Facebook နဲ့ Google ကို ပိတ်ထားတဲ့ တရုတ် မှန်နေပြီလား

Facebook သုံးစွဲသည့် Account များမှတစ်ဆင့် ကိုယ်ရေးအချက်အလက်များပေါက်ကြားသည့် ထိတ်လန့်ဖွယ်သတင်းများကို လွန်ခဲ့သည့်နှစ်အတွင်း သတင်းမီဒီယာများ စဉ်ဆက်မပြတ်ဖော်ပြ ကြသည်။ ထို့ကြောင့် Facebook နှင့် Google ကို ပြည်တွင်းတွင်ကြည့်မရအောင် လွန်ခဲ့သော ၁၀ နှစ်ကတည်းက ပိတ်ထားသော တရုတ်နိုင်ငံသည် အမြင်ကျယ်သည်ဟု ချီးကျူးရမည်ဟု နည်းပညာလေ့လာသုံးသပ်သူများက ဆိုသည်။

Facebook account သန်း ၅၀ လောက် ထိခိုက်သည့် မကြာသေးမီက အချက်အလက်ပေါက်ကြားမှုကြီးသည် ထိုအချက်အလက်များကို လေ့လာသုတေသနပြုပြီး ဈေးကွက်တင်ရေးကုမ္ပဏီများ၊ ကြော်ငြာကုမ္ပဏီများသို့ ရောင်းစားလိုသူများ၏ လက်ချက်ဖြစ်သည်။ ထိုသို့ အချက်အလက်ပေါက်ကြားမှုသည် ပထမဆုံးမဟုတ်၊ Facebook သုံးစွဲသူများ အံ့ဩမည်မဟုတ်သော်လည်း ကွန်ပျူတာနည်းပညာကျွမ်းကျင်ပြီး ကွန်ပျူတာစနစ်များ၊ ဖုန်းများကို ဖောက်ဝင်ပြီး အချက်အလက်များ ရယူနိုင်သူ Hacker များ သို့မဟုတ် နိုင်ငံတစ်နိုင်ငံ၏ ရန်သူများ သည် သုံးစွဲသူများ၏ ကိုယ်ရေးအချက်အလက်များကိုရယူလိုလျှင် အလွယ်လေးဖြစ်ကြောင်း ထပ်မံသတိပေးချက် ဖြစ်သည်။

သိပ္ပံနှင့် နည်းပညာများ တိုးတက် မြင့်မားလာသည်နှင့်အမျှ ရာဇဝတ်မှုကျူးလွန်သူများသည် ထိုနည်းသစ်များကိုသုံးကာ ကိုယ်ကျိုးရှာကြသည်။ Smart Phone ခေတ်တွင် လက်ကိုင်ဖုန်းသုံးစွဲသူများနှင့် အင်တာနက်သုံးစွဲသူများထံမှရသော အချက်အလက်များကို နည်းပညာ ကုမ္ပဏီများက Cloud တွင် သိမ်းထား၊ ကာကွယ်ထားကြသည်။ ထို့ကြောင့် Cloud ဝန်ဆောင်မှုပေးသော ကုမ္ပဏီများသည် Hack များ၏ စိတ်ကြိုက် ပစ်မှတ်များ ဖြစ်လာသည်။ Cloud ခေတ်မစားခင်ကဆိုလျှင် Hacker များသည် ဖုန်းတစ်လုံးစီ ကွန်ပျူတာတစ်လုံးစီကို လိုက်လံဖောက်ထွင်းကြရသည်။ Cloud များကို ဖောက်ရသည်ထက် ကွန်ပျူတာ ဖုန်းတစ်လုံးချင်းစီကို ဖောက်ရသည်က လွယ်သော်လည်း လူအများအပြား၏ အချက်အလက်ကို လိုက်လံစုဆောင်းရန် အချိန်အလွန်ကုန်သည်။ ယခုအခါတွင်မူ Hacker များသည် Cloud ကုမ္ပဏီများ ကို ဖောက်ထွင်းလိုက်ရုံဖြင့် လက်ကိုင်ဖုန်း သန်းပေါင်းများစွာမှ ကိုယ်ရေးအချက်အလက်များစွာကို တစ်ထိုင်တည်း ရသွားကြသည်။

