ရန်ကုန်အစိုးရ ကားတုပ်ကွေး

ရန်ကုန်တိုင်းအစိုးရကို ငွေချွေတာသုံးစွဲရန် လွှတ်တော်ကိုယ်စားလှယ်များက သတိပေးလိုက်သည်။

ရန်ကုန်တိုင်းဒေသကြီးအစိုးရသည် လမ်းခင်းရန်ထက် Ford ကားဝယ်ရန် စိတ်အားထက်သန်ခြင်း၊ စီးပွားရေးလုပ်ငန်းများကို လွှတ်တော်ကိုယ်စားလှယ်များကို တင်ပြဆွေးနွေးရန် နှောင့်နှေးခြင်းတို့ကြောင့် အစိုးရနှင့်လွှတ်တော်ကြား ပွတ်တိုက်သံများညံနေချိန်တွင် ထိုဝေဖန်သံ ထွက်ပေါ်လာခြင်းဖြစ်သည်။

အမျိုးသားဒီမိုကရေစီအဖွဲ့ချုပ် (NLD) အစိုးရ တက်လာချိန်တွင် ဘဏ္ဍာရေးနှစ်အဖြစ် အောက်တိုဘာလ ၁ ရက်မှ စက်တင်ဘာလ ၃၀ ရက်အထိပြောင်းလဲခဲ့သည်။ ထို့ကြောင့် မေလနှောင်းပိုင်းမှစ၍ ရန်ကုန်တိုင်းလွှတ်တော်တွင် ၂၀၁၈-၂၀၁၉ ခုနှစ် ရန်ကုန်တိုင်း၏ အရအသုံးခန့်မှန်းခြေငွေစာရင်းအတွက် အစိုးရဝန်ကြီးများနှင့် လွှတ်တော်ကိုယ်စားလှယ်များ အကြိတ်အနယ် ဆွေးနွေးနေကြသည်။

ထိုဆွေးနွေးပွဲမှ ထွက်ပေါ်လာသည့်အသံက ရန်ကုန်တိုင်းအစိုးရ ငွေချွေတာရန်ပင်။

“သုံးငွေတွေ သုံးစွဲရာမှာလည်း အစိုးရဘတ်ဂျက်လို့ မသတ်မှတ်ဘဲ မိမိကိုယ်ပိုင်ငွေလို မိမိလုပ်သလိုမျိုးစိစစ်ဖို့ အရေးကြီးတယ်”ဟု လှိုင်မြို့နယ်မဲဆန္ဒနယ် တိုင်းလွှတ်တော်ကိုယ်စားလှယ် ဒေါ်ခိုင်မာဌေးကဆိုသည်။

ထိုသို့ သတိပေးရသည်အထိ တိုင်းအစိုးရ၏ ဘက်ဂျတ်ငွေအသုံးအစွဲက မည်သို့နည်း။

Ford ကား

ရန်ကုန်တိုင်းအစိုးရအဖွဲ့သည် စီမံကိန်းနှင့် အခြေခံအဆောက်အဦတည်ဆောက်ရန် (ငွေလုံးငွေရင်းအသုံးစရိတ်အဖြစ်)၂၀၁၈-၂၀၁၉ ခုနှစ် ဘဏ္ဍာနှစ်အတွက် ကျပ် ၁၂၉ ဘီလီယံကျော် တောင်းခံခဲ့သည်။ ယင်းတွင် ဝန်ကြီးများစီးရန်အတွက် တစ်စီးလျှင် ကျပ်သိန်းတစ်ထောင်တန်သော Ford ကား ၁၀ စီးဝယ်ယူရန်လည်း ပါဝင်သည်။

“Ford ကား ၁၀ စီးဝယ်ယူခြင်းကိုလည်း ကျွန်မတို့သဘောမတူပါဘူး” ဟု တိုင်းလွှတ်တော် ဘဏ္ဍာရေး၊ စီမံကိန်းနှင့် စီးပွားရေးကော်မတီ ဥက္ကဋ္ဌ ဒေါ်စန္ဒာမင်းက ဆိုသည်။

