ထိုင်းရောက်မြန်မာများ ပြေးလွှားကြရပြန်ဦးမည်

မဲဆောက်မြို့တွင် ဇူလိုင်လ ၅ ရက်နေ့က ဖမ်းဆီးခံထားရသည့် မြန်မာလုပ်သားများ

ထိုင်းရောက်မြန်မာများ ပြေးလွှားကြရမည့်အချိန် တစ်ကျော့ပြန်ရောက်ရှိလာပြန်သည်။

မြန်မာအပါအဝင် အထောက်အထားမဲ့၊ အထောက်အထားမစုံသည့် နိုင်ငံခြားသားအလုပ်သမားများကို ထိုင်းအာဏာပိုင်တို့က စတင်ဖမ်းဆီးနေပြီဖြစ်သည်။ ဖမ်းဆီးမှု တစ်နှစ်ကြာရပ်ဆိုင်းပြီးနောက် ဇူလိုင်လ ၁ ရက်နေ့မှ စတင်ကာ တစ်ကျော့ပြန် ဖမ်းဆီးလာခြင်းဖြစ်သည်။

ထိုင်းနိုင်ငံတွင် ၂၀၁၇ ခုနှစ် ဇွန်လက ပြဋ္ဌာန်းလိုက်သည့် နိုင်ငံခြားသားအလုပ်သမားစီမံခန့်ခွဲမှုဥပဒေတွင် တရားမဝင်အလုပ်သမားများအတွက် ကြီးလေးသည့်ပြစ်ဒဏ်များ ထည့်သွင်းခဲ့သည်။ ယင်းနောက် ဆက်တိုက်ဖမ်းဆီးသဖြင့် မြန်မာအလုပ်သမားများ အလုံးအရင်းဖြင့် ထွက်ပြေးခဲ့ရသည်။

အစိုးရချင်းညှိနှိုင်းမှု၊ ထိုင်းလုပ်ငန်းရှင်များ၏ လိုအပ်ချက်တို့အရ ဖမ်းဆီးမှုကို ရပ်ဆိုင်းကာ တရားဝင်အထောက်အထားပြုလုပ်ရန် ယခုနှစ် ဇွန်လကုန်အထိ ခွင့်ပြုခဲ့သည်။

“ဇူလိုင် ၁ ရက်နေ့ကနေ စတင်စစ်ဆေး ဖမ်းဆီးအရေးယူနေတာတော့ တွေ့ရတယ်” ဟု ထိုင်းရောက် မြန်မာအလုပ်သမားအရေးကို ကူညီနေသည့် ရွှေ့ပြောင်းအလုပ်သမား အခွင့်အရေးကွန်ရက် (MWRN) အတွင်းရေးမှူး ဦးအောင်ကျော် က ပြောကြားသည်။

ထင်သလို မကြမ်းသေး

အဖမ်းအဆီးများ စတင်နေပြီဆိုသော်လည်း ဇူလိုင်လ ၅ ရက်နေ့အထိ အလုံးအရင်းဖြင့် ဖမ်းဆီးခြင်းမရှိသေးပေ။

သံသယရှိသည့်နေရာများတွင် ကြိုကြား ကြိုကြား ဝင်ရောက်စစ်ဆေးဖမ်းဆီးမှုများ တွေ့နေရကြောင်း ထိုင်းရောက်မြန်မာများနှင့် မြန်မာအလုပ်သမားအရေး ဆောင်ရွက်သူများထံမှ သိရသည်။

“ကြီးကြီးမားမား ဖမ်းဆီးတာမျိုး မရှိသေးပါဘူး” ဟု ထိုင်းနိုင်ငံဆိုင်ရာ မြန်မာအလုပ်သမားသံအရာရှိချုပ် ဦးစန်းမော်ဦး က ပြောဆိုသည်။

အထောက်အထားမဲ့ အလုပ်သမားများ တရားဝင်အထောက်အထားပြုလုပ်နိုင်ရန် ၂၀၁၇ ခုနှစ် ဒီဇင်ဘာလကုန်အထိ တစ်ကြိမ်၊ ယခုနှစ် မတ်လကုန်အထိ တစ်ကြိမ်၊ ဇွန်လကုန်အထိ တစ်ကြိမ် ထိုင်းအစိုးရက သက်တမ်းတိုးခွင့်ပြုခဲ့သည်။

ယင်းနောက် တရားမဝင် နိုင်ငံခြားသားအလုပ်သမားများကို အဖွဲ့ပေါင်းစုံဖြင့် ဖမ်းဆီးတော့မည်ဟု ထိုင်းအစိုးရက ကြေညာထားသည်။ ထို့ကြောင့်လည်း အဖမ်းအဆီး ကြမ်းတော့မည်ဟု ယူဆထားကြသည်။