အခြားကုမ္ပဏီများကို ဖောက်မည့်အစား Facebook နှင့် Google ကို ဖောက်လိုက်လျှင် တစ်ချီတည်းနှင့် ပွနိုင်ကြောင်း Haceker များ သဘောပေါက်သည်။ ၂၀၁၈ နှစ်လယ်တွင် Facebook ကုမ္ပဏီက ထုတ်ပြန်ကြေညာချက်အရ Facebook ပုံမှန်သုံးစွဲသူသည် ၂ ဒသမ ၂၃ ဘီလီယံရှိသည်။ Focebook နှင့် Google သည် ယင်းတို့ကို သုံးစွဲသူများ ကြည့်ရှုသော ရှာဖွေသော အကြောင်းအရာများကို မှတ်တမ်းတင်ခြင်းမှ အဓိက ဝင်ငွေရသည်။ ထိုသို့ များပြားလှသော အချက်အလက်များကို နည်းပညာဖြင့် ခွဲခြမ်းစိတ်ဖြာပြီး ကိန်းဂဏန်းများ ဝေဝေဆာဆာ ဖြင့် သုတေသနအစီရင်ခံစာများ ရေးကြသည်။ ထိုအစီရင်ခံစာများကို တစ်ကမ္ဘာလုံးရှိ အစိုးရများနှင့် ကုမ္ပဏီကြီးများသို့ ရောင်းချကြသည်။

ထို့ကြောင့် တရုတ်အစိုးရသည် တရုတ်ကုမ္ပဏီများကို Facebook နှင့် Google ကဲ့သို့ ဖြစ်လာအောင် အားပေးပြီး အမေရိကန် ဆီလီကွန်တောင်ကြားမှ ထိုကုမ္ပဏီကြီးနှစ်ခုကို ပိတ်ထားသည်။ Baidu သည် တရုတ်နိုင်ငံ၏ Google ဖြစ်ပြီး Tencent ကုမ္ပဏီ၏ လူသန်းတစ် ထောင်ကျော်သုံးစွဲနေသည့် Wechat သည် တရုတ်၏ Facebook ဖြစ်သည်။

အမေရိကန်အခြေစိုက် နည်းပညာကုမ္ပဏီများ၏ အချက်အလက်ပေါက်ကြားမှုများသည် အကြိမ်များစွာ လူသိရှင်ကြား ထွက်ပေါ်လာသော်လည်း တရုတ်၏ BAT ခေါ် Baidu၊ Alibaba၊ Tencent  ကုမ္ပဏီကြီးသုံးခုသည် သူတို့၏ လက်ကိုင်ဖုန်းသုံးစွဲသူများ၊ အင်တာနက်သုံးစွဲသူများ၏ ကိုယ်ရေးအချက်အလက်များကို ကာကွယ်ထားနိုင်စွမ်း ပိုမြင့်သည့်အသွင်ဆောင်သည်။

တရုတ်နည်းပညာကုမ္ပဏီများသည် ဖောက်ထွင်းဝင်ရောက်သူများကို တကယ်တမ်းရော ပိုဟန့်တားနိုင်ပါသလား။

အိုဘားမား အမေရိကန်သမ္မတ တာဝန်ထမ်းဆောင်နေစဉ်တွင် သူသည် Facebook၊ Google တို့နှင့် နီးကပ်သော ဆက်ဆံရေးရှိခဲ့သည်ကို ပြန်မှတ်မိစေချင်ပါသည်။

အမေရိကန်အစိုးရ ကျောထောက်နောက်ခံပြုသော PRISM အမည်ရှိ အစီအစဉ်အကြောင်း ၂၀၁၃ ဇွန်တွင် သတင်းမီဒီယာများက ဖော်ထုတ်ရေးသားသည်။ ထိုအစီအစဉ်သည် E-mail များ၊ ဖုန်းခေါ်ဆိုချက်များ၊ စာပေးပို့မှုများ၊ စာတိုများကို အမေရိကန်နည်းပညာကုမ္ပဏီကြီးကိုးခု၏ အချက်အလက်များ သိုလှောင်ထားသော Server များမှ အမေရိကန်ထောက်လှမ်းရေးဌာနများဖြစ်သော National Security Agency NSA နှင့် FBI တို့က တိုက်ရိုက်ရယူလေ့လာခွင့်ပြုသည့် အစီအစဉ်ဖြစ်သည်။ ထိုကုမ္ပဏီများကမူ ထိုသို့မဟုတ်ကြောင်း ထိုစဉ်ကတည်းက အစဉ်တစိုက် ငြင်းဆိုလာကြသည်။

