“တကယ်တော့ ဒီကိစ္စတွေဟာ ကျွန်တော်တို့က တရားရုံးလိုမျိုးဆိုရင်တော့ သိပ်ပြောလို့ကောင်းတယ်”

ဦးကိုကိုကြီးနှင့် တွေ့ဆုံခြင်း

ဦးကိုကိုကြီးသည် လူအများသိပြီးကြသည့်အတိုင်း ၁၉၈၈ ခုနှစ် လူထုအုံကြွမှုဖြစ်စဉ်နှင့်အတူ ထင်ရှားကျော်ကြားခဲ့သည့် ကျောင်းသားခေါင်းဆောင် နိုင်ငံရေးသမားတစ်ဦးဖြစ်သည်။ ၂၀၁၅ ခုနှစ် ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်ပါတီ (NLD) မှတစ်ဆင့် ရွေးကောက်ပွဲဝင်ရောက်ယှဉ်ပြိုင်ရန် ကြိုးပမ်းခဲ့သော်လည်း ပါတီက ငြင်းဆန်ခဲ့သည်။ ရွေးကောက်ပွဲအပြီးတွင် NLD က မဲဆန္ဒနယ်မြေအများအပြားတွင် အနိုင်ရခဲ့ပြီး အစိုးရဖွဲ့နိုင်ခဲ့သည်။ သို့သော် NLD အစိုးရ၏ လုပ်ဆောင်နိုင်ရည်နှင့်ပတ်သက်၍ ဝေဖန်မှုများရှိနေသလို အစိုးရကိုထိန်းကျောင်းနိုင်သည့် အတိုက်အခံအင်အားစုတစ်ရပ် ပေါ်ထွက်လာရန် နိုင်ငံရေးလေ့လာသူများက မျှော်လင့်ခဲ့ကြသည်။ အဆိုပါအခြေအနေများကြားထဲ၂၀၁၇ ခုနှစ်တွင် ဦးကိုကိုကြီးက သူပါဝင်လုပ်ဆောင်လျက်ရှိသည့် ၈၈ မျိုးဆက်၊ ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှခွဲထွက်၍ နိုင်ငံရေးပါတီတစ်ရပ်ထူထောင်ရန် စိုင်းပြင်းခဲ့ပြီး ပြည်ထောင်စု ရွေးကောက်ပွဲကော်မရှင်ထံသို့ ပါတီမှတ်ပုံတင် လျှောက်ထားခဲ့သည်။

ပါတီအမည်ကို ကနဦးတွင် ရှစ်လေးလုံးပါတီအမည်ဖြင့် လျှောက်ထားခဲ့ရာ ကန့်ကွက်မှုအချို့ကို ကြုံခဲ့ရသလို လုပ်ဖော်ကိုင်ဖက်အချို့၏ အကြံပြုမှုကြောင့် နောက်ပိုင်းတွင် ရှစ်လေးလုံးပြည်သူ့ပါတီဟု အမည်ပြောင်းလဲကာ မှတ်ပုံတင်လျှောက်ထားခဲ့သည်။ နောက်ဆုံးမှတ်ပုံတင်လျှောက်ထားမှုကို ယခုမေလဆန်းက ပြည်ထောင်စု ရွေးကောက်ပွဲကော်မရှင်ထံသို့ ပေးပို့ခဲ့ခြင်းဖြစ်သည်။ ယခုနှစ်ပိုင်းတွင်ကျင်းပရန် ကြေညာထားသည့် ကြားဖြတ်ရွေးကောက်ပွဲတွင် ၎င်းတို့ပါတီ ဗွေဆော်ဦးဝင်ရောက်ယှဉ်ပြိုင်ရန် လျာထားသည်။ ထိုကြောင့် ပါတီမှတ်ပုံတင်မှုအခြေအနေ၊ ကြားဖြတ်ရွေးကောက်ပွဲအနေအထားတို့နှင့်ပတ်သက်၍ ဦးကိုကိုကြီးကို The Voice Journal က တွေ့ဆုံမေးမြန်းထားပါသည်။

The Voice Journal – ပထမဆုံးတော့ အခုလက်ရှိ ပါတီမှတ်ပုံတင်ကိစ္စနဲ့ပတ်သက်လို့ အခြေအနေတွေကို ပြောပါဦး။

UKKG – ကျွန်တော်တို့က နိုင်ငံရေးပါတီဖြစ်မြောက်ရေးအတွက်ကို ကော်မရှင်နဲ့ ဆက်ဆံခဲ့တဲ့ဟာပေါ့လေ၊ ဒါကို ရက်စွဲလေးနဲ့ မှတ်ထားတယ်ဗျ။ မှတ်ထားတော့ ကျွန်တော်တို့က ဒီဇင်ဘာ ၁၉ ရက် (၂၀၁၇) နေ့မှာ နေပြည်တော်မှာရှိတဲ့ ပြည်ထောင်စုရွေးကောက်ပွဲ ကော်မရှင်ကို မှတ်ပုံတင်ခဲ့တာ။ အဲဒီတော့ မှတ်ပုံတင်ပြီးတဲ့နောက်ပိုင်းမှာ မတ်လ ၂၆ ရက် (၂၀၁၈) နေ့ မှာ ကော်မရှင်နဲ့တွေ့ဆုံဆွေးနွေးခဲ့တယ်။ ကော်မရှင်ကနေပြီးတော့ ဆွေးနွေးဖို့အတွက် ဖိတ်ခေါ်တဲ့အတွက်ကြောင့် ကျွန်တော်တို့ သွားပြီးတော့ဆွေးနွေးခဲ့တယ်။ အဲဒီဆွေးနွေးပြီးတဲ့အချိန်မှာ ကော်မရှင် ဆွေးနွေးချက်တွေကြောင့်ရော၊ ပြီးတော့ ကျွန်တော်တို့ကို အပြုသဘောအကြံပေးတဲ့ပုဂ္ဂိုလ်တွေကို လေးစားတဲ့အနေနဲ့ပါ ကျွန်တော်တို့က ဧပြီလ ၁ ရက်နေ့မှာ ခိုင်လီစားသောက်ဆိုင်မှာ စုံညီအစည်းအဝေး၊ အရေးပေါ်စုံညီအစည်း အဝေးခေါ်ပြီးတော့ ရှစ်လေးလုံးပြည်သူ့ပါတီအဖြစ်နဲ့ အမည်ပြောင်းပြီးတော့ မှတ်ပုံတင်ဖို့ ဆုံးဖြတ်ခဲ့ကြ တယ်ပေါ့နော်။

The Voice Journal – အဲဒီကနေ ရှစ်လေးလုံး ပြည်သူ့ပါတီဆိုပြီး ဖြစ်လာတယ်ပေါ့နော်။ ပြောင်းလိုက်တဲ့အခြေအနေမှာရော ဘယ်လိုရှိလဲ။

UKKG – ဧပြီ ၆ ရက်နေ့မှာ ရှစ်လေးလုံး ပြည်သူ့ပါတီဆိုတဲ့နာမည်နဲ့ ရွေးကောက်ပွဲကော်မရှင်ကို သွားပြီးတော့မှတ်ပုံတင်သွင်းမှု ထပ်ပြီးတော့လုပ်ခဲ့တယ်။ ပြီးတဲ့အခါကျတော့ ဧပြီ ၂၀ ရက်နေ့မှာ ရှစ်လေးလုံးပြည်သူ့ပါတီအား ပါတီထူထောင်ခွင့်ပြုကြောင်း အကြောင်းပြန်ကြားစာပေါ့လေ၊ အီးမေးလ်နဲ့ လက်ခံရရှိခဲ့တယ်။ ဧပြီလ ၂၀ ရက်၊ ရက်စွဲနဲ့။ အဲဒီတော့ ဒါက ကော်မရှင်နဲ့၊ ဒီဟာတွေလည်း ကျွန်တော်တို့က တော့ ၂၀ ရက်နေ့မှာ အီးမေးလ်နဲ့ လက်ခံရရှိတယ်ဆိုတာက သူက စာနဲ့လာတော့ ဧပြီလ ၂၆ ရက်နေ့ ရက်စွဲနဲ့။ ရှစ်လေးလုံး ပြည်သူ့ပါတီထူထောင်ရန်ခွင့်ပြုကြောင်း အကြောင်းကြားခြင်းဆိုပြီးတော့ ကျွန်တော့်ဆီကို ဒီစာ ရတယ်ပေါ့နော်။

