စီးပွားရေး ကပ္ပတိန်သစ် ဖြတ်ကျော်ရမည့် မုန်တိုင်း

လူစားဝင်မည့် ကပ္ပတိန်အသစ်က ယုံကြည်မှုအပြည့်။

အသက်ရှစ်ဆယ်ရှိပြီဖြစ်သော်လည်း စိန်ခေါ်မှုများကို ရင်ဆိုင်ရန်အသင့်ရှိနေသည်။ သူကား ဦးစိုးဝင်းဖြစ်သည်။

တိုင်းပြည်စီးပွားရေးကဏ္ဍအတွက် အရေးပါဆုံးယန္တရားတစ်ခုဖြစ်သော စီမံကိန်းနှင့် ဘဏ္ဍာရေးဝန်ကြီးဌာနကို ဦးဆောင်မောင်းနှင်ရမည့် ပြည်ထောင်စုဝန်ကြီးလည်းဖြစ်သည်။ အားပျော့နှေးကွေးနေသည့် မြန်မာ့စီးပွားရေး ထူထူထောင်ထောင်ဖြစ်ရန် ကိုင်တွယ်နိုင်မည်ဟုလည်း ၎င်းက ယုံကြည်ထားသည်။

“ကျွန်တော် ယုံကြည်မှုရှိလို့ ဝင်လာတာ”ဟု The Voice Journal သို့ ပြောဆိုသည်။

“စိန်ခေါ်မှုတွေကရှိတာပေါ့။ အကြီးကြီးပဲ။ အများကြီးပဲ။ ဒီစိန်ခေါ်မှုကို Underestimating မလုပ်ဖို့ (လျှော့မတွက်ဖို့) အရေးကြီးတာပေါ့နော်”

စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်း ၂၀၁၈ ခုနှစ် မေလ ၂၅ ရက်တွင် နုတ်ထွက်ပြီးနောက် ဦးစိုးဝင်းကို ဝန်ကြီးခန့်အပ်လိုက်ပြီဖြစ်သည်။

ဦးကျော်ဝင်းမှာမူ အားမလို၊ အားမရမှုများဖြင့် တစ်ခန်းရပ်ခဲ့ပြီ။ မြန်မာ့စီးပွားရေးဂျက်ပါဝါကဲ့သို့ လေထဲပျံမည်ဟူသော လက်တွေ့နှင့်သွေဖည်သည့် စကားလုံးများသည် လေထဲ၌ပင်ပျောက်ဆုံးခဲ့ချေပြီ။

ပြည်ထောင်စုဝန်ကြီးသစ် ဦးစိုးဝင်းကိုမူ မျှော်လင့်ချက်အသစ်အဖြစ် လုပ်ငန်းရှင်အချိုကပုံဖော်သည်။ သို့သော် ခြောက်ပြစ်မကင်း။ အသက်ရှစ်ဆယ်ဟူသောအရွယ်သည် တွန်းတွန်းတိုက်တိုက်အလုပ်လုပ်ရန် ခက်ခဲလိမ့်မည်ဟူသော စိုးရိမ်မှုများလည်းရှိသည်။

ဦးစိုးဝင်း ဖြစ်သန်းခဲ့ဖူးသောအတွေ့အကြုံများ၊ တတ်မြောက်ခဲ့သောပညာရပ်များကို ချိန်ဆလျှင် မုန်တိုင်းသင့် မြန်မာစီးပွားရေးအတွက် အားတက်စရာဖြစ်ကြောင်း ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှု လက်မှုလုပ်ငန်းရှင်များအသင်းချုပ် (UMFCCI) ဥက္ကဋ္ဌ ဦးဇော်မင်းဝင်းက ပြောသည်။

“တော်တော်ရင့်ကျက်တဲ့ပုဂ္ဂိုလ်ပါ။ ဘဏ်လုပ်ငန်း၊ ငွေရေးကြေးကဏ္ဍမှာ တော်တော်ကျွမ်းကျင်တဲ့ ပုဂ္ဂိုလ်ဖြစ်တော့ လွတ်တော်က သူတို့ကိုလက်ခံလိုက်ရင် ရရှိထားတဲ့အတွေ့အကြုံတွေနဲ့ အကောင်းဆုံးကြိုးစားမယ် ထင်ပါတယ်”ဟု ၎င်းက မှတ်ချက်ပြုသည်။

