ဦးမော့ခါစ ရုပ်ရှင်ရုံဈေးကွက်

ရုပ်ရှင်ရုံအရေအတွက်သာမက အရည်အသွေးမြင့် ဇာတ်ကားအရေအတွက်ပါ တိုးမြင့်လာရန် ပရိသတ်က လိုလားနေကြသည်။

ရုံက ၇၁ ရုံ၊ စောင့်ဆိုင်းနေသည့် ကားထုပ်ပေါင်း ၂၅၀ ဝန်းကျင်၊ လက်ရှိ တစ်နေ့တည်းရိုက်ကူးနေသည့် ရုပ်ရှင်ကား ခုနစ်ကား။

ထိုသည်မှာလက်ရှိ မြန်မာ့ရုပ်ရှင်လောကနှင့် ပြည်တွင်းရုပ်ရှင်ရုံဈေးကွက် အခြေအနေဖြစ်သည်။

ပြသရန်စောင့်ဆိုင်းနေသည့် ရုပ်ရှင် ဇာတ်ကားအရေအတွက် (ရောင်းလိုအား)နှင့် ပြသနိုင်သည့် ရုံအရေအတွက် (ဝယ်လိုအား) မှာ တစ်ဖက်စောင်းနင်းဖြစ်နေသည်။

ရုပ်ရှင်လောကဖွံ့ဖြိုးရေးအကြောင်း ပြောလျှင် ပြည်တွင်း၌ ရုပ်ရှင်ရုံများနည်းပါးနေသည်ကလည်း စိန်ခေါ်မှုတစ်ရပ် ဖြစ်နေသည်။

ဈေးကွက်နှင့်ပတ်သက်၍ ကိန်း ဂဏန်း၊ အချက်အလက်ရရှိရန် ခက်ခဲလွန်းပြီး ဈေးကွက်ကို စနစ်တကျ လေ့လာ သုံးသပ်ထားသည့် စာတမ်းမျိုးလည်း ယခုအချိန်ထိမရှိသေးပေ။

“ကျွန်မတို့ဆီမှာ Box Office ဆိုတာမျိုး ရှိမနေဘူး။ ဒီလိုဖြစ်လာဖို့ ကြိုးစားပေမယ့် ပိုင်ရှင်တွေက လက်မှတ် အရောင်းကိုတောင် ဘယ်လောက်ရှိတယ်ဆိုတာ မပြောချင်ကြဘူး။ ဒါကလျှို့ဝှက်ချက်ပါလို့ ပြန်ပြောကြတယ်” ဟု ဒေါ်ဆွေ ဇင်ထိုက်က ဆိုသည်။

မြန်မာ့ရုပ်ရှင် ရွှေခေတ်၊ ငွေခေတ်ကာလများတွင် ရုံပြည့်ပြီဆိုသည့် ဆိုင်းဘုတ်များကို မြင်တွေ့ရလေ့ရှိသော်လည်း ယခုထိုဆိုင်းဘုတ်မျိုး မတွေ့ရသည်မှာ နှစ်ပေါင်း ၃၀ ခန့်ပင်ရှိပြီဖြစ်ကြောင်း ဦးသူရ (ခေါ်) ဇာဂနာက ပြောပြသည်။

“ရုံပြည့်ပြီဆိုတဲ့ ဆိုင်းဘုတ်မမြင်ရတော့ ဘယ်ကားက ဘယ်လောက် လူဝင်တယ်၊ ဝင်ငွေဘယ်လောက်ရတယ် ဆိုတာ ဘယ်သူမှ မသိတော့ဘူး။ ဒီကိန်း ဂဏန်းကိုရုံပိုင်နဲ့ ဇာတ်ကားရှင်ပဲ သိကြတယ်”ဟု ၎င်းက ဆိုသည်။

