သုံးဖက်နာ သပိတ်တိုက်ပွဲ

Photo by Moe Yan Kha

စက်ရုံဝင်ပေါက်ကို ပိတ်ဆို့သပိတ်မှောက်သော အလုပ်သမားများကို စက်ရုံပိုင်ရှင်က လူမိုက်ခေါ်ရိုက်မှုကြောင့် သွေးထွက်သံယို ဖြစ်ရသည်။

ဒဂုံဆိပ်ကမ်းမြို့နယ်ရှိတရုတ်နိုင်ငံသားပိုင် ဖုယွင်အထည်ချုပ်စက်ရုံဝင်ပေါက်တွင် ၅၆ ရက်ကြာသည်အထိ ဖွင့်ထားသော သပိတ်စခန်း အကြမ်းဖက်ဖြိုခွင်းခံရပြီး အလုပ်သမား ၂၄ ဦး ဒဏ်ရာရသည်။

စက်ရုံလုပ်ငန်းကို ထိခိုက်စေသဖြင့် စက်ရုံပိတ်ဆို့သပိတ်မှောက်သည့် အလုပ်သမားများ၏ လုပ်ရပ်မှာ ဥပဒေနှင့်မညီဟု ဝေဖန်မှုများရှိပြီး လူမိုက်များခေါ်ကာ ထင်ရာစိုင်းလုပ်သည့် လုပ်ငန်းရှင်၏ လုပ်ရပ်မှာလည်း မြန်မာ့တရားစီရင်ရေးက ပြက်ရယ်ပြုနေသည်ဟု ဝေဖန်မှုများရှိနေသည်။

သပိတ်စခန်းစဖွင့်သည့် အစောပိုင်းကာလကပင် ပြဿနာပြေလည်ရန် ရန်ကုန်တိုင်းအစိုးရက ဖြေရှင်းသင့်သော်လည်း ပြေလည်သည်အထိ မဆောင်ရွက်ခဲ့သဖြင့် ပြဿနာ ပိုမိုကြီးထွားလာသည်ဟု မှတ်ချက်ပေးသူက ရန်ကုန်တိုင်းလွှတ်တော်ကိုယ်စားလှယ်ဦးကျော်ဇေယျ ဖြစ်သည်။

“အပ်နဲ့ထွင်းရမှာတွေကို ပုဆိန်နဲ့ ထွင်းချလိုက်တာပဲ။ ပုဆိန်နဲ့ ထွင်းလိုက်တဲ့အချိန်အထိ စောင့်နေတာမှားတယ်”ဟု ရန်ကုန်တိုင်းလွှတ်တော်ဘဏ္ဍာရေး၊ စီမံကိန်းနှင့် စီးပွားရေးကော်မတီ၏ အတွင်းရေးမှူးလည်းဖြစ်သူ ၎င်းက ပြောဆိုသည်။

သပိတ်အစ

အလုပ်သမားသပိတ်မှာ ဩဂုတ်လ ၂၁ရက်တွင် ဖုယွင်အထည်ချုပ်စက်ရုံပိုင်ရှင်က အလုပ်သမားသမဂ္ဂအဖွဲ့ဝင် အလုပ်သမားများအပါအဝင် အလုပ်သမား ၃၀ဦးကို အလုပ်ထုတ်ပစ်လိုက်ရာမှ အစပြုသည်။

အလုပ်ပျက်ရက်များခြင်း၊ ကုန်ထုတ်လုပ်မှုတိုးတက်ရန် မလုပ်ဆောင်နိုင်ခြင်းနှင့် စက်ရုံ စည်းကမ်းချိုးဖောက်ခြင်းများကြောင့် အလုပ်ထုတ်ရခြင်းဖြစ်ကြောင်း စက်ရုံမန်နေဂျာက မီဒီယာများသို့ ပြောဆိုထားသည်။

