အသင်းကြီးတိုင်းမနိုင် အသင်းငယ်တိုင်းမရှုံး

ကိုယ့်အပေါ် အခြားသူတို့၏ သဘောထားသည် အရေးမကြီးဘဲ ကိုယ်ကိုယ်တိုင်၏ ကြိုးစားအားထုတ်မှုနှင့် ဇွဲသတ္တိတို့က အရေးကြီးကြောင်း ကမ္ဘာ့ဖလားဘောလုံးပွဲဝင် အသင်းငယ်နှင့် အသင်းကြီးကန်သည့်ပွဲများက သက်သေပြနေသည်။

အသင်းငယ်အသင်းကြီးကန်ပြီဆိုလျှင် အသင်းကြီးတို့ နိုင်မည်ဟု အများစုက မြင်ကြသည်။ တကယ်ကန်သောအခါတွင်မူ ကမ္ဘာအရပ်ရပ်ရှိ တော်ပေ့ဆိုသော ဘောလုံးကျွမ်းကျင်သူအားလုံးနီးနီး၏ ခန့်မှန်းချက်ကို ဆန့်ကျင်ပြီး အသင်းငယ်က နိုင်သွားသည်များကို တွေ့ရသည်။

သို့သော် အသင်းငယ်နှင့် အသင်းကြီးကန်သည့်ပွဲများတွင် အသင်းငယ်က နိုင်ခြင်းသည် ကံကောင်းခြင်းထက် စိတ်ဓာတ်နှင့် ကြိုးစားအားထုတ်မှုက အရေးကြီးသည်။ ‘ငါတို့က အသင်းငယ်၊ ငါတို့ ရှုံးမှာပဲ’ ဆိုသော စိတ်မျိုးနှင့်သာ ကန်လျှင် ထိုအသင်းငယ်သည် အိမ်ဖြည့်သာ ဖြစ်နေမည်။ အဓိကမှာ အသင်းကြီးနှင့် ကန်ရသည်ဆိုပြီး ရှိန်မနေရန် ဖြစ်သည်။

အသင်းကြီး အသင်းငယ်ကိစ္စသည် ဘောလုံးတွင်မှ မဟုတ်ဘဲ နေရာတိုင်းတွင် ရှိသည်။ လူတိုင်းသည် တစ်နေရာမဟုတ် တစ်နေရာတွင် အသင်းငယ် ဖြစ်ခဲ့ဖူးကြသည်ချည်း။ အသင်းငယ်စိတ်ဖျောက်ပြီး ကန်သော သူတို့သည် ဘ၀တွင် အခြေလှကြသည်။ အသင်းငယ်စိတ်ထားနေသမျှ မည်သည့်အခါမျှ အသင်းကြီးကို နိုင်မည်မဟုတ်။ ဘ၀တိုက်ပွဲတွင် အောင်မြင်မည်မဟုတ်။

နိုင်ငံအနေနှင့် ကြည့်လျှင် မြန်မာနိုင်ငံသည် ကမ္ဘာ့ကစားကွင်းတွင် အသင်းငယ်ဖြစ်သည်။ သို့သော် အသင်းငယ်ဖြစ်သည်ဆိုပြီး စိတ်ဓာတ်အောက်စည်းရောက်နေလျှင် မည်သည့်အခါမျှ အသင်းကြီးများနှင့် သူတင်ကိုယ်တင် ယှဉ်နိုင်မည်မဟုတ်။ စင်ကာပူ၊ ဆွစ်ဇာလန် စသော အသင်းငယ်နိုင်ငံများသည် ဇွဲနပဲဖြင့် စိတ်နေမြင့်ကာ အားထုတ်ကန်သဖြင့် အသင်းကြီးများကို အကြိမ်ကြိမ်ကျော်လွှားကာ ကမ္ဘာ့စင်မြင့်တွင် ကိုယ်တိုင် အသင်းကြီး ဖြစ်လာခြင်း။

လက်ရှိအခြေအနေတွင် မြန်မာသည် အသင်းငယ်ဖြစ်သည်။ သို့သော် စိတ်ဓာတ်မြင့်မြင့်ဖြင့်ကန်လျှင် အသင်းကြီးများကို တစ်ခါမဟုတ် တစ်ခါနိုင်မည်၊ အကြိမ်ကြိမ်နိုင်လျှင် ကိုယ်တိုင် အသင်းကြီး ဖြစ်လာမည်။ ရဲရဲကန်ဖို့တော့လိုသည်။

အယ်ဒီတာ

၂၀.၆.၂၀၁၈

You may also like...

Leave a Reply

Your email address will not be published. Required fields are marked *