ရန်ကုန်သားတို့၏ ရွေးကောက်ပွဲ

၂၀၁၅ ခုနှစ် နိုဝင်ဘာလ ၈ ရက်တွင် ပြည်လုံးကျွတ်ရွေးကောက်ပွဲကြီး ကျင်းပပြီးနောက် ၂ နှစ်ကျော်အကြာ ရန်ကုန်မြို့တော်သူ မြို့တော်သားများအတွက် ဒုတိယအကြိမ်မြောက်ရွေးကောက်ပွဲတစ်ခု ကျင်းပတော့မည်ဖြစ်သည်။

လူဦးရေ ခုနစ်သန်းနီးပါးနေထိုင်သည့် ရန်ကုန်မြို့တွင် လမ်းဘေးခွေးများ မျိုးပွားမှုထိန်းချုပ်ခြင်း၊ ကြွက်ဖမ်း၊ လမ်းခင်း၊ အမှိုက်ရှင်း အထိုထိုသောကိစ္စများမှအစ ရန်ကုန်သူ ရန်ကုန်သားတို့ မွေးဖွားသည်မှ သေဆုံးသည်အထိ ဝန်ဆောင်မှုပေးသောအဖွဲ့အစည်းမှာ ရန်ကုန်မြို့တော်စည်ပင်သာယာရေးကော်မတီ (YCDC) ပင် ဖြစ်သည်။

ရန်ကုန်မြို့တော်စည်ပင်သာယာရေးကော်မတီ ရွေးကောက်ပွဲကို သမ္မတဦးသိန်းစိန်၏လက်ထက်တွင် စတင်ကျင်းပခဲ့ပြီး NLD အစိုးရသက်တမ်း ၂ နှစ်ကျော်အကြာအထိ စည်ပင်ရွေးကောက်ပွဲ မကျင်းပနိုင်ခဲ့။

စည်ပင်ရွေးကောက်ပွဲကျင်းပရန် ကြန့်ကြာနေခြင်းသည် ရန်ကုန်မြို့တော်စည်ပင်သာယာရေးကော်မတီဥပဒေသစ် ရေးဆွဲနေခြင်းကြောင့်ဖြစ်ကြောင်း ရန်ကုန်မြို့တော်ဝန် ဦးမောင်မောင်စိုးက ရန်ကုန်တိုင်းဒေသကြီးလွှတ်တော်တွင် ပြောကြားထားသည်။

စည်ပင်ရွေးကောက်ပွဲကျင်းပရန် စောင့်ဆိုင်းနေရသော စည်ပင်ဥပဒေသစ်ကို ဇွန်လ ၂၇ ရက်နေ့တွင် ရန်ကုန်တိုင်းလွှတ်တော်က ပြဋ္ဌာန်းခဲ့ပြီဖြစ်သည်။

ရန်ကုန်မြို့တော်သားများအတွက် စည်ပင်ရွေးကောက်ပွဲ ရောင်ခြည်သန်းပြီဖြစ်သည်။

ဒုတိယမြို့တော်ဝန်

အချိန် ၂ နှစ်ကျော်ကြာ ရေးဆွဲခဲ့ရသော ရန်ကုန်မြို့တော်စည်ပင်သာယာရေးကော်မတီဥပဒေတွင် ရန်ကုန်မြို့တော်ဝန်ကို ရန်ကုန်မြို့တော်သားများ ရွေးချယ်ခွင့်မရ။ ဒုတိယမြို့တော်ဝန် ရွေးချယ်ခွင့်ဖြင့်သာ ကျေနပ်ရသည်။

လက်ရှိဖွဲ့စည်းပုံအခြေခံဥပဒေအရ ရန်ကုန်နှင့် မန္တလေးမြို့တော်ဝန်များကို သမ္မတက အတည်ပြုပေးရသည်။

ရန်ကုန်မြို့တော်ဝန် ဦးမောင်မောင်စိုးကမူ စည်ပင်ရွေးကောက်ပွဲတွင် မြို့တော်ဝန်နေရာကိုပါ ပြည်သူ့ဆန္ဒမဲဖြင့် ရွေးချယ်ခွင့်ရှိသောဥပဒေကို ရေးဆွဲနေကြောင်း တိုင်းလွှတ်တော်တွင် လူသိရှင်ကြားပြောကြားထားသော်လည်း ဇွန်လ ၂၇ ရက်တွင် အတည်ပြုပြဋ္ဌာန်းခဲ့သော ၂၀၁၈ စည်ပင်ဥပဒေတွင် မြို့တော်ဝန်ရွေးချယ်ရေးမပါ။ ဒုတိယမြို့တော်ဝန်သာ ပြည်သူ့ဆန္ဒမဲဖြင့်ရွေးချယ်ရန် ထည့်သွင်းပြဋ္ဌာန်းထားသည်။

