လိုပတ်အိုဘရာဒါနှင့် မက္ကစီကို ရွေးကောက်ပွဲ

Nymag.com

အတိုကောက်အားဖြင့် AMLO ဟု လူသိများသည့် လိုပတ်အိုဘရာဒါ မက္ကစီကို သမ္မတရွေးကောက်ပွဲကို ပြတ်ပြတ်သားသား အနိုင်ရသွားပြီ ဖြစ်သည်။ ၁၈ နှစ်ကြာ မဲဆွယ်စည်းရုံးမှု၊ သမ္မတရွေးကောက်ပွဲတွင် နှစ်ကြိမ်တိုင်တိုင် အရေးနိမ့်မှု၊ ထောင်နှင့်ချီသည့် လူထုစုဝေးမှုများ၊ မက္ကစီကိုနိုင်ငံ၏ မြူနီစီပယ်နယ်မြေပေါင်း ၂၄၀၀ ခုလုံးသို့ သွားရောက်မှုတို့အပြီးတွင် တာဘတ်ကို နယ်ဖွားနိုင်ငံရေးသမားရွေးကောက်ပွဲ အောင်ပွဲရရှိသွားပြီဖြစ်သည်။ တစ်ချိန်တည်းတွင် သက်တမ်းလေးနှစ်သာ ရှိသေးသည့် လိုပတ်ထူထောင်ထားသည့် အမျိုးသားပြန်လည်မွေးဖွားခြင်း လှုပ်ရှားမှုပါတီ (MORENA) သည် လွှတ်တော်တွင်း နေရာအများစုနှင့် လစ်လပ်လျက်ရှိသော အုပ်ချုပ်ရေးမှူးနေရာ ၉ နေရာအနက် အများစုကို ထိန်းချုပ်နိုင်ပြီဖြစ်သည်။

မက္ကစီကိုတိုင်းပြည်၏ အကျင့်ပျက်မှုများ၊ အကြမ်းဖက်မှုများ၊ အမြစ်တွယ်လျက်ရှိသည့် ဆင်းရဲချမ်းသာကွာဟမှုများကို လူရှေ့သူရှေ့တွင် လိုပတ် ပြင်းပြင်းထန်ထန်ဝေဖန်ပြောကြားမှုများက မက္ကစီကို မဲဆန္ဒရှင်များကို တိုင်းပြည်လက်ရှိအခြေအနေကို သတိပေးသလိုဖြစ်နေသည်။
လက်ရှိကာလအတွက် အရေးကြီးသည့်မေးခွန်းသည် လိုပတ်အိုဘရာဒါဘာ ဆက်လုပ်မည်နည်းဆိုသည့် မေးခွန်းဖြစ်သည်။ လိုပတ်၏ မဲဆွယ်စည်းရုံးမှုများတွင် အသံမျိုးစုံ၊ ရပ်တည်ချက်မျိုးစုံကို ကြားနေရသည်။ ၎င်း၏ ကိုယ်စားလှယ် များ၏ ရပ်တည်ချက်သည် ပြိုင်ဘက်များနှင့်သာမက မိမိအချင်းချင်းကြားတွင်ပါ ရပ်တည်ချက်အားဖြင့် ကွဲလွဲလျက်ရှိသည်။ မက္ကစီကို အနာဂတ်အတွက် အရေးကြီးသည်မှာ မည်သည့်မူဝါဒများကို လိုပတ်ရွေးချယ်မည်နည်းဆိုသည့် မေးခွန်းဖြစ်သည်။ မက္ကစီကို ဒီမိုကရက်တစ်နိုင်ငံရေးစနစ်၏ စိတ်ပျက်ဖွယ်ရာထိန်းချုပ်၊ စောင့်ကြည့်မှုစနစ်ကို လိုပတ်လက်ခံမည်လား။ ဒီမိုကရက်တစ် ကစားပွဲစည်းမျဉ်းများကို ယခင်ပီနာနိုင်တိုးနှင့် ၎င်း၏အုပ်ချုပ်ရေးအဖွဲ့က တိုက်စားထားပြီး လိုပတ်ဝင်ကစားရန်နေရာများ ဖွင့်ပေးထားပြီးဖြစ်သည်။

