နိုင်ငံခြားသားများ တိုက်ခန်းပိုင်ဆိုင်ရေးဥပဒေ 

နိုင်ငံခြားသားများ ကွန်ဒိုတိုက်ခန်းများ ဝယ်ယူပိုင်ဆိုင်ခွင့်ရရှိပြီးနောက် တန်ဖိုးနည်းအိမ်ရာများကို ဝယ်ယူပိုင်ဆိုင်နိုင်တော့မည်လော။

အကြောင်းမှာ ၂၀၁၆ ခုနှစ် စုပေါင်းအဆောက်အအုံဆိုင်ရာဥပဒေ (ကွန်ဒို ဥပဒေ) ပြဋ္ဌာန်းပြီး ၂ နှစ်အကြာတွင် တန်ဖိုးနည်း၊ တန်ဖိုးလတ်၊ တန်ဖိုးသင့်အိမ်ရာများ နိုင်ငံခြားသားဝယ်ယူနိုင်ရန် တိုက်ခန်းအိမ်ရာအဆောက်အအုံဆိုင်ရာ ဥပဒေ (Apartment Law) အဆိုပြုမူကြမ်းကို ပြည်သူလွှတ်တော်သို့ တင်ပြခဲ့သောကြောင့်ဖြစ်သည်။

ယင်းဥပဒေတွင် အဆောက်အအုံ၏ ၃၅ ရာခိုင်နှုန်းကို နိုင်ငံခြားသားကို ရောင်းချနိုင်မည်ဖြစ်သည်။ ဇူလိုင်လ ၂၁ ရက်နေ့ တွင် ရန်ကုန်မြို့ရှိ Sky Star ဟိုတယ်တွင် မြန်မာနိုင်ငံ လိုင်စင်ရကန်ထရိုက်တာများ အသင်း (MLCA) က ယင်းဥပဒေမူကြမ်းကို စတင်မိတ်ဆက်ခဲ့သည်။

လက်ရှိကွန်ဒိုဥပဒေတွင် အားနည်းချက်အချို့ရှိသည့်အတွက် တိုက်ခန်းအိမ်ရာ အဆောက်အအုံဆိုင်ရာဥပဒေကို ရေးဆွဲရခြင်းဖြစ်ကြောင်း မြန်မာနိုင်ငံလိုင်စင်ရကန်ထရိုက်တာများအသင်း (MLCA) ၏ ဥပဒေအတိုင်ပင်ခံ တရားလွှတ်တော် ရှေ့နေ ဦးအုံးမောင်က ပြောကြားသည်။

တိုက်ခန်းအိမ်ရာအဆောက်အအုံဆိုင်ရာ အဆိုပြုဥပဒေမူကြမ်းကို MLCA နှင့် ဥပဒေပညာရှင်များ ရေးဆွဲထားခြင်း ဖြစ်သည်။

ပြည်သူ့လွှတ်တော်သို့ တင်ထားဆဲ ယင်းအဆိုပြုဥပဒေမူကြမ်းတွင် အဆောက်အအုံ၏ ၃၅ ရာခိုင်နှုန်းကို နိုင်ငံခြားသားများအား ရောင်းချခွင့်ရရှိမည်ဖြစ်သည်။ နိုင်ငံခြားသားသည် ၎င်းပိုင်ဆိုင်သည့် တိုက်ခန်းကို ရောင်း၊ ပေါင်၊ ငှား တရားဝင်လုပ်ခွင့်ရှိသည်။

ထို့ပြင် အဆောက်အအုံများတည်ဆောက်ခြင်း၊ ဝယ်ယူရောင်းချခြင်းများကို မှတ်ပုံတင်ရန်နှင့် လူနေထိုင်ရန် တည်ဆောက်ထားသော တိုက်ခန်းများကို ဘာသာရေးဆိုင်ရာအဆောက်အအုံအဖြစ် ပြောင်းလဲအသုံးပြုခြင်းကို ကန့်သတ်ထား သည်။