ထို့အပြင် တစ်ရက်အနည်းဆုံး လုပ်ခ ၄၈၀၀ ကျပ်အဖြစ် အစိုးရက ပြင်ဆင်သတ်မှတ်လိုက်ရာ လစာပေးရန်ခက်ခဲလာသဖြင့် အလုပ်သမား ၅၀ကို လျှော့ချရန် စီစဉ်ခဲ့ပြီး ကနဦးအနေနှင့် အလုပ်သမား ၃၀ကို အလုပ်ထုတ်လိုက်ခြင်းဖြစ်ကြောင်း ၎င်းက ပြောဆိုသည်။

ဆန္ဒပြအလုပ်သမားများကမူ ဖုယွင်အထည်ချုပ်စက်ရုံပိုင်ရှင်သည် အလုပ်ရှင် အလုပ်သမားသဘောတူစာချုပ် (EC စာချုပ်)ကို ဖောက်ဖျက်ကာ အလုပ်သမားများကို အလုပ်ထုတ်လိုက်ခြင်းဖြစ်ပြီး ဥပဒေချိုးဖောက်သူမှာ စက်ရုံပိုင်ရှင်သာဖြစ်ကြောင်း တုံ့ပြန်ထားသည်။

EC စာချုပ်အရ အလုပ်သမားတစ်ဦးကို အလုပ်ထုတ်လျှင် အလုပ်ထုတ်မည့်အကြောင်း တစ်လတစ်ကြိမ်နှုန်းဖြင့် သုံးကြိမ်ကြိုတင်အသိပေးရမည်ဖြစ်သော်လည်း အသိမပေးဘဲ အလုပ်ထုတ်ကြောင်း ၎င်းက ဆိုသည်။

ကြိုတင်အသိမပေးဘဲ အလုပ်ထုတ်လိုက်သဖြင့် အလုပ်ထုတ်ခံရသူများကို နစ်နာကြေးပေးမည်ဖြစ်ကြောင်း စက်ရုံမန်နေဂျာဦးသိန်းဆွေက သတင်းမီဒီယာများကို ပြောဆိုထားသည်။ သို့သော်လည်း အလုပ်ထုတ်ခံရသည့် အလုပ်သမားများနှင့် ဖုယွင်အထည်ချုပ်စက်ရုံအလုပ်သမားသမဂ္ဂတို့က အထည်ချုပ်စက်ရုံတာဝန်ရှိသူများ၏ လုပ်ရပ်ကို ကျေနပ်မှုမရှိကြပေ။

ယင်းကြောင့် အလုပ်ထုတ်ခံရသူများကို အလုပ်ပြန်ခန့်ပေးရေးအပါအဝင် လုပ်ငန်းခွင်အတွင်း အလုပ်သမားအခွင့်အရေး အပြည့်အဝပေးရန် ဩဂုတ်လ ၂၁ ရက်မှစ၍ စက်ရုံ၏အဝင်ဂိတ်ပေါက်ဝတွင် သပိတ်စခန်းဖွင့်ကာ လူအင်အား ၂၀၀ဖြင့် ပိတ်ဆို့ဆန္ဒပြကြသည်။

ရိုက်ပွဲ

ဆန္ဒပြမှုအချိန်ကြာလာသည်နှင့်အမျှ အထည်ချုပ်စက်ရုံတာဝန်ရှိသူများနှင့် ဆန္ဒပြအလုပ်သမားများကြားတွင် တင်းမာမှုမြင့်တက်လာခဲ့ပြီး ရိုက်နှက်မျှုား နောက်ဆက်တွဲ ပေါ်ပေါက်လသည်။

ဖုယွင် အထည်ချုပ်စက်ရုံသည် ၂၀၁၄ ခုနှစ်မှ စတင်ကာ လူအင်အား ၁၃၀၀ကျော်ဖြင့် လည်ပတ်နေသော အထည်ချုပ်စက်ရုံဖြစ်ပြီး ဆန္ဒပြမှုများရှိနေသော်လည်း အလုပ်လာဆင်းသူများလည်း ရှိနေသည်။