မူဝါဒ အာဂျင်ဒါ

လိုပတ်အိုဘရာဒါ၏ ဒဿနသည် လွန်စွာကြီးမားသည့် တဲကြီးတစ်လုံးဖြင့် တူပြီး ယင်းကြောင့်ပင် ရွေးကောက်ပွဲအနိုင်ရခဲ့ခြင်း ဖြစ်သည်။ သို့သော်လည်း ရပ်တည်ချက်အမျိုးမျိုးရှိနေသဖြင့် အကျိုးစီးပွားချင်း ပဋိပက္ခဖြစ်မှု၊ ညွန့်ပေါင်းအဖွဲ့အုပ်စုများ အကြား ပြိုင်ဆိုင်မှုတို့ ပေါ်ပေါက်လာနိုင်ပြီး မည်သည့်မူဝါဒကို ၎င်း ရွေးချယ်မည်နည်းဟု မေးခွန်းထုတ်လျက်ရှိသည်။ တိုးတက်သော အမြင်ရှိသည့် MORENA သစ္စာခံများသည် ဝါရင့် PRI နိုင်ငံရေးလှုပ်ရှားသူများနှင့် လက်တွဲကာ ကိုးရိုးကားယား လုပ်ကိုင်လျက်ရှိသလို အလုပ်သမားပါတီကိုယ်စားလှယ်များသည် လူမှုရေးအားဖြင့် ကွန်ဆာဗေးတစ်အမြင် ရှိသည့် ဆိုရှယ်ထိတွေ့ခြင်း ပါတီဝင်များနှင့် လုပ်ကိုင်လျက်ရှိသည်။

ထို့အပြင် လိုပတ်၏ ပုဂ္ဂိုလ်ရေးရပ်တည်ချက်များမှာလည်း ဆန့်ကျင်ဘက်များချည်း ဖြစ်သည်။ တစ်ခါတစ်ရံ အရေမထူသည့် သဘောထားတင်းမာသူပုံပေါက်နေသော်လည်း ၎င်းသည် လက်တွေ့ဆန်သည့် ညှိနှိုင်းသူဖြစ်သည်။ မီဒီယာ အများစုက လက်ဝဲပေါ်ပြူလာဝါဒီတစ်ဦးအဖြစ် ပုံဖော်ထားသော်လည်း လိုပတ်သည် လူမှုရေးအရ နက်နက်ရှိုင်းရှိုင်း ကွန်ဆာဗေးတစ်ဆန်သူ ဖြစ်သည်။ ဂေးလက်ထပ်မှု၊ လိင်တူကျင့်သုံးမှု၊ ကိုယ်ဝန်ဖျက်ချမှု၊ ဆေးခြောက်တရားဝင်သုံးစွဲခွင့်တို့ကို ဆန့်ကျင်သူဖြစ်သည်။ အကျင့်ပျက်မှုကို ခရူးဆိတ်စစ်ပွဲဆင်နွှဲသူဖြစ်သလို အကျင့်ပျက်မှုမှတ်တမ်း အစွန်းအထင်းရှိသည့် ထောက်ခံသူများအပေါ်လည်း ကာကွယ်ပေးသူဖြစ်နေသည်။ မိတ်ကပ်ဖိုး၊ လက်ဝတ်လက်စားဖိုး၊ မြေးများ၏ အရုပ်ဖိုး၊ အခြားသော ကိုယ်ရေးကိုယ်တာ အသုံးများအတွက် ပြည်သူ့အခွန်ငွေများကို ရယူသည့် အမျိုးသမီးလွှတ်တော်အမတ် လေဒါဆန်ဆိုရတ်ကို ကာကွယ်ပေးထားသည်။ အရေးကြီးသည့်အချက်သည် မက္ကစီကို ဖိနှိပ်ခံများကို ကိုယ်စားပြုအသံထွက်ပေးမည်၊ နိုင်ငံတွင်း ကာလရှည်ကြာလွှမ်းမိုးထားသည့် မာဖီးယားများကို အာဏာမှဖယ်ရှားပေးမည်ဟု ကတိပြုထားသော်လည်း လိုပတ်သည် ဒီမိုကရေစီစံနှုန်းများကို အလေးထားသူ မဟုတ်ပေ။ မီဒီယာများ၊ လွတ်လပ်သည့် အရပ်ဘက်အဖွဲ့အစည်းများ၊ တရားရုံးချုပ်၊ ၎င်းအပေါ်အဆိုးမြင်သည်ဟု ယူဆသူများအပေါ် လိုပတ်ပုံမှန်နီးပါး တိုက်ခိုက်လျက်ရှိသည်။