ရန်ကုန်တိုင်းအစိုးရသည် Ford ကားဝယ်ယူရန် လွှတ်တော်သို့တင်ပြသည်က ပထမအကြိမ်မဟုတ်။ ဘဏ္ဍာနှစ်မပြောင်းလဲမီ ကြားကာလဖြစ်သည့် ဧပြီလမှ စက်တင်ဘာလအထိ ခြောက်လတာဘတ်ဂျက်တွင် တိုင်းအစိုးရအဖွဲ့သို့လာသော ဧည့်သည်များကိုကြိုရန် ကျပ်သိန်းတစ်ထောင်တန်သော Ford ကား ၁၀ စီး ဝယ်ယူရန်လည်း ဘတ်ဂျက်တွင် ထည့်သွင်းတောင်းခံခဲ့သည်။

“ကျွန်တော်ကိုယ်တိုင် ဆွေးနွေးခဲ့တဲ့ Minibudget (ခြောက်လဘတ်ဂျက်) ထဲက ထိပ်ဆုံးကထားတောင်းတယ်။ Toyota Ford တစ်စီးကို သိန်းတစ်ထောင်နဲ့ ရန်ကုန်တိုင်းဒေသကြီး ဧည့်ကြိုရန်။ ဧည့်ကြိုဖို့ လိုရဲ့လားထောက်ပြခဲ့တယ်။ ဒါကိုမဝယ်နဲ့ဆိုပြီး ပြည်ထောင်စုကပိတ်လိုက်တယ်။ အခု ၂၀၁၈-၂၀၁၉ ဘတ်ဂျက်ကျတော့ ထပ်တင်ကော”ဟု ဒဂုံမြို့နယ် မဲဆန္ဒနယ်က တိုင်းလွှတ်တော်ကိုယ်စားလှယ် ဦးကျော်ဇေယျက ပြောကြားသည်။

Ford ကား ၁၀ စီးသည် အစိုးရအဖွဲ့ဝင်များစီးနင်းမည့်ကားဖြစ်ပြီး အစိုးရအဖွဲ့ဝင်များ လက်ရှိသုံးစွဲနေသည့်ကားများသည် ပြီးခဲ့သည့် အစိုးရလက်ထက်က ကားများဖြစ်ကာ ဟောင်းနွမ်း၍ကြံ့ခိုင်မှုမရှိသည့်အတွက် ဝယ်ယူရန်တင်ပြခြင်းဖြစ်ကြောင်း ရန်ကုန်တိုင်း စီမံကိန်းနှင့်ဘဏ္ဍာရေးဝန်ကြီး ဦးမြင့်သောင်းက ရှင်းပြသည်။

“ကျွန်တော်တစ်ယောက်ထဲ စီးမယ့်ကားဆိုရင် ချက်ချင်းပယ်ဖျက်ပေးမှာပါ” ဟု ဝန်ကြီးဦးမြင့်သောင်းက ဆက်လက်ပြောဆိုသည်။

ရန်ကုန်တိုင်းရှိ ဝန်ကြီးများသည် YBS စီးနင်းနေရသူ တစ်ဦးတစ်ယောက်မျှ မရှိသလို Taxi စီးနေရသူလည်းမရှိဘဲ ကိုယ်ပိုင်ကားစီးနေသည့် ဝန်ကြီးများဖြစ်သည်။

ခြိုးခြံချွေတာရန် နိုင်ငံတော်အတိုင်ပင်ခံပုဂ္ဂိုလ်က ဖောင်းပွနေသည့် ဝန်ကြီးဌာနအချို့ကိုပေါင်း၍ ဘတ်ဂျက်ငွေချွေတာသည့်အခြေအနေတွင် ကားသစ်ဝယ်စီးရန်လိုအပ်သည်ဟု လွှတ်တော်ကဆုံးဖြတ်ပါက ယင်းအဆုံးအဖြတ်ကိုလိုက်နာမည်ဟု ဆိပ်ကြီးခနောင်တိုမြို့နယ် မဲဆန္ဒနယ်မှ တိုင်းလွှတ်တော်ကိုယ်စားလှယ် ဒေါ်စန္ဒာမင်းကဆိုသည်။