အဲဒီတော့ သူက ရက်ပေါင်း ၃၀ အတွင်းမှာ ပုံစံ(င) နဲ့ လျှောက်ထားဖို့ဆိုတဲ့အတွက်ကြောင့် ပုံစံ(င)နဲ့၊ ကျွန်တော်တို့က မေလ ၂ ရက်နေ့မှာတင်ပဲ ကျွန်တော်တို့ ဒါသွားပြီးတော့တင်သွင်းခဲ့တယ်။ တင်သွင်းတဲ့အခါကျတော့ ၅ ရက်နေ့ သတင်းစာမှာ စပြီးတော့ ဒါတွေကို ကန့်ကွက်နိုင်ကြောင်း၊ ခုနစ်ရက်အတွင်းမှာ ကန့်ကွက်နိုင်ကြောင်းဆိုပြီးတော့ ၁၂ ရက် (မေ) နေ့အထိပေါ့၊ သူက ဒါကို ကြေညာတယ်။

The Voice Journal – အဲဒီမှာ ပြီးခဲ့တဲ့ရက်တွေက ကော်မရှင်အဖွဲ့ဝင်တစ်ဦးရဲ့ ပြောဆိုချက်တွေ ထွက်လာတာရှိပါတယ်။ ကန့်ကွက်သူတွေ ထပ်ရှိနေတယ်၊ တချို့ဆို ရာဂဏန်းလောက်အထိ ရှိတယ်လို့ပြောလာတာရှိတယ်။ အခုကတော့ ကန့်ကွက်နိုင်တဲ့ရက် ကျော်လွန်လာပြီပေါ့နော်၊ အဲဒီမှာ ဘာတွေတွေ့ရလဲ။

UKKG – အဲဒီတော့ ကြေညာတော့ ဒီနေရာမှာ ကျွန်တော်တို့က ဥပဒေအရ စကားပြောစရာဖြစ်လာတာက ကျွန်တော်တို့က တစ်လျှောက်လုံး တက်ကြွလှုပ်ရှားသူတွေအဖြစ်နဲ့၊ Activist တွေအဖြစ်နဲ့ ကျွန်တော်တို့က အနှစ်သုံးဆယ်လောက် လှုပ်ရှားခဲ့တယ်။ အခုအချိန်မှာ နိုင်ငံရေးပါတီတစ်ရပ်အဖြစ်နဲ့ ထူထောင်တော့မယ်ဆိုတော့ နိုင်ငံရေးပါတီများ မှတ်ပုံတင်ခြင်းဥပဒေ၊ နည်းဥပဒေဆိုတာဟာ ပါတီအတွက်ရော၊ ရွေးကောက်ပွဲကော်မရှင်အတွက်ရော ဒီစံနှုန်းသတ်မှတ်တွေနဲ့အညီ ဆောင်ရွက်ရမယ်လို့ ဒါ တိတိကျကျပြဋ္ဌာန်းထားတဲ့ သတ်မှတ်ချက်ပဲဖြစ်တယ်။ Criteria ခေါ်တာပေါ့၊ စံနှုန်းတွေ သတ်မှတ်ထားတာပေါ့။ ဒါတွေနဲ့ ကိုက်ညီရင် ပါတီထူထောင်ခွင့်ပေးလိုက်၊ ဒါတွေနဲ့ မကိုက်ညီရင် တည်ထောင်ခွင့် မပေးဘူး၊ သူက သတ်မှတ်တာပေါ့။

ကျွန်တော်တို့မှာလည်း ဥပဒေကျွမ်းကျင်သူတွေ၊ ဥပဒေအကြံပေးတွေရှိတယ်။ ရှိတဲ့အခါကျတော့ ကျွန်တော်တို့ နိုင်ငံရေးပါတီမှတ်ပုံတင်ဖို့ လုပ်ကတည်းက ကျွန်တော်တို့က ဥပဒေပိုင်းဆိုင်ရာအချက်အလက်တွေကို ကျွန်တော်တို့လေ့လာတဲ့အခါမှာ နိုင်ငံရေးပါတီများ ဖွဲ့စည်းပုံ၊ နိုင်ငံရေးပါတီများ မှတ်ပုံတင်ခြင်း ဥပဒေပုဒ်မ ၈ (က)၊  အဲဒါကဘာလဲဆိုတော့ ဒီပါတီ၊ အလံ၊ တံဆိပ်တွေဟာ ဘာသာသာသနာနဲ့ ယှက်နွှယ်ရင် ဒါမှမဟုတ်ရင် တို့တာဝန်အရေးသုံးပါးနဲ့ ထိခိုက်စေရင် ဒါက ကော်မရှင်က ငြင်းပယ်မယ်ပေါ့။ ဒါ ၈(က) (နိုင်ငံရေးပါတီများ မှတ်ပုံတင်ခြင်း ဥပဒေ ပုဒ်မ) ပေါ့။

၈(ခ)မှာက မှတ်ပုံတင်ခွင့်ပြုရန် လျှောက်ထားသော ပါတီ၏အမည်၊ အလံနှင့် တံဆိပ်တို့သည် မှတ်ပုံတင်ထားပြီးသား၊ မှတ်ပုံတင်ထားပြီးသော သို့မဟုတ် ပုဒ်မ (၅) အရ လျှောက်ထားပြီးသော အခြားပါတီတစ်ခု၏ အမည်၊ အလံ၊ တံဆိပ်တွေနဲ့ တူညီနေလျှင်သော်လည်းကောင်း၊ ဆင်တူယိုးမှား ဖြစ်နေလျှင်သော်လည်းကောင်း၊ ကွဲပြားစေရေးအတွက် ကော်မရှင်ကနေပြီးတော့ ဒါကို ညွှန်ကြားနိုင်တယ်။ အဲဒီတော့ သတင်းစာမှာ ထည့်ပြီးတော့ ကန့်ကွက်တယ်ဆိုတာက Known to the Public  လို့ခေါ်တယ်။ အများသိစေရန် ကြော်ငြာတာ။ သိစေရန် ကြော်ငြာတာပေမယ့် ကန့်ကွက်ပိုင်ခွင့်က ဘယ်သူတွေရှိသလဲဆိုတော့ သူက Mother Law လို့ ခေါ်တာပေါ့။ ပင်မဥပဒေမှာ ပြဋ္ဌာန်းထားတဲ့ သက်ဆိုင်သူများကသာလျှင် ကန့်ကွက်ခွင့်ရှိတယ်။ ဒီမှာက အခြားပါတီတစ်ခုခုက သူ့အလံ၊ တံဆိပ်၊ အမည်နဲ့ တူညီလျှင်၊ ဆင်တူယိုးမှားဖြစ်လျှင် ကန့်ကွက်နိုင်တယ်။ အဲဒီလိုကန့်ကွက်နိုင်ဖို့အတွက် အများသိစေရန် ကြော်ငြာတာ။

The Voice Journal – ဟုတ်ကဲ့။ ကန့်ကွက်မှုတွေ ရှိနေတယ်၊ အဲဒါတွေက ဘယ်သူတွေက ကန့်ကွက်တယ်ဆိုတာမျိုး၊ ဒါမှမဟုတ် အထောက်အထားပြည့်စုံတဲ့ ကန့်ကွက်ချက်တွေပါသလား၊ ပြီးတော့ ပါတီအမည်ကို ထပ်ပြောင်းရဖို့ ရှိနေသလား။

UKKG – သူက ဒီအတိုင်း ကန့်ကွက်လို့ မရတော့ဘူး။ ခိုင်လုံတဲ့အထောက်အထားပါရမယ်။ နောက် ကန့်ကွက်ပိုင်ခွင့်ရှိတဲ့သူက ဘယ်သူတွေလဲဆိုတော့ နိုင်ငံရေးပါတီများ၊ နိုင်ငံရေးပါတီများက သူ့အမည်၊ အလံ၊ တံဆိပ်နဲ့ တူညီတယ်၊ ဆင်တူယိုးမှားဖြစ်တယ်ဆိုရင် နိုင်ငံရေးပါတီများက ကန့်ကွက်နိုင်တယ်။ ကန့်ကွက်တဲ့အခါမှာ ခိုင်လုံသောအထောက်အထားတွေနဲ့ ကန့်ကွက်ရမယ်။

