အစပျောက်သွားသော ဆော်ဒီဂျာနယ်လစ်နှင့် အစဖျောက်ထားသော အိမ်ရှေ့မင်းသား MBS

အောက်တိုဘာ ၂ ရက်နေ့ နေလယ်ပိုင်းအချိန်တွင် ဆော်ဒီဂျာနယ်လစ် ခါရှိုဂီတစ်ယောက် တူရကီနိုင်ငံရှိ ဆော်ဒီအာရေးဗီးယားကောင်စစ်ဝန်ရုံးသို့ ဝင်ရောက်သွားခဲ့သည်။ သွားရသည့်အကြောင်းရင်းမှာ သူ့ချစ်သူ တူရကီနိုင်ငံသူနှင့် လက်ထပ်ဖို့ အထောက်အထားစာရွက်စာတမ်း သွားရောက်ယူဆောင်ရန်ဖြစ်သည်။ သို့သော်ဂျာနယ်လစ် ခါရှိုဂီ တစ်ယောက် ကောင်စစ်ဝန်ရုံးမှ ထွက်မလာနိုင်။ ပျောက်ချင်းမလှပျောက်သွားခဲ့တော့သည်။

တော်ဝင်အကြံပေးဘ၀မှ ပြည်ပြေးဘ၀သို့

ဂျမယ်ခါရှိုဂီသည် တစ်ချိန်တစ်ခါက ဆော်ဒီထောက်လှမ်းရေးအကြီးအကဲဖြစ်သည့် မင်းသား တာကီဘင်ဖိုင်ဆယ်၏ မီဒီယာအကြံပေးအဖြစ် တာဝန်ထမ်းဆောင်ခဲ့ဖူးသူဖြစ်သည်။ သို့သော် ဆော်ဒီအာရေး ဗီးယားနိုင်ငံတွင် လက်ရှိတန်ခိုးထွားလာသည့် အိမ်ရှေ့မင်းသား မိုဟာမက်ဘင် ဆယ်လ်မန်ကို ဝေဖန်လေ့ရှိသူ ခါရှိုဂီမှာ ၂၀၁၇ ခုနှစ်တွင် အမေရိကန်သို့ ထွက်ပြေးသွားခဲ့ရတော့သည်။ ထိုအကြောင်းနှင့် ပတ်သက်၍ စက်တင်ဘာလထုတ် ဝါရှင်တန်ပို့စ်သတင်းစာတွင် ‘ခါရှိုဂီအပါအဝင် အခြားသောသူများမှာ အဖမ်းခံရမည်ကို စိုးရိမ်သောကြောင့် ကိုယ့်သဘောဖြင့် ကိုယ်ပြည်ပြေးဘ၀ခံယူခဲ့ရခြင်း’ ဟု ရေးသားထားသည်ကို တွေ့ရသည်။ အမေရိကတွင် ပြည်ပြေးဘ၀ဖြင့် နေထိုင်လျက်ရှိပြီး ဝါရှင်တန်ပို့စ်သတင်းစာ၏ ပင်တိုင်ဆောင်းပါးရှင် ဂျာနယ်လစ်ခါရှိုဂီ အဘယ်ကြောင့် ရုတ်တရက်ပျောက်ဆုံး သို့မဟုတ် အသတ်ခံခဲ့ရပါသနည်း။ မည်သူ တရားခံနည်း။ တူရကီရှိ ဆော်ဒီကောင်စစ်ဝန်ရုံးတွင် ပျောက်ဆုံး သို့မဟုတ် အသတ်ခံလိုက်ရသည်ဟု ယူဆထားသည့် ခါရှိုဂီကိစ္စတွင် အဓိကလက်သည်မှာ ဆော်ဒီတွင်တန်ခိုးထွားလာသည့်အိမ်ရှေ့မင်းသား မိုဟာမက်ဘင်ဆယ်လ်မန်ဟု ယူဆချက်များ အခိုင်အမာရှိနေသည်။

တရားခံ MBS လော

ခါရှိုဂီကို စစ်ကြောရေးလုပ်ရန်၊ ဆော်ဒီသို့ ဖမ်းခေါ်ခဲ့ရန် လုပ်ဆောင်ခဲ့သည့်အဖွဲ့မှာ အထွေထွေ ထောက်လှမ်းရေးဦးစီးအဖွဲ့ (General Intelligence  Presidency) ဟု ခေါ်သည့် ဆော်ဒီ ထောက်လှမ်းရေးမှ အဆင့်မြင့်အရာရှိများ ပါဝင်သည်ဟု ယင်းကိစ္စနှင့် နီးစပ်သည့် သတင်းရင်းမြစ် သုံးခုက CNN သတင်းဌာနကို ပြောကြားထားသည်။