ထို့ကြောင့် သမ္မတဦးသိန်းစိန် လက်ထက် ပြဋ္ဌာန်းခဲ့သောကွန်ဒိုဥပဒေ ကဲ့သို့ နိုင်ငံခြားသားများ ကွန်ဒိုတိုက်ခန်း ဝယ်ခွင့်ရခဲ့သည်။ တင်ပြထားသော ဥပဒေ အတည်ဖြစ်ပါက NLD အစိုးရလက်ထက် တွင် နိုင်ငံခြားသားများ တန်ဖိုးနည်းအိမ်ရာ ဝယ်ယူခွင့်ရရှိတော့မည်ဖြစ်သည်။
တိုက်ခန်းအိမ်ရာအဆောက်အအုံ ဆိုင်ရာဥပဒေတွင် နှစ်ထပ်နှင့်အထက် အဆောက်အအုံမှစ၍ အကျုံးဝင်သည်ဟု ပြဋ္ဌာန်းထားသည့်အတွက် အစိုးရက အရစ်ကျစနစ်ဖြင့် ရောင်းချပေးနေသည့် တန်ဖိုးနည်း၊ တန်ဖိုးလတ်အိမ်ရာများ၊ ခြံဝင်းအကျယ်ကြီးများတွင်ရှိသော နှစ်ထပ်တိုက်၊ သုံးထပ်တိုက်များပါ အကျုံးဝင်သွားနိုင်သည်။

တန်ဖိုးအိမ်ရာများ၊ ခြံဝန်းကျယ်များအတွင်းက နှစ်ထပ်တိုက်များကို နိုင်ငံခြားသားအား ၃၅ ရာခိုင်နှုန်းအထိ ဝယ်ယူခွင့် ပေးမည်လော။

“ဒီမှာက ခြံတွေ၊ ဝင်းတွေနဲ့ ဆောက်တဲ့အိမ်တွေက နှစ်ထပ်လည်း ဖြစ်နိုင်၊ သုံးထပ်လည်း ဖြစ်နိုင်တယ်”ဟု Success အိမ်၊ ခြံ၊ မြေ အကြံပေးကုမ္ပဏီက ဦးစည်သူက ထောက်ပြသည်။

ကွန်ဒိုဥပဒေတွင် စတုရန်းပေ နှစ်သောင်းရှိပြီး ခြောက်ထပ်နှင့်အထပ်ရှိသည့် အိမ်ရာဟု ဖော်ပြထားသည့်အတွက် စေတုရန်ပေ နှစ်သောင်းအောက်ရှိသည့် လေးထပ်နှင့်အထက်ရှိသည့် အိမ်ရာများကို တိုက်ခန်းအိမ်ရာ အဆောက်အအုံဆိုင်ရာဥပဒေတွင် ထည့်သွင်းသင့်ကြောင်း ၎င်းက ဆက်လက်ပြောကြားသည်။

အစိုးရက တည်ဆောက်သည့် တန်ဖိုးနည်း၊ တန်ဖိုးမျှ၊ တန်ဖိုးလတ်အိမ်ရာများသည် ယင်းဥပဒေနှင့် သက်ဆိုင်မည် မဟုတ်ကြောင်း ပြည်သူ့လွှတ်တော်ပို့ဆောင်ရေး၊ ဆက်သွယ်ရေး၊ ဆောက်လုပ်ရေးကော်မတီအတွင်းရေးမှူး ဦးနေဖူးဘဆွေက The Voice Journal သို့ ပြောကြားသည်။

“ဝန်ကြီးဌာနကတော့ သူ့စီမံကိန်း၊ သူ့ဘတ်ဂျက်သူ့ Target နဲ့ သွားနေတာပဲလေ။ ပြည်သူ့အခွန်နဲ့ဆောက်တာ။ သူကျ (ပုဂ္ဂလိက) ကိုယ်ပိုင်ငွေနဲ့ ဆောင်တာ ဘာမှမရောဘူး” ဟု ၎င်းက ရှင်းပြသည်။

တိုက်ခန်းအိမ်ရာအဆောက်အအုံဆိုင်ရာဥပဒေတွင် အစိုးရအိမ်ရာစီမံကိန်းများ ပါဝင်တော့မည် မဟုတ်ချေ။ အစိုးရနှင့် ပုဂ္ဂလိက အကျိုးတူဆောက်သည့် အိမ်ရာများသည် မည်သည့်ဥပဒေနှင့် ထိန်းချုပ်မည်နည်း။