ဒီနေရာမှာ သတင်းစာထဲမှာထည့်တဲ့ကြော်ငြာက ပုဒ်မ ၁၄ (ဃ) အရ အများသိစေရန် ကြေညာအပ်ပါသည်။ ဒါ ဥပဒေအရတော့ Known to the  Public၊ အများသိစေရန် ကြေညာတာ။ အဲဒါဟာ အများက မည်သူကမဆို ဝင်ပြီးကန့်ကွက်နိုင်တယ်လို့ ကြေညာတာမဟုတ်ဘူး။
ကျွန်တော်ပြောချင်တာက ဥပဒေရဲ့ဆိုလိုရင်း အဓိပ္ပာယ်ကို သိသာထင်ရှားအောင်လုပ်ဖို့နဲ့ အကောင်အထည်ဖော်ဖို့မှာ တရားဥပဒေစိုးမိုးရေးက အဓိကပဲ။ ကန့်ကွက်ခွင့်က ဘယ်သူတွေမှာ ရှိတယ်။ ဘယ်လို ကန့်ကွက်ရမယ်၊ ဘယ်နှရက်အတွင်း ကန့်ကွက်ရမယ်ဆိုတာတွေ အကန့်အသတ်ရှိပြီးသား။

ဆိုတော့ အဲဒီလိုအခြေအနေမျိုးမှာ အခု ဒီလိုမျိုးပေါ့၊ ကျွန်တော်တို့က ဒါ မီဒီယာကတစ်ဆင့်ပဲ သိရတယ်။ အဲဒီတော့ မေလ ၁၅ ရက်နေ့ ရက်စွဲနဲ့ထုတ်တဲ့ ဒီဂျာနယ်ပေါ့၊ ကော်မရှင်က ပြောကြားကြောင်း တွေ့လိုက်ရတယ်။ ဒီမှာ ကန့်ကွက်တဲ့သူတွေ ရှိနေတယ်လို့ ရွေးကောက်ပွဲကော်မရှင်က ပြောကြားတယ်။ တော်တော်များများတော့ လက်မှတ်ထိုးပြီး ကန့်ကွက်ထားတယ်တဲ့။ ဆိုတော့ တော်တော်များများ လက်မှတ်ထိုးပြီး ကန့်ကွက်ထားတယ်ဆိုတာဟာ ခိုင်လုံသလား၊ ဥပဒေအရ အကျုံးဝင်သလားဆိုတာ ကျွန်တော်တို့က မသိဘူး။ နောက်တစ်ခါ အခုဒီမှာ မေလငါးရက်မှာ ကြေညာထားပြီးတော့ ဘယ်အဖွဲ့အစည်း ဘယ်ပုဂ္ဂိုလ်က ကန့်ကွက်တယ်ဆိုတာကို ရုံးဖွင့်ရက်ကျမှသာ ပြောနိုင်မှာ ဖြစ်တယ်လို့ ကော်မရှင်ကပြောတယ်လို့ ဒီလိုမျိုး ပြောလာတယ်။

ပြောလာတော့၊ ကျွန်တော်တို့က ဥပဒေအရ ချဉ်းကပ်တဲ့အခါကျတော့ ပါတီချင်းကန့်ကွက်သလား၊ သူ့အမည်၊ အလံ၊ တံဆိပ်တွေနဲ့တူလို့ ကန့်ကွက်သလား၊ အဲဒါဆိုရင် ပြောပေါ့။ ပြောဆိုတာတောင်မှ သူက အမှုတစ်ခုကို မဖြေရှင်းခင်မှာ ပြောရေးဆိုခွင့်ရှိသလား။ အခုတစ်ခါ ဒီမှာကန့်ကွက်တဲ့သူတွေ အများကြီးရှိတယ်၊ ဆိုတော့ ဒီပြောကြားချက်က ကန့်ကွက်ထားတာ တော်တော်များတယ်၊ ဆယ်ဂဏန်းမကဘူး၊ အတိအကျတော့ ပြောလို့မရဘူး၊ ဆိုတော့ ဒီလိုမျိုး ပြောကြားချက်တွေဟာ ဥပဒေရဲ့ဆိုလိုရင်းက နိုင်ငံရေးပါတီများက ကန့်ကွက်လို့ရတယ်လို့ဆိုတဲ့ဟာကို မည်သူမဆို ကန့်ကွက်လို့ရတယ်လို့ သဘောမျိုး သက်ရောက်အောင် ပြောကြားချက်တွေဖြစ်နေတယ်ဆိုရင် ဥပဒေအရတော့ Miss Representation လို့ခေါ်တယ်။ ဥပဒေကို တလွဲအဓိပ္ပာယ်သက်ရောက်စေရန်၊ ဥပဒေကို လွဲမှားသော အနက်အဓိပ္ပာယ်ကောက်ယူစေရန် ပြောဆိုတယ်ဆိုရင် သူက Miss Representation လို့ ခေါ်တယ်။

ဥပဒေအရက ကန့်ကွက်ခွင့်ရှိသူများက ကန့်ကွက်နိုင်တဲ့အထောက်အထားခိုင်လုံစွာဖြင့် ကန့်ကွက် ခွင့်ပြုထားသော ကာလအတောအတွင်းမှာ ကန့်ကွက်စာတင်ရင် သူက သက်ဆိုင်တယ်၊ ပတ်သက်တယ်။ အဲဒီလိုမှ မဟုတ်ဘူးဆိုရင် သူက Irrelevant၊ ဒီအမှုနဲ့၊ ဒီကိစ္စနဲ့ မသက်ဆိုင်သော ကန့်ကွက်မှုများလို့ ကျွန်တော်တို့က ဥပဒေအရအဓိပ္ပာယ်ဖွင့်တယ်။ နောက်တစ်ခုက အဲဒီလိုဟာမျိုးကို Inadmissible၊ လက်ခံစဉ်းစားရန် မလိုသော၊ စဉ်းစားမှုမလုပ်နိုင်သော အကြောင်းအချက်များလို့ ကျွန်တော်တို့ ဥပဒေအရ သတ်မှတ်တယ်။ ဒါကြောင့် ကျွန်တော်တို့ အခုစကားပြောနေတာအားလုံးဟာ ဥပဒေအရ စကားပြောနေတာ။

The Voice Journal – ဆိုတော့ အဲဒီလို ကော်မရှင်ဘက်ကနေ မီဒီယာတွေကို ထုတ်ပြောလာတယ်။ အဲဒီအပေါ်မှာ ဘယ်လိုမျိုး လွဲမှားနေလို့လဲ။

UKKG – ပြောရေးဆိုခွင့်ဆိုတဲ့ကိစ္စမှာ အဖွဲ့အစည်းတစ်ခုမှာ ပြောရေးဆိုခွင့်ရှိသူလို့ သတ်မှတ်လိုက်ပြီးပြီဆိုရင် သူက ဘာတွေပြောရေးဆိုခွင့်ရှိသလဲဆိုတဲ့ အချက်အလက်က အဖွဲ့အစည်းက စည်းဝေးဆုံးဖြတ်ထားသော အချက်အလက်များ၊ အများကို ထုတ်ပြောဖို့အတွက် ခွင့်ပြုထားသော အချက်အလက်များကို ပြောရေးဆိုခွင့်လို့ ကျွန်တော်တို့က သတ်မှတ်တယ်။ ကျွန်တော်တို့က နားလည်တယ်။