လွှတ်တော်အစည်းအဝေးတွင် Ford ကားဝယ်ယူရေးအတွက် လွှတ်တော်နှင့် အစိုးရအဖွဲ့ကြား ရင်ကြားစေ့နိုင်ရန်အတွက် လွှတ်တော်အစည်းအဝေး ၁၀ မိနစ်ရပ်နား၍ ပြန်လည်ညှိနှိုင်းရသည့် အခြေအနေအထိ Ford ကားဂယက် ကြီးမားခဲ့သည်။

ရန်ကုန်တိုင်းလွှတ်တော် ဥက္ကဋ္ဌ ဦးတင်မောင်ထွန်းက ဝန်ကြီးများ Ford ကားဝယ်ယူရန်ကိစ္စကိုအလျှော့ပေးရန် မေတ္တာရပ်ခံခဲ့ပြီး Ford ကားဝယ်ယူရေးအတွက် လွှတ်တော်တွင်မဲခွဲဆုံးဖြတ်ပါက လွှတ်တော်ဂုဏ်သိက္ခာကျသော်လည်း ဆက်လက်၍ သဘောထားကွဲလွဲဆဲဖြစ်သည့်အတွက် မဲခွဲဆုံးဖြတ်ရန် ဆုံးဖြတ်ခဲ့သည်။

YBS ဘတ်စ်ကားနှင့် နာမည်ကျော်သည့် ရန်ကုန်တိုင်းသည် ယခုတစ်ဖန် Ford ကားဖြင့် နာမည်ကြီးပြန်သည်။ ရန်ကုန်တိုင်းအတွင်းရှိ ဌာနဆိုင်ရာများသည်လည်း ကားစီးကြမ်းသူများဖြစ်ကြသည်။

အထွေထွေအုပ်ချုပ်ရေးဦးစီးဌာနက Double Cab မော်တော်ယာဉ် ၂၁ စီး ဝယ်ယူရန် ကျပ် ၁၀၅၀ သန်း၊ ရန်ကုန်မြို့တော် စည်ပင်သာယာရေးကော်မတီ (YCDC) က ရုံးသုံးယာဉ်ဝယ်ယူရန် ကျပ် ၂၆၄၄ သန်း၊ ပတ်ဝန်းကျင်ထိန်းသိမ်းရေးဌာနက အမှိုက်သိမ်းယာဉ် ၇၇ စီးနှင့် YCDC က ရုံးသုံးကား ၈၉ စီး ဝယ်ယူရန် ၂၀၁၈-၂၀၁၉ ခုနှစ် ရန်ကုန်တိုင်း အရအသုံးခန့်မှန်းခြေငွေစာရင်းတွင် တင်ပြထားသည်။

ထိုမျှမကသေး လွှတ်တော်ဝင်းအတွင်းက ဇာတ်သဘင်ဆောင်ပြုပြင်ရန် ကျပ် ၉၅၅ ဒဿမ ၈ သန်းတောင်းခံသည်။

ထို့ကြောင့် ရန်ကုန်တိုင်းအစိုးရ၏ ငွေသုံးစွဲပုံသည် ချမ်းသာသောတိုင်းပြည်များကဲ့သို့ သုံးစွဲနေကြောင်း ရန်ကုန်တိုင်း လွှတ်တော်ကိုယ်စားလှယ်ဟောင်း ဒေါက်တာညိုညိုသင်းက ဝေဖန်သည်။