ဥပဒေအသစ်အရ YCDC ကို အစိုးရခန့်အပ်သည့် မြို့တော်ဝန်၊ ကော်မတီဝင်လေးဦးနှင့် မြို့တော်ကော်မတီဝင်အဖြစ် ရွေးကောက်တင်မြှောက်ခံရသူ ကော်မတီဝင်ခြောက်ဦးတို့နှင့် ဖွဲ့စည်းမည်ဖြစ်ပြီး ရွေးကောက်ခံကော်မတီဝင် ခြောက်ဦးအနက်တစ်ဦးမှာ ဒုတိယမြို့တော်ဝန်အဖြစ် ရွေးချယ်ခံရမည်ဖြစ်သည်။ ဒုတိယမြို့တော်ဝန်ကို ကော်မတီဝင် ၁၁ ဦးက လျှို့ဝှက်မဲစနစ်ဖြင့် ရွေးချယ်ရမှာဖြစ်သည်။

ဒုတိယမြို့တော်ဝန်သည် အစိုးရ တိုက်ရိုက်ခန့်အပ်ထားသော မြို့တော်ဝန်ကို အကူအညီပေးရန်နှင့် ထိန်းကျောင်းနိုင်ရန် ခန့်အပ်ခြင်းဖြစ်ကြောင်း ရန်ကုန်မြို့  မင်္ဂလာတောင်ညွှန့် မဲဆန္ဒနယ် တိုင်းလွှတ်တော်ကိုယ်စားလှယ် ဦးလှဌေး က ဆိုသည်။

ရွေးကောက်ခံ ဒုတိယမြို့တော်ဝန်သည် အစိုးရခန့်အပ်သော မြို့တော်ဝန်ကို တာဝန်ခံရမည့်သူလည်းဖြစ်သည်။ ဒုတိယမြို့တော်ဝန်၏တာဝန်သည် ပြည်သူနှင့် အစိုးရကြား အထိန်းအကျောင်းပြုရေးပင်။

သို့သော်လည်း ဗဟိုချုပ်ကိုင်မှုအားကြီးလွန်းသည်ဟု ဝေဖန်သံများ ထွက်ပေါ်နေသော NLD အစိုးရက တိုက်ရိုက်ခန့်အပ်ထားသော YCDC ကော်မတီဝင်များအကြား ဒုတိယမြို့တော်ဝန် ခြေမပေါ်မည်ကို စိုးရိမ်သူများလည်းရှိသည်။

“လက်တွေ့အကောင်ထည်ဖော်လိုက်တဲ့အခါကျရင် ဒုတိယမြို့တော်ဝန်ရဲ့ လုပ်ငန်းနဲ့ ဝတ္တရားတွေနဲ့ပတ်သက်ပြီး ရုပ်သေးရုပ်ဖြစ်နေမလား”ဟု စည်ပင်ဥပဒေများဆိုင်ရာ အရပ်ဘက်အဖွဲ့အစည်းပူးပေါင်းအဖွဲ့၏ အဖွဲ့ဝင် ဦးမြတ်မင်းဦး က မေးခွန်းထုတ်သည်။

စည်ပင်ဥပဒေများဆိုင်ရာ အရပ်ဘက်အဖွဲ့အစည်းပူးပေါင်းအဖွဲ့ကို အရပ်ဘက်အဖွဲ့အစည်း ၁၁ ဖွဲ့ဖြင့် ၂၀၁၆ ခုနှစ်တွင် စတင်ဖွဲ့စည်းခဲ့ခြင်းဖြစ်သည်။

ဒုတိယမြို့တော်ဝန်ခြေပေါ်စေရန် နောက်တန်းမှကစားမည့် ရွေးကောက်ခံကိုယ်စားလှယ် ၁၀၄ ဦးရှိသည်။