“အကြိမ်ကြိမ်အခါခါ ဖြေလျှော့ထားတဲ့အတွက် ဒီတစ်ကြိမ်တော့ အကြီးအကျယ် ဖမ်းဆီးတော့မယ်လို့ ယူဆခဲ့ပါတယ်။ အခုဖမ်းဆီးမှု မရှိဘူးလားဆိုတော့ ရှိတော့ရှိပါတယ်။ အရေအတွက်အားဖြင့် အင်မတန်နည်းသေးတယ်” ဟု ဦးအောင်ကျော် က ပြောဆိုသည်။

သို့သော်လည်း များမကြာမီ အဖမ်းအဆီးများ ကြမ်းလာမည်လောဟုလည်း စောင့်ကြည့်နေကြသည်။

ပြည်တော်ပြန်ပြီ

တရားမဝင် အလုပ်သမားဖမ်းဆီးခြင်းမှာ ထိုင်းရောက် မြန်မာအလုပ်သမားများအတွက် ထူးထူးဆန်းဆန်း မဟုတ်တော့ပေ။

သို့သော်လည်း ပြီးခဲ့သည့်နှစ် ဇွန်လက အဖမ်းအဆီးမှာ မြန်မာတရားမဝင်လုပ်သားထုကို အထိတ်တလန့် ဖြစ်စေခဲ့သည်။ ဇွန်လ ၂၀ ရက်နေ့တွင် ပြဋ္ဌာန်းလိုက်သည့် နိုင်ငံခြားသားစီမံခန့်ခွဲမှုဥပဒေအရ တရားမဝင်အလုပ်သမားများကို ထောင်ဒဏ်ငါးနှစ်နှင့် ဘတ်တစ်သိန်းအထိ ပြစ်ဒဏ်ပေးနိုင်သောကြောင့်ဖြစ်သည်။

ဥပဒေပြဋ္ဌာန်းပြီး နှစ်ရက်အကြာတွင် ပိုက်စိပ်တိုက်ဖမ်းဆီးမှုကြောင့် မြန်မာအလုပ်သမား သိန်းနှင့်ချီနယ်စပ်ကိုဖြတ်ကျော်ကာ နေရပ်ပြန်ပြေးလာခဲ့ရသည်။ အဖမ်းအဆီးရပ်ဆိုင်းလိုက်ချိန်တွင်လည်း နေရပ်ပြန်သူများ ရပ်စဲမသွားခဲ့ပေ။

ယင်းအပြင် ထိုင်းအစိုးရက ပြစ်ဒဏ်များကိုလည်း လျှော့ချခဲ့သည်။ ပြင်ဆင်လိုက်သည့် ဥပဒေအရ အထောက်အထားမဲ့အလုပ်သမားများ ဖမ်းဆီးခံရလျှင် ဘတ်ငါးထောင်မှ ငါးသောင်း (ကျပ် ၂၁ သိန်းခန့်) အထိ ပြစ်ဒဏ်ချမှတ်ခံရနိုင်ကာ ထိုင်းနိုင်ငံသို့ လာရောက်ခွင့် ၂ နှစ် ပိတ်ပင်ခံရမည်ဖြစ်သည်။

လက်ရှိတွင်လည်း အဖမ်းအဆီးကြောင့် နေရပ်ပြန်သူဦးရေ တိုးမြင့်လာကြောင်း ထိုင်းနိုင်ငံဆိုင်ရာ မြန်မာအလုပ်သမားသံအရာရှိ ဦးအောင်မင်း က ပြောဆိုသည်။

ယခင်ကတစ်ရက်လျှင် မြန်မာအလုပ်သမားတစ်ရာမှ နှစ်ရာဝန်းကျင်အထိ ပြည်တော်ပြန်ရာမှ ဇွန်လ ၂၉ ရက်နေ့မှ စတင်ကာ အနည်းဆုံးလေးရာမှ ရှစ်ရာအထိ မြင့်တက်လာကြောင်း ၎င်းကပြောဆိုသည်။

“ပြန်တဲ့လူဦးရေ တော်တော်များလာတဲ့ အနေအထားမှာ ရှိပါတယ်” ဟု ဦးအောင်မင်း က ရှင်းပြသည်။

