“လက်လီလက်ကား ဈေးကွက်ကြီးတစ်ခုလုံးအနေနဲ့တော့ တိုးတက်လာဖို့ မြင်ပါတယ်”

City Mart ဒေါ်ဝင်းဝင်းတင့်နှင့် တွေ့ဆုံခြင်း

နိုင်ငံခြားလက်လီလက်ကားလုပ်ငန်းများကို ပြည်တွင်းတွင် ရာနှုန်းပြည့်နှင့် ဖက်စပ်လုပ်ကိုင်ခွင့်ပြုလိုက်သည့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ အမိန့်ညွှန်ကြားချက်နှင့်စပ်လျဉ်း၍ ပြည်တွင်းလက်လီကဏ္ဍ၏ ဦးဆောင်ကုမ္ပဏီတစ်ခုဖြစ်သော City Mart Holding Ltd.   ၏ အုပ်ချုပ်မှုဒါရိုက်တာ ဒေါ်ဝင်းဝင်းတင့်ကို ဆက်သွယ်မေးမြန်းထားခြင်း ဖြစ်သည်။

The Voice Journal – အခု စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ထုတ်ပြန်လိုက်တဲ့ အမိန့်ညွှန်ကြားချက်အပေါ် ပြည်တွင်းလက်လီလက်ကားကဏ္ဍရဲ့ ဦးဆောင်ကုမ္ပဏီတစ်ခုအနေနဲ့ အမြင်ကို အရင်ဆုံးသိချင်ပါတယ်။

DWWT – မေလ ၉ ရက်နေ့က စီးပွားရေးနှင့် ကူးသန်းရောင်းဝယ်ရေးဝန်ကြီးဌာနကထုတ်ပြန်လိုက် တဲ့ ၂၅/၂၀၁၈ အမိန့်ညွှန်ကြားချက်ကို ကျွန်မတို့ CMHL အနေနဲ့ ကြိုဆိုပါတယ်။ အမှန်တော့ ၁၅/ ၂၀၁၇ အမိန့်စာထွက်ရှိစဉ်ကတည်းက ဒီလိုမျိုး အမိန့်စာ မကြာခင်ထွက်လာမယ်ဆိုတာကိုလည်း ကြိုတင်တွက်ဆထားမိပါတယ်။ အခုလိုမျိုးရင်းနှီးမြှုပ်နှံမှုဆိုင်ရာ တိတိကျကျ သတင်းအချက်အလက်တွေနဲ့ ထုတ်ပြန်လိုက်တာကို ဝမ်းမြောက်စွာကြိုဆိုပါတယ်။ အမိန့်ကြေညာစာအရ လုပ်ငန်းလုပ်ကိုင်မယ့် နိုင်ငံခြားနဲ့ ဖက်စပ်လက်လီလက်ကား လုပ်ငန်းတွေအတွက် ရင်းနှီးမြှုပ်နှံမှုငွေပမာဏ သတ်မှတ်ချက်နဲ့ မြန်မာနိုင်ငံရင်းနှီးမြှုပ်နှံမှုကော်မရှင် (Myanmar Investment  Commission) ရဲ့ ခွင့်ပြုချက်ရရှိရမယ်ဆိုတဲ့ အချက်တွေ ပါရှိပါတယ်။ စီးပွားကူးသန်းနဲ့ မြန်မာနိုင်ငံရင်းနှီးမြှုပ်နှံမှုကော်မရှင်တို့က မှတ်ပုံတင်လာတဲ့ လုပ်ငန်းတွေကို စည်းမျဉ်းစည်းကမ်းတွေနဲ့အညီ တိတိကျကျ စိစစ်ခွင့်ပြုပေးသွားဖို့ မျှော်လင့်ပါတယ်။ ဒါ့အပြင် လျှောက် ထားလာတဲ့ အဖွဲ့အစည်းတွေဟာ နိုင်ငံတကာဈေးကွက်မှာခိုင်မာတဲ့ နောက်ခံသမိုင်းကြောင်းရှိမှု၊ အဖွဲ့အစည်းရဲ့ စီမံခန့်ခွဲရေးနှင့် အုပ်ချုပ်ရေးပိုင်းအကြီး အကဲတွေရဲ့ ကိုယ်ရေးရာဇဝင်အချက်အလက်တွေကိုပါ စိစစ်ပြီး မြန်မာနိုင်ငံလက်လီလက်ကားဈေးကွက်ကို ဝင်ရောက်လုပ်ကိုင်ရန် သင့် မသင့်၊ မြန်မာ့ထွက်ကုန်ပစ္စည်းများကို သင့်လျော်တဲ့ ရာခိုင်နှုန်းအချိုးအစား သတ်မှတ်ချက်တစ်ခုနဲ့ တင်သွင်းရောင်းချစေခြင်း၊ လက်ရှိလုပ်ကိုင်နေသော ကုမ္ပဏီများအတွက်လည်း မျှတသောယှဉ်ပြိုင်မှုဖြစ်စေဖို့ စိစစ်ခြင်းများ လိုအပ်ပါတယ်။