ဦးစိုးဝင်းသည် သက်တော်ရှည်အစိုးရအရာထမ်းတစ်ဦးအဖြစ် လုပ်ကိုင်ခဲ့သူဖြစ်သည်။ နိုင်ငံတော်ပိုင်ဘဏ်တစ်ခု ဖြစ်သော မြန်မာ့စီးပွားရေးဘဏ်တွင် လက်ထောက်မန်နေဂျာအဖြစ် ၁၉၆၁ ခုနှစ်တွင် တာဝန်ထမ်းခဲ့သည်။

ထို့နောက် ဗြိတိန်အခြေစိုက် National Westminster Bank နှင့် Bank of England တို့တွင် ဘဏ်လုပ်ငန်းသင်တန်းများ တက်ရောက်ဆည်းပူးခဲ့သည်။

ယင်းနောက် မြန်မာ့နိုင်ငံခြားကုန်သွယ်မှုဘဏ်(MFTB)တွင် အထွေထွေမန်နေဂျာအဖြစ် လုပ်ကိုင်သည်။ ၎င်းသည် မြန်မာနိုင်ငံ၏ ဘဏ်လုပ်ငန်းဥပဒေများနှင့် စည်းမျဉ်းများ၊ ဘဏ္ဍာရေးမူဝါဒများရေးဆွဲရာတွင် အတွင်းကျကျပါဝင်ခဲ့သူဖြစ်ကြောင်း မြန်မာဒါရိုက်တာများ အင်စတီကျုကဖော်ပြသည်။

ဝိဇ္ဇာ၊ ဥပဒေဝိဇ္ဇာ၊ စီမံခန့်ခွဲရေးဒီပလိုမာ(BA, BL, DMA) ဘွဲ့များရရှိထားသည်။

၎င်းသည် ၂၀၀၃ ခုနှစ်တွင် Myanmar Vigour ကုမ္ပဏီလီမိတက်ကို တည်ထောင်ခဲ့ပြီး ယင်းကုမ္ပဏီသည် ၂၀၁၅ ခုနှစ်တွင် နိုင်ငံတကာစီးပွားရေးနှင့် ရင်းနှီးမြှုပ်နှံမှုအကြံပေးလုပ်ငန်း Deloitte ကုမ္ပဏီ၏ အဖွဲ့ဝင်ကုမ္ပဏီတစ်ခု ဖြစ်လာခဲ့သည်။

လက်ရှိတွင် Deloitte Touche Myanmar Vigour Advisory လီမီတက်တွင် Country Managing Partner အဖြစ်လုပ်ကိုင်နေသူ ဖြစ်သည်။၂၀၁၈ ခုနှစ် ဒီဇင်ဘာ ၁၃ ရက်တွင် အသက်ရှစ်ဆယ်ပြည့်မည်ဖြစ်သည်။

“အတွေ့အကြုံရှိတဲ့လူတစ်ယောက်ပဲဗျ၊ Trust Record လည်း ကောင်းတဲ့ လူတစ်ယောက်ပါ။ သူက MFTB မှာ အကြာကြီး အလုပ်လုပ်ခဲ့တယ်။ လေးစားတဲ့လူလည်း များတယ်လေ။ လူချစ်လူခင်လည်း ပေါပါတယ်။ နိုင်ငံခြားအဖွဲ့အစည်းတွေနဲ့ ထိတွေ့လုပ်ကိုင်နေတော့ သူ့အတွေ့အကြုံကို ယုံကြည်တယ်”ဟု ဘဏ်နှင့် ငွေရေးကြေးရေးကျွမ်းကျင်သူ ဦးစံသိန်းက ဆိုသည်။

အတွေ့အကြုံရင့်သန်ခြင်းကြောင့် မြန်မာ့စီးပွားရေးရည်မှန်းချက်များ ပီပြင်စွာ ချမှတ်နိုင်မည်ဟု မျှော်လင့်ကြောင်း ၎င်းက ဆိုသည်။ စီးပွားရေးဖွံဖြိုးရန် အစိုးရဝန်းကြီးဌာနအချင်းချင်းချိတ်ဆက်ဆောင်ရွက်မှု ပိုမိုအားကောင်းလာဖွယ်ရှိသည်။

မြန်မာ့စီးပွားရေးဖွံဖြိုးရန် ပို့ကုန်ဈေးကွက်မြှင့်တင်နိုင်မည့် မဟာဗျူဟာများ၊ အသေးစားနှင့် အလတ်စားစီးပွားရေးလုပ်ငန်းများကို အားပေးမြှင့်တင်နိုင်မည့်လုပ်ငန်းများကို ဝန်ကြီးအဖြစ်အမည် စာရင်းမတင်သွင်းမီက ဆွေးနွေးဖူးကြောင်း ဦးစံသိန်းက ဆိုသည်။