ထိုင်းအစိုးရက တရားဝင်အထောက်အထားပြုလုပ်ခွင့် ပြုထားသည့်ကာလတွင် မြန်မာအစိုးရက မြန်မာနိုင်ငံသားဖြစ်ကြောင်း အထောက်အထား CI ထုတ်ပေးကာ တရားဝင်လုပ်ကိုင်ခွင့် ဖန်တီးပေးခဲ့သည်။

ယင်းလုပ်ငန်းစဉ်တွင် မြန်မာအလုပ်သမား ၁၁ သိန်းကို အထောက်အထားထုတ်ပေးနိုင်ခဲ့ကြောင်း မြန်မာသံရုံးထံမှသိရသည်။ ထို့ကြောင့် မြန်မာလုပ်သား ၁၁ သိန်းကျော်အတွက် စိတ်အေးရပြီဖြစ်သည်။

ဖမ်းမိလျှင် ပြန်ပို့မည်

ပြီးခဲ့သည့်နှစ်က ဖမ်းဆီးရာတွင် မြန်မာအစိုးရဘက်က ကြိုတင်စီစဉ်မှု အားနည်းသဖြင့် မြန်မာအလုပ်သမားများ တောတွင်းတွင် ပုန်းအောင်းနေရသည့်ဖြစ်ရပ်မျိုး ကြုံခဲ့ရသည်။

ယင်းအပြင် မြန်မာနိုင်ငံသို့ပြန်ရန် ထိုင်းအာဏာပိုင်များနှင့် ပွဲစားကိုအားကိုးရသဖြင့် ဘတ်သုံးထောင်မှ ရှစ်ထောင်အထိ အကုန်အကျခံကာ ထွက်ပြေးကြရခြင်းဖြစ်သည်။ ယခုတစ်ကြိမ်တွင် မြန်မာအစိုးရဘက်က ကြိုတင်ပြင်ဆင်မှုရှိလာသည်။

မြန်မာတရားမဝင် အလုပ်သမားများကိုဖမ်းမိလျှင် ပြစ်ဒဏ်ပေးခြင်းမလုပ်ဘဲ မြန်မာသံရုံးထံသို့လွှဲပြောင်းပေးရန် ထိုင်းအာဏာပိုင်များနှင့် မြန်မာအလုပ်သမားသံအရာရှိက ညှိနှိုင်းခဲ့သည်။

ထိုင်းအာဏာပိုင်များက လွှဲပြောင်းပေးသည့် မြန်မာများကို ပြည်တော်ပြန်ပို့နိုင်ရန်၊ အထောက်အထားမရှိသဖြင့် အလုပ်သမားကိုယ်တိုင် မြန်မာနိုင်ငံသို့ပြန်လိုကြောင်း သံရုံးသို့ အကြောင်းကြားလာသူများကို ပြန်ပို့နိုင်ရန် မြ၀တီ၊ ကော့သောင်း၊ တာချီလိတ်နှင့် ထိုင်းနယ်စပ်တို့တွင် ဂိတ်သုံးခုဖွင့်လှစ်ထားကြောင်း အလုပ်သမား သံအရာရှိများထံမှ သိရသည်။

“အခုဟာက တရားမဝင်တဲ့အတွက် ဖမ်းပြီး ပြန်လွှတ်ပေးတယ်ဆိုတာက နည်းနည်းကောင်းမွန်တဲ့ အခြေအနေပေါ့နော်” ဟု အလုပ်သမားသံအရာရှိ ဦးအောင်မင်း က ပြောဆိုသည်။

ထိုင်းအာဏာပိုင်များက တရားမဝင် မြန်မာအလုပ်သမားများကို ဖမ်းမိလျှင် မြန်မာနိုင်ငံသို့ ပြန်ပို့နေပြီး တရားမဝင်အလုပ်သမားများသည် မြန်မာနိုင်ငံမှတစ်ဆင့် တရားဝင်လမ်းကြောင်းဖြင့် ထိုင်းနိုင်ငံသို့ ပြန်လည်လာရောက်လုပ်ကိုင်နိုင်ကြောင်း ၎င်းကဆိုသည်။

ကြိုတင်တွက်ဆထားသည့်အတိုင်း အဖမ်းအဆီးမကြမ်းခြင်းမှာ မြန်မာသံရုံး၏ညှိနှိုင်းမှုကြောင့်လည်းဖြစ်နိုင်ပြီး ဇွန်လအတွင်းကလာရောက်သည့် သမ္မတ ဦးဝင်းမြင့်၏ ထိုင်းခရီးစဉ်တွင်ထိုင်းဝန်ကြီးချုပ်နှင့် မြန်မာအလုပ်သမားအရေး ဆွေးနွေးမှုကြောင့်လည်း ဖြစ်နိုင်သည်ဟု ဦးအောင်ကျော် က ယူဆသည်။