“ဆင်းရဲတဲ့အစိုးရတစ်ရပ်က ပိုက်ဆံသုံးစွဲတာနဲ့ မတူဘူးဖြစ်နေတယ်။ အစိုးရက လူထုနဲ့တစ်သားထဲမရှိရာ ရောက်နေတယ်။ လူထုတင်မြှောက်ထားတဲ့အစိုးရမှ ဟုတ်ပါရဲ့လားလို့တွေးနေရတယ်။ ဆင်းရဲတဲ့ပြည်သူနဲ့တစ်ထပ်တည်း ကျမနေဘူး။ ဒါကိုဝမ်းနည်းဖွယ်တွေ့ရတယ်” ဟု ၎င်းကဆက်လက်ပြောဆိုသည်။

ရန်ကုန်တိုင်းအစိုးရအနေနှင့် အဓိကနှင့် သာမညကိုခွဲခြားပြီး ဇာတ်သဘင်ဆောင်ပြုပြင်ရေးနှင့် ကားဝယ်ယူမည့်ငွေများကို မြို့နယ်များတွင် လိုအပ်နေသောလမ်းနှင့် ရေမြောင်းများတွင် သုံးစွဲပေးရန် လှိုင်မြို့နယ် မဲဆန္ဒနယ် တိုင်းလွှတ်တော်ကိုယ်စားလှယ် ဒေါ်ခိုင်မာဌေးကအကြံပြု သည်။

လမ်းခင်းရန်မပါ

၂၀၁၈-၂၀၁၉ခုနှစ် ရန်ကုန်တိုင်း၏ အရအသုံးခန့်မှန်းခြေငွေစာရင်းတွင် မြို့နယ်များ၏ လမ်း၊ ရေမြောင်း၊ အများပြည်သူအသုံးပြုရန် မြို့နယ်ခန်းမနှင့် အားကစားကွင်းများတည်ဆောက်ရန် သက်ဆိုင်ရာ တိုင်းလွှတ်တော်ကိုယ်စားလှယ်များက တင်ပြတောင်းခံခဲ့သော်လည်း ငွေမလုံလောက်သည့်အတွက် ယင်းစီမံကိန်းများ ပယ်ဖျက်ခံခဲ့ရသည်။

ရန်ကုန်မြို့အတွင်းရှိ မြေသားလမ်းများကို သုံးနှစ်အတွင်း ကွန်ကရစ်လမ်းများအဖြစ် ပြောင်းလဲပေးမည်ဟု တိုင်းအစိုးရက ပြောကြားခဲ့သော်လည်း ဘတ်ဂျက်ရေးဆွဲရာတွင် လမ်းအပြည့်ကွန်ကရစ်မခင်းနိုင်ဘဲ တစ်ဝက်သာခင်းရန် ဘတ်ဂျက်လျာထားချက်တွင် ထည့်သွင်းထားကြောင်း ဒဂုံမြို့သစ် (တောင်ပိုင်း) မဲဆန္ဒနယ် တိုင်းလွှတ်တော်ကိုယ်စားလှယ် ဦးသိန်းနိုင်ကဆိုသည်။

ဒဂုံမြို့သစ်(တောင်ပိုင်း)မြို့နယ်တွင် မြေသားလမ်းပေါင်း ၄၀၀ ကျော်ရှိသည့် အခြေအနေတွင် တစ်နှစ်လျှင် ၁၀ လမ်းကျော်သာ ကွန်ကရစ်ခင်းပေးသောကြောင့် ယင်းနှုန်းအတိုင်း တိုင်းအစိုးရက ဘတ်ဂျက်ငွေချပေးပါက နှစ်ပေါင်း ၆၀ ကြာမှသာ မြေသားလမ်းဘ၀မှ ကွန်ကရစ်သို့ ပြောင်းနိုင်မည်ဖြစ်ကြောင်း ၎င်းကဆက်လက်ပြောဆိုသည်။