Facebook နှင့် Google ကို သုံးကြသည့် တရုတ်နိုင်ငံသားများသည် တရုတ်၏ နိုင်ငံတော်လုံခြုံရေးကို အကြီးအကျယ်ထိခိုက်စေကြောင်း တရုတ်အစိုးရသည် ထိုသတင်းကြီးကို ကြားလိုက်ရသည့် အခါတွင် ပိုပြီး ခိုင်ခိုင်မာမာ ယူဆသွားဖွယ် ရှိသည်။

အမေရိကန်အစိုးရသည်လည်း ကွန်ပျူတာအင်တာနက်မှတစ်ဆင့် သူလျှိုလုပ်ခံရမှု၊ အချက်အလက်ခိုးယူခံရမှုများမှ မကင်းလွတ်ပါ။၂၀၁၃ တွင် Amazon  Cloud Services သည် အခြားထောက်လှမ်းရေးအေဂျင်စီများနှင့် စီအိုင်အေအကြား ထိပ်တန်းလျှို့ဝှက်သတင်းအချက်အလက်များ ဝေမျှသုံးစွဲရေးဆောင်ရွက်ပေးရမည့် ဒေါ်လာသန်း ၆၀၀ တန် စီမံကိန်းကို ဆောင်ရွက်ခွင့်ရသည်။ အမေရိကန်အစိုးရ၏ ထိပ်တန်းလျှို့ဝှက်ချက်များ မပေါက်ကြားအောင် ဆောင်ရွက်နိုင်စွမ်းရှိသည်ဟု ဗAmazon Cloud Service  က ပြောကြားသော်လည်း ထိုစီမံကိန်းကို ရလိုက်သည့်အတွက် ကုမ္ပဏီသည် သတင်းအချက်အလက်မုဆိုးများ၏ ပစ်မှတ်ကောင်းဖြစ်လာမည်မှာ သေချာသည်။ သူလျှိုလောင်းလျာ မည်ရွေ့မည်မျှ Amazon တွင် အလုပ်လျှောက်ထားပြီးနေပြီဟု ခန့်မှန်းရခက်သည်။

မည်သို့ပင်ဖြစ်စေ နာမည်ကျော် အမေရိကန်နည်းပညာကုမ္ပဏီများထံမှ သတင်းအချက်အလက်ပေါက်ကြားမှုများ အနာဂတ်တွင် ဖြစ်မလာနိုင်ဟု ကံသေကံမ မပြောနိုင်ပါ။

ထိုသို့ သတင်းအချက်အလက်ပေါက်ကြားမှုများမှတစ်ဆင့် အကြမ်းဖက်သမားများ၊ ရန်သူများသည် ကြောက်စရာကောင်းသော လျှို့ဝှက်ချက်များဖြစ်သည့် အမေရိကန်တပ်မတော်၏ အဆင့်မြင့်လက်နက်များ အလုပ်လုပ်ပုံနှင့် သူတို့၏စနစ်ကို ဖောက်ထွင်းထိန်းချုပ်နည်းများကို ရမသွားစေပါနှင့်ဟုသာ ကမ္ဘာက ဆုတောင်းနေရသည်။

လောလောဆယ်တွင် တရုတ်သည် ထိုအန္တရာယ်များကို ကောင်းကောင်းသိပြီး ရှောင်ရှားနိုင်ရန် အကောင်းဆုံးပြင်ဆင်ထားပုံရသည်။ 

 

Ref: Channel News Asia: Commentary: China banning Facebook and Google now looks smart considering recent data breaches

ဝိဇ္ဇာ

You may also like...

Leave a Reply

Your email address will not be published. Required fields are marked *