“ဟိုးအရင်က တွေ့ဖူးတာက အကြီးအကျယ်ဖမ်းဆီးမယ်၊ အချုပ်ခန်းထဲထည့်မယ်။ အဲဒီလိုလုပ်တာမတွေ့ဘဲနဲ့ အေးအေးဆေးဆေး ငြိမ်ငြိမ်သက်သက် စနစ်တကျ စစ်ဆေးတဲ့ အနေအထားမျိုးပဲတွေ့သေးတယ်” ဟု ၎င်းကပြောဆိုသည်။

အဖမ်းအဆီးများ နေ့စဉ်ဆက်တိုက်ရှိနေပြီး ဖမ်းမိသည့် မြန်မာအလုပ်သမားများကို နှစ်နိုင်ငံညှိနှိုင်းထားသည့်အတိုင်း အမှန်တကယ် လုပ်ဆောင်ခြင်း ရှိ မရှိကို မသိနိုင်ကြောင်း မြန်မာအလုပ်သမားအရေးဆောင်ရွက်သူ ကိုစိုင်းက ပြောကြားသည်။

“ခက်တာက ကိုယ်တွေမမြင်နိုင် မသိနိုင်တာက ဖမ်းပြီးသံရုံးသို့ ပြန်ပို့ မပို့ဆိုတာပဲ။ ငွေယူပြီး ပြန်လွှတ်လိုက်မလားဆိုတာတော့ မပြောနိုင်ဘူး” ဟု ၎င်းကဆိုသည်။

ပြန်ရန်မှတစ်ပါး

တရားဝင် အထောက်အထားထုတ်ပေးရေးအစီအစဉ်မှာလည်း ပြီးဆုံးသွားပြီဖြစ်သည်။

ထို့ကြောင့် အထောက်အထားမဲ့၊ အထောက်အထား မပြည့်စုံသူများမှာ ပြည်တော်ပြန်ခြင်းက အကောင်းဆုံးနည်းလမ်းဖြစ်ကြောင်း ထိုင်းရောက်မြန်မာအလုပ်သမားအရေး ဆောင်ရွက်နေသူများထံမှ သိရသည်။

ထိုင်းတွင် အလုပ်ဆက်လက်လုပ်ကိုင်လိုလျှင် နှစ်နိုင်ငံအစိုးရသဘောတူညီချက်ဖြင့် ပုဂ္ဂလိက ပြည်ပအလုပ်အကိုင်အေဂျင်စီများ ချိတ်ဆက်ပို့ဆောင်သည့်နည်းလမ်းဖြင့် ပြန်လာနိုင်သေးသည်။

“အဲဒီလိုမျိုး နည်းလမ်းတစ်ခုတည်းပဲ ရှိတော့တယ်ခင်ဗျာ” ဟု အလုပ်သမား သံအရာရှိ ဦးအောင်မင်းက ဆိုသည်။

ယင်းအပြင် အဖမ်းအဆီးကာလဖြစ်သဖြင့် သတိထားသွားလာသင့်ကြောင်း လိပ်ကျွန်းအမှုတွင် လိုက်ပါဆောင်ရွက်ရန် ဥပဒေအကြံပေးအဖြစ် မြန်မာသံရုံးက တာဝန်ပေးထားသူ ဦးမျိုးသန့် က ပြောဆိုသည်။

“သတိနဲ့ သွားသွားလာလာ နေထိုင်ဖို့လိုတယ်။ သွားလေရာမှာ အထောက်အထားကို စုံလင်အောင် ယူဆောင်သွားဖို့လိုတယ်။ အထောက်အထားမပြည့်စုံရင် ဖမ်းဆီးအရေးယူခံရမယ်ဆိုတာက သူတို့နိုင်ငံရဲ့ ဥပဒေပဲ” ဟု ၎င်းကဆိုသည်။

အထောက်အထားမရှိသည့် မြန်မာအလုပ်သမားများအနေနှင့် ပြည်တော်ပြန်သည့်နည်းလမ်းက အကောင်းဆုံးဖြစ်ကြောင်း ၎င်းကပြောဆိုသည်။