စည်ပင်ဥပဒေအသစ်အရ ရွေးကောက်ပွဲတွင် ကိုယ်စားလှယ် ၁၀၅ ဦးကို ရွေးချယ်မှာဖြစ်သည်။ YCDC နယ်နိမိတ် ၃၃ မြို့နယ်အတွက် တစ်မြို့ နယ်ကို မြို့နယ်စည်ပင်သာယာရေးကော်မတီဝင် ကိုယ်စားလှယ် သုံးဦးနှုန်းဖြင့် ၉၉ ဦး ရွေးချယ်မှာဖြစ်သည်။

ဒုတိယမြို့တော်ဝန်နှင့် ကော်မတီဝင်ငါးဦးရွေးချယ်ရန် မြို့တော်မတီဝင်ခြောက်ဦးကို YCDC နယ်နိမိတ် ၃၃ မြို့နယ်တွင် နေထိုင်သည့် လူဦးရေကို ခြောက်ပုံပုံ၍ နီးစပ်ရာမြို့နယ်များပေါင်းကာ မဲဆန္ဒနယ်ခြောက်ခု သတ်မှတ်မည်ဖြစ်သည်။

ဒုတိယမြို့တော်ဝန် အပါအဝင် စည်ပင်ရွေးကောက်ပွဲဝင်ပြိုင်ရန် ကိုယ်စားလှယ်များကို အသက်၂၅ နှစ်ပြည့်ပြီးသူ မည်သည့်နိုင်ငံသားမဆို ဝင်ရောက်ယှဉ်ပြိုင်နိုင်သလို အသက် ၁၈ နှစ်ပြည့်သူ ရန်ကုန်မြို့တော်သားတိုင်း ဆန္ဒမဲပေးနိုင်ရန် ဥပဒေတွင်ပြဋ္ဌာန်းထားသည်။

ဒုတိယမြို့တော်ဝန်ကို ပြည်သူ့မဲဖြင့် ခန့်အပ်နိုင်ပြီး လူငယ်များကိုလက်တွဲခေါ်သည့် ၂၀၁၈ YCDC ဥပဒေသည် အခြေအနေမဆိုးလှဟု သတင်းမွှေးနေသည်။

ယင်းအချက်များကြောင့်၂၀၁၈ ရန်ကုန်မြို့တော်စည်ပင်သာယာရေးကော်မတီဥပဒေသည် ၂၀၁၃ ခုနှစ် စည်ပင်သာယာရေးကော်မတီဥပဒေထက်သာသည်ဟု စည်ပင်ဥပဒေလေ့လာသူများက ဆိုကြသည်။

“ပြည်သူလူထုရွေးကောက်တဲ့သူက ဒုတိယမြို့တော်ဝန်ဖြစ်လာမှာတို့၊ ၁၈ နှစ်ပြည့်သူတိုင်း မဲပေးခွင့်ရလာမှာတို့ ဒါတွေကတော့ အန်တီတို့ကြိုဆိုရမှာပေါ့လို့” ဟု ရန်ကုန်တိုင်းဒေသကြီး လွှတ်တော်ကိုယ်စားလှယ်ဟောင်း ဒေါက်တာညိုညိုသင်းက မှတ်ချက်ပြုသည်။

ထိုသို့ဆိုလျှင် ၂၀၁၈ ခုနှစ် ရန်ကုန်မြို့တော်စည်ပင်သာယာရေးကော်မတီဥပဒေကို စေ့ငုကြည့်ကြပါစို့…။

ဌာနကြီးသုံးခုနှင့် လုပ်ငန်းတာဝန်ခံခုနစ်ဖွဲ့

ဌာနပေါင်း ၂၀ ဖြင့်ဖွဲ့စည်းထားသော YCDC ကို NLD အစိုးရအာဏာရရှိပြီး ၂ နှစ်ကျော်အကြာတွင် ဌာနသုံးခုနှင့် လုပ်ငန်းတာဝန်ခံ ခုနှစ်ဖွဲ့တို့နှင့် ပြောင်းလဲဖွဲ့စည်းသည်။