ယင်းသတင်းရင်းမြစ်ထဲမှ ပထမသတင်းရင်းမြစ်၏ အဆိုအရ ၎င်းအဖွဲမှာ ဆော်ဒီအိမ်ရှေ့မင်းသား နာမည်အတိုကောက် MBS (Mohammed bin  Salman) ဟုခေါ်သည့် မိုဟာမက် ဘင်ဆယ်လ်မန်၏ အတွင်းစည်းထဲမှာလူများ ဖြစ်သည်ဟု ဆိုသည်။ သို့သော် ခါရှိုဂီကို စစ်ကြောရေးလုပ်ရန်၊ ဆော်ဒီကို ဖမ်းခေါ်ခဲ့ရန် အိမ်ရှေ့မင်းသားက ခွင့်ပြုခဲ့ခြင်းရှိ၊ မရှိမှာမူ သဲသဲကွဲကွဲ မသိရသေး။ သို့သော် ထိုကဲ့သို့သော အစဖျောက်သည့် လုပ်ရပ်မျိုးကို အိမ်ရှေ့မင်းသားမသိဘဲလုပ်ရန် မဖြစ်နိုင်ပေ။

ဒုတိယသတင်းရင်းမြစ်၏ အဆိုအရ အိမ်ရှေ့မင်းသား MBS က အဖွဲ့တစ်ဖွဲ့ ဖွဲ့၍ ဂျာနယ်လစ်ခါရှိုဂီကို စစ်ကြောရေးလုပ်ရန် တူရကီသို့ စေလွှတ်ခဲ့သည်။ ခါရှိုဂီမှာ ဆော်ဒီ၏ပြိုင်ဘက် ကာတာနိုင်ငံနှင့် အဆက်အစပ်ရှိနေသည့်အတွက် ယခုလိုစစ်ကြောရေးလုပ်ဖို့ အကြောင်း ဖန်လာခြင်းလည်းဖြစ်သည်။ အမှန်တကယ်တမ်းတွင်မူ ခါရှိုဂီနှင့် ကာတာနိုင်ငံတို့အကြား အဆက်အစပ်ရှိသည့် အထောက်အထားလည်း တွေ့ရသည်မဟုတ်ပါ။

တတိယသတင်းရင်းမြစ်၏ အဆိုအရ ခါရှိုဂီကို စစ်ကြောရေးလုပ်ဖို့ စေလွှတ်လိုက်သည့်အဖွဲ့မှာ ၎င်းတို့၏ လုပ်ရပ်နှင့်ပတ်သက်၍ ရှင်းရှင်းလင်းလင်းဖော်ပြခြင်းမျိုးမရှိခဲ့ဟု ဆိုသည်။ ယခုအမှုနှင့် ပတ်သက်၍ ဆော်ဒီအစိုးရက ရက်အတော်ကြာသည်အထိ ရှင်းလင်းတိကျသော သတင်းအချက်အလက် မထုတ်ပြန်နိုင်သည်ကို ကြည့်ပါက စစ်ကြောရေးအဖွဲ့၏ မရှင်းလင်းမှုများကို တွေ့နိုင်သည်။ ခါရှိုဂီ၏ အမှု နှင့် ပတ်သက်၍ သတင်းထုတ်ပြန်ရန် အမိန့်ပေးထားရာ ယင်းသတင်းထုတ်ပြန်ချက်တွင် ‘ညံ့ဖျင်းသော စစ်ကြောရေးလုပ်စဉ် ခါရှိုဂီ သေဆုံးသွားကြောင်း’ ရေးသားဖော်ပြလိမ့်မည်ဟု ဆိုသည်။

