မီးခိုးတိတ်စက်ရုံများ နာလန်ထချိန် မျှော်ကြသည်

နာမကျန်း မီးခိုးတိတ်စက်ရုံများအတွက် ဖြေဆေးဖော်ရန် ကြိုးစားနေကြလေပြီ။ ကျဆင်းနေသော မြန်မာ့ခရီးသွားလုပ်ငန်းကို ပွင့်လင်းရာသီအမီ ပြန်လည်ဆွဲတင်ရန်ဖြစ်သည်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဩဂုတ်လဆန်းက အမျိုးသားခရီးသွားလုပ်ငန်း ဖွံ့ဖြိုးတိုးတက်ရေး အစည်းအဝေးတွင် ပြောဆိုခဲ့သည့် အကြံပြုချက်များက ပိုမိုစိတ်အားထက်သန်စရာ ဖြစ်သည်။

“အခုခေတ်မှာဆိုရင် ကမ္ဘာလှည့်ခရီးသွားလုပ်ငန်းဟာ နိုင်ငံတစ်နိုင်ငံအတွက် ဝင်ငွေအင်မတန်မှကောင်းတဲ့လုပ်ငန်းတစ်ခုဖြစ်ပါတယ်။ ဒါကြောင့် အားလုံးကဆွဲဆောင်နေတာ။ ကျွန်မတို့က ယှဉ်ပြိုင်နိုင်ဖို့ဆိုရင် တခြားသူတွေပေးနိုင်တာထက် ပိုပြီးတော့ စိတ်ဝင်စားမှုအရ၊ ယဉ်ကျေးမှုအရ၊ စိတ်ချမ်းသာမှုအရပေးနိုင်မှ ဆွဲဆောင်နိုင်မယ်လို့ထင်ပါတယ်” ဟု နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

သို့သော် မြန်မာနိုင်ငံခရီးသွားကဏ္ဍသည် ယှဉ်ပြိုင်နိုင်စွမ်းမရှိဘဲ အစစအရာရာ နောက်ကျကျန်နေပြီဖြစ်သည်။ သမိုင်းတစ်လျှောက် ပြည်ပခရီးသွားဝင်ရောက်မှု အမြင့်ဆုံးစံချိန်ချိုးခဲ့သည့် ၂၀၁၅ ခုနှစ် မြန်မာနိုင်ငံ၏ ခရီးသည်ဝင်ရောက်မှု အခြေအနေသည်ပင် အာဆီယံနိုင်ငံများနှင့်ယှဉ်လျှင် အနိမ့်ဆုံးအဆင့်ဖြစ်သည်။

ခရီးသည်များဆွဲဆောင်နိုင်ရန် အားထုတ်သော်လည်း အခြေအနေဆိုးများနှင့်သာ ပက်ပင်းတိုးနေရဆဲဖြစ်သည်။ အထူးသဖြင့် ရခိုင်ပြည်နယ်အရေးသည် မြန်မာ့ခရီးသွားကဏ္ဍကို အထိနာစေသည့် တစ်ခုတည်းသော ဂြိုဟ်ဆိုးလည်းဖြစ်သည်။

ရခိုင်ပြည်နယ်အရေးကြောင့် နိုင်ငံအတွက် အကျိုးရှိသော ခရီးသွားများဟုသတ်မှတ်သည့် အနောက်နိုင်ငံများသည် မြန်မာနိုင်ငံသို့ ခြေဦးမလှည့်ကြတော့ပေ။ ကြိုတင်စီစဉ်ခဲ့သည့် ခရီးစဉ်များကိုပင် ဖျက်သိမ်းခဲ့ကြကြောင်း ခရီးသွားလုပ်ငန်းရှင်များက ဆိုကြသည်။