လုပ်ငန်းတာဝန်ခံခုနစ်ဖွဲ့ကို ယခင်ရှိခဲ့သောဌာနများကို နာမည်ပြောင်းဖွဲ့စည်းထားခြင်းဖြစ်သည်။ မြို့ပြစီမံကိန်း၊ အဆောက်အအုံဆိုင်ရာ၊ ရေရရှိရေးနှင့် ရေပေးဝေရေး၊ ရေစီးရေလာနှင့် ရေဆိုးစီမံခန့်ခွဲမှု၊ ပြည်သူ့ကျန်းမာရေးနှင့် ဈေးများ၊ လမ်းတံတားဆိုင်ရာနှင့် ပတ်ဝန်းကျင်စီမံခန့်ခွဲရေး လုပ်ငန်းတာဝန်အဖွဲ့အဖြစ် ပြောင်းလဲထားသည်။

ဌာနများအနေနှင့် စီမံခန့်ခွဲရေး၊ ပြည်သူ့ဆက်ဆံရေးနှင့် ပြန်ကြားရေးဌာန၊ လုံခြုံရေးနှင့် စည်းကမ်းထိန်းသိမ်းရေးဌာနနှင့် ဘဏ္ဍာရေးနှင့် ငွေစာရင်းဌာန သုံးခုသာထားရှိမည်ဖြစ်သည်။

YCDC ၏ အသစ်ပြောင်းလဲထားသော ဖွဲ့စည်းပုံအရ ဌာနသုံးခုသာထားရှိမည့်အတွက် ဌာနမှူးသုံးဦးသာ ရှိတော့မည်ဖြစ်သည်။ ယခင်ဖွဲ့စည်းပုံအရ ဌာန ၂၀ ရှိသည့်အတွက် ဌာနမှူး ၁၇ ဦးမှာ ဌာနလက်မဲ့ဖြစ်သွားနိုင်သည်။

YCDC ဌာနမှူးများသည် အစိုးရဝန်ကြီးဌာနရုံးများ၏ ဒုတိယညွှန်ကြားရေးမှူးချုပ် အဆင့်ရှိသူများဖြစ်သောကြောင့် ၎င်းတို့ကို ဒုတိယညွှန်ကြားရေးမှူးချုပ်အဖြစ် ရာထူးပြောင်းလဲထားရှိမည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ ဥပဒေအသစ် စိစစ်ရေးကော်မတီအဖွဲ့ဝင် မင်္ဂလာတောင်ညွန့်မြို့နယ် တိုင်းဒေသကြီးလွှတ်တော်ကိုယ်စားလှယ် ဦးလှဌေးက The Voice သို့ ပြောကြားသည်။

ဌာနဖောင်းပွမှုအပြင် ခရိုင်အုပ်ချုပ်ရေးစနစ်ကိုပါ ဖြုတ်ချထားသည်။ ယခင်က စည်ပင်သာယာရေးအဖွဲ့ များကို မြို့နယ်၊ ခရိုင်၊ ဌာနနှင့် ကော်မတီဟူ၍ အဆင့်လေးဆင့်ထားရှိသော်လည်း ၂၀၁၈ စည်ပင်ဥပဒေတွင် ခရိုင်အဆင့်မပါတော့ပေ။

ခရိုင်အဆင့်ဖြုတ်ရခြင်းမှာ စည်ပင်လုပ်ငန်းယန္တရားကို သွက်လက်စေရန်အတွက်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ ဥပဒေအသစ် ပြန်လည်ရေးဆွဲရေး ကော်မတီအဖွဲ့ဝင် ဦးဇင်မင်းလှိုင် က ဆိုသည်။

ဥပမာ ယခင်က စည်ပင်ရေသန့်ရရှိရန် လျှောက်ထားရာတွင် မြို့နယ်အဆင့်သို့ ဦးစွာတင်ပြရပြီး ထိုမှ ခရိုင်၊ ဌာနနှင့် ကော်မတီသို့ အဆင့်ဆင့် တင်ပြ ဖြတ်ကျော်ရသည်။ ခရိုင်အဆင့် ဖြုတ်ချလိုက်သည့်အတွက် ဖြတ်ကျော်ရသည့်စားပွဲနည်းပါးကာ လာဘ်စားမှုနှင့် လုပ်ငန်းကြန့်ကြာမှု လျှော့ချနိုင်မည်ဖြစ်သည်။

“မြို့နယ်မှာပဲ အလုပ်ရှိတာ ခရိုင်မှာ အလုပ်မရှိဘူး။ ခရိုင်က ဝင်ပြီး ကြီးကြပ်ကွပ်ကဲတာပဲရှိတယ်။ ခရိုင်ဖြုတ်တာ ပိုအဆင်ပြေနိုင်တယ်” ဟု ရန်ကုန်မြို့တော်စည်ပင်သာယာရေးကော်မတီ ဝန်ထမ်းလေ့ကျင့်ရေးသင်တန်းကျောင်းမှ ကျောင်းအုပ်ဦးဇင်မင်းလှိုင် က ဆိုသည်။