အလုပ်လာဆင်းသူများ စက်ရုံအတွင်းဝင်နိုင်ရန် စက်ရုံပိုင်ရှင်က စက်ရုံဘေးတွင် ဝင်ပေါက်ဖောက်ကာ အလုပ်လုပ်စေခဲ့သည်။ သပိတ်မှောက်အလုပ်သမားများက စက်ရုံဘေးဝင်ပေါက်ကိုပါ ထပ်မံပိတ်ဆို့ ဆန္ဒပြခဲ့ကြသည်။

စက်ရုံပိုင်ရှင်ကလည်း အလုပ်လာဆင်းသူများဝင်လာနိုင်ရန် စက်ရုံ၏အနောက်ဘက်တွင် တတိယမြောက်ဝင် ပေါက်မှတစ်ဆင့် အလုပ်သမားများကို ခေါ်သွင်းကာ အလုပ်လုပ်စေပြန်သည်။

အလုပ်သမားများကလည်း အောက်တိုဘာလ ၁၅ရက်တွင် စက်ရုံအနောက်ဘက်ရှိ တတိယမြောက် ဝင်ပေါက်ကို သွားရောက်ပိတ်ဆို့ရာမှ အလုပ်ရှင်ငှားရမ်းထားသော ကြေးစားလူမိုက် ၄၀ ခန့်က တုတ်၊ သံပိုက်များဖြင့် လာရောက်တိုက်ခိုက်ကြောင်း သပိတ်မှောက်အလုပ်သမားများထံမှ သိရသည်။

တိုက်ခိုက်မှုကြောင့် သပိတ်မှောက်အလုပ်သမား ၂၄ ဦး ဒဏ်ရာရပြီး ဒဏ်ရာရသူများထဲမှ ခြောက်ဦးမှာ သင်္ဃန်းကျွန်းစံပြဆေးရုံတွင် အရေးပေါ်ဆေးကုသမှုခံယူနေရကြောင်း အဆိုပါအလုပ်သမားများထံမှ သိရသည်။

တိုက်ခိုက်ခြင်းမခံရမီ ဆန္ဒပြအလုပ်သမားများနှင့် လူမိုက်များတင်းမာမှုဖြစ်နေစဉ်တွင် လာရောက်ဖြေရှင်းပေးရန် ဒဂုံဆိပ်ကမ်းမြို့နယ် ရဲတပ်ဖွဲ့ထံသို့ တိုင်ကြားခဲ့သော်လည်း အချိန်မီလာရောက်ဖြေရှင်းပေးမှုမရှိကြောင်း အလုပ်သမားများထံမှ သိရသည်။

စက်ရုံအဝင်ဝကို ပိတ်ဆို့ရခြင်းမှာ သပိတ်ကာလကြာမြင့်နေပြီဖြစ်သော်လည်း အလုပ်သမားများ၏ နစ်နာမှုများကို တာဝန်ရှိသူများက လာရောက်ကူညီ ဖြေရှင်းပေးမှုမရှိခြင်းကြောင့် အစိုးရတာဝန်ရှိသူများ လာရောက်ကူညီဖြေရှင်းပေးစေရန်ဆောင်ရွက်ရခြင်းဖြစ်ကြောင်း အလုပ်သမားများက အကြောင်းပြချက်ပေးသည်။

ရိုက်နှက်မှုကို တိုင်ကြားမှသာ အရေးယူမည်ဆိုသဖြင့် သတင်းစာရှင်းလင်းပွဲအပြီးတွင် စက်ရုံပိုင်ရှင်နှင့် လူမိုက်များကို ဒဂုံဆိပ်ကမ်းမြို့နယ် ရဲစခန်းတွင် အမှုသွားဖွင့်သော်လည်း ဆေးစာရမှ အမှုဖွင့်ပေးမည်ဆိုသဖြင့် ဆေးစာစောင့်နေရကြောင်း ဖုယွင်အလုပ်သမားသပိတ်ခေါင်းဆောင်  မသန်းသန်းစိုးက ပြောကြားသည်။