အဲဒီတော့ အခု ဒီမှာ ကာယကံရှင်ဖြစ်တဲ့ ကျွန်တော်တို့ ဘာမှမသိရဘူး။ တိုက်ရိုက်ဘာမှ မပြောဘူး။ တိုက်ရိုက်မပြောဘဲနဲ့ ဒီလိုမျိုး မီဒီယာတွေကနေတစ်ဆင့် တိုင်းသူပြည်သားအားလုံးသို့၊ အများပြည်သူသို့ ပြောကြားနေတဲ့ ပြောကြားချက်တွေဟာ ဒါဟာ ဒီရွေးကောက်ပွဲကော်မရှင်ရဲ့ တရားဝင်ပြောကြားချက်တွေလား၊ ဒါမှမဟုတ် သူ့ရဲ့ ပုဂ္ဂိုလ်ရေးပြောကြားချက်တွေလား ကျွန်တော်တို့က မရှင်းဘူး။ အဲဒါတော့ ကော်မရှင်အနေနဲ့လည်း ဒီကိစ္စကတော့ တရားဝင်ဆောင်ရွက်ဖို့ လိုတယ်လို့မြင်တယ်။ နောက်တစ်ခုက တစ်ခါထပ်ပြီးတော့ RFA မှာ ထပ်ပြီးတော့ ကျွန်တော်တို့ တွေ့တယ်။ တွေ့တဲ့အခါကျတော့ အဲဒါလည်းပဲ ဥပဒေအရ ကျွန်တော်တို့က ပြောစရာတွေရှိတယ်။ တကယ်တော့ ဒီကိစ္စတွေဟာ ကျွန်တော်တို့က တရားရုံးလိုမျိုးဆိုရင်တော့ သိပ်ပြောလို့ကောင်းတယ်။ အခုဒီမှာက ကန့်ကွက်မှုတွေက များပါတယ်တဲ့။ နှစ်ရာကျော်လောက် ရှိပါတယ်တဲ့။ ဆိုတော့ နှစ်ရာကျော်လောက်ရှိပါတယ်ဆိုတော့ သူ ဒီဟာကို ပြောတဲ့အချိန်က ၂၃ ရက် (မေ) နေ့ရှိပြီ။ သတင်းစာမှာ ကြော်ငြာတာ ခုနစ်ရက်အတွင်း ကန့်ကွက်နိုင်ကြောင်းဆိုတော့ ၁၂ ရက် (မေ) မှာ ပြည့်သွားပြီ။ အဲဒီတော့ ဒီနှစ်ရာကျော်ဆိုတာက ဘယ်ကာလအထိ ရေတွက်တာလဲ။ ဒါကြောင့် ကျွန်တော်တို့က ပြောကြားချက်တွေဟာ အဖွဲ့အစည်းတစ်ခုအနေနဲ့၊ ဒါ နိုင်ငံတော်အဆင့် ကော်မရှင်တစ်ခုအနေနဲ့က သူ့ရဲ့ပြောကြားချက်တွေနဲ့ ပတ်သက်ရင် ကျွန်တော်တို့ကလည်း ရွေးကောက်ပွဲကော်မရှင်ကို အများကြည်ညိုလေးစားတဲ့၊ သမာသမတ်ကျတဲ့အဖွဲ့အစည်းအဖြစ်နဲ့ ကျွန်တော်တို့ကလည်း တကယ့်ကို ထိုက်ထိုက်တန်တန် ဖြစ်စေချင်တယ်။ ကျွန်တော်တို့ကလည်း ရေရှည်မှာ ပါတီတစ်ခုအနေနဲ့ ရွေးကောက်ပွဲကော်မရှင်နဲ့ ရင်းနှီးတဲ့၊ တစ်ယောက်နဲ့ တစ်ယောက်နားလည်မှုရှိတဲ့ ဆက်ဆံရေးမျိုး ကျွန်တော်တို့က ဖြစ်ချင်တယ်။ ဖြစ်ချင်တဲ့အတွက်ကြောင့်လည်း အရင်ဆွေးနွေးတဲ့ ဆွေးနွေး ချက်တွေကအစ ကျွန်တော်တို့ မီဒီယာမှာ အများ ပြည်သူကို ပြောကြားတာမျိုးမလုပ်ဘဲနဲ့ အတတ်နိုင် ဆုံး ထိန်းထိန်းသိမ်းသိမ်းနဲ့ ပြောခဲ့ဆိုခဲ့တာတွေရှိ တယ်။ အဲဒီတော့ အခုဒီမှာ နှစ်ရာကျော်လောက်ရှိပါတယ်ဆိုတော့ တဖြည်းဖြည်းနဲ့ ဆယ်ဂဏန်းရှိတယ်ဆိုတာက ၁၅ ရက် (မေ) နေ့မှာ ပြောတာ၊ ၂၃ ရက် (မေ) နေ့ကျတော့ နှစ်ရာကျော်တယ်လို့ ပြောတယ်။ အမှန်က ၁၅ ရက်နေ့ထုတ်တဲ့ဂျာနယ်မှာ သူ ပြောကြားတယ်ဆိုတာကိုက (ကန့်ကွက်နိုင်ကြောင်း)သတ်မှတ်တဲ့ ခုနစ်ရက်ပြည့်နေပြီ။

The Voice Journal – နောက်တစ်ခုက ပါတီတည်ထောင်မှုမှာ တခြားပါတီဝင်တွေလည်း ပါနေပြီး အဲဒီပါတီတွေကနေ နုတ်ထွက်ပြီးသူတွေဖြစ်၊ မဖြစ် စစ်ဆေးမေးမြန်းဖို့လိုသေးတယ်လို့ ကော်မရှင်ဘက်က ပြောတာရှိတယ်။

UKKG – နောက်တစ်ခုက ပါတီတည်ထောင်တဲ့သူတွေထဲမှာ အခြားပါတီကနေ နုတ်ထွက်ခွင့်ရှိ၊ မရှိတွေကလည်း အငြင်းပွားလာတော့ မေးရသေးတာပေါ့တဲ့။ ဆိုတော့၊ ကျွန်တော်တို့က နိုင်ငံရေးပါတီများ မှတ်ပုံတင်ခြင်းဥပဒေမှာ ပြဋ္ဌာန်းချက်ရှိတယ်။ နည်းဥပဒေမှာ ပြဋ္ဌာန်းချက်ရှိတယ်။ ပါတီတည်ထောင်လိုသူများအနေနဲ့၊ ဒါ နည်းဥပဒေမှာ၊ ကျွန်တော်၊ ကျွန်မသည် ယခုတည်ထောင်ရန်လျှောက်ထားသည့် ပါတီတစ်ခုတည်း၌သာ၊ အခု ကျွန်တော်တို့က ပါတီဝင်စာရင်းမပြုစုရသေးဘူး။ ပါတီဝင်လည်း မရှိသေးဘူး။ ဘာကြောင့်လဲဆိုတော့ သူက ခွင့်ပြုလိုက်ပြီဆိုတော့မှ ပါတီဝင်အင်အား စတင်စုဆောင်းလို့ရပြီ၊ ခွင့်ပြုပြီဆိုတဲ့ အချိန်ကစပြီးတော့မှ ပါတီဝင်စုဆောင်းရမှာဖြစ်တဲ့ အတွက်ကြောင့် ကျွန်တော်တို့မှာ အခုအချိန်အထိ ပါတီဝင်လို့ ပြောလို့မရသေးဘူး။ အဲဒီတော့ ပါတီတည်ထောင်လိုသူက ဒီအချက်အလက်တွေမှန်ကန်ကြောင်း ဝန်ခံတယ်ဆိုတာက ယခုတည်ထောင်ရန်လျှောက်ထားသည့်ပါတီ၊ ပါတီမဖြစ်သေးဘူး၊ အဲဒီပါတီတစ်ခု တည်း၌သာ ပါတီဝင်အဖြစ် ပါဝင်မည်ဖြစ်ပါသည်ဆိုတာ၊ ပါတီဖြစ်လာတဲ့အခါကျရင် ဒီပါတီမှာပဲ ပါမယ်၊ အခြားပါတီမှာ မပါပါဘူးလို့ ကျွန်တော်တို့က ဝန်ခံထားတယ်။ ဆိုတော့ ပါတီဖြစ်တဲ့အခါကျရင် အခြားပါတီကနေ ထွက်ပြီးသားဖြစ်ရမယ်။ အခုလောလောဆယ်မှာ သတ်မှတ်ထားတာမဟုတ်ဘူး။ ပါတီဖြစ်တဲ့အခါကျရင် အခြားပါတီမှာ မပါရဘူးလို့ ပြောထားတာ။ ဒါကြောင့်မို့လို့ ကျွန်တော်တို့ ပါတီတည်ထောင်လိုသူများဟာ အခြားပါတီတစ်ခုခုမှာ ပါတီဝင်ဖြစ်သလား၊ မဖြစ်သလားဆိုတဲ့ကိစ္စမှာ ပြဋ္ဌာန်းချက်မရှိဘူး။ နောက်တစ်ခုက ကျွန်တော်တို့က အခြားပါတီဝင်ဖြစ်ခဲ့တဲ့သူတွေကလည်း သက်ဆိုင်ရာပါတီတွေမှာ တရားဝင်နုတ်ထွက်စာတင်ထားပြီးသားသူတွေဖြစ်တော့ ဒီကိစ္စ အပေါ်မှာ သက်ဆိုင်ရာပါတီများက ကန့်ကွက်လာတယ်ဆိုရင်လည်းပဲ ကျွန်တော်တို့ ကာယကံရှင်တွေကို ပြောရမှာ။ ကာယကံရှင်တွေကို မေးရမှာ။ ဘာမှ ကျွန်တော်တို့ကို တရားဝင်အကြောင်းကြားတာ၊ မေးမြန်းတာ၊ ဆွေးနွေးတာမရှိဘဲနဲ့ Public လုပ်တာပေါ့၊ အများပြည်သူကို ပြောနေတာတွေကရော ဒါဟာ ကော်မရှင်တစ်ခုလုံးရဲ့ တရားဝင်ဆုံးဖြတ်ချက်နဲ့ ပြောနေတာလား၊ ကော်မရှင်ရဲ့ သဘောထားကို ထင်ဟပ်သလားဆိုတာကို ကျွန်တော်တို့က မေးခွန်းထုတ်စရာတွေ အများကြီးရှိတယ်ပေါ့။