၂၀၁၈ ခုနှစ် ဇွန်လအထိအရှေ့ ဥရောပနှင့် အနောက်ဥရောပနိုင်ငံများမှ ခရီးသွားတစ်သိန်းကျော်သာ ဝင်ရောက်ခဲ့ပြီး ၂၀၁၇ ခုနှစ်ယှဉ်လျှင် ၃၆ ရာခိုင်နှုန်းအထိ ကျဆင်းသွားခဲ့ကြောင်း ဟိုတယ်နှင့် ခရီးသွားလုပ်ငန်းဝန်ကြီးဌာန စာရင်းများအရ သိရသည်။

ဥရောပနှင့် အနောက်အုပ်စုနိုင်ငံများမျက်နှာလွှဲမှုကြောင့် မြန်မာခရီးသွားကဏ္ဍအတွက် အာရှနိုင်ငံများကိုသာ မျှော်လင့်ရသည်။ လက်ရှိ မြန်မာနိုင်ငံသို့ ဝင်ရောက်သည့် ခရီးသွား ၇၀ ရာခိုင်နှုန်းသည် အာရှနိုင်ငံများမှဖြစ်ပြီး ခရီးသွားကဏ္ဍ နာလန်ထဆေးကိုလည်း အရှေ့တိုင်းဆေးကိုသာ ဦးစားပေးဖော်စပ်ရန် အစိုးရက စဉ်းစားသည်။

ထို့ကြောင့် လာမည့်ပွင့်လင်းရာသီ ခရီးသွားမြှင့်တင်ရေး အစီအစဉ်အဖြစ် အာရှနိုင်ငံများအနက် ဂျပန်နိုင်ငံနှင့် တောင်ကိုးရီးယားနိုင်ငံတို့ကို ပြည်ဝင်ခွင့် ဗီဇာကင်းလွတ်ခွင့်နှင့် တရုတ်နိုင်ငံကို ဆိုက်ရောက်ဗီဇာခွင့်ပြုရန် စီစဉ်လိုက်သည်။ ၂၀၁၈ အောက်တိုဘာမှစတင်ကာ တစ်နှစ် စမ်းသပ်မည်ဖြစ်သည်။

မြန်မာ့ခရီးသွားဈေးကွက်မြှင့်တင်ရန် MMA ကမ္ဘာ့ချန်ပီယံ ကချင်တိုင်းရင်းသား အောင်လအန်ဆန်းကိုလည်း မြန်မာခရီးသွားသံတမန် ခန့်အပ်ရန်လည်း ကနဦး သဘောတူထားသည်။

မြန်မာနိုင်ငံတွင် ထင်ရှားသော ဂျပန်-မြန်မာ သရုပ်ဆောင်တစ်ဦးဖြစ်သည့် မိုရီဆာကီဝင်းကို ဂျပန်ခရီးသွားဈေးကွက် မြှင့်တင်ရေးသံတမန်အဖြစ် ခန့်အပ်ရန်လည်း အစိုးရကစီစဉ်ထားသည်။ ဩဂုတ်လ ၁၈ ရက်တွင် ခန့်အပ်လွှာပေးအပ်မည် ဖြစ်သည်။

ယင်းအချက်များကိုကြည့်လျှင် ၂၀၁၈ ခရီးသွားမြင့်မားရာသီဖြစ်သော အောက်တိုဘာ၊ နိုဝင်ဘာနှင့် ဒီဇင်ဘာတွင် ရလဒ်ကောင်းထွက်နိုင်ကြောင်း မြန်မာနိုင်ငံခရီးသွားလုပ်ငန်းရှင်များအသင်း အထွေထွေအတွင်းရေးမှူး ဦးနောင်းနောင်းဟန်က ပြောကြားသည်။

“အခုလက်ရှိ ခရီးသွားလုပ်ငန်းကျဆင်းနေတဲ့နှုန်းက ရပ်သွားပြီးတော့ တန့်သွားမယ်။ ရှေ့လျှောက်ပြန်ပြီးတော့ တက်သွားမယ်” ဟု ၎င်းကဆိုသည်။