The Voice Journal- ဒီခွင့်ပြုလိုက်တဲ့နေရာမှာ ရည်ရွယ်ချက်တွေရှိပါတယ်။ ရည်ရွယ်ချက်တွေ ပေါက်မြောက်ဖို့ ဘာတွေလုပ်ဖို့ရော လိုအပ်ပါသလဲ ခင်ဗျာ။ (ဥပမာ – ပြည်တွင်းထုတ်ကုန်တွေ ဈေးကွက်ပိုရဖို့ဆိုတာ ဖြစ်နိုင်ပါ့မလားဆိုတဲ့ စိန်ခေါ်မှုမျိုးတွေ ရှိနိုင်ပါသလား)

DWWT – ခုလို နိုင်ငံတကာလုပ်ငန်းတွေ ဝင်ရောက်လာမှာဖြစ်တဲ့အတွက် ယှဉ်ပြိုင်မှုတွေပိုများလာပြီး စားသုံးသူတွေအတွက် ပိုမိုကောင်းမွန်တဲ့ ကုန်စည်တွေ၊ ဝန်ဆောင်မှုတွေကို ပိုမိုရွေးချယ်ခွင့်ရရှိလာနိုင်မှာပါ။ နိုင်ငံတကာ စံချိန်စံညွှန်းတွေ လိုအပ်ချက်တွေအရ ပြည်တွင်းထုတ်ကုန်တွေရဲ့ ကုန်စည်အရည်အသွေးတွေ တိုးတက်လာမယ်လို့လည်း ထင်ပါတယ်။ ပြည်တွင်းထုတ်ကုန်တွေ ဈေးကွက်ပိုရလာဖို့အတွက်က ပြောခဲ့တဲ့အတိုင်း လုပ်ငန်းလုပ်ကိုင်ခွင့်မပြုခင်မှာ တင်သွင်းရောင်းချမယ့် ကုန်ပစ္စည်းတွေရဲ့ ဘယ်လောက်ရာခိုင်နှုန်းကို မြန်မာ့ထွက်ကုန်တွေကို ရောင်းချပေးရမယ်ဆိုတဲ့ သတ်မှတ်ချက်ကို ထည့်သွင်းထားမယ်ဆိုရင် မြန်မာ့ထွက်ကုန်တွေအတွက် ဈေးကွက်ပိုရဖို့ အခွင့်အလမ်းတွေ ပိုရလာနိုင်မှာပါ။ ထိုနည်းတူဈေးကွက် ကျယ်ပြန့်လာတာနဲ့အမျှ အလုပ်အကိုင်အခွင့်အလမ်းတွေလည်း ပိုမိုဖန်တီးလာနိုင်မှာ ဖြစ်ပါတယ်။ လက်လီလက်ကား ဈေးကွက်ကြီးတစ်ခုလုံးအနေနဲ့တော့ တိုးတက်လာဖို့ မြင်ပါတယ်။ ဒီလိုစည်းမျဉ်းတွေ တိတိကျကျ ထုတ်ပြန်နိုင်တဲ့အတွက် နိုင်ငံတော်အနေနဲ့လည်းအခွန်ဘဏ္ဍာတွေ ပိုမိုရရှိလာနိုင်မယ့်အပြင် သဘာဝပတ်ဝန်းကျင်ထိခိုက်မှုတွေကလည်း ကာကွယ်နိုင်မှာဖြစ်ပါတယ်။