The Voice Journal – ဒါတွေကို ခြုံပြီးပြောရမယ်ဆိုရင် ကော်မရှင်က သူ့ရဲ့ ရွေးကောက်ပွဲဆိုင်ရာ၊ ဥပဒေ၊ နည်းဥပဒေတွေမှာ သိပ်ပြီးတော့ မကျေညက်ဘူးဆိုတဲ့အဓိပ္ပာယ်များ ရောက်နေသလားပေါ့နော်။

UKKG – ဒါ၊ ကျွန်တော်တို့ လေ့လာတဲ့အပိုင်းကို ပြောတာ။ သူတို့က ပြောကြစို့ဆိုရင်၊ ဒီမှာတာဝန်ထမ်းဆောင်နေတဲ့ပုဂ္ဂိုလ်တွေဆိုရင်လည်း ဥပဒေအသိုင်းဝိုင်းမှာ နှစ်ပေါင်းများစွာကျင်လည်ခဲ့တဲ့ ပုဂ္ဂိုလ်တွေလည်း ပါတဲ့အခါကျတော့ ကျွန်တော်တို့က သာမန်အရပ်သူအရပ်သား ဥပဒေနားမလည်လို့ ဆိုတာမျိုးကတော့၊ ကျွန်တော်တို့က နားလည်လို့တော့ မဟုတ်ဘူး။ ဒါကြောင့်မို့ ကျွန်တော်တို့က ကျွန်တော်တို့ လေ့လာထားတဲ့ဥပဒေဆိုင်ရာ အချက်အလက်တွေအပေါ်မှာ မူတည်ပြီးတော့ ကော်မရှင်က ကန့်ကွက်ခွင့်ဆိုတာကို အများပြည်သူနားလည်အောင် ဘယ်လိုမျိုး ဖော်ပြနေသလဲ။ နောက်တစ်ခုက ကာယကံရှင် ကျွန်တော်တို့ကို ဘာမှအသိမပေး၊ အကြောင်းမကြားဘဲနဲ့ အခုလိုမီဒီယာမှာပြောကြားနေတဲ့ကိစ္စတွေက ကော်မရှင်တစ်ခုလုံးရဲ့သဘောထားလား၊ တရားဝင် သဘောထားလားဆိုတာ ဒါတွေက မေးခွန်းထုတ်စရာ ဖြစ်တယ်လို့ ကျွန်တော်တို့က ပြောချင်တယ်။

The Voice Journal – ဒီကြားထဲမှာတော့ ကော်မရှင်နဲ့တွေ့တာ မရှိဘူးပေါ့။ မှတ်ပုံတင်လျှောက်ထားတဲ့ မေလ ၂ ရက်နေ့နောက်ပိုင်းကစလို့။

UKKG – နောက်ပိုင်း ကျွန်တော်တို့ တွေ့တာလည်း မရှိဘူး။ ဖုန်းဆက်တာလည်း မရှိဘူး။ စာပို့တာလည်း မရှိဘူး။ ဘာမှအကြောင်းကြားတာမရှိဘူး။ ဆိုတော့ ငါးရက်နေ့ကနေ သတင်းစာထဲထည့်တယ်ဆိုတော့ ၁၂ ရက်နေ့မှာ သတ်မှတ်တဲ့ရက်ပြည့်သွားပြီ။ အခု ဒီနေ့ဆိုလို့ရှိရင် ၂၈ ရက် ရှိသွားပြီဆိုတော့ ကန့်သတ်ကာလကျော်သွားတာကိုပဲ ၁၆ ရက် ရှိသွားပြီ။ ပြည်ထဲရေးတာဝန်ရှိသူတွေကတော့ ကျွန်တော်တို့ အလံ၊ တံဆိပ်နဲ့ပတ်သက်လို့ လာပြီးတော့ မေးမြန်းတာတွေ၊ ကျွန်တော်တို့လည်း သူတို့ကို ပြန်ပြီးရှင်းပြတာတွေ၊ ဒါတွေအားလုံးလုပ်ပြီးသွားပြီ။ ဆိုတော့ ကျွန်တော်တို့ကတော့ ကော်မရှင်က ကျွန်တော်တို့ကို တရားဝင်ဆက်သွယ်ပြီးတော့ ပြောဆိုသင့်တယ်၊ ဆွေးနွေးသင့်တယ်။ အခုဟာက ကာယကံရှင်တွေက မပြောဘဲနဲ့ မီဒီယာမှာ လျှောက်ပြောနေသလိုဖြစ်နေတယ်။ ကော်မရှင်က တစ်ခုခုပြီးတစ်ခု အင်တာဗျူးတွေပေါ့၊ သတင်းစာ၊ ဂျာနယ်အင်တာဗျူးတွေ တစ်ခုပြီးတစ်ခု ပြောဆိုထားတာတွေအပေါ်မှာ မူတည်ပြီးတော့မှ အခု ကျွန်တော်က ခင်ဗျားတို့မေးလို့ ပြန်ပြောပြရတာ။ တကယ်ကတော့ ကျွန်တော်က စောင့်ဆိုင်းနေတာ။ သူတို့ကော်မရှင်အနေနဲ့ ဒီလိုမျိုးတွေပြောနေမယ့်အစား ကျွန်တော်တို့ကို တိုက်ရိုက်ပြောဆိုဆွေးနွေးတာမျိုးက ပိုပြီးတော့ အပြုသဘောဆောင်မယ်ပေါ့နော်။ ကျွန်တော်ကတော့ ဒါမျိုး ပြောပြချင်တယ်။

The Voice Journal – ဆိုလိုတာက ခုနကပြောတဲ့ ကန့်ကွက်ပိုင်ခွင့်ရှိတဲ့ပါတီတွေက ဘယ်နှဦးကန့်ကွက်သလဲ၊ ဒါမှမဟုတ် အထောက်အထားပြည့်စုံတဲ့ကန့်ကွက်မှုက ဘယ်လောက်ပါသလဲဆိုတာကို ဒီအချိန်မှာ ထုတ်ပြောသင့်ပြီလို့ ဦးကိုကိုကြီးတို့ ယူဆလား။

UKKG – သူက ကျွန်တော်တို့ကို ပြောရမှာ၊ အရင့်အရင်ပါတီတွေ ၉၅ ခုပေါ့ဗျာ၊ အခုဆို အားလုံးလျှောက်ထားဆဲတွေရော တစ်ရာနီးပါးရှိတဲ့အခါမှာ အခုလိုမျိုး ထုတ်ပြောတာတွေ၊ အင်တာဗျူးလုပ်တာတွေ ကျွန်တော်ကတော့ မတွေ့ဖူးဘူး။