ထို့ပြင် လွှတ်တော်အစည်းအဝေးတွင် ဆောင်ရွက်ပေးမည်ဟု ကတိပြုထားသည့် မြို့နယ်ဖွံဖြိုးရေးလုပ်ငန်းများလည်း ဘတ်ဂျက်လျာထားချက်တွင် မပါဝင်ကြောင်း ဒဂုံမြို့သစ်(ဆိပ်ကမ်း)မြို့နယ် မဲဆန္ဒနယ် တိုင်းလွှတ်တော်ကိုယ်စားလှယ် ဦးဇင်မင်းထွေးကဝေဖန်သည်။

ဘဏ္ဍာငွေမလုံလောက်သဖြင့် ဒဂုံမြို့သစ်(ဆိပ်ကမ်း)မြို့နယ် ပဲခူးမြစ်လမ်းကို လမ်းမခင်းနိုင်သော်လည်း ပေါက်ပြဲနေသည့်ချိုင့်ဝှမ်းများကိုဖာထေးပေးရန် ၎င်းက တိုင်းအစိုးရကိုမေတ္တာရပ်ခံသည်။

လက်ရှိအစိုးရလက်ထက်တွင် ဘတ်ဂျက်ကို မျက်မမြင်ပုဏ္ဏားခြောက်ယောက် ဆင်စမ်းသကဲ့သို့ စမ်းတဝါးဝါးသာ ရေးဆွဲနေရကြောင်း အင်းစိန်မြို့နယ် မဲဆန္ဒနယ် တိုင်းလွှတ်တော်ကိုယ်စားလှယ် ဦးဝေဖြိုးဟန်ကဆိုသည်။

မြေပြင်လိုအပ်ချက်အရ ဘတ်ဂျက်တွင်ထည့်ထားသည့်စီမံကိန်းများသည် ငွေမလုံလောက်ဆိုသည့် တိုင်းအစိုးရ၏ဆင်ခြေအောက်တွင် ကွယ်ပျောက်သွားကြောင်း ၎င်းကဆက်လက်ပြောဆိုသည်။

ပြည်သူ့ဘဏ္ဍာငွေခွဲဝေရာတွင် ပြည်သူထက် ဝန်ကြီးဌာနများအတွက်ဦးစားပေးသည်ဟု ဝေဖန်ခံနေရသည့် ရန်ကုန်တိုင်းအစိုးရသည် စီးပွားရေးလုပ်ငန်းများအတွက် ငွေသုံးစွဲရာတွင် ပွင့်လင်းမြင်သာမှုအားနည်းကြောင်း တိုင်းလွှတ်တော်ကိုယ်စားလှယ် ဒေါက်တာညိုညိုသင်းက ဆိုသည်။

ရန်ကုန်တိုင်းအစိုးရသည် ရန်ကုန်မြို့သစ် စီမံကိန်းတည်ဆောက်ရန် တိုင်းအစိုးရက Yangon Metropolitan Development အများပိုင်ကုမ္ပဏီကိုတည်ထောင်ပြီး ကျပ်ငွေ ၆၄ ဘီလီယံ၊ YBS ဘတ်စ်ကားပြေးဆွဲရန် YUPT (Yangon Urban Public Transport Company) အများပိုင်ကုမ္ပဏီတည်ထောင်၍ ကျပ် ၇၀ ဘီလီယံသုံးစွဲထားသည်။

ထို့ပြင် ရန်ကုန်တိုင်းအတွင်းရှိ လယ်ယာမြေများပြုပြင်ရန် ကျပ်ငွေ ၇၇၄၈ ဒဿမ ၃၀၁ သန်းကို ၂၀၁၆ -၂၀၁၇ ခုနှစ် ရန်ကုန်တိုင်း၏ ဖြည့်စွက်ဘဏ္ဍာရန်ပုံငွေမှ သုံးစွဲခဲ့သည်။