လုပ်ငန်းကို ထိခိုက်သည်

အလုပ်သမားများပိတ်ဆို့ဆန္ဒပြမှုကြောင့် စက်ရုံ၏ အထည်ထုတ်လုပ်မှုပြည့်သည်အထိ မဆောင်ရွက်နိုင်ခြင်းအပါအဝင် ချုပ်လုပ်ပြီး အထည်များကို နိုင်ငံခြားသို့ မတင်ပို့နိုင်ခြင်းစသည့်အခက်အခဲများ ကြုံနေရကြောင်း အထည်ချုပ်လုပ်ငန်းရှင်အချို့ထံမှ သိရသည်။

အလုပ်သမားများက စက်ရုံ၏ အဝတွင် ပိတ်ဆို့နေခြင်းကြောင့် စက်ရုံပိုင်ရှင်အတွက် စီးပွားရေးနစ်နာမှု ဖြစ်နိုင်ကြောင်း အမည်မဖော်လိုသူအထည်ချုပ်စက်ရုံ ပိုင်ရှင်တစ်ဦးက ပြောဆိုသည်။

“သူတို့က စက်ရုံပိတ်ရေး တောင်းနေတာ၊ အလုပ်သမားအခွင့်အရေးတောင်းတာ မဟုတ်ဘူး။ ကိုယ့်အိမ် အရှေ့လာပိတ်ရင်တော့ ဘယ်သူမဆို ဒေါသထွက်မှာပဲလေ။ သူတို့လုပ်ရပ်က ဥပဒေမဲ့လုပ်ရပ် မဟုတ်ဘူးလား။ ရာဇဝတ်မှု မဟုတ်ဘူးလား”ဟု ၎င်းက မေးခွန်းထုတ်သည်။

ဖုယွင် အလုပ်သမားသပိတ်ဖြစ်ရပ်ကြောင့် ရန်ကုန်တိုင်းအတွင်းရှိ စက်မှုန်ဇုန် ၂၉ခုမှ နိုင်ငံခြားသားစက်ရုံပိုင်ရှင်များက ထိတ်လန့်နေကြကြောင်း၊ စက်ရုံပိတ်သိမ်းမှုများဖြစ်လာနိုင်ပြီး ယင်းစက်ရုံများရှိ အလုပ်သမားများ အလုပ်လက်မဲ့ဖြစ်လာနိုင်ကြောင်း အထည်ချုပ်စက်ရုံပိုင်ရှင်တစ်ဦးက သုံးသပ်သည်။

အလုပ်သမားဆန္ဒပြမှုကြောင့် ဖုယွင်အထည်ချုပ်စက်ရုံအတွက် စီးပွားရေးမည်မျှထိခိုက်မှုရှိသည်နှင့် လူမိုက်များငှားရမ်းကာရိုက်ခိုင်းသည်ဆိုသည့် သတင်းတို့အပေါ် မေးမြန်းရန် ယင်းစက်ရုံ၏ မန်နေဂျာဦးသိန်းဆွေထံသို့ The Voice Journal က ဖုန်းဖြင့် ဆက်သွယ်ခဲ့သော်လည်း ဆက်သွယ်၍မရခဲ့ပေ။

ဖုယွင်အလုပ်သမား သပိတ်မှောက်မှု၌ နိုင်ငံရေးအင်အားစုများ၏ လှုံ့ဆော်မှု၊ ငွေကြေးထောက်ပံ့မှုများလည်း ရှိနေကြောင်း အထည်ချုပ်စက်ရုံပိုင်ရှင်၊ လွှတ်တော်ကိုယ်စားလှယ်အချို့နှင့် ရန်ကုန်တိုင်းအစိုးရတို့က ဝေဖန်ကြသည်။

ဆန္ဒပြအလုပ်သမားများကမူ နိုင်ငံရေးပယောဂများမပါဝင်ဘဲ အလုပ်သမားများ၏နစ်နာမှုကိုသာ တောင်းဆိုနေခြင်းဖြစ်ကြောင်း သပိတ်စခန်းဖြိုခွဲခံရသည့် ညနေပိုင်းတွင် ပြုလုပ်သည့် သတင်းစာ ရှင်းလင်းပွဲတွင် ပြောဆိုထားသည်။

