သွေးလှူမယ့်သူတွေ ကျန်းမာရေးအတွက် သတိပြုရမယ့် အချက်ငါးချက်

လူ့အသက်တွေကို ကယ်ဖို့ သွေးလှူရှင်တွေကလည်း အရေးကြီးပါတယ်။ သူတစ်ပါးအသက်ဆက်ဖို့ သွေးနဲ့ အသက်ကယ်မယ့်သူတွေ ဖြစ်တာကြောင့် သွေးလှူရှင်တွေကိုယ်တိုင်ကလည်း ကျန်းမာနေဖို့ လိုပါတယ်။ သွေးလှူရှင်တွေအနေနဲ့ ကျန်းမာရေးအတွက် သတိပြု ဆင်ခြင်နေထိုင်သင့်တဲ့ အချက်ငါးချက်ကို ဖော်ပြပေးလိုက်ပါတယ်။

ရေသောက်ပါ

သွေးမလှူခင် သွေးလှူရှင်အနေနဲ့ ရေတစ်လီတာကို သောက်ပါ။ ရေမသောက်ချင်ရင် အရက်မဟုတ်တဲ့ အချိုရည်တွေလည်း သောက်နိုင်ပါတယ်။ သွေးလှူပြီးတဲ့အခါမှာလည်း ကုန်ဆုံးသွားတဲ့သွေး ပြန်ဖြည့်နိုင်စေဖို့ ရေဓာတ်ပြည့်ဝအောင် ရေများများသောက်ပေးပါ။ သွေးမလှူခင် တစ်ရက်အတွင်း အရက်သောက်ခြင်းကို ရှောင်ပါ။ အကယ်၍ အရက်သောက်မိခဲ့ရင် ရေကို လိုတာထက် ပိုသောက်ဖို့ လိုပါတယ်။

အဆီများအစားအစာတွေ ရှောင်ပါ

အဆီများလွန်းတဲ့ အစားအစာတွေကို သွေးမလှူခင် သတိထားပြီး စားသင့်ပါတယ်။ အထူးသဖြင့် ဟမ်ဘာဂါ၊ ဆီကြော်အမျိုးမျိုး၊ အဆီများအစားအစာတွေနဲ့ ရေခဲမုန့်စတာတွေကို မစားသင့်ပါဘူး ။ သွေးလှူတဲ့အခါ အဆီကြောင့် သွေးခဲနေတာမျိုး ဖြစ်တတ်ပါတယ်။ အခြားရှောင်ရမယ့် အစားအစာတွေကတော့ ကော်ဖီနဲ့ လက်ဖက်ရည်၊ ဝိုင်နီနဲ့ ချောကလက် စတာတွေဖြစ်ပါတယ်။ သွေးလှူပြီးတဲ့အခါ ကုန်သွားတဲ့ သွေးအားတွေ ပြန်ဖြည့်ဖို့ အစားစားပါ။ အဓိကအားဖြင့် သံဓာတ်အားပြန်ဖြည့်ပေးနိုင်မယ့် အစားအစာတွေ စားပါ။ အမဲသား၊ သိုးသား၊ ကြက်သား၊ ဝက်သား၊ အသားခြောက်များ၊ ငါးအမျိုးမျိုး၊ ပင်လယ်စာ များနဲ့ အသည်းကဲ့သို့ ဝက်အသည်း၊ ကြက်အသည်း စတာတွေ စားသင့်ပါတယ်။ ဥတွေကိုလည်း စားနိုင်ပါတယ်။ အသားငါးတွေအပြင် အာလူး၊ ကန်စွန်းဥ၊ ပဲအမျိုးမျိုး၊ ဘရိုကိုလီ၊ ကိုက်လံစတဲ့ ဟင်းသီးဟင်းရွက်တွေကို သွေးအားကောင်းစေဖို့ စားပေးပါ။ စတော်ဘယ်ရီ၊ ဖရဲသီးစတဲ့ အရည်ရွှမ်းသီးနှံတွေကို စားသုံးပါ။ ဗီတာမင်စီကြွယ်ဝတဲ့ ကီဝီသီး၊ သရက်သီး၊ သင်္ဘောသီး၊ နာနတ်သီးစတာတွေကိုလည်း သွေးလှူရှင်တွေအနေနဲ့ စားသုံးသင့်ပါတယ်။

စိတ်ဖိစီးမှုမရှိအောင် နေပါ

သွေးလှူရှင်တစ်ယောက်အနေနဲ့ အိပ်ရေးဝအောင် အိပ်မယ်ဆိုရင် စိတ်ဖိစီးမှုအဖြစ်အောင် အတတ်နိုင်ဆုံး နေနိုင်မှာဖြစ်ပါတယ်။ အိပ်ရေးမ၀ရရင် စိတ်ဖိစီးမှု အလွယ်တကူ ဖြစ်စေနိုင်ပါတယ်။ သွေးမလှူခင် စိတ်လှုပ်ရှားနေရင်၊ ကြောက်နေရင် အသက်မှန်မှန်ရှူခြင်း၊ သီချင်းနားထောင်ခြင်း၊ အဖော်တစ်ယောက်ယောက်နဲ့ စကားပြောပါ။ သွေးလှူပြီးနောက် ခေါင်းမူးခြင်း၊ ခေါင်းနောက်ခြင်းတွေဖြစ်ရင် အနားယူပါ။

သွေးလှူထားတဲ့လက်ကို အနားပေးပါ

သွေးလှူတဲ့အခါ လက်တစ်ဖက်က သွေးကြောကိုဖြစ်စေ၊ လက်နှစ်ဖက်လုံးက သွေးကြောကိုဖြစ်စေ ဖောက်ပြီးသွေးလှူရနိုင်ပါတယ်။ သွေးလှူရှင်အနေနဲ့ သွေးလှူထားတဲ့လက်ကို အနားပေးပါ။ အလေးအပင်မခြင်း၊ ပြင်းထန်တဲ့ လေ့ကျင့်ခန်းလုပ်ခြင်းတွေကို မလုပ်ပါနဲ့။

ပိုးသတ်ဆေးသောက်ထားတယ်ဆိုရင် ဆရာဝန်ကိုပြောပြပါ

သွေးလှူရှင်တစ်ယောက်အနေနဲ့ သွေးမလှူခင် ကျန်းမာရေးစစ်ဆေးမှုခံယူတဲ့အခါမှာ ပိုးသတ်ဆေးသောက်ထားတယ်ဆိုရင် ဆရာဝန်ကို ပွင့်ပွင့်လင်းလင်းပြောပြပါ။ အချို့သောပိုးသတ်ဆေးတွေဟာ သောက်သုံးပြီး နှစ်ရက်အတွင်း အာနိသင်မပြယ်လို့ သွေးမလှူသင့်တဲ့ အခြေအနေတွေ ရှိပါတယ်။ အသက်ကယ်ချင်ဇောနဲ့ သောက်နေရတဲ့ ဆေးတွေ မပြောပြတာ၊ ခွဲစိတ်ကုသဖူးတာနဲ့ လက်ရှိကျန်းမာရေးပြဿနာရှိနေတာမျိုးကို ဆရာဝန်ထံ မပြောပြမိတာတွေရှိနိုင်တာကြောင့် မဖုံးကွယ်ထားပါနဲ့။  

References: https://www.donateblood.com 

https://www.healthline.com

https://www.redcrossblood.org

You may also like...

Leave a Reply

Your email address will not be published. Required fields are marked *