စစ်အစိုးရလက်ထက် အစိုးရ၏ပေါ်လစီအရ အကောင်အထည်ဖော်တည်ဆောက်ခဲ့သည့် ဒဂုံဆိပ်ကမ်းရှိ ယုဇနဥယျာဉ် မြို့တော်သည် သက်တမ်းမကုန်မီ ပြိုကျပျက်စီးနေပြီဖြစ်သည်။ ထို့အပြင် မုဒိတာအိမ်ရာ၏ ညံ့ဖျင်းသည့် ရေဆိုးစစ်နစ်ကို ပြုပြင်ရန် အိမ်ရာစီမခန့်ခွဲရေးကော်မတီနှင့် ဆောက်လုပ်ရေးကုမ္ပဏီအငြင်းပွားမှုကြား နေထိုင်သူများ နှစ်ချီရနံ့ဆိုးများ ခံစားနေရသည့်အတွက် ရန်ကုန်တိုင်းဒေသကြီး လွှတ်တော်တွင်ပင် မေးမြန်းရသည်အထိ ဖြစ်ခဲ့သည်။

အိမ်ရာများနှင့်ပတ်သက်ပြီး ကွန်ဒို၊ တန်ဖိုးနည်း၊ တန်ဖိုးလတ်ဟူ၍ အိမ်ရာအမျိုးအစားတစ်ခြင်းစီအလိုက် ဥပဒေရေးဆွဲခြင်းသည် ဥပဒေဖောင်းပွမှုကို ဖြစ်ပေါ်စေပြီး လူအများ၏ အသက်အိုးအိမ်ထိခိုက်မှုမရှိအောင် အရည်အသွေးပိုင်း အာမခံချက်များ တိတိကျကျပြဋ္ဌာန်းပေးသင့်ကြောင်း အိမ်၊ ခြံ၊ မြေနှင့် ဥပဒေရေးရာကျွမ်းကျင်သူ ဦးတင်သန်းဦးက ဆိုသည်။

“ဆေးစက်ကျရာ အရုပ်ထင်သလို ဒါလေးဖြစ်ပေါ်လာလို့ ဒါလေးလုပ်မယ်ဆိုရင် တစ်ယောက်က အဆိုတင်သွင်းပြီး ဥပဒေလိုက်ရေးနေရင် ဥပဒေတွေ ဖောင်းပွကုန်မယ်လေ။ တန်ဖိုးနည်း၊ တန်ဖိုးမျှ ဘာညာပြောနေတယ်လေ။ General Construction Law သတ်မှတ်လိုက်ရင် အဲဒီအိမ်ရာတွေ၊ ကိုယ်ပိုင်အိမ်၊ နှစ်ထပ် တိုက်တွေ အကုန်လုံးအတွက် သတ်မှတ်နိုင်တယ်” ဟု ၎င်းက အကြံပြုသည်။

တိုက်ခန်းအိမ်ရာအဆောက်အအုံဆိုင်ရာ ဥပဒေပြဋ္ဌာန်းနိုင်ပါက ဆောက်လုပ်ဆဲအိမ်ရာအတွက် ဘဏ်တွင် ငွေချေး ငွေရယူနိုင်သည့်အပြင် ဝယ်ယူသူများလည်း တိုက်ခန်းအပေါင်ပစ္စည်းအဖြစ်ထား၍ ဘဏ်တွင် ငွေထုတ်ချေးနိုင်မည်ဖြစ်သည်။

အခြေခံပြည်သူများ လက်လှမ်းမီသည့် တန်ဖိုးသင့်တင့်သည့် တိုက်ခန်းများတည်ဆောက်ခြင်း၊ ရောင်း၊ ဝယ်ငှားခြင်းများကို မှတ်ပုံတင်ဆောင်ရွက်ရမည် ဖြစ်သောကြောင့် ပိုင်ဆိုင်မှုခိုင်မာစေသည့်အပြင် အေးစက်နေသော အိမ်၊ ခြံ၊ မြေ ဈေးကွက်ကို လှုပ်နှိုးနိုင်မည်ဖြစ်ကြောင်း ထွန်းဆောက်လုပ်ရေးကုမ္ပဏီဥက္ကဋ္ဌ ဦးလားဆယ်က သုံးသပ်သည်။

၂၀၁၄ ခုနှစ်မှစ၍ အိမ်၊ ခြံ၊ မြေ ဈေးကွက် တအိအိကျဆင်းခဲ့ပြီး ရန်ကုန်တိုင်းဝန်ကြီးချုပ် ဦးဖြိုးမင်းသိန်း၏ အထပ်မြင့် အဆောက်အအုံများ ပြန်လည်စိစစ်ခဲ့ပြီးနောက် ဆောက်လုပ်ရေးလုပ်ငန်းရှင်များသည် အခက်အခဲများဖြင့် ရင်ဆိုင်ခဲ့ရသည်။

