မြန်မာတို့သတိထားရမည့် နှစ်နှစ်ဆယ်ကြာ ကုန်သွယ်ရေးစစ်ပွဲနှင့် စီးပွားရေးစနစ်သစ်

နာမည်ကျော် Alibaba ကုမ္ပဏီတည်ထောင်သူ ဒေါ်လာသန်းထောင်ချီချမ်းသာသည့် Jack Ma က အမေရိကန် တရုတ်ကုန်သွယ်ရေးစစ်ပွဲသည် ခဏနှင့်မပြီး နှစ် ၂၀ ကြာနိုင်သည်ဟု တရုတ်နိုင်ငံတွင်ကျင်းပသော World Economic Forum တွင် လွန်ခဲ့သော တစ်ရက်နှစ်ရက်က ပြောလိုက်သည်။ Jack Ma  စကားကို ဆွဲဆန့်ကြည့်ပြီး လက်ရှိ အမေရိကန် တရုတ်ကုန်သွယ်ရေးစစ်ပွဲ၏ ကနဦးရလဒ်များကို ကြည့်လိုက်လျှင် ထိုစစ်ပွဲသည် ကမ္ဘာ့စီးပွားရေး စနစ်ကိုပါ အသစ်ပြန်လည်ရေးဆွဲပြဋ္ဌာန်းလိမ့်မည်။ မြန်မာနိုင်ငံအနေနှင့်လည်း ထိုစစ်ပွဲကြောင့် ခံစားရမည့် အဆိုးအကောင်းတို့ကို ကြိုတင်ပြင်ဆင် ထားရလိမ့်မည်။

စီးပွားရေးအခြေအနေမကောင်း၊  အကြာကြီး ကြာသွားနိုင်သည်ဟုလည်း Jack Ma က ထည့်သွင်းပြောကြားသွားသေးသည်။ Jack Ma ၏ ကုမ္ပဏီသည်  အမေရိကန်၊ တရုတ် နှစ်နိုင်ငံလုံးနှင့်  ပတ်သက်ဆက်နွှယ်နေပြီး Jack Ma သည်  တရုတ်အစိုးရနှင့် တရုတ်စီးပွားရေး အကြောင်း ကောင်းကောင်းသိသူဖြစ်သဖြင့် သူ့စကားကို တလေးတစား သတိထားရမည်။ ကမ္ဘာအရပ်ရပ်မှ လေ့လာသုံးသပ် သူ အများအပြားကလည်း ကုန်သွယ်ရေး စစ်ပွဲသည် အစသာ ရှိသေးသည်ဟုပြော ဆိုကြသည်။

ဒေါ်လာ ၂၀၀ ဘီလီယံဖိုးရှိ တရုတ်  ထုတ်ကုန်များကို စက်တင်ဘာ ၂၄ ရက်နေ့ မှစပြီး အကောက်ခွန်ကောက်မည့်စာရင်းထဲသို့ အမေရိကန်ကထည့်သွင်းအပြီးတွင်  တရုတ်က လက်စားချေသည့်အနေနှင့်  အမေရိကန်ဒေါ်လာ ၆၀ ဘီလီယံဖိုးရှိ  အမေရိကန်ထုတ်ကုန်များကို အကောက် ခွန်ကောက်မည့်စာရင်းထဲသို့ အင်္ဂါနေ့က  ထည့်သွင်းလိုက်သည်။

ထိုသို့ ပါးကိုက်လျှင် နားပြန်ကိုက် မည့် လုပ်ရပ်များကြောင့် ကုန်သွယ်ရေး စစ်ပွဲသည် အရှိန်ပိုမြင့်လာမည်ဟု တရုတ်ရာ အမေရိကန်များကပါ စိုးရိမ်ကြသည်။  တရုတ်ပြည်တွင်းတွင် လုပ်ကိုင်နေသော  အမေရိကန်ကုမ္ပဏီများကို တရုတ်အစိုးရ က ဖိအားပေးလာနိုင်သည်။ တရုတ်အစိုးရ သည် အမေရိကန်ကုန်များကို အကောက်ခွန်  ကောက်ရာတွင် အမေရိကန်ကွန်ဂရက် ရွေးကောက်ပွဲများ နီးချိန်ဖြစ်သည့်အတွက်  အမေရိကန်လယ်သမားများကို ပစ်မှတ် ထားပြီး ရွေးကောက်ပွဲဖြင့် ဖိအားပေးရန် ကြိုးစားပါက လက်တုံ့ပြန်မည်ဟု သမ္မတ  Trump က ခြိမ်းခြောက်သည်။ အမေရိကန်  သမ္မတရွေးကောက်ပွဲတွင် Trump ကို  မဲပေးသူ အများအပြားမှာ လယ်ယာ စိုက်ပျိုးရေးထုတ်ကုန်များထွက်ရှိရာ  ပြည်နယ်များမှ ဖြစ်သည်။

