လက်ပံတန်းကျောင်းသားသပိတ် အမှုလိုက်ပေးသည့် ရှေ့နေကို ထောင်ခြောက်လချ

ရန်ကုန်၊ စက်တင်ဘာ၂၈

လက်ပံတန်းကျောင်းသားသပိတ်တွင် ကျောင်းသားများဘက်က အမှုလိုက်ပေးခဲ့သည့် ရှေ့နေဒေါ်ခင်ခင်ကျော်ကို အလုပ်မဲ့ထောင်ဒဏ်ခြောက်လချမှတ်လိုက်ကြောင်း နိုင်ငံရေး အကျဉ်းသားဟောင်းများအဖွဲ့သို့ ဦးထွန်းကြည်က ပြောကြားသည်။

၂၀၁၅ ခုနှစ် လက်ပံတန်းကျောင်းသားသပိတ်တွင် ကျောင်းသားများဘက်က ရပ်တည်ကာ ရဲများကို တရားပြန်လည်စွဲဆိုခဲ့သည့် ဒေါ်ခင်ခင်ကျော်ကို တရားရုံးမထီမဲ့မြင်ပြုမှုဖြင့် အမြင့်ဆုံးပြစ်ဒဏ် ဖြစ်သည့် အလုပ်မဲ့ထောင်ဒဏ်ခြောက်လကို စက်တင်ဘာလ ၂၈ရက်နေ့က ချမှတ်လိုက်ကြောင်း ၎င်းက ဆိုသည်။

ဒေါ်ခင်ခင်ကျော် တရားစွဲသည့်လျှောက်လွှာတွင် ဒုရဲမှူးနန္ဒာဝင်းကို ဒုရဲမှူးကြီးနန္ဒာဝင်းဟု ပြင်ဆင်ပေးရန် ရှေ့နေဒေါ်ခင်ခင်ကျော်က လျှောက်ထားခဲ့ရာတွင် တရားသူကြီးက လက်မခံဘဲ အမိန့်ချခဲ့သဖြင့် တရားသူကြီးနှင့် ရှေ့နေဒေါ်ခင်ခင်ကျော်တို့ အချေအတင်ငြင်းခုန်မှုဖြစ်ပွားခဲ့ခြင်း ဖြစ်သည်။

လူ့အခွင့်အရေးအမှုများကို လိုက်ပါဆောင်ရွက်ပေးနေသည့် ရှေနေ့ ဒေါ်ခင်ခင်ကျော်အပြင် ဝိုင်းရံသူ ကိုသန်းထိုက်ကို ရာဇသတ်ကြီးပုဒ်မ ၂၂၈ (တရားစီရင်နေသော ပြည်သူ့ဝန်ထမ်းကို စော်ကားခြင်း၊ ဝတ္တရားနှောင့်ယှက်ခြင်း) ဖြင့် မင်းလှမြို့နယ်တရားရုံးက ထောင်ဒဏ်ခြောက်လ ချမှတ်လိုက်ကြောင်း ဦးထွန်းကြည်က ပြောကြားသည်။

“တရားစီရင်ရေးဘယ်လောက်တိမ်းစောင်းနေပြီလဲဆိုတာကို ဒီအမှုက သက်သေပြလိုက်တာပဲ။ အခုလို ပြစ်ဒဏ်ချမှတ်တာကို ပြင်းပြင်းထန်ထန်ရှုတ်ချပါတယ်”ဟု ၎င်းပြောဆိုသည်။

မင်းလှမြို့နယ်တရားရုံးက ရှေ့နေ ဒေါ်ခင်ခင်ကျော်နှင့် ကိုသန်းထိုက်ကို ပုဒ်မ ၂၂၈ ဖြင့် တရားစွဲဆိုခဲ့ခြင်းဖြစ်သည်။ မင်းလှမြို့နယ် တရားရုံးတွင် တရားရင်ဆိုင်ပြီး သုံးနှစ်အကြာတွင် ၎င်းတို့နှစ်ဦးအမှုကို တရားရုံးက ထောင်ဒဏ်ခြောက်လအမိန့်ချမှတ်လိုက်ခြင်း ဖြစ်သည်။

You may also like...

Leave a Reply

Your email address will not be published. Required fields are marked *