တရုတ်၊ ဂျပန်နှင့် တောင်ကိုးရီးယားနိုင်ငံတို့သည် မြန်မာနိုင်ငံသို့ လာရောက်လည်ပတ်သည့် ထိပ်တန်းနိုင်ငံငါးခုတွင် စာရင်းပေါက်သည်။ သို့သော် ယင်းနိုင်ငံ သုံးခုကို ဗီဇာဖြေလျှော့သည့် လုပ်ငန်းစဉ်တစ်ခုတည်းဖြင့် ခရီးသွားကဏ္ဍ ထောင်မတက်နိုင်ပေ။
အခြားနိုင်ငံများကိုလည်း အလားတူ ဖြေလျှော့ရန်လိုသည်ဟု ၎င်းကဆိုသည်။

မြန်မာခရီးသွားလုပ်ငန်းသည် NLD အစိုးရလက်ထက်တာဝန်ယူသည့် ၂၀၁၆ ခုနှစ်မှ စတင်ကာဆက်တိုက်ဆိုသလို ကျလာပြီး ၂၀၁၈ ခုနှစ်တွင် သိသိသာသာကျဆင်းလာခြင်းကြောင့် ဗီဇာဖြေလျှော့ခြင်းဖြင့် ဆေးကုသရန် ခရီးသွားလုပ်ငန်းရှင်များက ဆန္ဒရှိသည်။

အပြုသဘောဆောင်သော အရွေ့များ စတွေ့နေရပြီဟု Natural Dream  Travel & Tour  ကုမ္ပဏီ၏ အုပ်ချုပ်မှုဒါရိုက်တာ ဒေါ်စံပယ်အောင်က ထောက်ခံစကားဆိုသည်။

သို့သော် အာရှမဟုတ်သော ခရီးသည်များအတွက် ဒေါ်စံပယ်အောင်တွင် မေးခွန်းရှိနေသည်။

“ဒါပေမဲ့ လက်ရှိအခြေအနေမှာ မြန်မာနိုင်ငံရဲ့ ခရီးသွားလုပ်ငန်းက အရည်အသွေးမြင့်တဲ့ခရီးသည်တွေ ဝင်ရောက်မှုက တော်တော်လေးကို ကျဆင်းနေတာပါ။ နိုင်ငံတကာမှာ အရည်အသွေးမြင့်တဲ့ ဧည့်သည်တွေက ကမ္ဘာ့အနောက်နိုင်ငံကြီး တွေပေါ့။ US လိုနိုင်ငံကြီးတွေ။ ကမ္ဘာရဲ့ အနောက်ခြမ်းက ဧည့်သည်တွေပါ။ ဒီခရီးသည်တွေအတွက် ဘယ်လိုလုပ်ပေးနိုင်မလဲ” ဟု ၎င်းကဆိုသည်။

အနောက်နိုင်ငံခရီးသွားများသည် ရက်ရှည်ကြာနေထိုင်ပြီး နေရာစုံလည်ပတ်ကြသည့် ခရီးသည်များဖြစ်သည်။ ငွေကြေး ပိုမိုသုံးစွဲကြသဖြင့် ခရီးသွားလုပ်ငန်းနှင့်ဆက်စပ်သည့် စားသောက်ဆိုင်လုပ်ငန်း၊ ဟိုတယ်လုပ်ငန်း၊ လေကြောင်းလိုင်း စသည့် ခရီးသည်သယ်ယူပို့ဆောင် ရေးလုပ်ငန်းများ ပိုမိုအလုပ်ဖြစ်သည်။

ခရီးသွားလုပ်ငန်းနှင့် ဆက်စပ်သော ဒေသန္တရ အသေးစားလုပ်ငန်းများလည်း ဝင်ငွေရသည်။ လက်ရှိလာရောက်လည်ပတ်သော ခရီးသွားများသည် အာဆီယံဒေသတွင်းနိုင်ငံများ အများဆုံး ဖြစ်သည်။

၂၀၁၇ ခုနှစ်တွင် ပြည်ပခရီးသည် သုံးသန်းခွဲခန့် မြန်မာနိုင်ငံသို့ လာရောက်ခဲ့ပြီး ခရီးသည်နှစ်သန်းကျော်သည် အပြည်ပြည်ဆိုင်ရာ နယ်စပ်ဝင်ထွက်ပေါက်များမှ လာရောက်လည်ပတ်ခြင်းဖြစ်သည်။ ခရီးသည် တစ်သန်းခွဲခန့်သည် ရန်ကုန်၊ မန္တလေးနှင့် နေပြည်တော်တို့က လေကြောင်းခရီးစဉ်မှ ဝင်ရောက်သည်။

