ရွှေနှင့်လက်ဝတ်ရတနာ တင်ပို့၊ တင်သွင်းခြင်းလုပ်ငန်းစဉ် One Stop စင်တာ ဖွင့်မည်

ရန်ကုန်၊စက်တင်ဘာ၂၁

ရွှေ၊ ရွှေဖြင့်ပြုလုပ်သော လက်ဝတ်ရတနာများနှင့် အသုံးအဆောင်ပစ္စည်းများ ပြည်ပသို့တင်ပို့ခြင်း၊ ပြည်ပမှ တင်သွင်းခြင်းတို့ကို တစ်နေရာတည်းတွင် အပြီးအစီးဆောင်ရွက်နိုင်မည့်One Stop Services Center ဖွင့်လှစ်ရန် စီစဉ်လျက်ရှိကြောင်း မြန်မာနိုင်ငံ ရွှေလုပ်ငန်းရှင်များအသင်း တာဝန်ရှိသူဦးအုန်းမြိုင်က ပြောကြားသည်။

အဆိုပါစင်တာကို ပြည်သူ့ဥယျာဉ် အတွင်းရှိ Myanmar Culture Valley တွင်စက်တင်ဘာလ၂၄ရက်၌ ဖွင့်လှစ် ရန် စီစဉ်လျက်ရှိကြောင်း ၎င်းကဆိုသည်။

သို့သော်လည်း အဆိုပါကိစ္စအတွက် ရန်ကုန်မြို့တော် စည်ပင်သာယာရေး ကော်မတီ ပန်းဥယျာဉ်ဌာနနှင့် Natural World အကြားချုပ်ဆိုထားသည့် စာချုပ်တွင် အဆိုပါသဘောတူညီချက်မပါဝင်သောကြောင့် ဆက်လက်ညှိနှိုင်း လျက်ရှိသည်။

ထို့ကြောင့်အဆိုပါ One Stop Services Center ကို Myanmar Culture Valley တွင် ဖွင့်လှစ်ခွင့်ရရေး မြန်မာနိုင်ငံ ရွှေလုပ်ငန်းရှင်များအသင်းနှင့် ရန်ကုန်တိုင်းဒေသကြီး အစိုးရကြား စက်တင်ဘာလ၂၁ရက်ညနေပိုင်းတွင် တွေ့ဆုံညှိနှိုင်းလျက်ရှိသည်။

“အန်ကယ်လ်တို့အခုရန်ကုန်တိုင်း အစိုးရရုံးရောက်နေပါတယ်” ဟုမြန်မာနိုင်ငံ ရွှေလုပ်ငန်းရှင်များအသင်းအတွင်း ရေးမှူးဦးကျော်ဝင်းကလည်း အတည်ပြု သည်။

ခေတ်အဆက်ဆက်တွင်ပြည်ပသို့ တင်ပို့ခွင့်၊ ပြည်ပမှ တင်သွင်းခွင့် ပိတ်ပင် ထားသည့်ရွှေ၊ ရွှေနှင့်ပြုလုပ်သော လက်ဝတ်ရတနာများကို NLD အစိုးရလက်ထက်၂၀၁၈ခုနှစ်၊ ဇန်နဝါရီလ၂၂ရက်မှ စတင်ကာ တရားဝင်ကုန်သွယ်ရန် ပြန်လည်ခွင့်ပြုလိုက်သည်။

သို့သော်လည်းလက်ရှိအချိန်အထိ နယ်စပ်မှတစ်ဆင့် ရွှေကိုပြည်ပသို့တရားမဝင်တင်ပို့ခြင်းများ ရှိသော်လည်းတရားဝင်တင်ပို့ခြင်းမှာမူ မရှိသေးကြောင်း တိတ်စိန် ရတနာရွှေဆိုင်ပိုင်ရှင် ကိုဇော်အောင်က ပြောကြားသည်။

ထို့အတူတရားဝင်တင်သွင်းခြင်း၊ တင်ပို့ခြင်းပြုလုပ်ရန်အတွက် လက်ရှိအခြေ အနေတွင် ရွှေဈေးများမြင့်တက်နေသောကြောင့် အခက်အခဲရှိသည် ဟု၎င်းကရှင်းပြသည်။

ကမ္ဘာ့ရွှေဈေးတစ်အောင်စလျှင် အမေရိကန်ဒေါ်လာ ၁၂၀၀ဝန်းကျင်တွင် ဈေးငြိမ်လျက်ရှိသော်လည်း စက်တင်ဘာလ၂၁ရက်တွင် မြန်မာ့အခေါက်ရွှေ တစ်ကျပ်သားလျှင် ၁,၀၄၅,၀၀၀ ကျပ် အထိစံချိန်တင်မြင့်တက်လာခဲ့ခြင်းဖြစ်သည်။

ရွှေ၊ ရွှေနှင့်လက်ဝက်ရတနာများကို ပြည်ပသို့ တင်ပို့ခွင့်ရရှိရေးအတွက် ပြီးခဲ့ သည့် သမ္မတဦးသိန်းစိန်အစိုးရလက်ထက်ကပင် ရွှေလုပ်ငန်းရှင်များက တောင်းဆိုခဲ့ကြခြင်းဖြစ်သည်။

You may also like...

Leave a Reply

Your email address will not be published. Required fields are marked *