လက်ရှိမြန်မာ့ရုပ်ရှင်ဈေးကွက် အခြေအနေမှာ အကျဘက်သို့ ဦးတည်နေရာ ရုပ်ရှင်ရုံဈေးကွက်များ အခြေအနေ မည်သို့ရှိမည်နည်း။

ပြည်တွင်း ရုပ်ရှင်ရုံဈေးကွက်ကို အဓိကလွှမ်းမိုးထားသည့် လုပ်ငန်းစုသုံးစုသာရှိပြီး ဈေးကွက်ဝေစုသုံးပုံနှစ်ပုံကို ယင်းလုပ်ငန်းသုံးစုက ရရှိထားသည်။

ဈေးကွက်ဝေစုအများဆုံးရထားသည်မှာ မင်္ဂလာလုပ်ငန်းစုဖြစ်ပြီး၂၀၁၀ ပြည့်နှစ်ဝန်းကျင်တွင် JCGV နှင့် Mega Ace တို့ ဈေးကွက်အတွင်း ဝင်ရောက်လာကြသည်။

ယခုနောက်ဆုံးဈေးကွက်အတွင်း ဝင်ရောက်လာသူမှာ ၂၀၁၄ ခုနှစ်တွင် ရုံ ၁၀၀ စီမံကိန်း အကောင်အထည်ဖော်မည့် Paradiso လုပ်ငန်းဖြစ်ပြီး ၎င်းမှာဈေးကွက်ဝေစု အနည်းဆုံးဖြစ်သည်။

မြန်မာ့ရုပ်ရှင် ရွှေခေတ်ကာလအလွန် ရုပ်ရှင်ရုံများကို နိုင်ငံပိုင်သိမ်းလိုက်ပြီးနောက် ၁၉၈၈ ခုနှစ် မတိုင်မီ အထိ ရုပ်ရှင်ရုံပေါင်း ၄၀၀ ကျော်ရှိခဲ့ရာမှ ၂၀၁၀ ပြည့်နှစ်နောက်ပိုင်းရုပ်ရှင်ရုံများကို ပုဂ္ဂလိကသို့ ပြန်လွှဲပေးရာ ၂၀၁၆ ခုနှစ်တွင် ရုပ်ရှင်ရုံ ၄၀ ကျော်သာကျန်ရှိပြီး လက်ရှိတွင် ရုပ်ရှင်ရုံ ၇၁ ရုံသို့ ပြန်လည်တိုးပွားလာခြင်းဖြစ်သည်။

ပုဂ္ဂလိကလက်သို့ ရောက်ရှိသွားသောရုပ်ရှင်ရုံအများစုမှာ ရုပ်ရှင်ရုံအဖြစ်မှ ဈေးဝယ်စင်တာ၊ ဘဏ်၊ တည်းခိုခန်း၊ ကာရာအိုကေခန်းမ၊ ဂိုဒေါင် စသည့် အခြားပုံစံများသို့ ပြောင်းလဲသွားကြသည်။

အချို့ရုပ်ရှင်ရုံများမှာ ရုပ်ရှင်ရုံအဖြစ်ကျန်ရှိနေသော်လည်း ဇာတ်ကားပြသခြင်း မရှိတော့ပေ။

အချို့ရုံများမှာမူ ပြိုပျက်နေသော အုတ်ပုံနှင့် မြေကြီးသာကျန်ရှိသည်။

တစ်ချိန်ကအာရှတွင် အကြီးဆုံး ရုပ်ရှင်ရုံတန်းဟု နာမည်ကျော်သော ရန်ကုန်မြို့လယ်ကောင်တွင် ရုပ်ရှင်ရုံ လေးရုံသာ ကျန်ရှိသည်။

ဗိုလ်ချုပ်အောင်ဆန်းလမ်းပေါ်ရှိ ယနေ့ခေတ် စင်ထရယ်ဟိုတယ်နေရာတွင် တော်ဝင်နှင့် ယုဇန၊ ဆူးလေဘုရားလမ်းပေါ်ရှိ ဆူးလေရှန်ဂရီလာဟိုတယ်နေရာတွင် ဂုဏ်နှင့် ပပဝင်း၊ ဆာကူရာတာဝါ နေရာတွင် ယခင်ကရဲရင့်ရုံတို့ဖြင့် မြိုင်ဆိုင်ခဲ့သည်။