မြန်မာနိုင်ငံသို့ လာရောက်သည့် ပြည်ပခရီးသည်တစ်ဦးသည် တစ်ရက်ပျှမ်းမျှအသုံးစရိတ် အမေရိကန်ဒေါ်လာ ၁၅၃ ဒေါ်လာခန့်သုံးစွဲသည်။ ထို့ကြောင့် ၂၀၁၇ ခုနှစ်အတွင်း မြန်မာနိုင်ငံ၏ ပြည်ပခရီးသွားကဏ္ဍဝင်ငွေသည် အမေရိကန်ဒေါ်လာ နှစ်ဘီလီယံနီးပါးရှိမည်ဖြစ်သည်။

ဂျပန်နှင့် တောင်ကိုးရီးယားတို့ကို ဗီဇာကင်းလွတ်ခွင့်၊ တရုတ်ကို ဆိုက်ရောက်ဗီဇာခွင့်ပြုလိုက်ခြင်းကြောင့် အာရှခရီးသွားများ လွယ်လွယ်ကူကူဝင်ရောက်လာနိုင်သည်။ လာမည့်ခရီးသွားရာသီတွင် အာရှနိုင်ငံများမှ ခရီးသွားများ ပိုမိုဝင်ရောက်လာမည်ဟု ခန့်မှန်းရသည်။

သို့သော် ခရီးသွားကဏ္ဍတစ်ခုလုံး ချက်ချင်းလက်ငင်း မပြောင်းလဲနိုင်ကြောင်း မြန်မာနိုင်ငံဧည့်လမ်းညွှန်အသင်း အထွေထွေအတွင်းရေးမှူး ဦးထွန်းမြတ်က ပြောကြားသည်။ ရခိုင်ပြည်နယ်အရေးအခင်းကြောင့် မြန်မာနိုင်ငံသို့ ခရီးသွားရန် အနောက်နိုင်ငံများက အားမပေးပေ။

နိုင်ငံတကာမီဒီယာကြီးများ၏ ရခိုင် ပြည်နယ်အရေးအပေါ် ချဉ်းကပ်ရေးသားမှုများကြောင့်လည်း ခရီးသွားများက မြန်မာနိုင်ငံအပေါ် အမြင်စောင်းသည်။ လာရောက်လည်ပတ်ရန်လည်း ရှောင်ကြဉ် ကြသည်။

“ချက်ချင်းကြီးကတော့ အပြောင်းအလဲဖြစ်မှာမဟုတ်ဘူးလေ။ ဒီအဖြစ်အပျက်တွေက အကြောင်းနဲ့ အကျိုးဖြစ်သွားတဲ့အခါကျတော့ ချက်ချင်းကြီးတော့ မဖြစ်နိုင်ဘူး။ နိုင်ငံရေးကိစ္စဆိုတော့” ဟု ၎င်းကဆိုသည်။

အောင်လအန်ဆန်းကို မြန်မာ့ခရီးသွားလုပ်ငန်း သံတမန်ခန့်ပြီး ခရီးသွားဈေးကွက်မြှင့်တင်မည့် အစီအစဉ်အပေါ် ၎င်းက ကြိုဆိုသည်။ အာရှနိုင်ငံများသာမက ဥရောပနိုင်ငံများကိုလည်း ဗီဇာဖြေလျှော့ပေးရန် အခြားလုပ်ငန်းရှင်များနည်းတူ ၎င်းကဆန္ဒရှိသည်။