The Voice Journal- အမိန့်ညွှန်ကြားချက်ရဲ့ အပိုဒ် ၇ (ခ) အရအရင်ကတည်းက လက်လီလက်ကား ဆောင်ရွက်နေတဲ့ မြန်မာနိုင်ငံသားပိုင်လုပ်ငန်းတွေအနေနဲ့ ရင်းနှီးမြှုပ်နှံမှုပမာဏ အမေရိကန်ဒေါ်လာ ခုနစ်သိန်းနှင့်အထက် သို့မဟုတ် ယင်းနှင့်ညီမျှသော မြန်မာကျပ်ငွေဖြင့် ဆောင်ရွက်နေပြီဖြစ်တဲ့ လုပ်ငန်းတွေကို ဒီညွှန်ကြားချက်ထုတ်ပြန်ပြီး ရက် ၁၅၀ အတွင်း လက်လီလက်ကားလုပ်ငန်းမှတ်ပုံတင်ရန်နဲ့ လုပ်ငန်းအကြောင်း အသေးစိတ်အချက်အလက်တွေ ဖော်ပြပေးရမယ်ဆိုတဲ့အချက်အပေါ် ဆွေးနွေးစရာရှိပါသလား။

DWWT – ဒီအချက်ကိုတော့ ကျွန်မတို့အနေနဲ့ အတော်ပဲ စိတ်တိုင်းမကျဖြစ်မိပါတယ်။ ဝန်ကြီးဌာနအနေနဲ့ ဒီအချက်ကိုတော့ ပြန်လည်စဉ်းစားသုံးသပ်စေလိုပါတယ်။ ဒါမှမဟုတ်လည်း ဘာကြောင့် ဒီအချက်က လိုအပ်တယ်ဆိုတာကိုတိတိကျကျရှင်းလင်းစေချင်ပါတယ်။ ကျွန်မတို့ အမြင်ကတော့ (၁) လက်ရှိ ထုတ်ပြန်ထားပြီးသား ကျင့်သုံးနေတဲ့ နည်းဥပဒေများဟာ ပြည်တွင်းလုပ်ငန်းရှင်တွေအတွက် သင့်လျော် လုံလောက်မှုရှိပြီးသားလို့ မြင်ပါတယ်။ (၂) အချိန်နဲ့ ငွေကြေးကုန်ကျမှု အခက်အခဲတွေ ရှိနိုင်ပါတယ်။ ပြည်တွင်း လက်လီလက်ကားလုပ်ငန်းရှင်တွေအနေနဲ့ လက်ရှိစည်းမျဉ်းဥပဒေတွေနဲ့တင် အချိန်နဲ့ ငွေကြေးကုန်ကျမှုတွေရှိပြီးဖြစ်ပါတယ်။ မှတ်ပုံတင်ရန် လိုအပ်ချက်တွေ ပြည့်မီဖို့အတွက်ထပ်ပြီးအချိန်နဲ့ ငွေကြေးတွေ ထပ်မံကုန်ကျရမယ့် သဘောဖြစ်နေပါတယ်။ အဲဒီကုန်ကျမှုတွေကြောင့် ပြည်တွင်းလုပ်ငန်းရှင်တွေအနေနဲ့ လုပ်ငန်းတိုးချဲ့ဖို့နေရာမှာ ရင်းနှီးမြှုပ်နှံနိုင်မယ့် ပမာဏကနည်းသွားမှာ ဖြစ်ပါတယ်။ အစိုးရအနေနဲ့ လုပ်ငန်းရှင်တွေပေါ် တင်းကျပ်မှုတွေပိုမိုပြုလုပ်မယ့်အစား စီးပွားရေးလုပ်ကိုင်ဖို့ ပိုမိုလွယ်ကူအောင် ကူညီဆောင်ရွက်သင့်တယ်လို့ ယူဆပါတယ်။ (၃) မှတ်ပုံတင်ရန် လိုအပ်ချက်တွေဟာ ရှင်းလင်းမှု မရှိပါဘူး။ ဥပမာ – မှတ်ပုံတင်ခြင်းဟာ လုပ်ငန်းတစ်ခုအတွက် တစ်ကြိမ်သာ ပြုလုပ်ရမှာလား၊ ဒါမှမဟုတ် ဆိုင်တစ်ခုချင်းစီ သို့မဟုတ် ဆိုင်အမျိုးစားအသစ်တစ်ခုမဖွင့်မီ မှတ်ပုံတင်ရမှာလားစသဖြင့်ပေါ့။ ဆိုင်တစ်ခုချင်းစီ သို့မဟုတ် ဆိုင်အမျိုးအစားအသစ်တစ်ခုစီအတွက်သာဆိုရင်တော့ နှစ်စဉ် ဆိုင်ပေါင်းများစွာဖွင့်နေတဲ့လုပ်ငန်းကြီးတွေအတွက် တကယ်လက်တွေ့လိုက်နာ ကျင့်သုံးနိုင်ဖို့က ခက်ခဲပါလိမ့်မယ်။ ဒါဟာလုပ်ငန်းရှင်တွေပေါ် မလိုအပ်ဘဲ ဝန်ထုပ်ဝန်ပိုးကြီးမားစေမယ့် စည်းမျဉ်းတစ်ခုပါပဲ။ (၄) မှတ်ပုံတင်ရန်လိုအပ်ချက်များဟာ တည်ရှိပြီးသားလုပ်ငန်းများအတွက် ရည်ရွယ်ရေးဆွဲထားခြင်း မရှိတာတွေ့ရပါတယ်။ အပိုဒ် ၇ (ခ) ရဲ့ နံပါတ် (၃) အချက်ဖြစ်တဲ့ Business Plan  အသေးစိတ်ဖော်ပြချက်ဟာ လုပ်ငန်းအသစ်များအတွက်သာ ကိုက်ညီမှုရှိပါတယ်။ ရှိနေပြီးသားလုပ်ငန်းများအနေနဲ့ ဆိုင်ပေါင်းရာနှင့်ချီ ဖွင့်လှစ်ပြီးဖြစ်တဲ့အတွက် သူတို့ရဲ့ Business Plan  ကို အကောင်အထည်ဖော်ပြီးသား ဖြစ်နေပါပြီ။ ခုမှ Business Plan  ပြန်တင်ရမယ်ဆိုတာကလည်း အဓိပ္ပာယ်မရှိလှပါဘူး။ (၅) ဖော်ပြထားတဲ့ မှတ်ပုံတင်ရန် လိုအပ်ချက်များဟာ နိုင်ငံခြားကုမ္ပဏီများအတွက်သာ ကျင့်သုံးသင့်ပါတယ်။ ဥပမာ – ရင်းနှီးမြှုပ်နှံမှုသတ်မှတ်ပမာဏကို လိုက်နာမှု ရှိ မရှိ၊ အခြားသတ်မှတ်ချက်များကို လိုက်နာမှု ရှိ မရှိ စီးပွား/ကူးသန်းမှာ မှတ်ပုံတင်ပြီးစိစစ်ခွင့်ပြုရမှာဖြစ်ပါတယ်။ ပြည်တွင်းက လက်ရှိကုမ္ပဏီတွေအနေနဲ့တော့ ဒီလိုသတ်မှတ်ချက်တွေမရှိတဲ့အတွက် မှတ်ပုံတင်ဖို့ မလိုအပ်ဘူးလို့ ယူဆပါတယ်။

