ပါတီများ၏အသံကို နားထောင်ရန် ရွေးကောက်ပွဲကော်မရှင်ကို သမ္မတတိုက်တွန်း

ရန်ကုန်၊ ဇွန် ၁

မျှတမှုမရှိဟု ဝေဖန်သံများထွက်ပေါ်နေသည့် ပြည်ထောင်စုရွေးကောက်ပွဲကော်မရှင်ကို တစ်နိုင်ငံလုံးက နိုင်ငံရေးပါတီများနှင့် ခေါ်ယူတွေ့ဆုံကာ ပါတီများ၏အသံကို နားထောင်သင့်ကြောင်း နိုင်ငံတော်သမ္မတ ဦးဝင်းမြင့်က တိုက်တွန်းလိုက်သည်။

သမ္မတ ဦးဝင်းမြင့်သည် ဇွန် ၁ ရက်နေ့က သမ္မတအိမ်တော်တွင် ပြည်ထောင်စုရွေးကောက်ပွဲကော်မရှင်ဥက္ကဋ္ဌနှင့် အဖွဲ့ဝင်များနှင့်တွေ့ဆုံစဉ် ယင်းသို့ တိုက်တွန်းလိုက်ခြင်းဖြစ်သည်။

ကော်မရှင်၏ တာဝန်နှင့် လုပ်ပိုင်ခွင့်အရ နိုင်ငံရေးပါတီများကို ဥပဒေနှင့်အညီ ကြီးကြပ်ရန်လိုအပ်သည်ဟု ပြောဆိုပြီး ကော်မရှင်ရုံးချုပ်တွင် နိုင်ငံရေးပါတီများကို ခေါ်ယူတွေ့ဆုံကာ ထိတွေ့ဆက်ဆံရန်လည်း တိုက်တွန်းလိုက်သည်။

လွတ်လပ်ပြီး တရားမျှတသော ရွေးကောက်ပွဲများ အောင်မြင်စွာ ကျင်းပနိုင်ရန်နှင့် နိုင်ငံရေးပါတီများကို ကြပ်မတ်ဆောင်ရွက်ရန် တာဝန်ရှိပါကြောင်း၊ မဲပေးခွင့်ရှိသူတိုင်း မဲပေးခွင့်မရှုံးဆုံးစေရန် စနစ်တကျဆောင်ရွက်ရန် လိုအပ်ကြောင်း သမ္မတက ပြောဆိုသည်။

ကော်မရှင် သမာသမတ်မကျဟုဆိုကာ ပါတီအချို့ လာမည့်နိုဝင်ဘာလတွင်ကျင်းပမည့် ကြားဖြတ်ရွေးကောက် ပွဲကိုမဝင်ဟု ပြောဆိုနေကြပြီး အင်အားကြီး ကြံ့ခိုင်ရေးပါတီကလည်း ဝင်ပြိုင်ရန် မသေချာဟု ပါတီဘက်က ထုတ်ဖော်ပြော ဆိုထားသည်။

ယင်းအပြင် ၈၈ မျိုးဆက် ကျောင်းသားခေါင်းဆောင်တစ်ဦးဖြစ်သူ ဦးကိုကိုကြီးဦးဆောင်သည့် ရှစ်လေးလုံးပြည်သူ့ပါတီ မှတ်ပုံတင်ကျရန် ကြန့်ကြာနေခြင်းကြောင့်လည်း ရွေးကောက်ပွဲကော်မရှင်၏ သမာသမတ်ကျမှုအပေါ် ဝေဖန်သံများ ရှိနေသည်။

ါတီအမည်ကန့်ကွက်ခံရမှုကို ပါတီကို အကြောင်းမကြားဘဲ မီဒီယာမှတစ်ဆင့်သာ ပြောနေသည်ဟု ဦးကိုကိုကြီးက ပြောဆိုသည်။

၂၀၁၇ ကြားဖြတ်ရွေးကောက်ပွဲတွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် NLD ပါတီ ခေါင်းဆောင်နှစ်ဦး မြန်မာ့အသံနှင့် ရုပ်မြင်သံကြားမှတစ်ဆင့် မိန့်ခွန်းပြောခွင့်ပြုသဖြင့် ပါတီ ၁၃ ခုနှင့် လူပုဂ္ဂိုလ် ၁၄ ဦးက ကော်မရှင်ကို ကန့်ကွက်ခဲ့ကြသေးသည်။

ရွေးကောက်ပွဲကော်မရှင် အဆင့်ဆင့်ရွေးချယ်သောနေရာများတွင်လည်း ပွင့်လင်းမြင်သာမှုမရှိဟု ကြံ့ခိုင်ရေးပါတီ၏ ပြောရေးဆိုခွင့်ရှိသူ ဦးသိန်းထွန်းဦးက ပြောဆိုထားသည်။

နိုဝင်ဘာ ၃ ရက်တွင် ကျင်းပမည့် ကြားဖြတ်ရွေးကောက်ပွဲတွင် ပြည်သူ့လွှတ်တော် မဲဆန္ဒနယ် လေးနေရာ၊ အမျိုးသားလွှတ်တော် တစ်နေရာ၊ တိုင်းဒေသကြီးနှင့် ပြည်နယ်လွှတ်တော်ရှစ်နေရာ ယှဉ်ပြိုင်ရမည်ဖြစ်သည်။

You may also like...

Leave a Reply

Your email address will not be published. Required fields are marked *