အထက်တန်း သိပ္ပံဘာသာရပ်များကို မြန်မာဘာသာနှင့် သင်ကြားရေး အကြံပြုချက် လွှတ်တော်တွင် ဝေဖန်ခံရ

ရန်ကုန်၊ ဇွန် ၁၂

အထက်တန်း သိပ္ပံဘာသာရပ်များ သင်ကြားရာတွင် သိပ္ပံဝေါဟာရများမှ လွဲ၍ ရှင်းလင်းချက်များကို မြန်မာ ဘာသာစကားနှင့် သင်ကြားသင့်ကြောင်း အမျိုးသားပညာရေး မူဝါဒကော်မရှင်၏ အကြံပြုချက်သည် ဇွန်လ ၁၂ ရက်နေ့တွင် ကျင်းပသည့် ပြည်ထောင်စုလွှတ်တော် အဋ္ဌမပုံမှန်အစည်းအဝေး၌ ​ဝေဖန်ခံရလျက်​ရှိသည်။

အဆိုပါ အကြံပြုချက်သည် အမျိုးသားပညာရေး မူဝါဒကော်မရှင်၏ ၂၀၁၇ ခုနှစ်အောက်တိုဘာလမှ ၂၀၁၈ ဧပြီလ အထိ ၆ လတာကာလ အတွင်း လုပ်ငန်းဆောင်ရွက်ခဲ့မှု အစီရင်ခံစာ အမှတ် ၃ တွင် ပါဝင်ခဲ့သည်။

အမျိုးသားပညာရေးမူဝါဒ ကော်မရှင်က အစီရင်ခံစာကို ပြည်ထောင်စုလွှတ်တော်သို့တင် ပြထားပြီးလည်း ဖြစ်သည်။

ကော်မရှင်၏ အစီရင်ခံစာကို ပြည်ထောင်စုလွှတ်တော် အဋ္ဌမပုံမှန်အစည်းအဝေး၌ လွှတ်တော်ကိုယ်စားလှယ် ၁၀ ဦးက ဆွေးနွေးခဲ့ကြသည်။

အထက်တန်း သိပ္ပံဘာသာရပ်သင်ခန်းစာများကို အင်္ဂလိပ်စာနှင့် ဖော်ပြထားသောကြောင့် ကျောင်းသူ၊ ကျောင်း သားများ စာမလိုက်နိုင်သည့် အခက်အခဲများကြုံ​တွေ့​နေရကြောင်း အစီရင်ခံစာတွင် ဖော်ပြထားသည်။

သိပ္ပံဘာသာရပ်သင်ခန်းစာများကို မြန်မာစာနှင့် သင်ကြားသင့်ကြောင်း ကော်မရှင်၏ အကြံပြုချက်ကို ရန်ကုန်တိုင်းဒေသကြီး မဲဆန္ဒနယ်အမှတ် ၁၂ မှ လွှတ်တော်ကိုယ်စားလှယ် ဦးကျော်နိုင်က လက်မခံဘဲ ကန့်ကွက်ခဲ့သည်။

“ကော်မရှင်ရဲ့ အစီရင်ခံစာက ကလေးတွေစာမလိုက်နိုင်တဲ့ အတွက် ဆရာ၊ ဆရာမတွေရဲ့ သင်ရိုးမပိုင်နိုင်မှုကို အားဖြည့်ရမယ့် အစား၊ အင်္ဂလိပ်လို အားကောင်းအောင်သင်ပေးရမယ့် အစား အင်္ဂလိပ်လိုသင်ထားတာကို ဖြုတ်လို့ပြောထားတာက တော်တော်အံ့သြဖို့ကောင်းပါတယ်” ဟု ၎င်းက အစည်းအဝေးတွင် ဆိုသည်။

သိပ္ပံဘာသာရပ်များတွင် ကျောင်းသူ ၊ ကျောင်းသားများ စာမလိုက်နိုင်ရခြင်းသည် ဆရာ၊ ဆရာမများ၏ ပညာရပ်ဆိုင်ရာ ကျွမ်းကျင်မှု အားနည်းချက်ကြောင့်ဖြစ်ပြီး ကော်မရှင်အနေနှင့် ယင်းအားနည်းချက်များ ကို ဖော်ထုတ်ကာ ဖြေရှင်းရမည့် မူဝါဒ များချမှတ်သင့်ကြောင်း ဦးကျော်နိုင်က ပြောကြားသည်။

မန္တလေးတိုင်းဒေသကြီး မဲဆန္ဒနယ်အမှတ်(၁) မှ လွှတ်တော်ကိုယ်စားလှယ် ဒေါက်တာသန်းဝင်းကမူ သိပ္ပံဘာသာရပ်များကို အင်္ဂလိပ်ဘာသာစကား နှင့် သင်ကြားသောကြောင့် ကျောင်းသားများသည် အင်္ဂလိပ် ဘာသာစကားပိုမို ထူးချွန်လာခြင်းမရှိ ကြောင်းဆိုခဲ့သည်။

ထို့အတူ သိပ္ပံဘာသာရပ်များကိုလည်း နားမလည်ကြကြောင်း ၎င်း ကဆိုသည်။

ထို့ကြောင့် အထက်တန်းအဆင့် သိပ္ပံဘာသာရပ်များကို ကျောင်းသားများ ပိုမိုနားလည်စေရန် မြန်မာဘာသာစကားနှင့်သာ သင်ကြားသင့်သည် ဟူသော ကော်မရှင်၏ အကြံပြုချက်ကို အလေးအနက်ထောက်ခံကြောင်း ဒေါက်တာသန်းဝင်းက ပြောဆိုခဲ့သည်။

လက်ရှိတွင် အထက်တန်း အဆင့်ဖြစ်သည့် နဝမတန်းနှင့် ဒဿမတန်းတို့တွင် သချာင်္ဘာသာရပ်နှင့် သိပ္ပံဘာသာရပ်များဖြစ်သော ရူပဗေဒ၊ ဓာတုဗေဒ၊ ဇီဝဗေဒဘာသာရပ် တို့၏ ပုံနှိပ်စာအုပ်များကို အင်္ဂလိပ်ဘာသာစကားဖြင့် ပြဋ္ဌာန်း ဖော်ပြထားသည်။

You may also like...

Leave a Reply

Your email address will not be published. Required fields are marked *