Cnn.com

များစွာသောလေ့လာသူများသည် လိုပတ်၏ ပေါ်ပြူလာစီးပွားရေးစီမံကိန်းများအပေါ် အာရုံစိုက်လျက်ရှိသည်။ မည်သည့်အတိုင်းအတာထိ လုပ်ဆောင်မည်၊ မူဝါဒများကို မည်မျှမြန်မြန်အကောင်အထည်ဖော်မည်ကို စောင့်ကြည့်လျက်ရှိသည်။ မြောက်အာဖရိက လွတ်လပ်စွာကုန်သွယ်ရေး သဘောတူညီချက်ကို လိုပတ် ဆန့်ကျင်မည် မဟုတ်ပေ။ ယင်းအစား ပြည်တွင်းစီးပွားရေးပုံစံကို အပြောင်းအလဲလုပ်ရန်၊ လူမှုဖူလုံရေးတွင် အစိုးရကဏ္ဍ တိုးချဲ့ရန်၊ တက်ကြွသည့် စက်မှုမူဝါဒများချမှတ်ရန် လိုလားလျက်ရှိသည်။ အသက်အရွယ်ကြီးရင့်သူများ၊ လူငယ်များအတွက် ထောက်ပံ့မှုပိုပေးရန်၊ ပင်စင်စား များအတွက် ထောက်ပံ့မှုတိုးပေးရန်၊ ကျောင်းစရိတ်ကင်းလွတ်ခွင့်ပေးရန်၊ ကျောင်းထွက်လာသူများကို အလုပ်သင်ကြားပေးရန်တို့ ပါဝင်သည်။ ထို့အပြင် အလုပ်သမားများအတွက် အနိမ့်ဆုံးသော လစာငွေတိုးပေးရန်လည်း လိုပတ်အပေါ် တောင်းဆိုလျက်ရှိသည်။ တစ်ချိန်တည်းတွင် အားသစ်လောင်းထားသည့် မက္ကစီကို စက်မှုမူဝါဒသည် လက်ယာမြေမှစတင်မည့် ပုံပေါ်နေသည်။ အခြေခံအစားအသောက်များဖြစ်သည့် ပြောင်းဖူး၊ ပဲ၊ ဆန်၊ အမဲသားတို့အတွက် ကြမ်းခင်းဈေးသတ်မှတ်ခြင်း၊ ပိုးသတ်ဆေးဈေးလျှော့ပေးခြင်း သို့မဟုတ် ထောက်ပံ့ပေးခြင်း၊ အခြားသော အစိုးရထောက်ပံ့မှုများပေးခြင်းဖြင့် အစားအသောက်ဖူလုံမှုရရှိရန် လိုပတ်စီစဉ်ထားသည်။

လိုပတ်ဦးဆောင်မှုအောက်ရှိ အခြားသော အရေးကြီးနိုင်ငံပိုင်လုပ်ငန်းသည် စွမ်းအင်နယ်ပယ်ဖြစ်သည်။ ပုဂ္ဂလိကစာချုပ် များကို ဖျက်သိမ်းမည်ဟု လိုပတ်အပေါ် ဝေဖန်သူများက ပြောကြားမှုများသည် ချဲ့ကားစွပ်စွဲမှုများဖြစ်သော်လည်း နိုင်ငံပိုင်ဓာတ်ဆီကုမ္ပဏီ Pemex က ပြည်တွင်းဈေးကွက်တွင် ပိုမိုကြီးမားစွာနေရာယူမည် ဖြစ်သည်။ ထို့အပြင် ပြီးခဲ့သည့်သုံးနှစ်တာကာလအတွင်း အလျင်အမြန်လုပ်ဆောင်လျက်ရှိသည့် လေလံဆွဲမှုများကို အစိုးရက ရပ်တန့် သို့မဟုတ် အရှိန်လျှော့လိုက်ပြီဖြစ်သည်။ စွမ်းအင်ဖူလုံအောင် လုပ်ဆောင်မည်ဟု ပြောကြားထားသဖြင့် ရေနံချက်စက်ရုံသစ်များတွင် ဒေါ်လာဘီလီယံနှင့်ချီ ရင်းနှီးမြှုပ်နှံမည်ဖြစ်သည်။

သို့သော်လည်း ယင်းသို့ ကုန်ကျစရိတ်များလှသည့် စီးပွားရေးအာဂျင်ဒါများ လက်တွေ့အကောင်အထည်ပေါ်လာခြင်း ရှိ မရှိ အပေါ် စောင့်ကြည့်ရမည်ဖြစ်သည်။ ယင်းသို့ လုပ်ဆောင်ရန် ငွေကြေးအကုန်အကျများမည် ဖြစ်သော်လည်း အခွန်တိုးကောက်မည် မဟုတ်ဟု လိုပတ်က ကတိပြုထားသည်။ လောင်စာစရိတ် တိုးလိုက်ခြင်းကလည်း ပြည်သူ့ဘဏ္ဍာတိုက်ကို ပြည့်စေမည်မဟုတ်ပေ။