စီမံကိန်းနှင့် ဘဏ္ဍာရေးဝန်ကြီးဌာနလက်အောက်ရှိ နိုင်ငံတော်ပိုင်ဘဏ်များ၊ အာမခံလုပ်ငန်းနှင့် အသေးစားငွေရေးကြေးရေးလုပ်ငန်းများကို ပိုမိုဖွံဖြိုးလာရန် အာရုံစိုက်လိမ့်မည်ဟု မျှော်လင့်ရသည်။ အထူးသဖြင့် နိုင်ငံတော်ပိုင်ဘဏ်များကို ပို့ကုန်မြင့်တင်သည့် စီမံကိန်းများတွင် ဝန်ဆောင်မှုပေးနိုင်ရန် ပြောင်းလဲသင့်သည်ဟု ၎င်းက ဆိုသည်။

“သူ့မှာ ဒီထက်ကောင်းတဲ့ အိုင်ဒီယာတွေရှိမယ်လို့ မျှော်လင့်ပါတယ်။ အများကြီးမျှော်လင့်ပါတယ်” ဟု ၎င်းက ဆိုသည်။

သို့သော် ထင်သလောက်တော့ မလွယ်ကူလှပါ။

စီးပွားရေးဖွံဖြိုးရန် ဦးဆောင်သူက မှန်ကန်သော မူဝါဒများ ချမှတ်ရန် လိုအပ်သကဲ့သို့ ဝန်ကြီးဌာနအတွင်း လုပ်ရည်ကိုင်ရည်ရှိသူများနှင့် ဖွဲ့စည်းထားသော အဖွဲ့များက စနစ်တကျထောက်ပံ့ကူညီပေးရန်လိုကြောင်း လုပ်ငန်းရှင်များက သုံးသပ်သည်။

အထူးသဖြင့် စီမံ/ဘဏ္ဍာဝန်ကြီးဌာနသည် တိုင်းပြည်စီးပွားရေးလှုပ်နှိုးရန် အရေးပါဆုံးအင်ဂျင်ဖြစ်သဖြင့် ပိုမိုအားစိုက်ရမည်ဖြစ်သည်။ လက်တွေ့နှင့် အံဝင်သောလုပ်ထုံးလုပ်နည်းနှင့် စနစ်ကောင်းများဖော်ရန် လိုသည်။

ယခင် ဝန်ကြီးဦးကျော်ဝင်း၏ စဉ်းစားချက်များသည် စီးပွားရေးသီအိုရီအရ ချဉ်းကပ်သုံးသပ်ခြင်းကြောင့် လက်တွေ့စီးပွားရေးလုပ်ငန်းများအပေါ် အကျိုးဖြစ်ထွန်းမှုနည်းခဲ့ကြောင်း လုပ်ငန်းရှင်များက ဝေဖန်သည်။

ဦးကျော်ဝင်းသည် သွားကြားထိုးတံ ဝယ်လိုရောင်းလိုအားကို လေ့လာပြီး သွားကြားထိုးတံထုတ်သည့် လုပ်ငန်းများထူထောင်ရန် တိုက်တွန်းဖူးသည်။ စက်မှုဇုန်ကြီးများ၊ ဧရာမစီမံကိန်းကြီးများ ဖော်ထုတ်မည့် အိုင်ဒီယာရှိရန် ၎င်း ပြောကြားခဲ့သောမိန့်ခွန်းများတွင် လုပ်ငန်းရှင်များကို တိုက်တွန်းဖူးသည်။

နောက်ဆုံးတွင် မြန်မာ့စီပွားရေးနှေးကွေးကြောင်း ဝန်ခံရင်း ဝန်ကြီးရာထူးမှ နုတ်ထွက်ခဲ့သည်။

“ကြိုးတော့ကြိုးစားတယ်။ တကယ်လက်တွေ့မဆောင်ရွက်နိုင်ရင်တော့ Result (ရလဒ်) က မရှိဘူးပေါ့။ အန်ကယ်ထင်တာတော့ Banking နဲ့ Taxation ကိစ္စတွေမှာ လိုအပ်ချက်တွေရှိခဲ့တယ်လို့ ထင်တယ်”ဟု မူဝါဒပိုင်းလိုအပ်ချက်ကို UMFCCI အမှုဆောင်အရာရှိချုပ် ဦးတင့်ဆွေက ထောက်ပြသည်။

