အကျပ်ရိုက်နေသော Samsung ဖုန်း နိုင်ငံတော်

Photo by wsj

iPhone ကိုပင် ကျော်တက်ခဲ့သော Samsung Electronics သည် တရုတ်ပြိုင်ဘက်များ မီလာသဖြင့် တီထွင်ဖန်တီးမှုအရှိန် ကြိုးစားမြှင့်တင်နေရသည်။

တရုတ်နိုင်ငံ ရှန်ဇန်းအခြေစိုက်  Huawei နည်းပညာကုမ္ပဏီသည် ကမ္ဘာ့ဒုတိယအကြီးဆုံး Smart Phone ထုတ်လုပ်သူနေရာသို့ ယခုနှစ် ဒုတိယသုံးလပတ်တွင် ရောက်လာသည်ဟု ဟောင်ကောင်အခြေစိုက် Counterpoint Technology Market Research သုတေသနလုပ်ငန်းက ဆိုသည်။ ဒုတိယနေရာမှ  Apple သည် တတိယနေရာသို့ ဆင်းပေးလိုက်ရသည်။

Samsung သည် တစ်ကမ္ဘာလုံးဆိုင်ရာ Smart Phone ဈေးကွက်သို့ တင်ပို့မှု ၂၀ ရာခိုင်နှုန်းဖြင့် ဦးဆောင်ထား ဆဲဖြစ်သော်လည်း တရုတ်တွင်မူ သူ့ ဈေးကွက်ဝေစုသည် အငွေ့ပျံနေပြီ။ ဒုတိယသုံးလပတ်တွင် တရုတ်ဈေးကွက်၏  ၁ ရာခိုင်နှုန်းသာ ရသည်။ ဇွန်လအထိ  ဒုတိယသုံးလပတ်တွင် Huawei ၊ Oppo ၊ Vivo နှင့် Xiaomi တရုတ်ဖုန်း အမှတ်တံဆိပ်လေးခုတို့က ယင်းတို့အမိမြေတွင်  ဈေးကွက်ဝေစု စုစုပေါင်း ၇၆ ရာခိုင်နှုန်း ရထားသည်။ Apple သည် ၉ ရာခိုင်နှုန်း  ဈေးကွက်ဝေစု ရထားသည်။ Samsung သည် Smart Phone တွင် ကမ္ဘာ့အကြီးဆုံးဈေးကွက်ဖြစ်သော တရုတ်နိုင်ငံဈေးကွက်တွင် လွန်ခဲ့သောငါးနှစ် ၂၀၁၃ က ဈေးကွက်ဝေစု ငါးပုံတစ်ပုံ၊ ၂၀ ရာခိုင်နှုန်းဖြင့် နံပါတ်တစ်။ Samsung သည် တရုတ်ဈေးကွက်တွင်း အကျမြန်လှသည်။

Samsung သည် ကုန်အမှတ် တံဆိပ်ဂုဏ်သတင်းတန်ဖိုးတွင်မူ   Interbrand ၏ Best Global Brands စစ်တမ်း ၂၀၁၇ အရ ဒေါ်လာ ၅၆.၂ ဘီလီယံဖြင့် နံပါတ် ၆ နေရာတွင် ရပ်တည်နေသည်။  အဓိကမှာ Galaxy ဖုန်း၏ ဂုဏ်သတင်းကြောင့်။ Apple သည် ထိပ်ဆုံးတွင် ဒေါ်လာ ၁၈၄ ဒသမ ၂ ဘီလီယံဖြင့်  ထိပ်ဆုံး Brand ဖြစ်သည်။ သူ့နောက်တွင် Google က ဒေါ်လာ ၁၄၁ ဒသမ ၇ ဘီလီယံဖြင့် လိုက်နေသည်။

ဖုန်း Screen ပါ ခေါက်နိုင်သည့် ပထမဆုံးဖုန်းကို ပြိုင်ဘက် Samsung  ထက်  အရင်ထုတ်လုပ်ရန် ကြိုးစားနေသည့်  Huawei  ကြောင့် Samsung စိတ်ပူကာ အလောတကြီးဖြစ်နေသည်ဟု ဖုန်းနည်းပညာပိုင်း ကျွမ်းကျင်သူ အသိုင်းအဝိုင်းက ဆိုသည်။ Samsung သည် တရုတ်နိုင်ငံတွင်း ရောင်းအားအကျကို ထေမိအောင်  ဖုန်းထုတ်လုပ်မှုကို ဖြတ်တောက်လျှော့ချသည်။

Samsung ဝဋ်လည်ခြင်းဖြစ်သည်။  ယခင်က Samsung သည် Apple ကို နောက်မှလိုက်ပြီး တဖြည်းဖြည်းချင်း ကျော်တက်ခဲ့သည်။ ယခုမူ Samsung သည်  Huawei နောက်မှလိုက်လာသည့် ခြေသံကို ကြားနေရသည်။ Huawei က Samsung  ကို လာမည့်နှစ်မကုန်မီ ကျော်တက်မည်ဟု ကြုံးဝါးနေသည်။