လာဘ်စားမှုတွင် နာမည်ဆိုးဖြင့် ခေတ်အဆက်ဆက်ကျော်ကြားခဲ့သော YCDC သည် တပ်မတော်အစိုးရလက်ထက်တွင် လုပ်ငန်းလိုင်စင်တစ်ခုသက်တမ်းတိုးရန်ကိုပင် ဌာနမှူးလက်မှတ်ထိုးခွင့်ပြုပေးရသည်။ သမ္မတဦးသိန်းစိန်လက်ထက်တွင် လုပ်ငန်းလိုင်စင်သက်တမ်းတိုးခြင်းကို မြို့နယ်အဆင့် စည်ပင်အုပ်ချုပ်ရေးမှူးများ လုပ်ပိုင်ခွင့်ရှိလာခြင်းကြောင့် ဗဟိုချုပ်ကိုင်မှု လျှော့ချထားသည်ဟု ဆိုနိုင်သည်။

သမ္မတဦးဝင်းမြင့်လက်ထက်တွင် ကွပ်ကဲမှုခြေလှမ်းတစ်ခုကိုဖြုတ်ချ၍ သွက်လက်သည့် ဝန်ဆောင်မှုပုံစံဖြင့် စည်ပင်ကိုတည်ဆောက်ထားသည်ဟု အကြမ်းဖျင်းကောက်ယူနိုင်သည်။

မည်သို့ ကိုင်တွယ်အရေးယူမည်နည်း

၂၀၁၈ စည်ပင်ဥပဒေတွင် ပြဋ္ဌာန်းထားသည့် နောက်ဆက်တွဲဇယား ပြစ်မှုနှင့် ပြစ်ဒဏ်များ လေ့လာကြည့်ရန်လည်း လိုပါမည်။

ပြစ်မှုနှင့် ပြစ်ဒဏ်များအခန်း၏ ပထမဆုံးသောပုဒ်မ ၃၁၀ တွင် စည်ပင်ခွင့်ပြုချက်မရှိဘဲ အဆောက်အအုံဆောက်လုပ်ခြင်း၊ စက်မှုလုပ်ငန်း လုပ်ကိုင်ခြင်း၊ စိုက်ပျိုးရေးမွေးမြူရေး လုပ်ငန်းများ လုပ်ကိုင်ပါက ပထမအကြိမ်အဖြစ် ငွေဒဏ် ကျပ်သုံးသိန်းမှ သိန်း ၃၀ အထိ ဒဏ်ငွေချမှတ်ရန် ဖော်ပြထားသည်။ ဒုတိယအကြိမ် ထပ်မံကျူးလွန်ပါက ဒဏ်ငွေမရှိဘဲ ထောင်ဒဏ်တစ်နှစ် ကျခံရမည်ဟု ပြဋ္ဌာန်းထားသည်။

စည်ပင်ဥပဒေသစ်တွင် ဒုတိယအကြိမ် ဥပဒေဖောက်ဖျက်သူများကို ဒဏ်ငွေထက် ထောင်ဒဏ်ချရေး ပိုကဲထားသည်။

စည်ပင်တရားရုံးရှိ တရားသူကြီးများ၏ ပြစ်ဒဏ်ချမှတ်ရေးကိုလည်း ကန့်သတ်ထားသည်။ မည်သည့်အမှုများကို ပြစ်ဒဏ် အနည်းဆုံးမည်မျှမှ အများဆုံးမည်မျှအထိ ချမှတ်ရမည်ဟု ကန့်သတ်ထားသည်။

စည်ပင်ဥပဒေသစ်အရ အများပြည်သူများဆိုင်ရာလမ်း၊ စင်္ငြ်္ကံပေါ်တွင် မီးစက်ထားရှိပါက ပထမအကြိမ်ကျူးလွန်လျှင် ကျပ်တစ်သိန်းမှ ငါးသိန်း ချမှတ်မည်ဖြစ်ပြီး ဒုတိယအကြိမ်ကျူးလွန်ပါက ထောင်ခြောက်လအထိ ချမှတ်နိုင်သည်။