The Voice Journal – စီးတီးမတ်အနေနဲ့ နိုင်ငံခြား လက်လီလက်ကားကုမ္ပဏီတွေနဲ့ ဖက်စပ်ရင်းနှီးမြှုပ်နှံမှုလုပ်ဖို့ရော အစီအစဉ်ရှိပါသလား။

DWWT – အခုလက်ရှိမှာတော့ အစီအစဉ်မရှိသေးပါဘူး။

The Voice Journal – လက်ရှိ ပြည်တွင်းလက်လီလက်ကားဈေးကွက်အခြေအနေကို ပြောပြပေးပါ။ အရင်နှစ်တွေနဲ့နှိုင်းယှဉ်ရင် လက်ရှိဈေးကွက်အခြေအနေ ပိုကောင်းသလား၊ လာမယ့်နှစ်တွေမှာရော ဈေးကွက်အခြေအနေ ဘယ်လိုဖြစ်လာနိုင်သလဲ ဆိုတာပေါ့။

DWWT – ဈေးကွက်အခြေအနေကတော့ လက်ရှိမှာ အခြား Industry တွေနည်းတူ ကြိုးစားရုန်းကန်နေရတဲ့ အခြေအနေဖြစ်ပါတယ်။ မြန်မာပြည်တစ်ခုတည်းသာမကဘဲ Global Economy ကလည်း မတည်ငြိမ်တာဖြစ်တဲ့အတွက် ကျွန်မတို့အနေနဲ့ တတ်နိုင်သလောက် ကြိုးစားနေရတာဖြစ်ပါတယ်။ ဈေးကွက်တစ်ခုလုံးအနေနဲ့ ကြည့်မယ်ဆိုရင် ယှဉ်ပြိုင်မှုတွေ ပိုမိုပြင်းထန်လာပြီး လုပ်ငန်းရှင်တွေက ဆိုင်ခွဲတွေ အပြိုင်အဆိုင်ဖွင့်လာကြပေမယ့် ဈေးကွက်ကမျှော်မှန်းသလောက် ကျယ်ပြန့်မလာဘဲရှိနေတဲ့ ဈေးကွက်မှာပဲ ဝေစုကို ခွဲဝေယူနေရတဲ့သဘောမျိုးလည်း ဖြစ်နေပါတယ်။ လာမယ့်နှစ်တွေမှာတော့ ဈေးဝယ်သူတွေရဲ့ အလေ့အကျင့်နဲ့ လူနေမှုစရိုက်တွေ ပြောင်းလဲလာနိုင်သလို လုပ်ငန်းရှင်တွေကလည်း နည်းပညာတွေကို ကောင်းစွာအသုံးချပြီး ရောင်းချမှုပုံစံအသစ်တွေ နည်းလမ်းသစ်တွေနဲ့ ချဉ်းကပ်လာမယ်လို့ ယူဆပါတယ်။

The Voice Journal- အခု နိုင်ငံခြားလက်လီလက်ကားလုပ်ငန်းတွေကို ဖက်စပ်၊ ရာနှုန်းပြည့်အကုန်လုပ်ခွင့်ပြုတဲ့အတွက် လူဦးရေသိပ်သည်းဆများတဲ့ မြို့ကြီးပြကြီးတွေရဲ့ မြေငှားရမ်းခ၊ အိမ်၊ ခြံ၊ မြေ ဈေးကွက်အခြေအနေကရော ဘယ်လိုဖြစ်လာနိုင်ပါသလဲ။ အကယ်၍ ဈေးတွေမြင့်လာမယ်ဆိုရင် လက်လီလက်ကားလုပ်ငန်းတွေအတွက် စိန်ခေါ်မှုဖြစ်လာနိုင်ပါသလားခင်ဗျာ။