“(အောင်လအန်ဆန်းကို ခရီးသွားသံတမန်ခန့်ဖို့က) တရားဝင်မကြေညာသေးဘူး။ တရားဝင်ကြေညာမှ အတည်ဖြစ်မှာပေါ့။ အခုလက်ရှိကတော့ စဉ်းစားထားတဲ့သဘောပါပဲ” ဟု ဟိုတယ်နှင့် ခရီးသွားညွှန်ကြားမှုဦးစီးဌာန ဒုတိယ ညွှန်ကြားရေးမှူးချုပ် ဦးမြင့်ထွေးက ဆိုသည်။

အစိုးရဝန်ကြီးဌာနဘက်ကမူ ခရီးသည် ပိုမိုဝင်ရောက်ရန် နိုင်ငံတကာနည်းတူ ဗီဇာဖြေလျှော့မှုများပြုလုပ်မည်ဖြစ်သော်လည်း ဥရောပခရီးသွားများကို ဗီဇာကင်းလွှတ်ခွင့် ပေး၊ မပေး အတိအကျ မပြောဆိုထားပေ။ သို့သော် ဆက်စပ်ဝန်ကြီးဌာနများနှင့် စတင်ဆွေးနွေးနေပြီဖြစ်ကြောင်း ဟိုတယ်နှင့် ခရီးသွားညွှန်ကြားမှုဦးစီးဌာန ဒုတိယညွှန်ကြားရေးမှူးချုပ် ဦးအောင်အေးဟန်ကဆိုသည်။

အာဆီယံတွင် ခရီးသွားလုပ်ငန်း အဖွံ့ဖြိုးဆုံးနိုင်ငံသည် ထိုင်းဖြစ်သည်။

ထိုင်းသည် ဥရောပနိုင်ငံများအပါအဝင် ပြည်ပနိုင်ငံ ၅၅ ခုကို ဗီဇာကင်းလွတ်ခွင့်ပေးထားသည်။ လွယ်လွယ်ကူကူ လာရောက်လည်ပတ်ရန် စီစဉ်ထားသဖြင့် ခရီးသွားများ ကြိတ်ကြိတ်တိုးပင်ဖြစ်သည်။

“ဘာမှမလိုဘူး။ ပတ်စ်ပို့ကိုင်ပြီး ထွက်သွားရုံပဲ။ ဒီလောက်လွယ်မှ ရမယ်လေ။ မြန်မာပြည်ကို လာလို့မရဘူး။ ကမ္ဘောဒီးယားကို လာလို့ရတယ်။ ဗီယမ်နမ်ကို လာလို့ရတယ်၊ ထိုင်းကိုလာလို့ရတယ်ဆိုရင် သူတို့ဆီသွားမှာပေါ့။ တို့ဆီ ဘယ်လာတော့မလဲ” ဟု Orchestra  Travels  ကုမ္ပဏီလီမိတက်၏ အုပ်ချုပ်မှုဒါရိုက်တာ ဦးအောင်မြတ်ကျော်က ဆိုသည်။

မြန်မာနိုင်ငံဗီဇာကြေးသည် စီးပွားရေးဗီဇာ အမေရိကန်ဒေါ်လာ ၅၀၊ ခရီးသွားဗီဇာသည် ဒေါ်လာ ၄၀ ဖြစ်သည်။ ခရီးသွားဝင်ရောက်စေလိုပါက တံခါးလွယ်ကူစွာဖွင့်ထားပေးရမည်ဖြစ်ပြီး အာဆီယံဒေသတွင်း နိုင်ငံများကဲ့သို့ ဆွဲဆောင်ရမည်ဟု ၎င်းကဆိုသည်။

ခရီးသွားလုပ်ငန်းဖွံ့ဖြိုးရေးကို ရေတို၊ ရေရှည်စီမံကိန်းများ စဉ်းစားရမည် ဖြစ်သည်။ အနောက်ကမ္ဘာခြမ်းတွင် ပုံရိပ်ကျနေသော မြန်မာနိုင်ငံ၏ အခြေအနေကို ဆယ်ယူရန်လည်း လိုမည်ဖြစ်သည်။ လက်ရှိ မြန်မာ့ခရီးသွားလုပ်ငန်းအတွက် အစိုးရက အာရုံစိုက်လာသော်လည်း လိုအပ်ချက်များ ရှိနေဆဲဖြစ်သည်။