ရဲရင့်ရုံမှ ဗိုလ်ချုပ်အောင်ဆန်းလမ်းမအတိုင်း ပန်းဆိုးတန်းလမ်းဘက်ဆက်သွားပါက မြန်မာနိုင်ငံ၏ သက်တမ်းအရင့်ဆုံး ၀ဇီရာရုပ်ရှင်ရုံသာကျန်ရှိပြီး ဘုရင့်ရုံ၊ ဆုထူးပန်ရုံတို့မှာ ပျောက်ကွယ်သွားပြီဖြစ်သည်။

“အဲဒီတော့ ကျွန်မတို့ရဲ့ ရုပ်ရှင်ပြရမယ့်နေရာက နည်းသွားတာပေါ့” ဟု ဒေါ်ဆွေဇင်ထိုက်က ဆိုသည်။

အစိုးရထံမှ ရုပ်ရှင်ရုံများကို လွှဲပြောင်းဝယ်ယူရာတွင်ရုပ်ရှင်ရုံလုပ်ငန်းကို အမှန်တကယ် စိတ်ဝင်စားခြင်းထက် အိမ်၊ ခြံ၊မြေဈေးတက်ချိန်တွင် ပြန်လည်ထုတ်ရောင်းရန် မြေတွင် ရင်းနှီးမြှုပ်နှံကြသူများလည်းရှိကြောင်း ၎င်းက ဆိုသည်။

မြန်မာနိုင်ငံလူဦးရေသန်း ၃၀ ခန့်သာရှိချိန်က မြန်မာနိုင်ငံတွင် ရုပ်ရှင်ရုံပေါင်း ၄၀၀ ဝန်းကျင်ရှိခဲ့သော်လည်း ယခု လူဦးရေသန်း ၅၀ ကျော်အတွက် ရုပ်ရှင်ရုံမှာ ၇၁ ရုံသာရှိသည်။

ရုပ်ရှင်ရုံများနည်းပါးနေချိန်တွင် ဇာတ်ကားရိုက်ကူးမှုက ပိုမိုများပြားလာပြီး ဇာတ်ကားနှင့် ရုံအချိုးမညီမှုများဖြစ်လာသည်။

“တစ်နှစ်ကို ကား ၅၀ လောက်ပြသလို့ရမယ့် အချိန်မှာ အခုက ကား ၁၀၀ လောက်ဖြစ်နေတယ်။ အရေအတွက်ကို အလေးမပေးဘဲနဲ့ အရည်အချင်းကို ဦးစားပေးမယ်ဆိုရင် ရုပ်ရှင်လောက အများကြီး တိုးတက်လာမှာပါ” ဟု မင်္ဂလာလုပ်ငန်းစုဥက္ကဋ္ဌ ဦးဇော်မင်းက မှတ်ချက်ပေးသည်။

မင်္ဂလာလုပ်ငန်းစုသည် လက်ရှိအချိန်တွင် ရုပ်ရှင်ရုံပေါင်း ၂၀၊ ပိတ်ကား ၃၉ ခုဖြင့် ရုပ်ရှင်ပြသနေပြီး ဈေးကွက် အခြေအနေမှာ ပုံမှန်လည်ပတ်နိုင်သည့် အခြေအနေတွင်ရှိကြောင်း ၎င်းက ဆိုသည်။

တစ်လလျှင် ရုပ်ရှင်တစ်ကားထုတ်လုပ်ရန် ခက်ခဲသည့် ၁၉၉၆ ခုနှစ်တွင် မင်္ဂလာလုပ်ငန်းစုက ပြည်တွင်းရုပ်ရှင်ရုံများကို ပြန်လည်အသက်သွင်းခဲ့ပြီး ဆယ်စုနှစ်နှစ်ခုအကြာတွင် ရုပ်ရှင်ရုံ ဈေးကွက် ဦးမော့လာသည်။