အခက်အခဲများမှာ တိုက်ခန်းများ ဝယ်ယူသူမရှိသလောက် ကျဆင်းခြင်း၊ ဆောက်လုပ်ရေးနှင့် ဆက်စပ်သည့် ပစ္စည်းများ ဈေးနှုန်းမြင့်မားခြင်း၊ ဘဏ်များနှင့် ချိတ်ဆက်လုပ်ဆောင်ရာတွင် အခက်အခဲရှိခြင်း၊ ဌာနဆိုင်ရာများနှင့် ချိတ်ဆက်လုပ်ဆောင်ရာတွင် အခက်အခဲရှိခြင်း၊ မြေရှင်၊ ကန်ထရိုက်၊ တိုက်ခန်းဝယ်ယူသူများအား ကာကွယ်ပေးသည့် ဥပဒေ တိုက်ခန်းအိမ်ရာအဆောက်အအုံဆိုင်ရာမရှိခြင်း၊ မျှတသော အခွန်စနစ်၊ ကျွမ်းကျင်လုပ်သားရှားပါးခြင်းတို့ ကြုံတွေ့နေရကြောင်း MLCA အထွေထွေအတွင်းရေးမှူးချုပ် ဦးလားဆယ်က ဆိုသည်။

ထိုအခက်အခဲများအနက်တစ်ခုဖြစ်သည့် တိုက်ခန်းအိမ်ရာအဆောက်အအုံ ဆိုင်ရာကို ရေးဆွဲ၍ လွှတ်တော်သို့ တင်ပြထားခြင်း ဖြစ်ကြောင်း ၎င်းက ရှင်းပြသည်။

ယင်းဥပဒေ ပြဋ္ဌာန်းနိုင်လျှင် အိမ်ရာတည်ဆောင်ခြင်းမှစ၍ ရောင်းချ၊ ဝယ်ယူသည်တို့ကို မှတ်ပုံတင်အခွန်ပေးဆောင်ရမည် ဖြစ်သောကြောင့် ပိုင်ဆိုင်မှုခိုင်မာမည်ဖြစ်ပြီး ဘဏ်တွင် အပေါင်ပစ္စည်းထား၍ ငွေချေးနိုင်သည့်အတွက် ကျွဲကူးရေပါ ဘဏ်ချေးငွေရရှိရန်လည်း လွယ်ကူမည် ဖြစ်သည်။

လက်ရှိ တိုက်ခန်းဈေးကွက်သည် ကျပ်သိန်း ၂၀၀ မှ ကျပ်သိန်း ၁၀၀၀ ကြားရှိသော အိမ်ခန်းများကို အရစ်ကျစနစ်ဖြင့်သာ ရောင်းချကြောင်း ဒဂုံသီရိဆောက်လုပ်ရေးကုမ္ပဏီ ဥက္ကဋ္ဌ ဦးသက်ကိုကိုက လက်ရှိပြည်တွင်း ဆောက်လုပ်ရေးဈေးကွက် အခြေအနေကို ညည်းညူပြောဆိုသည်။

ဖြေးဖြေးနှင့် လေးလေးသွားနေသည့် တန်ဖိုးနည်းအိမ်ခန်းဈေးကွက်သည် Apartment Law ကြောင့် နိုးထရန်လည်း ဆောက်လုပ်ရေးလုပ်ငန်းရှင်များက မျှော်လင့်ကြသည်။

မြန်မာနိုင်ငံ၏ စီပွားရေးမြို့တော် ရန်ကုန်မြို့သည် လူဦးရေ ၇ ဒသမ ၃၆ သန်းကျော် ရှိသည်။ လူဦးရေတိုးတက်မှုနှုန်းမှာလည်း တစ်နှစ်လျှင်၂ ဒသမ ၁ ရာခိုင်နှုန်းခန့်ရှိပြီး နှစ်စဉ်အိမ်ခန်း လိုအပ်ချက်အိမ်ခန်းယူနစ်ပေါင်း ၂၅,၀၀၀ မှ ၃၅,၀၀၀ အထိ ရှိသော်လည်း ရန်ကုန်မြို့၏ အိမ်၊ ခြံ၊ မြေဈေးကွက်သည် ရန်ကုန်မိုးနှင့်အတူ အေးစက်နေဆဲဖြစ်သည်။