တူရကီ၏ သံသယ

တူရကီအစိုးရတာဝန်ရှိသူများကမူ ဆော်ဒီကောင်စစ်ဝန်ရုံးတွင် ဂျာနယ်လစ် ခါရှိုဂီ အသတ်ခံခဲ့ရပြီး သူ၏ရုပ်အလောင်းကို အပိုင်းပိုင်းဖြတ်ပစ်ခဲ့သည်ဟု ဆိုသည်။ ဆော်ဒီဂျာနယ်လစ် ကောင်စစ်ဝန်ရုံးတွင် အသတ်ခံခဲ့ရသည့် အထောက်အထားအဖြစ် အသံဖိုင်ရော၊ အရုပ်ဖိုင်ပါ ရရှိထားသည်ဟု တူရကီအစိုးရ တာဝန်ရှိသူတွေက ပြောကြားထားသည်။ ခါရှိုဂီ ကောင်စစ်ဝန်ရုံးတွင်းသို့ ရောက်ရှိသွားချိန်တွင် ရုန်းရင်းဆန်ခတ်ဖြစ်သည့် အထောက်အထားများလည်း တွေ့ရသည်ဟု တူရကီအစိုးရတာဝန်ရှိသူများက ဆိုသည်။

ခါရှိုဂီအစဖျောက်မှုတွင် ဆော်ဒီအစိုးရနှင့် ပတ်သက်နေသော ဆော်ဒီနိုင်ငံသား ၁၅ ဦးကို တူရကီအစိုးရက သံသယရှိနေသည်။

၎င်းတို့သည် အောက်တိုဘာ ၂ ရက်နေ့တွင် ဆော်ဒီနိုင်ငံမှ တူရကီနိုင်ငံသို့ ရောက်ရှိလာကြသူများလည်းဖြစ်သည်။ တူရကီကို သံသယရှိနေသော လူ ၁၅ ဦး ဆော်ဒီအိမ်ရှေ့မင်းသား MBS နှင့်အတူ ရုပ်မြင်သံကြားတွင် ဖော်ပြခံခဲ့ဖူးသည့် မိုဟာမက်ဆာအစ်အယ်လ် ဇာရန်နီ ဆိုသည်လည်းပါဝင်သည်။ သူသည် ဗြိတိန်နိုင်ငံရှိ ဆော်ဒီသံရုံးတွင် ပထမအတွင်းဝန်အဖြစ် တာဝန်ထမ်းဆောင်ခဲ့ဖူးပြီး ဆော်ဒီထောက်လှမ်းရေးတပ်ဖွဲ့က ဗိုလ်မှူးကြီး တစ်ဦးအဖြစ် ယူဆခံထားရသူဖြစ်သည်။

နောက်သံသယရှိသူတစ်ဦးမှာ ဆော်ဒီပြည်ထဲရေးဝန်ကြီးဌာန မှုခင်းဆေးပညာဌာနအကြီးအကဲ မိုဟာမက် အယ်လ်တူဘိုင်ကီလည်း ပါဝင်သည်။

ခါရှိုဂီပျောက်ဆုံးသွားပြီး နှစ်ပတ်ခန့်အကြာ အောက်တိုဘာ ၁၅ ရက်နေ့ တွင် တူရကီရဲတပ်ဖွဲ့အနေဖြင့် ဆော်ဒီကောင်စစ်ဝန်ရုံးထဲသို့ ဝင်ရောက်စစ်ဆေးခွင့်ရရှိခဲ့သည်။ တူရကီစုံစမ်းစစ်ဆေးသူများ၏ တွေ့ရှိချက်အရ ကောင်စစ်ဝန်ရုံးအတွင်းပိုင်းတွင် ဆေးပြန်သုတ်ထားသည်ကို တွေ့ရကြောင်းလည်း ဖော်ပြထားသည်။

ထို့ပြင် စုံစမ်းစစ်ဆေးသူများအနေဖြင့် အဆိပ်နှင့် ပတ်သက်သောပစ္စည်းများကို ဖုံးကွယ်ထားသည့် အထောက်အထားများကို ရှာဖွေစစ်ဆေးခဲ့ကြောင်း တူရကီသမ္မတ အာဒိုဂန်ကလည်း ပြောကြားထားသည်။

“ကာက်ချက်ချနိုင်မယ့် အနေအထားထိရောက်ဖို့ ကျွန်တော်တို့မျှော်လင့်ပါတယ်။ အဲဒီကောက်ချက်ကနေ သင့်တင့်လျောက်ပတ်တဲ့ ထင်မြင်ချက် အမြန်ဆုံးပေးနိုင်ပါလိမ့်မယ်။ တူရကီစုံစမ်းစစ်ဆေးသူတွေဟာ အဆိပ်အတောက်ဖြစ်စေတဲ့ပစ္စည်းတွေကို ဆေးသုတ်ပြီး ဖယ်ရှားပစ်တာမျိုး စတဲ့ စုံစမ်းစစ်ဆေးမှုတွေကိုလုပ်ဆောင်နေပါတယ်” ဟု တူရကီသမ္မတ အာဒိုဂန်က ပြောကြားသည်။