အထိန်းအကွပ်မရှိသည့် အုပ်ချုပ်မှု ပြန်ရောက်လာမလား

လိုပတ်အိုဘရာဒါ၏ မူဝါဒများ အရေးကြီးသလို ၎င်းတို့ကို လက်တွေ့ အကောင်အထည်ဖော်မှုသည်လည်း အရေးကြီးသည်။ မက္ကစီကိုနိုင်ငံ၏ သမ္မတစနစ်သည် ဧကရာဇ်ဆန်သည်ဟု ယခင်ကတည်းက ကျော်ကြားပြီးဖြစ်သည်။ နိုင်ငံ အကြီးအကဲကို ထိန်းချုပ်ထားသည့်အရာသည် ရာထူးသက်တမ်းတစ်ခုကန့်သတ်ချက်သာရှိသည်။ ဒီမိုကရေစီအသွင်ကူးပြောင်းမှုအတွင်းသာ ယင်းသို့ အာဏာကွယ်ပျောက်သွားပြီး အစိုးရလုပ်ပိုင်ခွင့်ကို ခွဲခြားခဲ့ခြင်းဖြစ်သည်။ သို့သော်လည်း ပီနာနိုင်တိုး အုပ်ချုပ်ရေးကာလတွင် အုပ်ချုပ်ရေးအဖွဲ့တွင်း အာဏာပြန်စုလာပြန်သည်။ နိုင်တိုးအုပ်စိုးသည့်ကာလတွင် တစ်ဦးတည်းအာဏာဖြင့် ခွင့်ပြုပေးနိုင်သည့် ဘတ်ဂျက်ပမာဏတဖြည်းဖြည်းတိုးလာပြီး ပြီးခဲ့သည့်နှစ်တွင် ဒေါ်လာ ၁၈ ဘီလီယံထိ ရှိလာသည်။ ယင်းသည် စုစုပေါင်းအစိုးရအသုံးစရိတ်၏ ၁၀ရာခိုင်နှုန်းထိ ရှိသည်။ လွှတ်တော်တွင်းနိုင်တိုး၏ PRI ပါတီ လူများစုအသာရခြင်း မရှိသော်လည်း အထက်ဖော်ပြပါ ဘတ်ဂျက်နည်းလမ်းကို အသုံးပြုပြီး ယုံကြည်မှုအလွဲသုံး စားမှု တိုက်ဖျက်ခြင်း၊ ဘဏ္ဍာရေး၊ ဆက်သွယ်ရေး၊ ပညာရေး၊ စွမ်းအင်၊ ငွေကြေးမူဝါဒစသည့် စုဖွဲ့တည်ဆောက်ပုံပိုင်းဆိုင်ရာ ပြုပြင်ပြောင်းလဲရေးများ လုပ်ဆောင်ခဲ့သည်။ ယင်းနည်းလမ်းအတိုင်း လိုပတ်လိုက်လံ ဆောက်ရွက်နိုင်သည်။ ယင်းသို့ ဆုပေးသည့်နည်းလမ်းအပြင် အကျင့်ပျက်မှုတိုက်ဖျက်ခြင်းဆိုသည့် ဒဏ်ပေးခြင်း နည်းလမ်းကိုလည်း အသုံးပြုနိုင်သည်။ ယင်းသို့သော နည်းလမ်းအထွေထွေကြောင့် အုပ်ချုပ်ရေးအဖွဲ့အပေါ် လွှတ်တော်ထိန်းညှိနိုင်မှု ကျဆင်းလာနိုင်သည်။