ပြည်ပမျှော် တန်ဖိုးမြင့်တာဝါ၊ ကွန်ဒိုများများ တည်ဆောက်ထားသော်လည်း NLD အစိုးရလက်ထက်တွင် နိုင်ငံခြားရင်းနှီးမြှုပ်နှံမှု မျှော်မှန်းထားသလောက် မရှိခြင်း၊ အိမ်၊ ခြံ၊ မြေအတွက် ဝင်ငွေခွန်စည်းကြပ်ရာတွင် ၁ ကျပ်မှ သိန်း ၃၀၀ အထိကို ၁၅ ရာခိုင်နှုန်း၊ သိန်း ၃၀၁ ကျပ်မှ သိန်း ၁၀၀၀ အထိကို ၂၀ ရာခိုင်နှုန်း၊ ကျပ်သိန်း ၁၀၀၀ အထက်ကို ၃၀ ရာခိုင်နှုန်းအထိ ပေးဆောင်ရခြင်းကလည်း အိမ်၊ ခြံ၊ မြေဈေးကွက်ကို ပိုမိုအေးစက်စေသည်။

ယင်းအခြေအနေတွင် တိုက်ပြိုလျှင် မြေရှင်ပြန်ပိုင်မည်၊ အိမ်ခန်းရောင်းလိုလျှင် မြေရှင်ကို သိန်းဆယ်နှင့်ချီပေးရသည့် အပျောက်စနစ်က ထပ်မံ၍ ဘူးလေးရာဖရုံဆင့်နေဆဲ။

တိုက်ခန်းအိမ်ရာအဆောက်အအုံဆိုင်ရာ အခွန်လျှော့ချခြင်း၊ နိုင်ငံခြားရင်းနှီးမြှုပ်နှံမှုတို့အတွက်သက်ရောက်မှု မရှိသော်လည်း အပျောက်စနစ်ရောင်းဝယ်ခြင်းကို ပပျောက်နိုင်မည်ဖြစ်သည်။

အဆောက်အအုံပြုပြင်ခြင်း၊ လိုအပ်ပါက အသစ်ပြန်တည်ဆောက်ရန် စီစဉ်ပေးခြင်းများကို တိုက်ခန်းအိမ်ရာ အဆောက်အအုံဆိုင်ရာတွင် သက်ဆိုင်ရာအစိုးရနှင့် ဌာနဆိုင်ရာများ ပါဝင်သော အိမ်ရာစီမံခန့်ခွဲရေးကော်မတီဖွဲ့စည်း ဆောင်ရွက်ရန် ပြဋ္ဌာန်းထားသည်။

သို့သော်လည်း တိုက်ခန်းအိမ်ရာအဆောက်အအုံဆိုင်ရာသည် ပြည်သူ့လွှတ်တော်သို့ အဆိုပြုဥပဒေမူကြမ်းအဖြစ်သာ ရောက်ရှိသေးသည်။ ဥပဒေတစ်ခုပြဋ္ဌာန်းရန် အချိန်နှစ်ချီ ကြာနိုင်သည်။ ကွန်ဒိုမီနီယံဥပဒေကို ၂၀၁၆ ခုနှစ် ဇန်နဝါရီလတွင် ပြဋ္ဌာန်းခဲ့ပြီး ၂ နှစ်ကျော် ကြာသည်အထိ နည်းဥပဒေမပြဋ္ဌာန်းနိုင်ခြင်းက ယင်းအချက်ကို ထောက်ပြနေသည်။

ဥပဒေသည် နောက်ကြောင်းပြန် အရေးယူ၍မရ။ ကွန်ဒိုမီနီယံမဟုတ်သော အိမ်ခန်းများအတွက် လက်ရှိဥပဒေ မရှိသေး။

ယင်းအခြေအနေတွင် အိမ်ခန်းဝယ်မည်သူများကို ပြည်သူ့လွှတ်တော်ပို့ဆောင်ရေး၊ ဆက်သွယ်ရေး၊ ဆောက်လုပ်ရေး ကော်မတီအတွင်းရေးမှူး ဦးနေဖူးဘဆွေက “ဉာဏ်ကွန့်ပြီး ဝယ်ပေါ့” ဟု အကြံပြုသည်။

ပို့ပို့

You may also like...

Leave a Reply

Your email address will not be published. Required fields are marked *