အရောင်ဆိုးခြင်း သည်းခံပါ

ဥပဒေပြုရေး၊ အုပ်ချုပ်ရေးနှင့် တရားစီရင်ရေးမဏ္ဍိုင်ကြီးသုံးရပ်ကို အထိန်းအကျောင်းပြုသဖြင့် စတုတ္ထမဏ္ဍိုင်ဟု တင်စားသော သတင်းမီဒီယာ အရောင်ဆိုးခံနေရပြီလော။

သတင်းမီဒီယာသမားများခြိမ်းခြောက်ခံရခြင်း၊ တရားစွဲခံရခြင်းတို့ဖြင့် မီဒီယာလောက၏ သတင်းဆိုများအကြား နောက်ထပ်စိန်ခေါ်မှု ပေါ်လာသည်။

ယင်းကား မှုခင်းသတင်းထောက်ဆိုသူများက ငွေကြေးတောင်းခံမှုကြောင့် အဖမ်းခံရခြင်း၊ သတိပေးခံရခြင်းတို့ ဖြစ်သည်။

မှုခင်းသတင်းထောက်ဆိုသည်မှာ

သတင်းမီဒီယာအလုပ်ဖြင့် သတင်းရယူအသက်မွေးဝမ်းကျောင်းပြုနေသူများကို သတင်းထောက်၊ သတင်းစာဆရာများဟု ယေဘုယျခေါ်ဆိုနိုင်သည်။

နိုင်ငံရေး၊ စီးပွားရေး၊ လူမှုရေးစသည့် သက်ဆိုင်ရာနယ်ပယ်အလိုက် ရေးသားနေသော သတင်းထောက်များနည်းတူ မှုခင်းရေးရာများကို ဦးတည်ရေးသားသော သတင်းထောက်များလည်း ရှိသည်။

၎င်းတို့ကို စုဖွဲ့၍ အဖွဲ့များ ဖွဲ့စည်းထားသည်။

မြန်မာနိုင်ငံရှိ မှုခင်းသတင်းထောက်များအဖွဲ့တွင် အကြီးဆုံးအဖွဲ့မှာ မြန်မာနိုင်ငံမှုခင်းသတင်းထောက်များအသင်း (MCRA) ဖြစ်ပြီး အဖွဲ့ဝင်အင်အား ၆၀၀၀ကျော်ဖြင့် ဖွဲ့စည်းထားသောအဖွဲ့ တစ်ခုဟု ဆိုသည်။

အဆိုပါအဖွဲ့သည် ရှုထောင့်မှုခင်းသတင်းဂျာနယ်ထုတ်ဝေနေသော အဖွဲ့ အစည်းတစ်ခု ဖြစ်သည်။

ပြည်ထဲရေးဝန်ကြီးဌာနတွင် တရားဝင်ဖွဲ့စည်းခွင့်ရထားသော မှုခင်းသတင်းထောက်အသင်း၊ အဖွဲ့အရေအတွက် လေးဖွဲ့ခန့်ရှိကြောင်း မြန်မာနိုင်ငံသတင်းမီဒီယာကောင်စီထံမှ သိရသည်။

ယင်းအဖွဲ့များမှာ မြန်မာနိုင်ငံမှုခင်းသတင်းထောက်များအသင်း (MCRA)၊ မြန်မာနိုင်ငံလုံးဆိုင်ရာမှုခင်းသတင်းထောက်များနှင့် မှုခင်းကလောင်ရှင်များအဖွဲ့ချုပ်၊ နေပြည်တော်တိုင်းမ်မှုခင်းနှင့် သတင်းစုံအသင်းချုပ်၊ မြန်မာနိုင်ငံမှုခင်းသတင်းထောက်များ ပင်မအဖွဲ့ချုပ်နှင့် ပြည်သူ့မီဒီယာအဖွဲ့ချုပ်စသည်တို့ဖြစ်သည်။

