၂၀၁၈ ကြားဖြတ်ရွေးကောက်ပွဲကို လူခြောက်ရာဖြင့် စောင့်ကြည့်မည်

ရန်ကုန်၊ ဇွန် ၁၅

NLD အစိုးရလက်ထက် နှစ်ကြိမ်မြောက်ကျင်းပမည့် ၂၀၁၈ ကြားဖြတ်ရွေးကောက်ပွဲကို လူဦးရေခြောက်ရာဖြင့် စောင့်ကြည့်လေ့လာသွားမည်ဖြစ်ကြောင်း ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့ (PEACE) အဖွဲ့၏ အမှုဆောင်ဒါရိုက်တာ ဦးစိုင်းရဲကျော်မြင့်ကပြောကြားသည်။

ဇွန်လ ၁၅ ရက်နေ့တွင် PARKROYAL ဟိုတယ်၌ ကျင်းပသည့် သတင်းစာရှင်းလင်းပွဲ၌ ယင်းသို့ပြောဆိုခြင်းဖြစ်သည်။ PEACE အဖွဲ့သည် ၂၀၁၅ အထွေထွေရွေးကောက်ပွဲမှ စတင်ကာ ရွေးကောက်ပွဲ လေ့လာစောင့်ကြည့်မှုများ ပြုလုပ်နေသည့်အဖွဲ့ဖြစ်သည်။

ကာလတိုနှင့် ကာလရှည်စောင့် ကြည့်လေ့လာမှုဟု နှစ်ပိုင်းခွဲခြားထားပြီး ကာလတိုစောင့်ကြည့်လေ့လာမှုကို လူဦးရေ ၆၀၀ အသုံးပြုသွားမည်ဖြစ်ကာ ကာလရှည်စောင့်ကြည့်လေ့လာမှုတွင် လူဦးရေ ၂၄ ဦးဖြင့် လေ့လာသွားမည်ဖြစ်ကြောင်း PEACE အဖွဲ့၏ ထုတ်ပြန်ချက်တွင် ဖော်ပြထားသည်။

ကာလတိုစောင့်ကြည့်မှုမှာ ရွေးကောက်ပွဲကျင်းပမည့်နေ့တစ်နေ့သာ လေ့လာမည်ဖြစ်ပြီး ကာလရှည်မှာ ပါတီများ မဲဆွယ်စည်းရုံးရေးကာလ၊ ကြိုတင်မဲပေးသောကာလနှင့် မဲရေတွက်သည်အထိ စောင့်ကြည့်လေ့လာမည်ဟု ဦးစိုင်းရဲကျော်မြင့်ကဆိုသည်။

၂၀၁၈ ကြားဖြတ်ရွေးကောက်ပွဲကို နိုဝင်ဘာလ ၃ ရက်နေ့တွင် ကျင်းပသွားမည်ဖြစ်သည်။

You may also like...

Leave a Reply

Your email address will not be published. Required fields are marked *