ထို့ပြင် အောက်တိုဘာ ၁၅ ရက်နေ့ တူရကီစစ်ဆေးသူများ ဆော်ဒီကောင်စစ်ဝန်ရုံးတွင်းသို့ မဝင်ရောက်မီ သန့်ရှင်းရေးသမားများ အဆောက်အအုံတွင်းသို့ ဝင်သွားသည်ကိုလည်း တွေ့ရသည်ဟု CNN သတင်းဌာနက တွေ့ရှိထားသည်။ လုံခြုံရေးကင်မရာတွင်လည်း ကောင်စစ်ဝန်ရုံးရှိ ကားအချို့ကို အနီးရှိ ကောင်စစ်ဝန်၏ နေအိမ်သို့ ပြောင်းရွှေ့ထားသည်ကိုလည်း တွေ့ရသည်။

မူလက တူရကီအစိုးရတာဝန်ရှိသူများသည် ကောင်စစ်ဝန်ရုံးအပြင်၊ ကောင်စစ်ဝန်၏နေအိမ်ကို ရှာဖွေရန် စီစဉ်ထားသော်လည်း ဆော်ဒီလုံခြုံရေးတပ်ဖွဲ့ လိုက်နာနိုင်ခြင်း မရှိသည့်အတွက် အောက်တိုဘာ ၁၅ ရက်နေ့တွင် ကောင်စစ်ဝန်နေအိမ်ကို ရှာဖွေစစ်ဆေးမည့်အစီ အစဉ်ကို ပယ်ဖျက်ခဲ့ရသည်။ ဆော်ဒီကောင်စစ်ဝန်ချုပ် မိုဟာမက် အိုတိုက်ဘိုင်မှာ တူရကီနိုင်ငံမှာ ထွက်ခွာသွားပြီလည်း ဖြစ်သည်။ ကောင်စစ်ဝန်ရုံးကို ရှာဖွေအပြီးတွင် တူရကီအနေနှင့် ခိုင်မာသည့်အထောက်အထားများ တွေ့ခဲ့ရသော်လည်း၊ ခါရှိုဂီကို ဆော်ဒီက သတ်ပစ်ခဲ့သည်ဟု ကောက်ချက်ချနိုင်လောက်သည့် သက်သေအထောက်အထားများ မရသေးဟုသာ တူရကီအစိုးရတာဝန်ရှိသူများက ဆိုထားသည်။

အမေရိကန်သံသယနှင့် အမေရိကန်အကျိုးစီးပွား

ဂျာနယ်လစ် ခါရှိုဂီ ပျောက်ဆုံးနေမှုတွင် ‘အဆင်ခြင်မဲ့ ဟော့ဟော့ရမ်းရမ့်း လူသတ်သမား’ များ၏ လက်ချက်ဖြစ်ကြောင်း အမေရိကန်သမ္မတ ဒေါ်နယ်ထရမ့်က ပြောကြားထားသည်။ ထို့ပြင် ဆော်ဒီ ကောင်စစ်ဝန်ရုံးတွင် အမှန်တကယ်သတ်ဖြတ်မှု ဖြစ်ပွားခဲ့ပါက ပြင်းပြင်းထန်ထန် အပြစ်ပေးသွားမည်ဟု ပြောကြားခဲ့သော်လည်း ဆော်ဒီအစိုးရကို ရောင်းချထားသည့် အမေရိကန်ဒေါ်လာ သန်းထောင်နှင့်ချီသည့် လက်နက်ရောင်းချမှုကိုမူ ပယ်ဖျက်မည်မဟုတ်ကြောင်း ထရမ့်ကဆိုသည်။

ယင်းကိစ္စနှင့် ပတ်သက်ပြီး ဒေါ်နယ်ထရမ့်က အမေရိကန်နိုင်ငံခြားရေးဝန်ကြီး မိုက်ပွန်ပယ်ယိုကို ဆော်ဒီနှင့် တူရကီနိုင်ငံတို့သို့ စေလွှတ်ခဲ့သည်။ အောက်တိုဘာ ၁၆ ရက်နေ့တွင် အမေရိကန်နိုင်ငံခြားရေးဝန်ကြီး မိုက်ပွန်ပယ်ယိုသည် ဆော်ဒီဘုရင် ဆယ်လ်မန်နှင့် ဆော်ဒီအိမ်ရှေ့မင်းသား မိုဟာမက် ဘင်ဆယ်လ်မန်တို့နှင့် တွေ့ဆုံ ခဲ့သည်။