“ကျွန်တော်တို့ Control လုပ်လို့ မရတာက ပြည်ပက လွှမ်းမိုးထားတဲ့ အချက်အလက်တွေပေါ့။ မီဒီယာနဲ့ အတိုက်ခံထားရတာ။ မြန်မာနိုင်ငံကို လူ့အခွင့် အရေးနဲ့ပတ်သက်ပြီး မသွားသင့်တဲ့နေရာအဖြစ် သတ်မှတ်ထားတာ” ဟု Diethelm Travel Myanmar  ၏ အုပ်ချုပ်မှု ဒါရိုက်တာဦးဖြိုးဝေရာဇာက ဆိုသည်။

စိန်ခေါ်မှုများပြားနေသော်လည်း တစ်ဆင့်ချင်း ဖြေရှင်းရမည်ဖြစ်ကြောင်း ၎င်းကဆိုသည်။

အထူးသဖြင့် မြန်မာနိုင်ငံနှင့် သံတမန်ဆက်ဆံရေးထူထောင်ထားသည့် အနောက်နိုင်ငံသံရုံးများတွေ့ဆုံ၍ ဗီဇာကိစ္စအပါအဝင် ခရီးသွားလုပ်ငန်းမြှင့်တင်ရေးအစီအစဉ်ကို ဆွေးနွေးသင့်ကြောင့် Natural Dream Travel & Tour  ကုမ္ပဏီ၏ အုပ်ချုပ်မှုဒါရိုက်တာ ဒေါ်စံပယ်အောင်က ဆိုသည်။

နိုင်ငံတကာခရီးသွားမီဒီယာများနှင့် ကျော်ကြားသူများကိုဖိတ်ခေါ်၍ မြန်မာနိုင်ငံ၏ ပကတိအခြေအနေကို ဖော်ထုတ်သင့်ကြောင်း ၎င်းကဆိုသည်။ နိုင်ငံတကာတွင် ထင်ကျန်နေသောပုံရိပ်ဆိုးကို ချေဖျက်ပြီး ခရီးသွားရန် ကောင်းမွန်သောနေရာတစ်ခုအဖြစ် ပုံဖော်သင့်သည်။

မြန်မာနိုင်ငံသို့ လာရောက်လည်ပတ်ရာတွင် ကုန်ကျစရိတ်စကများမြင့်တက်နေမှုကိုလျှော့ချရန် စီစဉ်ရမည် ဆိုသည်။ မြန်မာနိုင်ငံသည် အခြားနိုင်ငံများနှင့်ယှဉ်လျှင် လေယာဉ်စရိတ်၊ တည်းခိုစရိတ် ဈေးကြီးနေသေးသည်။

“ကျွန်တော်တို့ နိုင်ငံလာလည်မယ်ဆိုရင် ခုနစ်ရက်လည်မယ်ဆိုရင် တခြားနိုင်ငံမှာ နှစ်နိုင်ငံလည်လို့ရတယ်။ ဒါက ရှင်းနေတာပဲ။ ဘာလို့လည်လို့ရတာလဲ။ အသုံးစရိတ်မှာ ဘယ်လောက်ကွာနေလဲ။ လေယာဉ်ကြောင်းတွေ ကွာနေတယ်။ တည်းခိုခန်းခတွေ ကွာနေတယ်” ဟု ဦးထွန်းမြတ်က ဆိုသည်။

ယင်းသည် တိုင်းပြည်စီးပွားရေးအခြေအနေနှင့်လည်း တိုက်ရိုက်ဆက်စပ်သည်။ ကုန်ကျစရိတ်များလျှော့ချရန် ကဏ္ဍများစွာ ပြောင်းလဲရမည်ဖြစ်သည်။ လေကြောင်းလိုင်းဈေးနှုန်းများလျှော့ရန် လေယာဉ်ဆီဖြန့်ဖြူးရေးကအစ စဉ်းစားရမည်ဟု ဦးထွန်းမြတ်က ဆိုသည်။