အလုပ်သမားများသည် နစ်နာမှုများရရှိရန် သပိတ်စခန်းဖွင့်ဆန္ဒပြမည်ဆိုပါက ငြိမ်းချမ်းစွာစုဝေးခွင့်နှင့် စီတန်းလှည့်လည်ခွင့်ဥပဒေနှင့်အညီ သက်ဆိုင်ရာ အာဏာပိုင်အဖွဲ့အစည်းထံတွင် ခွင့်ပြုမိန့် တောင်းခံရမည်ဖြစ်သော်လည်း တောင်းခံခဲ့ခြင်းမရှိကြောင်း ရန်ကုန်တိုင်းအစိုးရထံမှ သိရသည်။

“ကျွန်တော် ပြောတယ်။ မင်းတို့ ဆန္ဒပြရင်ဥပဒေနဲ့အညီ ဆန္ဒပြငြိမ်းစုစီကို တင်။ ခွင့်ပြုပေးမယ်ဆိုတော့လည်း သူတို့က မတင်ဘူး”ဟု ရန်ကုန်တိုင်းအစိုးရအဖွဲ့ အလုပ်သမားဝန်ကြီးဦးဇော်အေးမောင်က ပြောကြားသည်။

အလုပ်ထုတ်ခံရသည် ဖြစ်စေ၊ အလုပ်သမားအခွင့်အရေး နစ်နာသည်ဖြစ်စေ အလုပ်ရှင်၊ အလုပ်သမား အငြင်းပွားမှုဖြစ်ပါက အလုပ်သမားရေးရာ အငြင်းပွားမှုဖြေရှင်းရေးဥပဒေအရ ခုံသမာဓိရုံးအဆင့်ဆင့်သို့ တက်ရမည်ဖြစ်သည်။

ယင်းဥပဒေအရဆိုလျှင် အငြင်းပွားမှုညှိနှိုင်းဖြေရှင်းနေစဉ်ကာလတွင် အလုပ်သမားများ ဆန္ဒပြခွင့်မရှိပေ။ အငြင်းပွားမှုကို ညှိနှိုင်းဖြေရှင်းပြီး၍ မကျေနပ်မှသာ သပိတ်မှောက်ပိုင်ခွင့် ရှိသည်။

ဖုယွင်အထည်ချုပ်စက်ရုံဆန္ဒပြမှုတွင် အလုပ်ထုတ်ခံရသူများ၏နစ်နာမှုများနှင့်ပတ်သက်၍ ခုံသမာဓိရုံးအဆင့်ဆင့်သို့ တိုင်ကြားညှိနှိုင်းခြင်းမရှိဘဲ သပိတ်မှောက်ခဲ့သည်ဟု အလုပ်သမားများက ဆိုသည်။ ခုံသမာဓိရုံးတွင် မဖြေရှင်းဘဲ ဆန္ဒပြရသည့် အကြောင်းပြချက်ရှိနေသည်။

ခုံသမာဓိရုံးက ဆုံးဖြတ်ပါက အလုပ်ရှင်ကို ဒဏ်ကြေး ၁၀ သိန်းသာ ပြစ်ဒဏ်ချနိုင်ပြီး အလုပ်ရှင်က ဒဏ်ကြေးပေးနိုင်သော်လည်း အလုပ်ထုတ်ခံရသော အလုပ်သမားများကို အလုပ်ပြန်ခန့်မည်မဟုတ်ကြောင်း၊ အလုပ်သမားအခွင့်အရေးများကို ဖော်ဆောင်ပေးမည်မဟုတ်ကြောင်း ဆန္ဒပြအလုပ်သမားများက တုံ့ပြန်သည်။

ထို့ကြောင့် သပိတ်မှောက်နည်းလမ်းကို သုံးရခြင်းဖြစ်ကြောင်း ဆန္ဒပြအလုပ်သမားများက ပြောဆိုသည်။