YUPT ကုမ္ပဏီတွင် ရင်းနှီးမြုပ်နှံထားသည့် ကျပ် ၇၀ ဘီလီယံနှင့်ပတ်သက်၍ အရှုံးအမြတ်ရရှိမှုအခြေအနေကို တိုင်းပို့ဆောင်ရေး၊ ဆက်သွယ်ရေး၊ ဆောက်လုပ်ရေးနှင့် စက်မှုလက်မှုရေးရာကော်မတီက YUPT နှင့်တွေ့ဆုံသည့် အစည်းအဝေးများတွင် မေးမြန်းခဲ့သော်လည်း ဖြေကြားခဲ့ခြင်း မရှိခဲ့ကြောင်း ယင်းကော်မတီအတွင်းရေးမှူး ဦးဝေဖြိုးဟန်ကဆိုသည်။

မြို့သစ်စီမံကိန်းနှင့် YBS ဘတ်စ်ကားပြေးဆွဲရေးတွင် ထည့်ဝင်ထားသည့် ဘီလီယံနှင့်ချီသည့်ငွေများနှင့်ပတ်သက်၍ လွှတ်တော်သို့တင်ပြခြင်းမရှိသေးသည့်အခြေအနေတွင် ရန်ကုန်မြို့တော် စည်ပင်သာယာရေးကော်မတီပိုင် မြို့တော်ဘဏ် YCDC ဘဏ်တွင် ကျပ်ငွေ ၆၈ ဘီလီယံ ရင်နှီးမြှုပ်နှံရန် တိုင်းအစိုးရက စီစဉ်သည်။

မြို့တော်ဘဏ်တွင် ရင်းနှီးမြှုပ်နှံမည့်ကျပ်ငွေ ၆၈ ဘီလီယံသည် ယင်းဘဏ်၏ လုပ်ငန်းဆောင်ရွက်မှုမှရရှိသည့် ငွေကြေးဖြစ်ပြီး ဗဟိုဘဏ်၏ညွှန်ကြားချက်နှင့်အညီ နိုင်ငံခြားငွေ တိုးချဲ့ဆောင်ရွက်နိုင်ရန် ရင်နှီးမြှုပ်နှံခြင်းဖြစ်ကြောင်း၊ နိုင်ငံခြားငွေလည်ပတ်နိုင်မှသာ ဂျာမနီနိုင်ငံ GIZ အစီအစဉ်ဖြင့် SMEs (အသေးစား၊ အလတ်စား စီးပွားရေးလုပ်ငန်းများ)ကို ငွေထုတ်ချေးနိုင်ရန် စီစဉ်ခြင်းဖြစ်ကြောင်း ဝန်ကြီးဦးမြင့်သောင်းက ရှင်းပြသည်။

ယင်းအစီအစဉ်ကို တိုင်းဘဏ္ဍာရေး၊ စီမံကိန်းနှင့် စီးပွားရေးကော်မတီက ထပ်မံကန့်ကွက်ခဲ့သည်။

၁၉၉၂ ခုနှစ်မှစ၍ ယနေ့ထိတိုင် မြို့တော်ဘဏ်၏အမြတ်ငွေများကိုပေါင်းကြည့်ပါက အမြတ်ငွေ ကျပ် ၆၈ ဘီလီယံမရှိသည့်အပြင် SMEs များကို ငွေချေးရန် နိုင်ငံခြားငွေလုပ်ကိုင်နိုင်သည့် အစိုးရဘဏ်များရှိသည့်အတွက် ကန့်ကွက်ခြင်းဖြစ်ကြောင်း ယင်းကော်မတီ ဥက္ကဋ္ဌ ဒေါ်စန္ဒာမင်းကဆိုသည်။

လက်ရှိ တာဝန်ထမ်းဆောင်နေသော တိုင်းလွှတ်တော်ကိုယ်စားလှယ်များ၏ သဘောထားကို လွှတ်တော်ကိုယ်စားလှယ်ဟောင်းဖြစ်သည့် ဒေါက်တာညိုညိုသင်းကထောက်ခံသည်။