နောက်တစ်ခုကလည်း အင်တာဗျူးတွေရဲ့ သက်ရောက်မှုက ဘယ်လိုဖြစ်နေလဲဆိုတော့ ခင်ဗျားတို့ ကန့်ကွက်လို့ရအောင် ကျွန်တော်တို့ ကြေညာထားပြီး ပြီနော်၊ ကန့်ကွက်တာတွေလည်း တော်တော်များများ ကျွန်တော်တို့ဆီ ရောက်နေပြီ။ ကျန်တဲ့သူတွေလည်း ကန့်ကွက်မယ်ဆိုရင် ကန့်ကွက်လို့ရသေးတယ်ဆိုပြီးတော့ လှုံ့ဆော်တဲ့သဘောပါ သက်ရောက်နေတယ်။ ဥပဒေရဲ့ဆိုလိုရင်းကို အနက်အဓိပ္ပာယ်လွဲအောင် ပြောဆိုနေသလိုမျိုးတွေပါ၊ Miss Representation  ပေါ့၊ အဲဒီလို ဖြစ်နေတယ်လို့ ကျွန်တော်တို့ကတော့ မေးခွန်းထုတ်သလို ဖြစ်နေတယ်ပေါ့။

The Voice Journal – အခု ဒီပြဿနာတွေကလည်း ရှိနေတယ်ပေါ့နော်။ ကြားဖြတ်ရွေးကောက်ပွဲကလည်း ရှိနေပြန်တယ်။ ဒီဟာကို ဝင်ပြိုင်ဖို့ အခြေအနေက ဘယ်လိုဖြစ်သွားမလဲ။

UKKG – ပြောရရင် ဒီဇင်ဘာ ၁၉ (၂၀၁၇) ကနေစပြီး ကျွန်တော်တို့ မှတ်ပုံတင်ထားတာ။ အခုဆို ငါးလကျော်သွားပြီ။ မေ ၁၉ မှာ ငါးလပြည့်တယ်။ တကယ်လို့ သူက အခုအဆင့်ကို ခွင့်ပြုပါတယ်လို့ ပုံစံ(စ)လုံးနဲ့ အကြောင်းပြန်ရင်တောင်မှ နောက်ထပ် ရက်ပေါင်း ကိုးဆယ်အတွင်းမှာ ကျွန်တော်တို့က ပါတီဝင်အင်အား တစ်ထောင်စာရင်း ထပ်တင်ရမယ်။ အခု ဒီလကုန်ခါနီးအထိ ကျွန်တော်တို့ကို ဘာမှလည်း မဆက်သွယ်သေးဘူး။ အကြောင်းမကြားသေးဘူး။ မီဒီယာမှာ လျှောက်ပြောနေတယ်။ အဲဒီတော့ ရှောရှောရှူရှူနဲ့ ခွင့်ပြုလိုက်တယ်ဆိုရင်တောင်မှ နောက်ထပ်ရက်ပေါင်းကိုးဆယ်ဆိုတော့ ကျွန်တော်တို့က ဘယ်လောက်အထိ ရောက်သွားမလဲဆိုတော့ ဩဂုတ်လကုန်လောက်အထိ ရောက်သွားမယ်။ အဲဒီမှာမှ ဒါကို စိစစ်တယ်ဆိုတဲ့ Process (လုပ်ငန်းစဉ်) ကို ဘယ်လောက်သွားဦးမလဲ မသိဘူး။ အဲဒီတော့ ကျွန်တော်က၊ ပုံမှန်အတိုင်း သူတို့လုပ်သွားမယ်ဆိုရင်တောင်မှ ဩဂုတ်လကုန် ကျွန်တော်တို့က ဒီအတောအတွင်း လူတစ်ထောင်စာရင်း၊ CEC (ပါတီဗဟို အလုပ်အမှုဆောင်) စာရင်းတင်လိုက်ပြီဆိုတာနဲ့၊ ဆိုပါစို့ ကျွန်တော်တို့က စက်တင်ဘာ၊ အောက်တိုဘာလောက်မှ ကျမယ်ဆိုရင်တောင်မှ နိုဝင်ဘာ ၃ ရက် ရွေးကောက်ပွဲနဲ့က တော်တော့်ကို ကပ်သွားပြီ။ ဒီအတိုင်းလုပ်သွားမယ်ဆိုရင်တောင်မှ မှတ်ပုံတင်တဲ့ အချိန်ကနေစပြီးတော့ ရှစ်လပတ်ဝန်းကျင်လောက်ကြာသွားမယ့်သဘောရှိတယ်။ အခုအတိုင်းကျသွားမယ်ဆိုရင်။ အဲဒီတော့ ကျွန်တော်တို့က အခုကြားဖြတ် ရွေးကောက်ပွဲကတော့ ဥပဒေအရ သုံးယောက်ကတော့ ကျွန်တော်တို့က ဝင်ရမယ်။ ကတိုက်ကရိုက်တော့ နိုင်သွားမယ်။

အခုနောက်ထပ် ကိုယ်စားလှယ်လောင်းတင်သွင်းဖို့ နောက်ဆုံးရက်သတ်မှတ်တဲ့ ကြေညာချက်ထပ်ထွက်လာတော့ ဇူလိုင် ၂ ရက်ကနေပြီးတော့ ၁၁ ရက်အတောအတွင်းမှာ သွင်းရမယ်။ အပြီးသွင်းရမယ်ဆိုတော့ အခုထက်ထိ ကျွန်တော်တို့က ပုံစံ(စ) မကျသေးဘူး။ တရားဝင်လည်း ဘာမှဆက်သွယ်ခြင်း မရှိသေးဘဲနဲ့ မီဒီယာမှာ ပြောနေတာတွေကတစ်ဆင့် ကြားနေရတယ်။ ကျွန်တော်တို့လည်း မျက်ခြည်မပြတ်တော့ စောင့်ကြည့်နေပါတယ်။ ဒီကော်မရှင်ရဲ့ ဆောင်ရွက်ချက်တွေနဲ့ပတ်သက်ပြီးတော့ ကျွန်တော်တို့ကတော့ ရင်းရင်းနှီးနှီး ပွင့်ပွင့်လင်းလင်းဆက်ဆံရေးမျိုးကို ဖြစ်ချင်ပါတယ်လို့ ပထမအကြိမ်စတွေ့ကတည်းက ပြောခဲ့တယ်။ ဒါကြောင့်လည်း အဲဒီမှာအပြန်အလှန် ပြောဆိုချက်တွေကို အပြင်မှာမပြောဘဲနဲ့ ထိန်းထိန်းသိမ်းသိမ်းနဲ့၊ မီဒီယာတွေမေးတဲ့အခါမှာ မိသားစုလို ရင်းရင်းနှီးနှီးတွေ့ဆုံခဲ့ပါတယ်လို့ အဲဒါမျိုးလေးပဲ ကျွန်တော်တို့က ထိန်းပြီးတော့ ပြောခဲ့တာ။

The Voice Journal – ဒါဆို ဦးကိုကိုကြီးတို့ဘက်က လုပ်ဖို့က ရက်ပေါင်းကိုးဆယ်အတွင်းမှာ၊ ဇွန်လထဲမှာပဲ ပါတီဝင်တစ်ထောင်စာရင်းတင်ပြီး အားချင်းလုပ်နိုင်မှကို ကြားဖြတ်ဝင်လို့ရမယ့် အနေအထားပေါ့။