လိုပတ်၏လုပ်ဆောက်ချက်များကို တရားရေးအာဏာကလည်း ထိန်းချုပ်နိုင်မည့် ပုံမပေါ်ခြေ။ မက္ကစီကိုနိုင်ငံတွင် တရား ဥပဒေစိုးမိုးမှုသည် အထွေထွေအားဖြင့် အကျပ်အတည်း ဖြစ်လျက်ရှိသည်။ ပြီးခဲ့သည့် ဆယ်စုနှစ်အတွင်း ပြစ်ဒဏ်ကင်းလွတ်ခွင့်ရမှုများ ကျယ်ကျယ်ပြန့်ပြန့်ပေါ် ထွက်နေခြင်းကို ကိုင်တွယ်နိုင်ခြင်းမရှိသ ဖြင့် တရားရေးစနစ်အပေါ် အများက အကောင်းမြင်ခြင်း မရှိပေ။ အရည်အချင်းပြည့်ဝမှုနှင့်ပတ်သက်၍ မေးခွန်းထုတ်ရန်ရှိသည့် အမေရိကန်နိုင်ငံဆိုင်ရာ မက္ကစီကိုသံအမတ်ကြီးဟောင်း မီဒီနာမိုရာကို တရားသူကြီးချုပ်အဖြစ် ၂၀၁၅ခုနှစ်တွင် နိုင်တိုးခန့်အပ်ခဲ့သည်။ ယင်းသို့ ရှေ့က လုပ်ဆောင်ထားပြီးဖြစ်သဖြင့် ဥပဒေစိုးမိုးမှုနှင့်ပတ်သက်၍ လိုပတ်လည်း လက်တစ်လုံးခြားလုပ်ဆောင်လာနိုင်သည်။

ယင်းသို့ ပြည်တွင်းထိန်းချုပ်မှုများ အလုပ်မဖြစ်သည့်အခြေအနေတွင် ပြည်ပငွေကြေးနှင့် ဘွန်းဈေးကွက် ဝင်ရောက်လှုပ်ရှားရမည်ဖြစ်သည်။ သို့သော်လည်း လက်တွေ့ကျသည့်လမ်းကြောင်းအတိုင်း လိုပတ်လျှောက်လှမ်းလိမ့်မည်ဟု ဈေးကွက်က လက်ရှိအချိန်ထိယုံကြည်ထားသည်။ ဒီမိုကရေစီ၏ နောက်ဆုံးသောခံတပ်ဖြစ်သော အရပ်ဘက်အဖွဲ့အစည်းနှင့် လွတ်လပ်သောမီဒီယာ ဖြစ်သည်။ ယင်းနယ်ပယ်တွင်လည်း သမ္မတအာဏာကို နိုင်တိုးအလွဲသုံးစားပြုပြီး ဖြစ်သည်။ အစ္စရေးနိုင်ငံထုတ် အဆင့်မြင့်သူလျှိုဆော့ဖ်ဝဲများအား မူးယစ်ဆေးဝါးကုန်ကူးသူများကို စောင့်ကြည့်ရန်မဟုတ်ဘဲ ဂျာနယ်လစ်များ၊ အရပ်ဘက်အဖွဲ့အစည်းခေါင်းဆောင်များကို စောင့်ကြည့်ရန် အစိုးရအဖွဲ့ အသုံးချလျက်ရှိသည်ဟု စွပ်စွဲခံနေရသည်။ လွတ်လပ်သည့်အကြံပေးအဖွဲ့များ၊ အစိုးရ မဟုတ်သည့်အဖွဲ့အစည်းများသည် မာဖီးယားဂိုဏ်းများကို ကူညီပေးနေသူအဖြစ် လိုပတ်က ဝေဖန်လျက်ရှိသည်။

လိုပတ်အိုဘရာဒါသည် စီးပွားရေးရာလက်တွေ့ဝါဒီဖြစ်သည် သို့မဟုတ် ပေါ်ပြူလစ်ဝါဒီဖြစ်သည်ဆိုသည်က မက္ကစီကို ဘဏ္ဍာရေးလမ်းကြောင်းကို ပုံသွင်းသွားမည်ဖြစ်သည်။ ပို၍အရေးကြီးသည့် တိုင်းပြည်အနာဂတ်အပေါ် ဆုံးဖြတ်သွားမည့်အချက်မှာ အင်စတီကျူးရှင်းပိုင်းစောင့်ကြည့်၊ ထိန်းချုပ်မှုကို လိုပတ် အသိအမှတ် ပြု မပြု ဆိုသည့်အချက်ဖြစ်သည်။ ယင်းသို့မဟုတ်ပါက လက်ရှိတွင်ပင် ယိုင်နဲ့နဲ့ဖြစ်နေသည့် မက္ကစီကို ဒီမိုကရေစီကို အားနည်းအောင် လုပ်ဆောင်မှုဖြင့် လိုပတ်အိုဘရာဒါအပေါ် ပြစ်တင်ကြမည်ဖြစ်သည်။

ကိုးကား-Foreign Affairs

You may also like...

Leave a Reply

Your email address will not be published. Required fields are marked *