“YBS အတွက်သုံးတဲ့ ဘီလီယံ ၇၀၊ စည်ပင်ဘဏ်ထဲမှာထည့်မယ့် ၆၈ ဘီလီယံကိစ္စပေါ့။ ဒီကိစ္စတွေက ငါ့မြင်းငါစိုင်းပြီးသုံးချင်သလို သုံးနေတဲ့သဘော” ဟု ဒေါက်တာညိုညိုသင်းက ဝေဖန်သည်။

တိုင်းအစိုးရ၏ စီးပွားရေးလုပ်ငန်းများတွင် ပြည်သူ့ငွေများပါဝင်သည့်အတွက် စာရင်းစစ်ချုပ်က စစ်ဆေးသင့်ကြောင်း ၎င်းကဆိုသည်။

တိုင်းဘဏ္ဍာရေး၊ စီမံကိန်းနှင့် စီးပွားရေးကော်မတီက ရန်ကုန်တိုင်းအစိုးရ၏ စီးပွားရေးလုပ်ငန်းများကို စစ်ဆေးပေးရန် လွှတ်တော်အစည်းအဝေးတွင် အဆိုတင်ခဲ့သည်။

လယ်ယာမြေများပြုပြင်ရန် သုံးစွဲခဲ့သည့်ငွေကို အပြည့်အစုံစစ်ဆေးရန် ရန်ကုန်တိုင်းစာရင်းစစ်ချုပ် ဒေါ်ခင်သန်းလှက လက်ခံခဲ့ပြီး Yangon Metropolitan Development အများပိုင်ကုမ္ပဏီနှင့် YUPT တို့တွင် ရင်းနှီးမြှုပ်နှံမှုများကို ပြင်ပစာရင်းစစ်က စစ်ဆေးချက်အစီရင်ခံစာကို လွှတ်တော်သို့ တင်ပြပေးမည်ဖြစ်ကြောင်း တိုင်းစာရင်းစစ်ချုပ် ဒေါ်ခင်သန်းလှက ပြောကြားသည်။

“အကယ်၍ ပြည်ထောင်စုစာရင်းစစ်ချုပ်ဥပဒေနှင့်အညီ ဆောင်ရွက်ခွင့်ရရှိပါကလည်း အမြန်ဆုံးဆောင်ရွက်၍ ရန်ကုန်တိုင်းဝန်ကြီးချုပ်နှင့် ရန်ကုန်တိုင်းလွှတ်တော်သို့ ထူးခြားမှုအခြေအနေများကို ချက်ချင်းတင်ပြသွားမှာဖြစ်ပါတယ်” ၎င်းက ဆက်လက်ပြောဆိုသည်။

ပြည်သူ့ဘဏ္ဍာငွေဖြင့် စီးပွားရေးဆောင်ရွက်သည့်အတွက် အပြင်စာရင်းစစ်နှင့် စစ်ရန်အကြောင်းမရှိဘဲ ရန်ကုန်တိုင်းစာရင်းစစ်ချုပ်က မစစ်ပါက မစစ်ရဲရသည့် အကြောင်းရင်းရှိနိုင်ကြောင်း ဒေါက်တာညိုညိုသင်းက ခန့်မှန်းပြောကြားသည်။

“ဘီလီယံ ၇၀ က ပြည်သူပိုက်ဆံ၊ အန်တီတို့ပိုက်ဆံဖြစ်တဲ့အတွက် အစိုးရစာရင်းစစ်ချုပ်က စစ်ရမှာဖြစ်တယ်။ အစိုးရစာရင်းစစ်ချုပ်ကမစစ်ဘဲ အပြင်ကိုလွှဲချတယ်ဆိုရင် စိတ်ဝင်စားစရာကောင်းနေပြီ။ တစ်စုံတစ်ရာတော့ ရှိနေပြီလို့ခန့်မှန်းတယ်” ဟု ၎င်းကဆိုသည်။