အမေရိကန် တရုတ်ကုန်သွယ်ရေး  စစ်ပွဲသည် လက်ရှိအမေရိကန်သမ္မတ  Donald Trump က စလိုက်သော်လည်း  နောင်တက်မည့် သမ္မတများသည် ယခု စစ်ပွဲကို အမွေဆက်ခံသွားဖွယ်ရှိသည်။  အကောက်ခွန်ကောက်ခြင်းသည်  Donald Trump ထွင်လိုက်ခြင်းဖြစ်သော်လည်း  တရုတ်၏ အသိဥာဏ်ပစ္စည်းခိုးယူသည့် အကျင့်၊ အမေရိကန်ကုမ္ပဏီများ၏ နည်း ပညာလွှဲပြောင်းရန် အတင်းဖိအားပေးခြင်းတို့သည် အမေရိကန်ကုမ္ပဏီများ၏ အနာဂတ်တွင် ပြိုင်ဆိုင်နိုင်စွမ်း၊ ရပ်တည် နိုင်စွမ်းကို များစွာထိခိုက်သည်ဟု Donald Trump ၏ Republican Party ဝင်များကရော  ပြိုင်ဘက် Democratic Party ဝင်များကရော ကျယ်ကျယ်ပြန့်ပြန့် လက်ခံထားကြသည်။ ယခင် သမ္မတ အိုဘားမားသည် အသိဥာဏ်ပစ္စည်း ခိုးယူ မရအောင် ကာကွယ်ရာတွင် တရုတ်၏အားနည်းချက်များနှင့် တရုတ်၏ နိုင်ငံပိုင် လုပ်ငန်းများကို ၂၀၁၄ တွင် ဝေဖန်ပြောကြားခဲ့ဖူးသည်။  အကောက်ခွန်ကောက် ခြင်းသည် ကုန်သွယ်ရေးစစ်ပွဲတွင် သုံးသင့် သော လက်နက်မဟုတ်ဟု အမေရိကန်ကုန်သည်ကြီးများအသင်းက ဆိုသော် လည်း လက်ရှိအမေရိကန်အစိုးရပြောင်းသွားလျှင်ပင် တရုတ်နှင့် အမေရိကန် စီးပွားရေးဆက်ဆံရေး ခံစားချက်များ ပြောင်းသွားမည်မဟုတ်ပါ။  အတိုချုပ် ပြောရလျှင် အမေရိကန်တရုတ် စီးပွားရေး အငြင်းပွားမှုသည် Donald Trump အရင်ဖြစ်ခဲ့ပြီး သူဆင်းသွားချိန် တွင်လည်း ဆက်လက်ဖြစ်ပေါ်နေမည်။ အမေရိကန် သည် ကမ္ဘာ့စီးပွားရေးစနစ်ကို  ရေးဆွဲ ပြဋ္ဌာန်းခဲ့ပြီး တရုတ်သည် ကမ္ဘာ့စီးပွားရေး စနစ်အပေါ် လွှမ်းမိုးလာသည့်အတွက် ထိုနှစ်နိုင်ငံ စီးပွားဆက်ဆံရေးပြောင်းလျှင် ကမ္ဘာ့စီးပွားရေးသည် စနစ်သစ်တစ်ခု ဆီသို့ ဦးတည်သွားမည်။

“အမေရိကန် နှာချေလျှင် ကမ္ဘာကြီး  အအေးမိသည်” ဟု ယခင်က အဆိုရှိခဲ့သည်။ အမေရိကန်၏ စီးပွားရေးသည်ကြီးမားပြီး တစ်ကမ္ဘာလုံးနှင့် ပတ်သက်နေသဖြင့် သူ့စီးပွားရေး အနည်းငယ်ထိလျှင်ပင် ကမ္ဘာ့စီးပွားရေးထိမည်။ တရုတ်စီးပွားရေး တောင့်တင်းပြီး ဒုတိယအကြီးဆုံး ကမ္ဘာ့စီးပွားရေး ဖြစ်လာသည့်အခါတွင်   ထိုစကားကိုပင်အနည်းငယ်လှည့်ပြီး ပြောကြသည်။ “တရုတ် နှာချေလျှင်  ကမ္ဘာကြီး အအေးမိမည်။”  အမေရိကန်  တရုတ် ကုန်သွယ်ရေးစစ်ပွဲတွင် အနိုင်ရမည့်သူ မည်သူမှန်း မပြောနိုင်သော်လည်း  နှစ်နိုင်ငံလုံး အနည်းနှင့်အများ ထိခိုက်မည်။ နှစ်နိုင်ငံလုံး ပြိုင်တူနှာချေလျှင် တစ်ကမ္ဘာလုံး ဘယ်လိုဖြစ်မလဲ။ အိပ်ရာပေါ် လဲလေမလား။

အမေရိကန်နှင့် တရုတ်ကုန်သွယ်ရေး  စစ်ပွဲသည် တင်းမာမှုမြင့်လာပြီး ယခင်  ဆိုဗီယက်ခေတ်က စစ်အေး Cold War အသွင်ပြောင်းသွားမည်လားဟူသော  စိုးရိမ်စိတ်များ ပေါ်လာကြသည်ကိုလည်း တွေ့ရသည်။ ဆိုဗီယက်နှင့် အမေရိကန် ပြည်ထောင်စု၏ ပတ်သက်ဆက်နွှယ်ပုံနှင့်  တရုတ်နှင့် အမေရိကန်ဆက်နွှယ် ပတ်သက်ပုံမှာ ကွဲပြားခြားနားသည်။ တရုတ်နှင့် အမေရိကန်သည် ခွဲမရအောင် တွဲဆက် သည်။ တရုတ်နှင့် အမေရိကန် ပစ္စည်း အပြန်အလှန်ရောင်းသည်။ တရုတ်လုပ်ငန်း များ အမေရိကန်တွင် လုပ်ငန်းလုပ်ကြ သည်၊ အမေရိကန်ကုမ္ပဏီများသည် တရုတ် တွင် လုပ်ငန်းလုပ်ကြသည်။

တရုတ်-အမေရိကန် ကုန်သွယ်ရေး စစ်သည် ယခုပုံအတိုင်းဆိုလျှင် ကြာရှည် သွားနိုင်သည့်အတွက် မြန်မာကဲ့သို့ တတိယ နိုင်ငံများ၊ ကြားနိုင်ငံများသည် စနစ်တကျ  တွက်ချက်ပြင်ဆင်ထားချိန် ရောက်ပါပြီ။

ဝိဇ္ဇာ

You may also like...

Leave a Reply

Your email address will not be published. Required fields are marked *