သို့ဖြစ်ရာ အလုပ်သမားများ၏ သပိတ်စခန်းဖွင့်ဆန္ဒပြမှုသည်ပင် ဥပဒေနှင့် မညီညွတ်သကဲ့သို့ဖြစ်နေကြောင်း ဥပဒေပညာရှင်အချို့က ပြောဆိုသည်။

“ခုံသမာဓိကို အယုံအကြည်မရှိတဲ့အတွက် အလုပ်သမားတွေကို အပြစ်တော့ မဆိုသာဘူး။ ခုံကောင်စီလူကြီးတွေကို အလုပ်ရှင်ကလည်း မလေးစားဘူး။ အလုပ်သမားအခွင့်အရေးကို အကာအကွယ် မပေးနိုင်တော့ အလုပ်သမားတွေကလည်း မယုံတော့ဘူး”ဟု အလုပ်သမားအရေးဆောင်ရွက်သူ ရှေ့နေဦးဌေးက ပြောကြားသည်။

ဦးဌေးသည် ၂၀၁၄ ခုနှစ်မှ ၂၀၁၇ ခုနှစ်အထိ ခုံသမာဓိကောင်စီတာဝန်ထမ်းဆောင်ခဲ့ပြီး ပြည်ထောင်စုရှေ့နေများနှင့် ဥပဒေအထောက်အကူပြုသူများအဖွဲ့၏ ဒုတိယဥက္ကဋ္ဌလည်း ဖြစ်သည်။

အလုပ်သမားဥပဒေများတွင် အလုပ်ရှင်က စည်းကမ်းချိုးဖောက်ပါက ထောင်ဒဏ်မချနိုင်သော အားနည်းချက်များရှိနေပြီး ဥပဒေပါ အားနည်းချက်များကို ပြင်ဆင်နိုင်မှသာ အလုပ်ရှင် အလုပ်သမား အငြင်းပွားမှုများကို ထိရောက်စွာ ကိုင်တွယ်နိုင်မည်ဖြစ်ကြောင်း ၎င်းက မှတ်ချက်ပြုသည်။

“အလုပ်သမားဥပဒေတွေကို မပြင်ရင် ရေရှည်မှာလည်း အလုပ်ရှင်အလုပ်သမားပြဿနာတွေ ထပ်ဖြစ်နိုင်တယ်”

အထိနာလှသည်

ဆန္ဒပြမှုကို တရားဥပဒေနှင့်အညီ ရင်မဆိုင်ဘဲ လူမိုက်များကို ငှားရမ်းရိုက်ခိုင်းသဖြင့် ဝေဖန်မှုများရှိသည်။

ရိုက်နှက်ခံရမှုကြောင့် အလုပ်သမားများဒဏ်ရာရသည့်အပြင် နှစ်လနီးပါးကြာသည်အထိ အလုပ် မခန့်သောကြောင့် ဆန္ဒပြအလုပ်သမား ၂၀၀ ခန့်နှင့် မိသားစုဝင်များ၏ စားဝတ်နေရေးအကျပ်အတည်း တွေ့နေသည်။

အလုပ်ရှင်သည် ဥပဒေကို လိုက်နာခြင်းမရှိဘဲ အလုပ်ထုတ်သည့်အပြင် မင်းမဲ့စရိုက်ဆန်ဆန် အကြမ်းဖက်ဖြိုခွဲခြင်းမှာ တရားလက်လွတ်အနိုင်ကျင့်သည်ဟု အလုပ်သမားများက ပြစ်တင်ကြသည်။

စက်ရုံပိုင်ရှင်သည် မြန်မာနိုင်ငံအတွင်းရှိ ဥပဒေများကို မထီမဲ့မြင်ပြုနေပြီး အလုပ်သမားသမဂ္ဂကို ဖြိုချနေကြောင်း ဖုယွင်သပိတ်အပေါ် ဝန်းရံသည့် တက်ကြွလှုပ်ရှားသူ ဦးမြတ်ကျော်က မှတ်ချက်ပြုသည်။