ခိုးဝင်များအရေး

မြန်မာတရားမဝင် အလုပ်သမားများအရေးမှာ အတိတ်ကာလများကဲ့သို့ စိုးရိမ်ဖွယ်မရှိတော့ပါ။

အဖမ်းအဆီးရပ်ဆိုင်းထားသည့် တစ်နှစ်ကာလတွင် တရားဝင် အထောက်အထားထုတ်ပေးမှုကြောင့် လူ ၁၁ သိန်းခန့် တရားဝင်ဖြစ်သွားသည်။ Facebook အပါအဝင် အင်တာနက် လူမှုကွန်ရက်မှတစ်ဆင့် သတင်းအချက်အလက်များရရှိမှုကြောင့် တရားဝင်အထောက်အထားရယူသူ ပိုမိုမြင့်တက်လာသည်။

ဥပဒေပြဋ္ဌာန်းပြီးနောက် တစ်နိုင်ငံလုံး ဖမ်းဆီးအရေးယူမည်ဆိုသဖြင့် တရားဝင်အထောက်အထားပြုလုပ်ရန် မြန်မာအလုပ်သမားများ ပိုမိုအာရုံစိုက်ခဲ့ကြကြောင်း မြန်မာအလုပ်သမားများအရေး ဆောင်ရွက်နေသူများထံမှ သိရသည်။

ထိုင်းနိုင်ငံတွင် တရားဝင်အထောက်အထားလုပ်ကိုင်ရန် အကျုံးမဝင်သူများမှာလည်း မြန်မာနိုင်ငံသို့ပြန်ကြသဖြင့် ထိုင်းတွင် မြန်မာတရားမဝင် အလုပ်သမားဦးရေနည်းပါးလာကြောင်း MWRN အတွင်းရေးမှူး ဦးအောင်ကျော် က ပြောဆိုသည်။

အထောက်အထားမလုပ်သည့် မြန်မာလုပ်သားသုံးသောင်းကျော် ကျန်နေသည်ဟု ထိုင်းအစိုးရကထုတ်ပြန်ပြီး နေ့စဉ်နှင့်အမျှ ခိုးဝင်နေကြသူများလည်း ရှိနေသဖြင့် ထိုင်းဥပဒေအရ အရေးယူခံရနိုင်သူမှာ သောင်းဂဏန်းရှိနိုင်ကြောင်း ၎င်းကဆိုသည်။

“သိန်းဂဏန်းတော့ မရှိနိုင်ပါဘူး” ဟု ၎င်းကယူဆသည်။

နေ့စဉ်နှင့်အမျှ ခိုးဝင်နေကြသည့် မြန်မာများအရေးမှာလည်း စိုးရိမ်ဖွယ်ရာဖြစ်နေသည်ဟု မြန်မာအလုပ်သမားများအရေးဆောင်ရွက်နေသူများထံမှ သိရသည်။ ပြီးခဲ့သည့် ဇွန်လ ၂၅ ရက်နေ့ကလည်း ထိုင်းနိုင်ငံသို့ ခိုးဝင်သည့် မြန်မာ ၄၀ ဦးကို ဖမ်းမိခဲ့သေးသည်။ အလားတူ မကြာခဏလည်း ဖမ်းမိနေသည်။

အထောက်အထားမဲ့ အလုပ်သမားများအရေးမှာ စိုးရိမ်ရသကဲ့သို့ ခိုးဝင်မြန်မာအရေးမှာ ပိုမိုစိုးရိမ်ရသည်။

“နောက်ပိုင်းမှ ဝင်လာတဲ့သူတွေက ထိုင်းနိုင်ငံရဲ့ တည်ဆဲဥပဒေကို လုံးဝမသိဘူး။ အားလုံးကို မြန်မာနိုင်ငံက ပွဲစားက ခေါ်လာတဲ့ အလုပ်သမားတွေ။ နေ့စဉ် ဝင်နေတာလည်း ကျွန်တော်တို့ ကြားသိနေရပါတယ်” ဟု အလုပ်သမားများအရေးဆောင်ရွက်နေသူ ဦးအောင်ကျော်က ပြောဆိုသည်။

တစ်နှစ်ကြာရပ်ထားသည့် အဖမ်းအဆီး တစ်ကျော့ပြန်လာပြီဖြစ်သဖြင့် မြန်မာအချို့ ထွက်ပြေးကြရဦးမည်။ လက်ရှိ အဖမ်းအဆီးအခြေအနေနှင့်ပတ်သက်၍ အလုပ်သမားသံအရာရှိ ဦးအောင်မင်း က အောက်ပါအတိုင်းပြောဆိုသည်။

“အခုလောလောဆယ် အရေးယူ ဆောင်ရွက်တာတော့ မရှိသေးပါဘူးခင်ဗျာ။ ဖမ်းပြီး ပြန်ပို့တာပဲရှိပါတယ်”

 

 

The Voice

You may also like...

Leave a Reply

Your email address will not be published. Required fields are marked *