ရန်ကုန်မြို့လယ်ရှိ အနော်ရထာလမ်း၊ မဟာဗန္ဓုလလမ်း၊ ဗိုလ်ချုပ်အောင်ဆန်းလမ်းပေါ်ရှိ မီးစက်ပိုင်ရှင်များအတွက်မူ ရတက်မအေးဖွယ်ပင်။

ထိုမျှမက ပတ်ဝန်းကျင်ထိန်းသိမ်းရေးနှင့် သန့်ရှင်းရေးဆိုင်ရာ ပြစ်မှုပြစ်ဒဏ်များတွင် အသံညစ်ညမ်းမှုကိုပါထည့်သွင်းထားသည်။ ယင်းပြစ်မှုကို ဒုတိယအကြိမ်ကျူးလွန်သည်နှင့် ထောင်ဒဏ်ခြောက်လ ကျခံရမည်ကို သာရေး၊ နာရေးမရှောင် မိုက်ခဲတတ်သော မိုက်ခဲများ သတိပြုရမည်ဖြစ်သည်။

“မသိရင်တော့ အင်းစိန်ထောင်ကြီး ထပ်ချဲ့ရမယ်”ဟု ဦးဇင်မင်းလှိုင် က ဆိုသည်။

ဦးဇင်မင်းလှိုင်သည် ၂၀၁၄ ခုနှစ် ရန်ကုန်မြို့တော်စည်ပင်သာယာရေးကော်မတီ ရွေးကောက်ပွဲကျင်းပရေးကော်မတီတွင် တွဲဖက်အတွင်းရေးမှူးအဖြစ် တာဝန်ယူခဲ့သူဖြစ်သည်။

ထောင်ကျနိုင်သည့် ပြစ်ဒဏ်များအပြင် လိုအပ်ပါက YCDC က လုံခြုံ ရေးနှင့် စည်းကမ်းထိန်းသိမ်းရေးဌာနကိုပါ ဖွဲ့စည်းနိုင်သေးသည်။ YCDC တွင် ခေတ်အဆက်ဆက် ယင်းဌာနကို ပြည်ထဲရေးဝန်ကြီးဌာနလက်အောက်ရှိ ရဲဝန်ထမ်းများသာထားရှိသည်။ ဥပဒေသစ်အရ ပြည်ထဲရေးဝန်ကြီးဌာနက ရဲအင်အားအပြင် စည်ပင်သန္ဓေဝန်ထမ်းအဖြစ် လူဦးရေကန့်သတ်ချက်မရှိ ထပ်မံ ဖွဲ့စည်းနိုင်သည်။

၂၀၁၃ စည်ပင်ဥပဒေတွင် ပြစ်မှုကျူးလွန်သူများအတွက် ထောင်ဒဏ်များ ထည့်သွင်းထားသော်လည်း ထောင်ဒဏ်ချမှတ်ခြင်း မရှိသလောက် နည်းပါးခဲ့ကာ အမြင့်ဆုံးပြစ်ဒဏ် အနေနှင့် တစ်ရက်တစ်သောင်းသာ ဒဏ်ရိုက်ခဲ့သည်။

လျော့ရဲသည့် တရားစီရင်ရေး၊ စည်ကမ်းမလိုက်နာခြင်းများနှင့် အသားကျနေသည့် မြို့တော်သားများအတွက် ၂၀၁၈ စည်ပင်ဥပဒေသည် အလုပ်ဖြစ်ပါမည်လော။

အသစ်ပြဋ္ဌာန်းသည့် စည်ပင်ဥပဒေ၏ ပြစ်မှုပြစ်ဒဏ်များသည် မမျှတဘဲ အစိုးရက အသာစီးရယူထားမှုများတွေ့ရကြောင်း တိုင်းလွှတ်တော်ကိုယ်စားလှယ်ဟောင်း ဒေါက်တာ ညိုညိုသင်း က ဆိုသည်။