အိန္ဒိယတွင် Samsung သည်  တရုတ် Xiaomi ကျော်တက်ခြင်းကို  ၂၀၁၇ နောက်ဆုံးသုံးလပတ်တွင် ခံလိုက်ရသော်လည်း ထိပ်ဆုံးနေရာကို နောက်ခြောက်လအကြာတွင် ပြန်အရယူလိုက်သည်။ ဧပြီ-ဇွန်ကာလတွင် Samsung  သည် အိန္ဒိယ Smart Phone ဈေးကွက်တွင် Xiaomi ၏ ၂၈ ရာခိုင်နှုန်းထက်  ယောင်ယောင်လေးသာပြီး ၂၉ ရာခိုင်နှုန်း ရထားသည်။

“တရုတ် Smart Phone  တံဆိပ်တွေ များတဲ့အတွက် Samsung က ပြိုင်ဘက် တရုတ်ကုမ္ပဏီ တစ်ခုချင်းအတွက် မဟာဗျူဟာတစ်ခုစီ ချနေရတယ်။ လုပ်ရ တော်တော်ကျပ်တယ်” ဟု Samsung အမှုဆောင်အရာရှိတစ်ဦးက ဆိုသည်။ “တကယ့်အန္တရာယ်ပဲ” ဟု ထိုအရာရှိကပင် ဆိုသည်။

လွန်ခဲ့သော ဆယ်စုနှစ်အတွင်းတွင်  Samsung သည် Smart Phone ဈေးကွက်ကို Apple နှင့်အတူ ပုံဖော်ခဲ့သည်။ Samsung သည် Apple ကို  ပုံတူကူးနေသည်ဟု Apple တည်ထောင်သူ Steve Jobs က ၂၀၁၁ တွင် စွပ်စွဲပြီး  Apple က Samsung ကို တရားစွဲသော်လည်း Samsung သည် ဖုန်းတွင် သူ့ ကိုယ်ပိုင်ဒီဇိုင်းနှင့် လုပ်ဆောင်ချက်များကို အောင်မြင်စွာ ဖန်တီးနိုင်ခဲ့သည်။ နှစ်များစွာ ကြာခဲ့သော သူတို့၏ ဥပဒေအကြောင်း အငြင်းပွားမှုကို Samsung နှင့် Apple သည် ယခုနှစ်ဇွန်တွင် အဆုံးသတ်ခဲ့သည်။

Smart Phone တွင် Samsung ၏ အောင်မြင်မှုများသည် ကုမ္ပဏီ၏ ‘ထုတ်လုပ်သူ စိတ်ဓာတ်’ ကြောင့်ဟု ဦးဆောင်သူအရာရှိများက ပြောကြသည်။ Samsung သည် သူ့ဖုန်းများကို ‘ကိုယ်တိုင် ဒီဇိုင်းထုတ်၊ ကိုယ်တိုင်ထုတ်လုပ်’ သည်။ Apple သည် သူ၏ iPhone များကို ဒီဇိုင်းသာထုတ်သည်၊ အခြားသူများကို  နေရာအနှံ့တွင် ထုတ်လုပ်ခိုင်းသည်။ Samsung သည် iPhone နှင့် ကွာခြားချက်နောက်တစ်ချက် ရှိသေးသည်။  Samsung သည် ဈေးအမြင့်ဖုန်းမှသည်  အလယ်အလတ်နှင့် ဈေးအနိမ့်ထိ မျိုးစုံ   ထုတ်ရောင်းသည်။ ထုတ်လုပ်ရေးအခြေခံအားကောင်းခြင်းနှင့်  ဝယ်ယူသူအကြောင်း ကောင်းစွာနားလည်ခြင်းတို့ကြောင့်  Samsung သည် Apple ထက်ပင်  အဆင့်မြင့်သော လက်ကိုင်ဖုန်းများ ရှိလာသည်။

Samsung သည် တောင်ကိုရီးယား စီးပွားရေးအောင်မြင်မှု၏ ကိုယ်စားလှယ်တော်လည်း ဖြစ်သည်။ Samsung  ချော်လဲလျှင် တောင်ကိုရီးယား စီးပွားရေး ပြိုမည်။ Samsung သည် ၂၀၁၇ တွင် အခွန် ဒေါ်လာ ၁၂ ဒသမ ၄ ဘီလီယံ ပေးဆောင်သည်။ (မြန်မာနိုင်ငံ၏ ၂၀၁၆ ဝင်ငွေသည် ဒေါ်လာ ၆၇ ဒသမ ၄၃ ဘီလီယံ ဖြစ်သည်။) တောင်ကိုရီးယားတစ်နိုင်ငံလုံး ပေးဆောင်သော လုပ်ငန်းခွန်၏ လေးပုံတစ်ပုံခန့်၊ ၂၃ ဒသမ ၆ရာခိုင်နှုန်း။

ကမ္ဘာ့ Smart Phone ဈေးကွက်ကို မင်းမူထားသည့် Samsung တရုတ်ဖုန်းများ၏ စိန်ခေါ်မှုကို မည်မျှတောင့်ခံ နိုင်မည်နည်း။

Ref: Nikkei Asia Review : An Empire in Crisis

ဝိဇ္ဇာ

You may also like...

Leave a Reply

Your email address will not be published. Required fields are marked *