မှုခင်းသတင်းထောက်ဆိုသော်လည်း ၎င်းတို့မှာ အခြားသတင်းစာ၊ မီဒီယာများတွင် အလုပ်လုပ်ကိုင်နေသော သတင်းထောက်များနည်းတူ သတင်းထောက်ခေါင်းစဉ်အောက်တွင်သာရှိကြောင်း ဦးမြင့်ကျော်က ဆိုသည်။

“သတင်းထောက်က မှုခင်းပဲ ရေးရေး၊ ဖျော်ဖြေရေးပဲ ရေးရေး၊ စီးပွားရေးပဲ ရေးရေး သတင်းထောက်က သတင်းထောက်ပဲ”ဟု မြန်မာနိုင်ငံသတင်းမီဒီယာကောင်စီအဖွဲ့ဝင် ဦးမြင့်ကျော်က ဆိုသည်။

အမည်းစက်

သို့သော်မှုခင်းသတင်းထောက်ဆိုသူများ၏ ကျင့်ဝတ်ဖောက်မှု၊ စည်းကမ်းဖောက်မှုများ ယခုနှစ်ပိုင်းတွင် လူပြောသူပြော များလာသည်။

မှုခင်းသတင်းထောက်များသည် ခြိမ်းခြောက်ငွေကြေးတောင်းခံမှုများဆက်တိုက်ဖြစ်ပွားခဲ့ပြီးနောက် မြန်မာနိုင်ငံ သတင်းမီဒီယာကောင်စီက ဝင်ရောက်ကိုင်တွယ်ရသည်အထိ ဖြစ်ပွားခဲ့သည်။

သတင်းထောက်အယောင်ဆောင်ကာ ငွေကြေးတောင်းခံနေသူများကို ထိရောက်စွာ အရေးယူရန် ပြည်ထဲရေးဝန်ကြီးဌာနသို့ မြန်မာနိုင်ငံသတင်းမီဒီယာကောင်စီက ဇွန်လအတွင်း တိုင်ကြားစာ ပေးပို့ခဲ့သည်။

ငွေကြေးတောင်းခံခြင်းများအပြင် နိုင်ငံတော်လုံခြုံရေးအဖွဲ့အစည်းများ၏အသွင်သဏ္ဌာန်ဖြင့် ယူနီဖောင်းများ ဖန်တီးဝတ်စားဆင်ယင်ခြင်းများပါပြုလုပ်လာခြင်းကြောင့် အရေးယူဖြစ်ကြောင်း ပြည်ထဲရေးဝန်ကြီးဌာနမှ ဇန်နဝါရီလ ၁၇ ရက်တွင် သတင်းထုတ်ပြန်ခဲ့သည်။

အချို့နယ်ဒေသများတွင် မြန်မာနိုင်ငံမှုခင်းသတင်းထောက်များအသင်း (MCRA) က ငွေကြေးတောင်းခံခြင်း ကိစ္စနှင့် ပတ်သက်ပြီး တ်ိုင်ကြားခဲ့သဖြင့် သတင်းမီဒီယာကောင်စီနှင့် MCRA ၏ တည်ထောင်သူရှုထောင့်သတင်းဂျာနယ်အယ်ဒီတာချုပ် ဦးသက်နိုင်နှင့် ကောင်စီတို့ တွေ့ဆုံခဲ့ကြသည်။

ယင်းနောက်အဖွဲ့ဝင်များ၏ ကျင့်ဝတ်နှင့် မကိုက်ညီသည့်လုပ်ဆောင်မှုများကို ကြပ်မတ်ထိန်းသိမ်း၊ အပြစ် ပေးသွားမည်ဟု ဦးသက်နိုင်က ပြောကြားခဲ့သည်။

ယင်းနောက် ဇွန်လ၂၂ရက်နေ့မှစတင်ကာ စစ်ကိုင်းတိုင်းဒေသကြီး ဗန်းမောက်မြို့နယ်အတွင်း ရှုထောင့်သတင်းဂျာနယ် မှုခင်းသတင်းထောက်လေးဦးကို ခြိမ်းခြောက်ငွေကြေးတောင်းခံခဲ့ခြင်းကြောင့် ဖမ်းဆီးခဲ့သည်။