သမ္မတဦးသိန်းစိန်လက်ထက် လွှတ်တော်တွင် ပြည်သူ့ဘဏ္ဍာငွေများ ဆီးသီးဗန်းမှောက်သည်ဟူသည့်စကားကြောင့် ပြည်သူအကြားထင်ရှားခဲ့ပြီး ယခုရန်ကုန်တိုင်းလွှတ်တော်တွင်မူ ဆီးသီးတောင်းအခြေအနေသည် မည်သို့ရှိနေသနည်း။

ယင်းအဖြေကို ရန်ကုန်တိုင်းစာရင်းစစ်ချုပ် စစ်ဆေးချက်အဖြေပေါ်တွင်မူတည်ကြောင်း ဒေါက်တာညိုညိုသင်းကဆိုသည်။

“စာရင်းစစ်ချုပ်ကစစ်ပြီးမှသာလျှင် ဆီးသီးတောင်းမှောက်တဲ့ကိစ္စတွေ ကျွန်မတို့ပြောနိုင်မှာ” ဟု ၎င်းကဆိုသည်။

စာရင်းစစ်ချုပ် စစ်ချက်မထွက်ပေါ်သေးသည့် အခြေအနေတွင် ရန်ကုန်တိုင်းဘတ်ဂျက်တောင်းခံမှုကိုကြည့်၍ ဆီးသီးတောင်းမှောက်နေပြီဖြစ်ကြောင်း မင်္ဂလာတောင်ညွှန့် မဲဆန္ဒနယ် တိုင်းလွှတ်တော်ကိုယ်စားလှယ် ဦးလှဌေးကသုံးသပ်သည်။

“နှစ်တိုင်းဘတ်ဂျက်တင်ပြီဆိုရင် ဌာနဆိုင်ရာတွေက သူ့တို့ရဲ့ရပိုင်ခွင့် အခွင့်အရေးတစ်ခု၊ ပွဲတော်ကြီးတစ်ခု သတ်မှတ်ပြီးတော့ မလိုအပ်တာတွေလည်း လျှောက်ပြီးတော့ ကြံဖန်ရေးဆွဲပြီးတင်တဲ့ ဘတ်ဂျက်တွေအများကြီးရှိတယ်။ အဲဒီမှာ ကျွန်တော်တို့ဘတ်ဂျက်ဖြုန်းတီးမှုတွေ အများကြီးဖြစ်လာတာပေါ့” ၎င်းကဆိုသည်။

ရန်ကုန်တိုင်းအစိုးရသည် လွှတ်တော်သို့ဘတ်ဂျက်မတင်ပြမီ လက်လွန်သုံးစွဲမှုအချို့ရှိနိုင်ကြောင်း ဘတ်ဂျက်ရေးရာကျွမ်းကျင်သူ ဦးဇော်ဖေဝင်းက ခန့်မှန်းသည်။

“ရန်ကုန်တိုင်းမှာ လူကြီးတွေစီးမယ့်ကား အဲဒီကိစ္စပြဿနာတက်နေတာ။ အဲဒါကလည်းပဲ ရှင်းရှင်းပြောရင်သုံးတာ လက်လွန်ပြီးသားသဘောရှိနေတယ်။ ဝန်ကြီးချုပ်ဆီနဲ့မပြီးရင် ပြည်ထောင်စု (ပြည်ထောင်စုလွှတ်တော်) ကိုတက်မှာ။ အဲဒီမှာအကြိတ်အနယ်ဖြစ်မယ့် သဘောရှိတယ်။ ဒီကိစ္စကမပြီးသေးပါဘူး” ဟု ၎င်းကဆိုသည်။

၂၀၁၈-၂၀၁၉ ခုနှစ် ရန်ကုန်တိုင်း အရအသုံးခန့်မှန်းခြေလျာထားချက်အပေါ် တိုင်းလွှတ်တော်ကိုယ်စားလှယ် ဦးဝေဖြိုးဟန်က ထိုသို့ဆိုသည်။

“ကျွန်တော်တို့ အင်မတန် စိတ်ပျက်နေပါပြီ”

 

ပို့ပို့

You may also like...

Leave a Reply

Your email address will not be published. Required fields are marked *