မိမိပိုင်ဆိုင်သည့်မြေတွင် စည်ပင်ခွင့်ပြုချက်မဲ့ဆောက်လျှင် ဒဏ်ငွေနှင့် ထောင်ဒဏ်များ သတ်မှတ်ပြဋ္ဌာန်းထားသော်လည်း အဆောက်အအုံဆောက်လုပ်ရန် ခွင့်ပြုမိန့်ကို စည်ပင်က နှစ်ပတ်အတွင်း သို့မဟုတ် တစ်ပတ်အတွင်း မချပေးနိုင်ပါက လျော်ကြေးပြန်ပေးရမည်၊ လုပ်ငန်းကြန့်ကြာစေသည့်ဝန်ထမ်းကို အရေးယူဆောင်ရွက်မည်ဟူသော အချက်များ ထည့်သွင်းထားခြင်းမရှိပေ။

“လူထုခိုင်းတာလုပ်ရမယ့် အစိုးရထက် လူထုကို ဘယ်လိုဖိနှိပ်အုပ်ချုပ်ရမလဲဆိုတဲ့ အုပ်ချုပ်သူရဲ့  Mind-set  အတွေးအခေါ်တွေ ဒီဥပဒေမှာ အများကြီးတွေ့ရတာပေါ့” ဟု တိုင်းလွှတ်တော်ကိုယ်စားလှယ်ဟောင်း ဒေါက်တာညိုညိုသင်းက ဝေဖန်သည်။

စည်ပင်ဝန်ထမ်းများ နေ့စဉ်ဆောင်ရွက်ရမည့် တာဝန်များအပေါ် တွင် အလွဲသုံးစားလုပ်ခြင်း၊ ပျက်ကွက်ခြင်းများ စစ်ဆေးတွေ့ရှိလျှင် နိုင်ငံဝန်ထမ်းဥပဒေ၊ တည်ဆဲဥပဒေအချို့နှင့် အရေးယူရန် ဥပဒေတွင်ပြဋ္ဌာန်းထားသည်။

ထိုသို့ဆိုလျှင် လမ်းဘေးရှိ တောင်ပုံရာပုံ အမှိုက်များနှင့် စည်ပင်ပယောဂကြောင့် ရေကြီးရေလျှံကိစ္စများအတွက် စည်ပင်ဝန်ထမ်းများကို အလုပ်ထုတ်မည်လောဟု မေးခွန်းထုတ်စရာပင်။

စည်ပင်၏ ဝတ္တရားပျက်ကွက်မှုများကို မည်သူက စောင့်ကြည့်တိုင်ကြား၍ မည်သူက အရေးယူမည်နည်း။

“တိုင်ရင် အရေးယူလို့ရတယ်။ ဘယ်သူက တိုင်မှာလဲ။ ပြည်သူက တိုင်မှာလား”ဟု တိုင်းလွှတ်တော်ကိုယ်စားလှယ် ဦးလှဌေး က ဆိုသည်။

သက်ဆိုင်ရာမြို့နယ်နှင့် ပတ်သက်သောကိစ္စများကို သက်ဆိုင်ရာ တိုင်းလွှတ်တော်ကိုယ်စားလှယ်များက စောင့်ကြည့်ရန်လိုအပ်ပြီး YCDC က ခိုင်မာသည့် အကြောင်းပြချက်မပေးနိုင်ဘဲ တာဝန်ဝတ္တရားပျက်ကွက်ပါက အရေးယူပေးရန် ဖိအားပေးဆောင်ရွက်ရန်လိုအပ်ကြောင်း ၎င်းက ဆက်လက်ပြောဆိုသည်။

ရွေးကောက်ခံ ဒုတိယမြို့တော်ဝန်နှင့် ကော်မတီဝင်များဖြင့် ဖွဲ့စည်းထားသော မန္တလေးမြို့တော်စည်ပင်သာယာရေးကော်မတီ (MCDC) တွင်မူ ကျင့်ဝတ်နှင့် စည်းကမ်းဖောက်ဖျက်သည့် စည်ပင်ဝန်ထမ်း ၁၁ ဦးကို အရေးယူထုတ်ပယ်ခြင်း၊ ပြည်သူ့ဘဏ္ဍာငွေ အလေအလွင့်မရှိစေရန် ဖောင်းပွနေသော စည်ပင်ဝန်ထမ်း ၆၀၀ ကျော် လျှော့ချခြင်းများ ဆောင်ရွက်ခဲ့သည်။

အစိုးရခန့်အပ်ထားသော ကော်မတီဝင်များဖြင့် ဖွဲ့စည်ထားသည့် တစ်ခြမ်းပဲ့ YCDC တွင်မူ အချိန် ၂ နှစ်ကျော်အတွင်း ကျင့်ဝတ်နှင့် စည်းကမ်းမလိုက်နာ၍ အရေးယူခံရသည့် ဝန်ထမ်းများအကြောင်း ရန်ကုန်မြို့တော်သားများ ကြားဖူးပါ၏လော။