“ကျွန်တော်တို့ မြန်မာညီမငယ်တွေကို မင်းမဲ့စရိုက်ဆန်ဆန် အကြမ်းဖက် မှုတွေအထိ ပြုလုပ်လာပါတယ်။ အင်မတန် စိတ်မကောင်းဖြစ်မိသလို ဒေါသလည်းထွက်ရပါတယ်”ဟု ၎င်းက မှတ်ချက်ပေးသည်။

အလုပ်ထုတ်ခံရသော အလုပ်သမားများကို အလုပ်ပြန်ခန့်ပေးရန် ရန်ကုန်တိုင်း ဝန်ကြီးချုပ်ကိုယ်တိုင် တောင်းဆိုခဲ့သော်လည်း အလုပ်ရှင်က မလိုက်နာကြောင်း အလုပ်သမားဝန်ကြီးဦးဇော်အေးမောင်က ပြောကြားသည်။

“အလုပ်ဖြုတ်တာEC စာချုပ်နဲ့ မကိုက်ဘူး။ အလုပ်သမားအစည်းအရုံး ဝင်တွေကို နှိပ်ကွပ်သလိုဖြစ်နေတယ်။ ပြန်ခန့်ပေးပါလို့ ကျွန်တော် ပြောတာ။ အလုပ်ရှင်က ဒီလူတွေနဲ့ အလုပ်လုပ်လို့ မရတော့ဘူးတဲ့။ ဒီလူတွေက သူတို့လုပ်ငန်းကို နှောင့်ယှက်တယ်ပေါ့။ အဲဒီလို ပြောတယ်”ဟု ၎င်းက ပြောဆိုသည်။

ရန်ကုန်တိုင်းအစိုးရက ဖုယွင်အလုပ်သမား သပိတ်ဆန္ဒပြမှုကို လျစ်လျူရှုမနေဘဲ ရက်ပေါင်း ၅၀ ကျော်သည်အထိ ညှိနှိုင်းသော်လည်း ပြေလည်မှုမရှိခဲ့ကြောင်း ဦးဇော်အေးမောင်က ပြောကြား သည်။

အလုပ်သမားများကို အလုပ်ပြန်ခန့်ရေး ဖုယွင်အထည်ချုပ်စက်ရုံပိုင်ရှင်ကို နားချပေးရန် တရုတ်သံရုံးမှတစ်ဆင့် ရန်ကုန်တိုင်းအစိုးရက ကြိုးပမ်းခဲ့သော်လည်း မအောင်မြင်ခဲ့ကြောင်း ၎င်းက ဆိုသည်။

အလုပ်သမားများကို ဥပဒေအရမဖြေရှင်းဘဲ လူမိုက်များငှားကာ အကြမ်း ဖက်ရိုက်နှက်မှုသည် အလုပ်ရှင်၏မှားယွင်းမှုဖြစ်ပြီး ဥပဒေနှင့်အညီသာ ညှိနှိုင်းဆောင်ရွက်သင့်ကြောင်း တိုင်းလွှတ်တော်ကိုယ်စားလှယ် ဦးကျော်ဇေယျက မှတ်ချက်ပေးသည်။

“ပြောရရင် နှစ်ဖက်လုံးမှားတဲ့ သဘောပေါ့။ ဒီအခြေအနေထိ ဖြစ်သွားတာ စိတ်မကောင်းဘူး”

အလုပ်ရှင်က ဥပဒေချိုးဖောက်နေသောကြောင့် တရားစွဲသင့်သော်လည်း တရားမစွဲသေးသည်မှာ ပြဿနာကိုညှိနှိုင်းမှုဖြင့် ပြေလည်စေလိုသောကြောင့်ဖြစ်ကြောင်း ဦးဇော်အေးမောင်က ပြောဆိုသည်။