ယင်းတွေ့ဆုံမှုအပြီးတွင် ဂျာနယ်လစ် ခါရှိုဂီ အသက်ရှင်လျက်ရှိ၊ မရှိ မေးမြန်ရာတွင် “ဒီအချက်အလက်တွေနဲ့ ပတ်သက်ပြီး ကျွန်တော် မပြောလိုပါဘူး။ သူတို့အနေနဲ့လည်း အခုကိစ္စကို သေသေချာချာ စုံစမ်းစစ်ဆေးနိုင်မယ့် အခွင့်အရေးရဖို့ လိုလားနေကြပါတယ်။ ဒီလိုပဲ လုပ်သင့်တယ်လို့ ကျွန်တော်ထင်ပါတယ်။ ဆော်ဒီဘုရင်နဲ့ အိမ်ရှေ့မင်းသားကို စုံစမ်းစစ်ဆေးဖို့ အခွင့်အရေးပေးပြီးမှပဲ ဝေဖန်ဆုံးဖြတ်ကြတာပေါ့” ဟု အမေရိကန်နိုင်ငံခြားရေးဝန်ကြီး မိုက်ပွန်ပယ်ယိုက ပြောကြားခဲ့သည်။ မိုက်ပွန်ပယ်ယိုသည် အောက်တို ဘာ ၁၇ ရက်နေ့တွင် တူရကီနိုင်ငံသို့ရောက်ရှိခဲ့ပြီး တူရကီသမ္မတ အာဒိုဂန်နှင့် တွေ့ဆုံခဲ့သည်။

အမေရိကန်သမ္မတ ဒေါ်နယ်ထရမ့်က ဂျာနယ်လစ် ခါရှိုဂီ ပျောက်ဆုံးနေမှုနှင့် ပတ်သက်၍ မိုက်ပွန်ပယ်ယို၏ တင်ပြချက်အပြည့်အစုံကို စောင့်စားနေကြောင်း အောက်တိုဘာ ၁၇ ရက်နေ့က ပြောကြားထားသည်ကို တွေ့ရသည်။ ထို့ပြင် တူရကီ က ရရှိထားသည့် ခါရှိုဂီ အသတ်ခံရမှုနှင့်ဆိုင်သော အသံဖိုင်ကို အမေရိကန်ကို ပေးဖို့လည်း တောင်းဆိုထားသည်။

ယခုပြဿနာနှင့် ပတ်သက်၍ ဆော်ဒီနိုင်ငံ၌ အခုလနှောင်းပိုင်းတွင် ပြုလုပ်မည့် ဒါးဗို့ ရင်းနှီးမြှုပ်နှံမှုဆိုင်ရာ ညီလာခံကို ထိပ်တန်းစီးပွားရေးသမားများ၊ မီဒီယာများက မတက်ရောက်ဘဲ ရှောင်ရှားခဲ့ကြသည်။

နိဂုံးချုပ်အနေဖြင့် ဖော်ပြရလျှင် အမေရိကန်တွင် နေထိုင်လျက်ရှိသော ဝါရှင်တန်ပို့စ်သတင်းစာ ပင်တိုင်ဆောင်းပါးရှင် ခါရှိုဂီ တူရကီရှိ ဆော်ဒီကောင်စစ်ဝန်ရုံးတွင်းသို့ ဝင်ရောက်အပြီး ပျောက်ဆုံးသွားသည့်အရေးမှာ ယခုတိုင် အပူတပြင်းစုံစမ်းစစ်ဆေးဆဲ အမှုပင်ဖြစ်သည်။ ခါရှိုဂီ ပျောက်ဆုံးမှုတွင် အသတ်ခံလိုက်ရခြင်းလော။ တရားခံမှာ အသက် ၃၃ နှစ်အရွယ် လက်ရှိဆော်ဒီနိုင်ငံတွင် တန်ခိုးထွားနေသည့် အိမ်ရှေ့မင်းသား မိုဟာမက် ဘင်ဆယ်လ်မန် MBS ၏ လက်ချက်လေလောဆိုသည့် မေးခွန်းများ၏ အဖြေများကိုမူ ဆက်လက်စောင့်ကြည့်ရ ဦးမည်ဖြစ်ပါတော့သည်။ 

စာညွှန်း။ ။ CNN၊ Reuters၊  BBC

 

ဉာဏကျော်

You may also like...

Leave a Reply

Your email address will not be published. Required fields are marked *