကိုကိုက သုံးသပ်သည်။

တပ်မတော်အစိုးရလက်ထက်တွင် နိုင်ငံပိုင်လုပ်ငန်းမှပုဂ္ဂလိကသို့ လွှဲပြောင်းပေးခဲ့သည့် စက်သုံးဆီလုပ်ငန်းသည် လက်ဝါးကြီးအုပ်ခံရပြီး ကမ္ဘာပေါက်ဈေးထက် ဈေးမြင့်ရောင်းချသည်ဆိုသည့် နာမည်ဆိုးဖြင့် ကျော်ကြားသည်။

NLD အစိုးရလက်ထက်တွင် ဈေးကွက်အတွင်း ယှဉ်ပြိုင်မှုရှိစေရန် ပြည်ပလုပ်ငန်းများကို လုပ်ကိုင်ခွင့်ပြုခဲ့သည်။ နိုင်ငံတကာအခြေစိုက်ကုမ္ပဏီများဖြစ်သည့် Puma ကုမ္ပဏီ၊ Total ကုမ္ပဏီနှင့် Shell ကုမ္ပဏီတို့လာရောက် ရင်းနှီးမြှုပ်နှံရန် ပြင်ဆင်နေကြသော်လည်း မြေပြင်တွင် ယင်းကုမ္ပဏီများ၏ ဆီဆိုင်တစ်ဆိုင်မျှ မရှိသေးပေ။

 

ဈေးနှုန်းအပြင် အခြားစဉ်းစားစရာတစ်ခုမှာ စက်သုံးဆီ၏အရည်အသွေးနှင့် အခြင်အတွယ်ကိစ္စဖြစ်သည်။

နိုင်ငံတကာဈေးကွက်ပေါက်ဈေးပေါ်မူတည်၍ ရောင်းချနေသည့် စက်သုံးဆီလုပ်ငန်းသည် နိုင်ငံတကာအခြင်အတွယ်၊ နိုင်ငံတကာအရည်အသွေး ရာနှုန်းပြည့်မရှိကြောင်း မြန်မာနိုင်ငံစက်သုံးဆီလုပ်ငန်းရှင်များအသင်း အတွင်းရေမှူး ဒေါက်တာဝင်းမြင့်က အောက်ပါအတိုင်း ပြောကြားသည်။

“ဝိသမလောဘကတော့နေရာတိုင်းမှာ ရှိပါတယ်။လူတိုင်းတော့ မဟုတ်ပါဘူး”ဟု စက်သုံးဆီတင်သွင်း ရောင်းချသူ မြတ်မေတ္တာမွန်ဆီဆိုင်လုပ်ငန်းရှင်လည်းဖြစ်သူ ၎င်းက ဆိုသည်။

လက်ရှိဈေးကွက်အတွင်း အခြင်အတွယ်မပြည့်သည့်၊ ပြည်တွင်းရေနံချက် လုပ်ငန်းမှ ဆီရောသည့်ဆိုင် အချို့ရှိနေသည်ဟု ဒေါက်တာဝင်းမြင့်က ဆိုသည်။

ကမ္ဘာ့စက်သုံးဆီဈေး၊ ဒေါ်လာဈေးမြင့်တက်ခြင်းနှင့် ပြည်တွင်းစက်သုံးဆီလုပ်ငန်းရှင်များအကြား အစိုးရက ချုပ်ကိုင်ကစားနိုင်မှုအခြေအနေသည် ကုန်ဈေးနှုန်းပေါ်တွင် တိုက်ရိုက်အကျိုးသက်ရောက်မှုရှိမည် ဖြစ်သည်။

“စက်သုံးဆီဈေးတက်ပေမယ့် အခုထိ ကားခတွေ မတက်ပါဘူး။ ကုန်လည်း ရှား၊ ဆီဈေးလည်း အခုထက် ပိုတက်လာမယ်ဆိုရင်တော့ ကားခတိုးတောင်းရမယ်။ မကိုက်တဲ့ ကားရပ်ပဲ”ဟု မြန်မာနိုင်ငံ အဝေးပြေးကုန်စည်ပို့ဆောင်ရေး ဝန်ဆောင်မှုလုပ်ငန်းရှင်များအသင်း အတွင်းရေးမှူးဦးအောင်မိုးက ဆိုသည်။

အဝေးပြေးကုန်စည်ပို့ဆောင်ရေးလုပ်ငန်းသည် အဓိကအားဖြင့် ဆောက်လုပ်ရေး လုပ်ငန်းသုံးပစ္စည်း၊ လူသုံးကုန်၊ စားသောက်ကုန်စည်များကို အဓိကသယ်ယူသည့်လုပ်ငန်းဖြစ်ပြီး နေ့စဉ်ရန်ကုန်မှ မန္တလေးသို့ ကုန်တင်ယာဉ်ကြီး ၁၅၀၀ခန့်ဖြင့် ကုန်စည်ပို့ဆောင်နေသည့် လုပ်ငန်းဖြစ်သည်။

လက်ရှိဆီဈေးနှုန်းထက် ပိုလာပါက ဈေးတက်ရန်တာစူနေသည့် လုပ်ငန်းများ ရှိသလို ဒီဇယ်တစ်ဂါလန် ၉၀၀ ကျပ်၏ ဒဏ်ကို လက်ငင်းခံစားရသူများလည်း ရှိသည်။

ထိုသူတို့က အငှားယာဉ်မောင်းများ ဖြစ်သည်။

“ကားတွေက ဆီဈေးနဲ့ ချိန်ပြီး မောင်းရတာ၊ ဈေးတက်တော့ အဆင်မပြေဘူး။ သွားနေကျ ဈေးပဲစိတ်စွဲနေကြတော့ ဈေးပိုမပေးချင်ကြဘူး”ဟု အငှားယာဉ်မောင်း ဦးမျိုးအောင်က ဆိုသည်။

ထိုကြောင့်ပင် ထိုင်းအစိုးရကဲ့သို့ ပြည်တွင်းစက်သုံးဆီဈေး ကန့်သတ်ပေးရန် ဦးမျိုးအောင် မျှော်လင့်နေသည်။

“ဆီဈေးသာအစိုးရကသတ်မှတ် ပေးရင်ဝမ်းသာမှာပါ”

ပို့ပို့

You may also like...

Leave a Reply

Your email address will not be published. Required fields are marked *