မြန်မာနိုင်ငံတွင် လေယာဉ်ဆီဖြန့်ဖြူးရေးလုပ်ငန်းကို Puma Energy တစ်ခုထဲကသာ ဖြန့်ဖြူးခွင့်ရရှိထားပြီး ယင်းဈေးကွက်ကို ပြိုင်ဆိုင်မှုရှိလာရန် ဖွင့်ပေးသင့်ကြောင်း ခရီးသွားလုပ်ငန်းရှင်များက ဆိုသည်။ ဟိုတယ်လုပ်ငန်းတွင်လည်း အခွန်ကင်းလွတ်ခွင့်ပေး၍ ခရီသွားလုပ်ငန်းနှင့် ချိတ်ဆက်သင့်ကြောင်း ဆိုကြသည်။

သို့ဆိုလျှင် ခရီးသွားလုပ်ငန်းမြင့်မားလာရန် ပိုမျှော်လင့်ရသည်။ ခရီးသွားလုပ်ငန်းတက်လျှင် နိုင်ငံ့စီးပွားရေးပါတက်မည်ဖြစ်သည်။ မီးခိုးတိတ်စက်ရုံများဟု တင်စားပြီး ခရီးသွားကဏ္ဍကို ကမ္ဘာ့နိုင်ငံများက အလေးထားဈေးကွက်မြှင့်တင်နေချိန် မြန်မာနိုင်ငံအနေနှင့်လည်း လက်တွေ့ကျကျ ဦးစားပေးရမည် ဖြစ်သည်။

ကမ္ဘာ့ခရီးသွားလုပ်ငန်းအဖွဲ့ချုပ်၏ ခန့်မှန်းချက်အရ ၂၀၂၀ ပြည်နှစ်တွင် တစ်ကမ္ဘာလုံး၌ ခရီးသွားစုစုပေါင်း ၁ ဒသမ ၆ ဘီလီယံရှိနိုင်မည်ဟု ခန့်မှန်းသည်။ ၎င်းတို့အနက် အာရှနိုင်ငံများသို့ ခရီးသွား ၁၂၃ သန်းလာမည်ဟု ခန့်မှန်းသည်။

ဧရာမဈေးကွက်ပင်ဖြစ်သည်။

အရှေ့တောင်အာရှနိုင်ငံတစ်ခုဖြစ်သည့် မြန်မာနိုင်ငံသည် ယင်းအခွင့်အရေးကို ဖမ်းဆုပ်နိုင်ရန်လိုသည်။ သို့သော် ငွေရှာဖို့အတွက်သာမက ခရီးသည်တို့၏ လိုအပ်ချက်ကိုပါ စဉ်းစားရမည်ဟု ဒေါ်အောင်ဆန်းစုကြည့်က ယခုကဲ့သို့ ပြောကြားခဲ့သည်။

“ပိုက်ဆံရှာနိုင်တဲ့ အခွင့်အရေးတစ်ခုလို့ပဲ စဉ်းစားလို့မဖြစ်ပါဘူး။ ကျွန်မတို့လိုပဲ လူသားတွေ၊ ကျွန်မတို့လိုပဲ ပျော်ရွှင်ချင်တယ်။ ချမ်းမြေ့ချင်တယ်။ ခဏတာ အလည်အပတ်လာတဲ့အခါကျရင် စိတ်အေးလက်အေးနဲ့ မြင်ချင်တွေ့ချင်တာတွေကို မြင်တွေ့ရဖို့ အခွင့်အရေးလေးတွေ ရချင်တယ်ဆိုတဲ့ စိတ်တွေနည်းလာကြတာ။ ဒီဆန္ဒတွေကို ဖြည့်ဆည်းပေးမယ်ဆိုရင်နော် ကမ္ဘာလှည့်ခရီးသည်တွေ ပိုမိုပြီးတော့ လာကြမှာဖြစ်ပါတယ်” 

နိုင်လင်းအောင်

You may also like...

Leave a Reply

Your email address will not be published. Required fields are marked *