“ရုံတင်စနစ်ပြောင်းလဲလာတဲ့ ၂၀၁၆ ခုနှစ်မှာဈေးကွက်က သိသိသာသာပြောင်းလာတယ်။ ရုံပြိုင်စနစ်ဖြစ် လာတယ်။ ရုံရှင်ကားရှင်စိတ်ကြိုက်စနစ် ဖြစ်လာတယ်။ တိုးတက်လာတယ်လို့ မြင်ပါတယ်”ဟု Mega Ace မှ လုပ်ငန်း မန်နေဂျာဒေါ်ဧကရီက ဆိုသည်။

ပြီးခဲ့သည့်နှစ်နှစ်အတွင်း ရုံတင်စနစ်ကို အမျိုးမျိုးပြောင်းလဲခဲ့ပြီး ယခုနောက်ဆုံးကျင့်သုံးနေသည့် စနစ်မှာ ၂၀၁၆ ခုနှစ်နှင့် ၂၀၁၇ ခုနှစ်တွင်ရိုက်ကူး ထားသည့် ဇာတ်ကားတစ်ကားစီနှင့် ရုံရှင်စိတ်ကြိုက် ဇာတ်ကားသုံးကားကို ရွေးချယ်ပြသနေခြင်း ဖြစ်ကြောင်း ၎င်းက ရှင်းပြသည်။

“ထွက်ပေါက်မရှိတာကနေ ဖွံ့ဖြိုးလာတယ်လို့မြင်တယ်။ ပုံနေတဲ့ရုပ်ရှင်တွေလည်း တဖြည်းဖြည်း လျော့သွားမယ်။ ကောင်းတဲ့ဘက်ကို ဦးတည်လာတယ်လို့ ထင်ပါတယ်” ဟု ၎င်းက ဆိုသည်။

Mega Ace ရုပ်ရှင်ရုံလုပ်ငန်းကို မလေးရှားနိုင်ငံ Mega Movie Tech-nology ကုမ္ပဏီနှင့် ဖက်စပ်လုပ်ကိုင် နေခြင်းဖြစ်ပြီး ရုပ်ရှင်ရုံခုနှစ်ရုံ၊ ပိတ်ကား ၁၅ ခုဖြင့် လုပ်ငန်းလည်ပတ်လျက်ရှိသည်။

ဆယ်စုနှစ် နှစ်ခုကြာဖွံ့ဖြိုးမှုရပ်တန့် နေရာမှ ၂၀၁၆ ခုနှစ်မှစတင်ကာ ပြန်လည်အသက်ဝင်လာသော ရုပ်ရှင်ရုံဈေးကွက်မှာ လာမည့်အနာဂတ်တွင်လည်း ရုပ်ရှင်ရုံအရေအတွက် ပိုမိုတိုးပွားလာဦးမည်ဖြစ်ကြောင်း ရုပ်ရှင်ရုံလုပ်ငန်းရှင်များက ဆိုကြသည်။

“စီးပွားရေးလုပ်ငန်းရှင်တွေထဲကလည်း ရုံထောင်မယ့်သူတွေ အများကြီးရှိပါတယ်။ အဲဒီတော့ ရုပ်ရှင်ဈေးကွက်က အများကြီးကောင်းလာမှာပါ”ဟု မင်္ဂလာ လုပ်ငန်းစုဥက္ကဋ္ဌ ဦးဇော်မင်းက ပြောသည်။

သို့သော် ရုပ်ရှင်ရုံထောင်လိုသူများရှိနေသော်လည်း ရုံတစ်ရာစီမံကိန်းကို ၂ နှစ်အတွင်း အကောင်အထည်ဖော်မည့် Paradiso လုပ်ငန်းသည်ပင် လုပ်ငန်းနှောင့်နှေးမှုများ ကြုံနေရသည်။