ဦးကျော်ဝင်း မနုတ်ထွက်မီနောက်ဆုံးကာလများတွင် စီးပွားရေးလုပ်ငန်းရှင်များသည် အခွန်သက်သာခွင့်ပေးရန်နှင့် ဘဏ်အတိုးနှုန်းများလျှော့ချပေးရန် တောင်းဆိုကြသော်လည်း ပြုပြင်ပြောင်းလဲမှုမရှိခဲ့ပေ။

မြန်မာ့စီးပွားရေးသည် ကဏ္ဍစုံမှ အနည်းနှင့်အများလိုအပ်ချက်ရှိနေသည်။ အခြေခံအဆောက်အဦနှင့် ငွေအရင်းအနှီးမလွယ်ကူမှုသည် အခြေခံအကျဆုံးစိန်ခေါ်မှုဖြစ်ကြောင်း လုပ်ငန်းရှင်များက တဖွဖွညည်းသည်။ ယင်းမှာ မရိုးနိုင်သော ဒုက္ခအကျပ်အတည်းလည်းဖြစ်သည်။

ဦးစိုးဝင်းလက်ထက်တွင် ငွေအရင်းအနှီးလွယ်လွယ်ကူကူရရန် ဘဏ်လုပ်ငန်းမူဝါဒများကို ယခုထက် သွက်လက်မြန်ဆန်သောမူဝါဒများ ချမှတ်ပေးရန်မျှော်လင့်ထားကြောင်း ဦးတင့်ဆွေက ပြောကြားသည်။

ပြည်ထောင်စုဝန်ကြီး ဦးစိုးဝင်း မည်သည့်ပြောင်းလဲမှုများ ဦးစားပေးမည်နည်း။

လက်ရှိတွင် မည်သည့်ကဏ္ဍကို အာရုံစိုက်ပြောင်းလဲမည်ဆိုသောအချက်ကို ဖြေဆိုရန်အချိန်စောသေးကြောင်း ဦးစိုးဝင်းကဆိုသည်။ တရားဝင်တာဝန်ယူပြီးပါက ကျွမ်းကျင်သူများနှင့်တိုင်ပင်ပြီး မဟာဗျူဟာတစ်ခု ချမှတ်မည် ဖြစ်သည်။

ထို့နောက်ဌာနတွင်းအဖွဲ့အစည်းများဖွဲ့စည်း၍ စီးပွားရေးဖွံဖြိုးရေးရည်မှန်းချက်များကို အကောင်အထည်ဖော်မည် ဖြစ်ကြောင်း ၎င်းကဆိုသည်။ ယင်းမှာ လက်တလောအစီအစဉ်ဖြစ်ပြီး မဟာဗျူဟာများချမှတ်ပြီးလျှင် ထုတ်ပြောမည်ဟု ၎င်းက ဆိုသည်။

၎င်းဖြတ်သန်းခဲ့သော အတွေ့အကြုံများသည် လက်တွေ့လုပ်ငန်းလုပ်ကိုင်ရာတွင် အထောက်အကူပြုမည်မှာ သံသယဖြစ်ဖွယ်မရှိပေ။

သို့သော် အသက်ရှစ်ဆယ်ရှိပြီဖြစ်ခြင်းကြောင့် စိန်ခေါ်မှုကြီးမားသောလုပ်ငန်းများ၊ တွန်းတွန်းတိုက်တိုက် လုပ်ရမည့်လုပ်ငန်းများအကောင်အထည်ဖော်ရာတွင် အခက်အခဲရှိနိုင်ကြောင်း Trust & Development ကုမ္ပဏီလီမိတက်၏ အုပ်ချုပ်မှုဒါရိုက်တာဦးမြင့်ဇော်က ပြောကြားသည်။

“အသက်ကြီးလာတဲ့ Characteristic (လက္ခဏာ) အရသိပ်ပြီးတော့ Challenging (စိန်ခေါ်မှု) တွေ မလုပ်ချင်ဘူးလေ”ဟု ၎င်းက ဆိုသည်။