UKKG – အခုတောင်မှ (အရင်က)ရက်ပေါင်း ၃၀ အတွင်း တင်ရမယ်ဆိုတဲ့ဟာကို ဆယ်ရက်ကျော်ကျော်နဲ့ တင်ပစ်လိုက်တာ။ ကျွန်တော်တို့ဘက်က နှောင့်နှေးတာမရှိဘူး။ ကျွန်တော်တို့က တောက်လျှောက် အတတ်နိုင်ဆုံး မြန်မြန်ဆန်ဆန်ဖြစ်အောင် ကျွန်တော်တို့က လုပ်တယ်။ နောက်တစ်ခုက ပါတီစည်းရုံးခွင့်ရပြီဆိုတဲ့အချိန်ကျမှ စစည်းရုံးရမှာဖြစ်တဲ့အတွက်ကြောင့် နယ်တွေအနှံ့ကို ကျွန်တော်တို့က ပြန်ပြီးတော့ ဆင်းရတော့မယ်။ ဆင်းတဲ့အခါမှာ အခုက မိုးကျသွားပြီ။ တချို့နေရာတွေဆိုရင် သွားရေးလာရေးကအစ နေ့ချင်းမရောက်တာမျိုးတွေဘာတွေ ရှိတယ်။ ရှိတော့ ဒါတွေလည်း အခြေအနေတွေကြားထဲမှာ၊ ကျွန်တော်တို့ဘက်ကတော့ ဥပဒေတွေကို သေချာ လေ့လာကြည့်တဲ့အခါမှာ ကျွန်တော်တို့ကို ကန့်သတ်တာတွေပဲ ရှိတယ်၊ သူ့ဘက်က ဘယ်နှရက်အတွင်းမှာ အပြီးအပြတ်ဆောင်ရွက်ပေးပါ့မယ်ဆိုတဲ့ ကတိခံဝန်ချက်မရှိဘူး။ ဥပဒေအရ သတ်မှတ်ပေးထားတာမရှိဘူး။ ဟုတ်ပြီ၊ ကျွန်တော်တို့က အလျင်အမြန်လုပ်ပြီး တင်ပေးလိုက်တယ်။ ဘယ်နှရက်အတွင်းမှာ အကြောင်းပြန်ရမယ်ဆိုတာမျိုး ကော်မရှင်ကို သတ်မှတ်ထားတာ မရှိဘူး။

အဲဒီတော့ ကျွန်တော်တို့က သူ အကြောင်းမပြန်မချင်း စောင့်နေရုံပဲရှိတယ်။ စောင့်နေတဲ့အတောအတွင်းမှာ ကျွန်တော်တို့ကို အကြောင်းမပြန်သေးဘူး၊ တိုက်ရိုက်မဆက်သွယ်သေးဘူးဆိုရင်တောင်မှ ဒီလိုမျိုး မီဒီယာတွေမှာ ကာယကံရှင်ကို မပြောဘဲနဲ့၊ တိုက်ရိုက်ဘာမှမပြောဘဲနဲ့ မီဒီယာတွေမှာ ဒီလိုပြောနေတဲ့ဟာတွေက ဒါကြောင့်မို့လို့ ကျွန်တော်တို့က ဥပဒေ၊ နည်းဥပဒေများနဲ့အညီဆောင်ရွက်ဖို့ လိုအပ် တဲ့အခြေအနေအပေါ်မှာ အများပြည်သူရဲ့အမြင်မှာရော၊ ကျွန်တော်တို့ နိုင်ငံရေးပါတီများရဲ့ အမြင်မှာရော ရွေးကောက်ပွဲကော်မရှင်ရဲ့ ဂုဏ်သတင်းပေါ့၊ အဲဒါကို ကျွန်တော်တို့ကတော့ မှန်မှန်ကန်ကန်ဖြစ်စေချင်တယ်။

The Voice Journal – ဒီအနေအထားမှာ အဲဒါ ကို အတိုချုံးပြောရရင် ရွေးကောက်ပွဲကော်မရှင်ရဲ့ စွမ်းဆောင်ရည်၊ ဒါမှမဟုတ် ဂုဏ်သိက္ခာပေါ့၊ အဲဒီ အပေါ်မှာ သံသယတွေ ရှိနေလား။

UKKG – ကျွန်တော်တို့ကတော့ အခုဟာက တရားဝင်တုံ့ပြန်လာမယ့်အချက်ကို စောင့်ကြည့်နေတာပေါ့။

The Voice Journal – တကယ်လို့များ ကြားဖြတ်မှာ ဝင်ခွင့်မရလိုက်ဘူး၊ အခြေအနေတွေက အဲဒီလိုဖြစ်သွားတယ်ဆိုရင် တရားခံက ဘာတွေ ဖြစ်မလဲ၊ လုပ်ထုံးလုပ်နည်းတွေလား၊ ကော်မရှင်ရဲ့ စွမ်းဆောင်ရည်လား။

UKKG – ကျွန်တော်တို့က ရှစ်လေးလုံးမှာ ပြည်သူတစ်ရပ်လုံး တစ်ခဲနက်တောင်းဆိုခဲ့တဲ့ ဒီမိုကရေစီရရှိရေးတို့အရေးဆိုတာ၊ အဲဒါပီပီပြင်ပြင်ဖြစ်လာဖို့အတွက်ကို ဦးတည်ချက်ထားပြီး ဆောင်ရွက်မှာဖြစ်တဲ့အတွက်ကြောင့် ဘယ်သူရယ်၊ ဘယ်အဖွဲ့ရယ်ကို အပြစ်တင်တာမျိုးထက်စာရင် ဥပဒေ၊ နည်းဥပဒေတွေက မျှမျှတတဖြစ်ဖို့၊ နောက် အဲဒီဥပဒေ၊ နည်းဥပဒေတွေအတိုင်း အကောင်အထည်ဖော်ဆောင်ရွက် ဖို့ဆိုတဲ့ဟာကို အားကောင်းလာအောင် ကျွန်တော်တို့က ဖြစ်စေချင်တယ်ပေါ့နော်။

အခုလည်း ကျွန်တော်တို့က ကော်မရှင်ကို အဖွဲ့အစည်းအနေနဲ့ လူပုဂ္ဂိုလ်အနေနဲ့ ဝေဖန်တာ၊ အပြစ်တင်တာမျိုး ကျွန်တော်တို့က မလုပ်ပါဘူး။ လုပ်လည်း မလုပ်ချင်ဘူး။ သို့သော်၊ ကျွန်တော်ပြောနေတာအားလုံးက အချက်အလက်အရ ပြောနေတာဖြစ်ပြီးတော့ အဲဒါတွေက နောက်နောင်မှာ ဒီထက်ပိုပြီးတော့ ခိုင်မာလာမယ်၊ မျှမျှတတဖြစ်လာမယ်၊ အားကောင်းလာမယ်ဆိုရင် ပါတီစုံဒီမိုကရေစီအတွက် ရေခံမြေခံပိုကောင်းသွားမယ်ပေါ့။ ဒီအတွက်ပဲ ကျွန်တော်ပြောတာပါ။ အခုပြောတဲ့အထဲမှာလည်း လူပုဂ္ဂိုလ်အရ၊ အဖွဲ့အစည်းအရ ဘာမှအပြစ်တင်တဲ့သဘောမျိုး ကျွန်တော် မပါဘူး။

The Voice Journal – ကြားဖြတ်ရွေးကောက်ပွဲအကြောင်းပဲ ဆက်ပြောပါဦးမယ်။ တကယ်လို့ ဒီကြားဖြတ်ကို ဝင်ပြိုင်မယ်ဆိုရင်ရော ဘယ်လိုအနေအထားအထိ မျှော်လင့်ထားလဲ။ ခုနကပြောတဲ့ အနည်းဆုံး သုံးခုပဲလား။

UKKG – အခုက အဲဒီကြားဖြတ်ကို စဉ်းကို မစဉ်းစားနိုင်ဘူး။ ဘာကြောင့်လဲဆိုတော့ ခုနကပြောတဲ့ ပါတီမှတ်ပုံတင်ဖို့ကိစ္စကို ဒီလောက်ကြန့်ကြာနေတော့ ကျွန်တော်တို့ကပါတီက ရွေးကောက်ပွဲ အချိန်မီကျတယ်ဆိုမှ ရွေးကောက်ပွဲကို ဘယ်နှနေရာဝင်မယ်၊ ဘယ်မှာဝင်မယ်ဆိုတာကို ကျွန်တော်တို့က ဆက်ပြီးတော့ ပြောလို့ရမယ်လေ။ အခုဟာကျတော့ ကျွန်တော်တို့ ပုံစံ(စ) ကျဖို့အဆင့်မှာတင်ပဲ တစ်ဆို့နေတယ်လို့ အဲဒီလိုမြင်တယ်။

The Voice Journal – လာမယ့် ၂၀၂၀ မှာ ဦးကိုကိုကြီးပါတီအနေနဲ့ ဘယ်လောက်အတိုင်းအတာအထိ ရောက်နေမယ်လို့ မျှော်မှန်းထားလဲ။