“ပြည်ထောင်စုအစိုးရနဲ့ တိုင်းဒေသကြီး/ပြည်နယ်အစိုးရကြားမှာ ပြတ်သားတဲ့ တိကျတဲ့ မူဝါဒမရှိတဲ့အတွက် ကျွန်တော်တို့မှာ ဆောက်ချင်တိုင်းဆောက်မရတဲ့ အခြေအနေဖြစ်နေတယ်” ဟု Paradiso လုပ်ငန်းတွင် ပါဝင်သူ ဦးသူရ (ခေါ်) ဇာဂနာက ဆိုသည်။

ရုပ်ရှင်ရုံများ တစ်ပြိုင်တည်း မြို့များတွင် တည်ဆောက်လိုသော်လည်း ပြည်ထောင်စုအစိုးရထံတွင် တည်ဆောက်ခွင့် တစ်ကြိမ်လျှောက်ထား၊ ထိုမှတစ်ဆင့် သက်ဆိုင်ရာတိုင်းဒေသကြီး ပြည်နယ်အစိုးရထံ ထပ်မံလျှောက်ထားပြီးမှသာ ဆောက်လုပ်ခွင့်ရသောကြောင့် နေရာဒေသမျိုးစုံအတွက် အကြိမ်ကြိမ်အခါခါ ခွင့်ပြုချက်လျှောက်နေရပြီး လုပ်ငန်းကြန့်ကြာနေကြောင်း ၎င်းက ရှင်းပြသည်။

“အမှန်က ၂၀၁၇ နှစ်ကုန်မှာ Paradiso အနေနဲ့ ၄၅ ရုံပြီးဖို့ မှန်းထားတာ။ တကယ် ဆောက်နိုင်တာက ၁၅ ရုံပဲရှိတယ်”

တစ်နှစ်ထက်တစ်နှစ်ရုပ်ရှင်ရုံအရေအတွက်တိုးပွားလာသလို တစ်ဖက်တွင် ရုပ်ရှင်အရည်အသွေး ကောင်းကောင်းဖြင့် ရိုက်ကူးသော ဇာတ်ကားများလည်း ပေါ်ထွက်လာပြီဖြစ်သည်။

ရုပ်ရှင်ထုတ်လုပ်ရေးပိုင်းတွင် ပြိုင်ဆိုင်မှုများ ပိုပြင်းထန်လာသည့်အတွက် ရုပ်ရှင်အရည်အသွေးပိုင်းတွင် ယခင်ထက် ပိုမိုကောင်းမွန်လာမည်ဖြစ်ကြောင်း Mega Ace မှ ဒေါ်ဧကရီက ဆိုသည်။

ရုပ်ရှင်ရုံဈေးကွက် ယခုထက်ပိုမို ကျယ်ပြန့်လာရန် အများပြည်သူ၏ အားလပ်ရက် အပန်းဖြေသည့် ပုံစံများပြောင်းလဲလာရန်လိုကြောင်း ၎င်းက ဆိုသည်။

“ဒါက ခုမှ ပြောင်းလဲမှုရဲ့ ကနဦး အစပဲရှိပါသေးတယ်။ လူငယ်တွေ ရုပ်ရှင်ပိုကြည့်လာကြတယ်။ အားလပ်ရက်ကို ဘယ်လိုမျိုးအပန်းဖြေကြမလဲဆိုတဲ့ ပုံစံတွေပြောင်းလဲလာရင် ဒီဈေးကွက်ကြီးလည်း တဖြည်းဖြည်း ပြောင်းလဲလာမှာပါ” ဟု ဒေါ်ဧကရီက ယုံကြည်စွာဆိုလေသည်။

စစ်ငြိမ်းသူ

You may also like...

Leave a Reply

Your email address will not be published. Required fields are marked *