စစ်ကိုင်းတိုင်းဒေသကြီး ဖောင်းပြင်မြို့နယ် သရက်ကုန်းကျေးရွာတွင် ဇူလိုင်လ ၉ရက်က နေပြည်တော်တိုင်း(မ်) မှုခင်းသတင်းထောက်လေးဦး ခြိမ်းခြောက်ငွေကြေးတောင်းခံမှု ထပ်မံဖြစ်ပွားခဲ့သည်။

သို့သော် ယင်းဖြစ်ရပ်မှာ ၎င်းတို့၏ မူဝါဒမဟုတ်ကြောင်း သက်ဆိုင်ရာမီဒီယာက ငြင်းချက်ထုတ်သည်။

မှုခင်းသတင်းထောက်များ ခြိမ်းခြောက်ငွေထုတ်ခြင်းသည် သင်ကြားမှုတွင် မပါဝင်သော ချဲ့ထွင်လုပ်ဆောင်ခြင်း တစ်ခုသာဖြစ်ကြောင်း နေပြည်တော်တိုင်း(မ်)အယ်ဒီတာချုပ်ဦးစိုးဝင်းက ဆိုသည်။

“အဲဒီလိုလည်း အစ်ကို တောင်းမစားဖူးဘူး။ ငွေတောင်းတာတော့ မပါဘူး။ ဒါကတော့ သူတို့ချဲ့လုပ်ကြတာပေါ့” ဟု ၎င်းက ပြောကြားသည်။

ဦးစိုးဝင်းသည် နေပြည်တော်တိုင်း(မ်)ဂျာနယ်၏ အယ်ဒီတာချုပ်တစ်ဦးဖြစ်ကာ နေပြည်တော်တိုင်းမ်မှုခင်းနှင့် သတင်းစုံအသင်းချုပ်ကို တည်ထောင်သူတစ်ဦး ဖြစ်သည်။

နေပြည်တော်တိုင်း(မ်) မှုခင်းနှင့်သတင်းစုံအသင်းချုပ်သည် အင်အား၁၀၀၀ကျော်ဖြင့် ဖွဲ့စည်းထားသော အဖွဲ့ဟု ဆိုသည်။

နယ်ဒေသအချို့တွင်လည်း သတင်းထောက်အမည်ခံ၍ မိုက်ကြေးခွဲငွေတောင်းမှုများရှိကြသည်။

ယင်းကြောင့်ပင် တိုင်းပြည်အတွက် အရေးကြီးသော၊ ဒီမိုကရေစီစနစ်အတွက် မရှိမဖြစ်လိုအပ်သော သတင်းမီဒီယာသမားများ၊ သတင်းထောက်များ၏ ပုံရိပ်၊ ဂုဏ်သိက္ခာကို တစ်နည်းနည်းဖြင့် ထိခိုက်စေနိုင်သည်။

ထိုငွေကြေးတောင်းခံသူများသည် သတင်းထောက်များဟု ခေါ်စရာမလိုဘဲ သတင်းထောက်အမည်ခံကာ လုပ်ဆောင်ချက်များသာဖြစ်ကြောင်း ဦးမြင့်ကျော်က ဆိုသည်။

“သတင်းထောက်လို့ ကတ်ကိုင်ထားတဲ့အတွက်၊ သတင်းထောက်လို့ခေါ် တဲ့အတွက် သက်ဆိုင်တာက သတင်းထောက်အားလုံးမှာတော့ အနည်းနဲ့ အများတော့ သက်ရောက်မှုရှိတယ်”ဟု ဦးမြင့်ကျော်က ပြောကြားသည်။

ထို့ပြင်သတင်းထောက်ငွေညှစ်သည်ဆိုသောကိစ္စသည် သာမန်ပြည်သူများအကြား ရှင်းလင်းသူများနှင့် မရှင်းလင်းသူများရှိသောကြောင့် ထိခိုက်မှုဖြစ်စေနိုင်ကြောင်း ၎င်းက ထပ်မံပြောသည်။