ထို့အပြင် ဦးစိုးဝင်းသည် အစိုးရဝန်ထမ်းလောကတွင် ကျင်လည်ခဲ့ခြင်းကြောင့် ဆုံးဖြတ်ချမှတ်ရာတွင် ကိုယ်ပိုင်စိတ်ကူးစိတ်သန်းဖြင့် ထိုးဖောက်ဖန်တီးနိုင်မည့် စွမ်းရည် ရှိ၊ မရှိ ၎င်းက မေးခွန်းထုတ်သည်။

“Own Creative Thinking နဲ့ ထိုးဖောက်ထွက်မယ်။ မြန်မာပြည်ကြီး မဖွံဖြိုးဘူးဆိုရင် အိပ်မပျော်စားမဝင်တဲ့ လူမျိုးထဲကလားပေါ့။ အဲဒါမျိုးမှာ စီပွားရေးက ဖြစ်လာမှာ” ဟု ၎င်းက ဆိုသည်။

လှေကြီးထိုးရိုးရိုးဆိုမဖြစ်။

ထို့ကြောင့် မြန်မာနိုင်ငံ၏ လက်ရှိရောက်ဆဲကာလနှင့် လိုက်လျောညီထွေဆုံးဖြတ်လုပ်ကိုင်နိုင်မည့် ဒုတိယဝန်ကြီးနှင့် ညွှန်ကြားရေးမှူးများဖြင့် စုစည်းလည်ပတ်ရမည်ဖြစ်ကြောင်း ဦးမြင့်ဇော်က အကြံပြုသည်။

ထို့အပြင် ထိုင်းနိုင်ငံကဲ့သို့ ကုန်သွယ်မှုမြှင့်တင်ရေးဘုတ်အဖွဲ့၊ စီးပွားရေးဖွံဖြိုးရေးကောင်စီကဲ့သို့ အဖွဲ့အစည်းများကို ပုဂ္ဂလိကကျွမ်းကျင်သူများ ခန့်အပ်ပြီး လွတ်လပ်စွာလုပ်ကိုင်ခွင့်ပေးခြင်းဖြင့် စီးပွားရေးကို တွန်းသင့်သည် ဟု ၎င်းက ဆိုသည်။

အစိုးရယန္တရားကို အားမပြုဘဲ ပရော်ဖက်ရှင်နယ်ကျွမ်းကျင်သူများနှင့်ဖွဲ့ထားသည့် စီးပွားရေးဘုတ်အဖွဲ့များက ဆောင်ရွက်သင့်သည်ဟု ဆိုသည်။ ထိုင်းနိုင်ငံတွင် အဆိုပါ စီးပွားရေးဖွံဖြိုးမှုဘုတ်အဖွဲ့များသည် ရည်မှန်းချက်၊ တာဝန်များရှင်းလင်းစွာ ပြဋ္ဌာန်းထားပြီး တိုင်းပြည်စီးပွားရေးတွန်းတင်ခြင်းဖြစ်သည်။

မည်သို့ဆိုစေ ကပ္ပတိန်အသစ်သည် စီးပွားရေးမုန်တိုင်းကို ဖြတ်ကျော်ရတော့မည်။ ဖိအားလှိုင်းတံပိုးများ၊ စိန်ခေါ်မှုအတားအဆီးများက အသင့်ဆီးကြိုနေပြီဖြစ်သည်။ ထိုအတားအဆီးများကြား မြန်မာ့စီးပွားရေးသည် အားကောင်းမောင်းသန် ဦးမော့နိုင်မည်လော။

ထိုမေးခွန်းသည် စီမံကိန်းနှင့် ဘဏ္ဍာရေးဝန်ကြီးဌာနပြည်ထောင်စုဝန်ကြီး ဦးစိုးဝင်း၏ ခေါင်ဆောင်မှုအပေါ်တွင် အဓိကတည်မှီသည်။ ၎င်း၏စွမ်းရည်အပေါ် ယုံကြည်သလို မျှော်လင့်ချက်လည်းထားကြောင်း ဦးဇော်မင်းဝင်းက ယခုကဲ့သိုဆိုသည်။

“တကယ်လုပ်ငန်းရှင်တွေနဲ့ ထိတွေ့ပြီးတော့ပေါ့ ဖြစ်သင့်ဖြစ်ထိုက်တဲ့ လုပ်သင့်နိုင်တဲ့ ပေါ်လစီတွေ ချမှတ်ပေးသွားရင်တော့ အများကြီး တိုးတက်မှုရမယ်လို့ အန်ကယ်ထင်ပါတယ်”

နိုင်လင်းအောင်

You may also like...

Leave a Reply

Your email address will not be published. Required fields are marked *