မကြာမီကျင်းပတော့မည့် ပြည်သူရွေးချယ်သောသူများနှင့် အသစ်ပြန်လည်ဖွဲ့စည်းမည့် YCDC က MCDC ကဲ့သို့ ဆောင်ရွက်နိုင်မည်လော။

ထိုမေးခွန်းများကို ဖြေနိုင်ရန် စည်ပင်ရွေးကောက်ပွဲ နည်းဥပဒေတစ်ရပ်ပြဋ္ဌာန်း၍ ရွေးကောက်ပွဲကျင်းပရန် လိုနေပြီဖြစ်သည်။

စည်ပင်သာယာရွေးကောက်ပွဲကို ယခုနှစ်အတွင်း ကျင်းပမည်ဖြစ်ကြောင်း ဇွန်လ၂၈ ရက်က ပြုလုပ်သည့် ရန်ကုန်မြို့တော်စည်ပင်သာယာရေးဥပဒေ အတည်ပြု လက်မှတ်ရေးထိုးပွဲတွင် ရန်ကုန်မြို့တော်ဝန် ဦးမောင်မောင်စိုး က ပြောကြားထားသည်။

ရွေးကောက်ပွဲ ကုန်ကျစရိတ်များကိုပင် တိုင်းအစိုးရက တွက်ချက်ပြီးနေပြီဖြစ်ကြောင်း တိုင်းလွှတ်တော်ကိုယ်စားလှယ် ဦးလှဌေး က ဆိုသည်။

စည်ပင်ရွေးကောက်ပွဲနည်းဥပဒေနှင့် ကုန်ကျစရိတ်ကိုမူ တိုင်းအစိုးရက ထုတ်ပြန်ခြင်းမရှိသေး။

၂၀၁၄ ခုနှစ် ဒီဇင်ဘာလ ၂၇ ရက်နေ့တွင် ကျင်းပခဲ့သော စည်ပင်ရွေးကောက်ပွဲကို အကျဉ်းချုံး၍ တစ်အိမ်ထောင်လျှင် တစ်ဦးသာမဲပေးသည့်ပုံစံဖြင့် ကျင်းပခဲ့ပြီး ယင်းအတွက် ရွေးကောက်ပွဲကုန်ကျစရိတ် ကျပ်သိန်းငါးထောင် ကုန်ကျခဲ့သည်။

မကြာမီလပိုင်းအတွင်း ကျင်းပမည့် စည်ပင်ရွေးကောက်ပွဲသည် အသက် ၁၈ နှစ်ပြည့်ပြီးသူတိုင်း မဲပေးခွင့်ရရှိမည်ဖြစ်သည့်အတွက် တစ်အိမ်ထောင်လျှင် ပျမ်းမျှလူငါးဦးနှုန်းဖြင့် တွက်ချက်ပါက ခန့်မှန်းရွေးကောက်ပွဲ ကုန်ကျစရိတ် ကျပ်သိန်းပေါင်းနှစ်သောင်းခွဲခန့် ကုန်ကျနိုင်မည်ဖြစ်သည်။

ထို့အပြင် စည်ပင်ရွေးကောက်ခံကိုယ်စားလှယ်များ၏ တာဝန်ထမ်းဆောင်ရမည့်သက်တမ်းသည် အစိုးရသက်တမ်းအတိုင်းဖြစ်သည့်အတွက် ၂ နှစ်ခွဲခန့်သာ အချိန်ရရှိမည်ဖြစ်သည်။ ကျပ်သိန်းပေါင်းသောင်းချီသော ပြည်သူ့ဘဏ္ဍာငွေများနှင့်ညီမျှသော ဝန်ဆောင်မှုကောင်းများ YCDC တွင် တွေ့မြင်ရမည်လော။

“သူ့သက်တမ်းတစ်လျှောက်မှာ သူဘာလုပ်ခဲ့တယ်ဆိုတာနဲ့တိုင်းမှ ရမှာပဲ” ဟု ဦးဇင်မင်းလှိုင် က ဆိုသည်။

ပို့ပို့

You may also like...

Leave a Reply

Your email address will not be published. Required fields are marked *