ကာကွယ်ခြင်း

သာမန်ပြည်သူများအတွက်မူ သတင်းထောက်သည် သတင်းထောက်သာ ဖြစ်သည်။

၎င်းတို့အတွက် ခွဲခွဲခြားခြားနားလည်သိမြင်ရန် ခက်ခဲသည်။

“မှုခင်းသတင်းထောက်တွေ ဘာတွေတော့ မသိဘူး။သတင်းထောက်အားလုံးက တူတူပဲ ထင်တယ်”ဟု မြောက်ဥက္ကလာပမြို့နယ်တွင် နေထိုင်သော အသက်၂၃နှစ်အရွယ် စာပွဲထိုးလုပ်ကိုင်သူ ကိုဟန်ဇော်ထွန်းက ပြောကြားသည်။

မီဒီယာသမားများ ခြိမ်းခြောက်ငွေကြေးတောင်းခံခြင်းနှင့် ပတ်သက်ပြီး လူထုကိုပညာပေးဟောပြောမှုများပြုလုပ်ရန် လိုအပ်လျက်ရှိသည်။ သတင်းမီဒီယာ၏ အခန်းကဏ္ဍ၊ သတင်းထောက်များ၏အခန်းကဏ္ဍနှင့် ကျင့်ဝတ်စသည်တို့ ပြည်သူလူထု ပိုမိုသိနားလည်ရန် လိုနေသည်။

ထိုသို့လုပ်ဆောင်ချက်များကို ပြုလုပ်ပေးရန် လိုအပ်သောအဖွဲ့အစည်းမှာ မြန်မာနိုင်ငံသတင်းမီဒီယာကောင်စီဖြစ်ကြောင်း ဦးမြင့်ကျော်က ဆိုသည်။

ယင်းလုပ်ဆောင်နိုင်မှုမရှိခြင်းသည် မြန်မာနိုင်ငံသတင်းမီဒီယာကောင်စီအနေနှင့် ကောင်စီရွေးကောက်ပွဲများကြောင့် အလုပ်ရှုပ်နေခြင်းကြောင့် ဖြစ်ကြောင်း ၎င်းက ဆက်လက်ပြောကြားသည်။

ယခင်နှစ်များတွင် ပြည်ထဲရေးမှ အဆိုပါပုဂ္ဂိုလ်များကို အရေးယူမှုများလုပ်ဆောင်ခြင်းမရှိဘဲ အကြောင်းကြောင်းသော ဆက်နွှယ်မှုများရှိနိုင်ကြောင်း ၎င်းက ဆိုသည်။

“ဒီကိစ္စက ကျွန်တော်တို့ကောင်စီက ပြည်ထဲရေးတို့ တပ်မတော်တို့နဲ့ တွေ့တဲ့အခါမှာ ပြောတဲ့အခါမှာ အခု အရေးယူမှုတွေက ခပ်စိပ်စိပ်တွေ့လာရတာပေါ့” ဟု ဦးမြင့်ကျော်က ပြောသည်။

ငွေကြေးခြိမ်းခြောက်တောင်းခံခြင်းများနှင့်ပတ်သက်ပြီး နေပြည်တော်တိုင်း(မ်) မှုခင်းနှင့် သတင်းစုံအသင်းချုပ် တည်ထောင်သူ ဦးစိုးဝင်းက အောက်ပါအတိုင်း ပြောကြားသည်။

“သူတို့ကို ဒီလိုတွေ နောက်မဖြစ်အောင် ခံဝန်တွေ ထိုးခိုင်းမယ်။ ခံဝန်ထိုးမပေးနိုင်တဲ့ အသင်းသားတွေကို တစ်ခါတည်းထုတ်ပစ်မယ်”

မိုးယံခ၊ အောင်ဖြိုးဦး

You may also like...

Leave a Reply

Your email address will not be published. Required fields are marked *