ရန်ကုန်တိုင်းဝန်ကြီးချုပ်ဦးဖြိုးမင်းသိန်းကလည်း ဖုယွင်အထည်ချုပ်စက်ရုံအနီးတွင် အကြမ်းဖက်ရိုက်နှက်မှုကျူးလွန်သူများကို အမှုဖွင့်အရေးယူရန် ရန်ကုန်တိုင်းရဲတပ်ဖွဲ့သို့ လမ်းညွှန်ထားပြီဖြစ်သည်။

သူနာ၊ ကိုယ်နာ ပြဿနာ

လက်ရှိအချိန်အထိ ဖုယွင်အထည်ချုပ်စက်ရုံပဋိပက္ခမှာ နှစ်ဖက်ညှိနှိုင်း၍ မပြေလည်သေးပေ။

ဖုယွင်အလုပ်သမား သပိတ်ဖြိုခွဲခံရမှုသည် စက်ရုံပိုင်ရှင်နှင့် အလုပ်သမား များသာနစ်နာခဲ့သည်မဟုတ်ဘဲ နိုင်ငံ၏ပုံရိပ်ပါ ကျဆင်းစေပြီး နိုင်ငံခြားရင်းနှီးမြှုပ်နှံမှုကို ထိခိုက်နိုင်သည်ဟု ဦးကျော်ဇေယျက သုံးသပ်သည်။ ထို့ကြောင့် သုံးဖက်နာသည့် သပိတ်တိုက်ပွဲဟု ဆိုရမည်ဖြစ်သည်။

အလုပ်သမားများကမူ အလုပ်ရှင်များ၏ ဂုတ်သွေးစုပ်ဖိနှိပ်မှုကိုခံနေရသည်ဟု ပြောဆိုပြီး တာဝန်ရှိသူများကလည်း လျစ်လျူရှုထားကြောင်း ပြစ်တင်သည်။ အလုပ်သမားများ၏နစ်နာမှုနှင့် အခွင့် အရေးများရသည်အထိ ငြိမ်းချမ်းစွာဆက်လက်တောင်းဆိုမည်ဖြစ်ကြောင်း ဆန္ဒပြအလုပ်သမားများက ကြေညာထားသည်။

တရားလွှတ်တော်ရှေ့နေဦးဌေးကမူ ပြဿနာပြေလည်စေရန် အကောင်းဆုံးနည်းလမ်းမှာ အလုပ်သမား၊ အလုပ်ရှင်နှင့် အစိုးရကိုယ်စားလှယ်များသုံးပွင့်ဆိုင်ကာ ညှိနှိုင်းသင့်ကြောင်း အကြံပြုသည်။

ဖုယွင်အလုပ်သမားသပိတ်ဆန္ဒပြမှု ပြေလည်စေရန် ရန်ကုန်တိုင်းအစိုးရအဖွဲ့အနေနှင့် ဘက်မလိုက်ဘဲ ဥပဒေနှင့်အညီ တိုက်ရိုက်ကိုင်တွယ်မည်ဖြစ်ကြောင်း ရန်ကုန်တိုင်းအစိုးရအဖွဲ့ဝင် အလုပ်သမားဝန်ကြီး ဦးဇော်အေးမောင်က The Voice Journal သို့ ပြောဆိုသည်။

ဖုယွင်အလုပ်သမားသပိတ်ဆန္ဒပြမှုဖြစ်စဉ်ကို ကိုင်တွယ်ဖြေရှင်းမည့် ကိစ္စနှင့် ပတ်သက်၍ ဦးဇော်အေးမောင်က ယခုကဲ့သို့ ဆိုသည်။

“ကျွန်တော် ပြောလို့ရတာကတော့ ညင်သာစွာကိုင်တွယ်မယ်။ အခုလို သွေးထွက်သံယို နိုင်ငံသားအချင်းချင်း ရိုက်မှုတွေ မဖြစ်အောင် ကျွန်တော်တို့ တားဆီးမယ်”

မိုးယံခ၊ ဇင်လင်းထက်

You may also like...

Leave a Reply

Your email address will not be published. Required fields are marked *