UKKG – အခု ကျွန်တော်တို့က ပါတီဖွဲ့စည်းရေးကိစ္စကို ကော်မရှင်ရဲ့တုံ့ပြန်မှုကို စောင့်ဆိုင်းနေရင်းနဲ့ တချို့ အများပြည်သူနဲ့ပတ်သက်တဲ့ လုပ်ရမယ့်ကိစ္စတွေအပေါ်မှာ ကျွန်တော်တို့ နည်းနည်းနှောင့်နှေးနေတဲ့ သဘောမျိုးဖြစ်တယ်။ အဲဒီတော့ ရှေ့လျှောက်ပြီးတော့ကတော့ ကော်မရှင်နဲ့ပတ်သက်ပြီး စောင့်တာ စောင့်တာ တစ်ပိုင်းပဲ။ ကျွန်တော်တို့ အများပြည်သူနဲ့ ပတ်သက်တဲ့ကိစ္စ ပြောစရာရှိတာတွေ ဆောင်ရွက်စရာ ရှိတဲ့ကိစ္စတွေကို ဆက်ပြီးတော့ ဆောင်ရွက်သွားတော့မယ်။ ကျွန်တော်တို့ ဒီအတိုင်း နေနေတာဟာ တစ်ဖက်က ဒီကော်မရှင်ကို စောင့်နေရင်းနဲ့ကိုပဲ နေ့စဉ်ပြည်သူတွေရဲ့အခက်အခဲတွေနဲ့ ပတ်သက်လို့ ထိထိရောက်ရောက် မလုပ်နိုင်ခြင်း၊ မပြောနိုင်ခြင်းဟာ ကိုယ့်ကိုယ်ကိုယ် တာဝန်မဲ့သလို ခံစားလာရတယ်။ ဒါကြောင့်မို့လို့ စောင့်တဲ့အပိုင်းကတော့ အခုလည်း ငါးလကျော်ကျော် စောင့်ပြီးပြီ။ စောင့်တာသက်သက်နဲ့တော့ ငုတ်တုတ်ထိုင်နေမှာ မဟုတ်တော့ဘူး။ လုပ်စရာရှိတာတွေကို စပြီးတော့ ဆောင်ရွက်တော့မယ်လို့ ပြည်သူတွေကို အသိပေးချင်ပါတယ်။

The Voice Journal – သီးခြားပြောဖို့ ကျန်တာတွေရှိရင်ရော ပြောပါဦး။ ကော်မရှင်နဲ့ပတ်သက်ပြီးတော့။

UKKG – အဓိကကတော့ ဖြစ်သင့်တာက မှတ်ပုံတင်တဲ့ပါတီနဲ့ ဆုံးဖြတ်ပေးရမယ့်ကော်မရှင်ထဲမှာ တိုက်ရိုက်ဆက်သွယ်ပြောဆိုမှုမျိုး ဖြစ်သင့်တယ်။ ဖြစ်ပြီးတော့မှ ကော်မရှင်ရဲ့ဆုံးဖြတ်ချက်ပေါ့၊ အဲဒါကို တရားဝင် ပြည်သူကို အသိပေးတဲ့အပိုင်း၊ ဒါမျိုးဖြစ်သင့်တယ်ပေါ့။
ကျွန်တော်တို့ကိုယ်တိုင်လည်း ကော်မရှင်ဘက်က အင်တာဗျူးတွေချည်းပဲ တောက်လျှောက်တက်လာတဲ့အတွက်ကြောင့် ပြန်ပြောနေရတာ။ ကျွန်တော်တို့က စတင်ပြီးတော့ ကော်မရှင်က ဘာဖြစ်တယ်၊ ညာဖြစ်တယ် ပြောဆိုဝေဖန်တာမျိုး စပြီး ကျွန်တော်တို့က ဘာတစ်ခုမှ မလုပ်ဘူး။ ကျွန်တော်တို့က ဒါတစ်လျှောက်လုံးလည်း ထိန်းသိမ်းလာခဲ့တာပေါ့နော်။ အခုဟာကတော့ တချို့ဟာတွေက မီဒီယာကတစ်ဆင့် ပြောဖို့လိုအပ်လာတဲ့ကိစ္စတွေ ပေါ်လာတဲ့အတွက်ကြောင့်သာ အခုလို ပြန်ပြောတာဖြစ်ပါတယ်။ တကယ်ကတော့ ကျွန်တော်တို့က ရုံးလုပ်ငန်းအရ သက်ဆိုင်တဲ့ အဖွဲ့အစည်းချင်း၊ ပုဂ္ဂိုလ်ချင်း တိုက်ရိုက်ပြောဖို့က ပိုပြီးအရေးကြီးတယ်လို့ အဲဒီလို မြင်ပါတယ်။

The Voice Journal – တစ်ခုလေး ပေါ်လာလို့ပါ။ ပါတီထောင်ဖို့အနေအထားမှာ ဦးကိုကိုကြီးအနေနဲ့ အစိုးရိမ်ဆုံးဖြစ်နေတာက ဘာများဖြစ်မလဲ။

UKKG – တကယ့်တကယ်ကတော့ ကျွန်တော် ပြောပြီးပြီ၊ နှစ်ပေါင်း သုံးဆယ်၊ ကျွန်တော် ထောင်ထဲမှာ ၁၉ နှစ်ကျော်ကျော်၊ အနှစ် နှစ်ဆယ်လောက် နေခဲ့ရတာ၊ ဘာစိုးရိမ်လဲဆိုတော့ ဘာမှမစိုးရိမ်ဘူး။ အဲဒါ ကျွန်တော်ပါတီမထောင်ခင်တုန်းကလည်း ဘာပါတီမှမရှိဘဲနဲ့ နိုင်ငံရေးကို လုပ်ခဲ့ကြတာ၊ နှစ်ပေါင်းသုံးဆယ်။ အဲဒီဘ၀ ပြန်သွားဖို့လည်း ဝန်မလေးဘူး။ ကျွန်တော်တို့က စည်းနဲ့ ဘောင်နဲ့ ဥပဒေ၊ နည်းဥပဒေနဲ့ နိုင်ငံရေးပါတီတစ်ရပ်အဖြစ် ထိထိရောက်ရောက်လုပ်ချင်လို့ ကျွန်တော် ဒီပုံစံကိုကြိုးစားနေတာ။ ကျွန်တော်တို့မူလက ဘာပါတီ ပလက်ဖောင်းမှမလိုဘူး။ ကျွန်တော်တို့လုပ်စရာရှိတာကို ရဲရဲတင်းတင်းလုပ်ဖို့လည်း အစီအစဉ်ရှိတယ်။ လုပ်လည်း လုပ်ခဲ့ပြီးပြီ။ အဲဒီတော့ ဘာစိုးရိမ်လဲဆိုတော့ ဘာမှ မစိုးရိမ်ဘူး။ အဓိက ကတော့ ကျွန်တော်နိုင်ငံရေးကို တကယ့်ကို ရူးသွပ်ခုံမင်စွာနဲ့ ဆောင်ရွက်ခဲ့တာဖြစ်တဲ့အတွက်ကြောင့် ဘယ်လိုပုံစံနဲ့ဖြစ်ဖြစ် ဒီနိုင်ငံရေးပုံစံ၊ ကျွန်တော်တို့ရဲ့ ရည်မှန်းချက်ကို ရောက်အောင်သွားမှာဖြစ်တယ်။ ဒါ ကျွန်တော်တို့ ဘ၀တူဖြတ်သန်းခဲ့တဲ့ ရဲဘော်တွေလည်း ဒီရည်မှန်းချက်အပြည့်ရှိတယ်ဆိုတာ မီဒီယာကတစ်ဆင့်ပဲ ပြည်သူကို ပြောချင်တယ်။ အဲဒီတော့ ကျွန်တော်တို့ လုပ်စရာရှိတာ ကျွန်တော်တို့ ဆက်လုပ်သွားမယ်။ လုပ်လည်း လုပ်တော့မယ်ဆိုတာကို ကျွန်တော်က အသိပေးချင်တယ်။ ပြောချင်ပါ တယ်။ 

အောင်မျိုးထက်

You may also like...

Leave a Reply

Your email address will not be published. Required fields are marked *