DWWT – မျှတတဲ့ ယှဉ်ပြိုင်မှုတွေဖြစ်ဖို့ အစိုးရအနေနဲ့ကလည်း ဒါတွေကိုထိန်းချုပ်ပေးဖို့ လိုအပ်ပါတယ်။ ကျွန်မတို့ ပြည်တွင်းလက်လီလုပ်ငန်းရှင်တွေအတွက်က မြေငှားရမ်းခတွေ မြေဈေးနှုန်းတွေ ကြီးမြင့်လာမယ်ဆိုရင် လုပ်ငန်းထပ်ပြီးတိုးချဲ့နိုင်ဖို့ အခက်အခဲတွေ ဖြစ်နိုင်ပါတယ်။ လုပ်ငန်းက မကြီးထွားလာဘူးဆိုရင် ကျွန်မတို့ပေါ်မှီခိုနေတဲ့ ပစ္စည်းတင်သွင်းသူတွေ၊ ဝန်ထမ်းတွေအတွက်လည်း ရေရှည် အာမခံချက်ပေးနိုင်မှာ မဟုတ်ပါဘူး။

The Voice Journal – တခြားဖြည့်စွက်ပြောချင် တာရှိရင် ဖြည့်စွက်ပြောပေးစေလိုပါတယ်။

DWWT – ကျွန်မတို့ ပြည်တွင်းလုပ်ငန်းရှင်တွေအနေနဲ့က ပြည်ပကုမ္ပဏီတွေနဲ့ယှဉ်ရင် ရင်းနှီးမြှုပ်နှံနိုင်တဲ့ အင်အားချင်းကကွာပါတယ်။ တိုင်းပြည်ဖွံ့ဖြိုးတိုးတက်ရေးအတွက် ပြည်ပရင်းနှီးမြှုပ်နှံမှုတွေ လိုအပ်သလို ကျွန်မတို့ ပြည်တွင်းစီးပွားရေးလုပ်ငန်းတွေအတွက်ကိုလည်း အဆင်ပြေချောမွေ့စေမယ့် နည်းဥပဒေတွေ၊ အထောက်အပံ့တွေ လိုအပ်ပါတယ်။ ကျွန်မတို့နိုင်ငံမှာဆိုရင် လုပ်ငန်းကြီးတွေအတွက်ရော အသေးစား အလတ်စားလုပ်ငန်းငယ်တွေအတွက်ရော အရင်းအနှီးချေးငွေရရှိဖို့က အခြားနိုင်ငံတွေနဲ့ယှဉ်ရင် အတိုးနှုန်းရော လွယ်ကူမှုမရှိခြင်းရောမှာ အခက်အခဲတွေ ကြုံတွေ့ရပါတယ်။ ပြည်ပကုမ္ပဏီတွေအနေနဲ့က ပြည်ပမှာ အတိုးနှုန်းသက်သာလွယ်ကူစွာနဲ့ အရင်းအနှီးတွေယူလာပြီး ကိုယ့်နိုင်ငံမှာလုပ်ငန်းတွေ တိုးချဲ့နိုင်ချိန်မှာ ကျွန်မတို့ ပြည်တွင်းလုပ်ငန်းတွေအနေနဲ့က ချေးငွေအခက်အခဲ၊ ရှုပ်ထွေးတင်းကျပ်တဲ့ နည်းဥပဒေအခက်အခဲတွေနဲ့ ရင်ဆိုင်ရတာဖြစ်တဲ့အတွက် ဒါတွေကိုလည်း အစိုးရအနေနဲ့ အလေးထားဖြေရှင်းပေးစေချင်ပါတယ်။ 

 

စစ်ငြိမ်းသူ

You may also like...

Leave a Reply

Your email address will not be published. Required fields are marked *