သီတင်းကျွတ်ပွဲတော်ကြောင့် အရောင်းအဝယ်ပါးသွားသော စတော့ဈေးကွက်

စတော့အနှစ်ချုပ် (အောက်တိုဘာ ၂၂ ရက်နေ့မှ ၂၆ ရက်နေ့အထိ)

သီတင်းကျွတ်လပြည့်နေ့အများ ပြည်သူရုံးပိတ်ရက် သုံးရက်ကြောင့် ဈေးကွက်နှစ်ရက်သာဖွင့်ခဲ့ပြီး အရောင်းအဝယ် နည်းပါးခဲ့သည်။

ယခုသီတင်းပတ်တွင် ရှယ်ယာအစု ၂၃,၀၀၀နီးပါး၊ တန်ဖိုးကျပ် ၇၅ သန်းခန့်အရောင်းအဝယ်ဖြစ်ခဲ့ပြီး ယခင်သီတင်းပတ်ဈေးကွက်ပိတ်ချိန် စတော့အညွှန်းကိန်းထက် အနည်းငယ်ကျဆင်းခဲ့သည်။

စတော့အညွှန်းကိန်းမှာ အမြင့်ဆုံး ၄၁၈ ဒသမ ၆၃ (ယခင်သီတင်းပတ်တွင် ၄၁၈ ဒသမ ၁၁) နှင့် အနိမ့်ဆုံး ၄၁၀ ဒသမ ၄၈ (ယခင်သီတင်းပတ်တွင် ၄၀၆ ဒသမ ၅၂) အတွင်း ရှိခဲ့သည်။

MCB ရှယ်ယာဈေးမှာ ယခုသီတင်းပတ်ဈေးကွက်နောက်ဆုံးရက် နံနက်ပိုင်း တွင် ကျပ် ၁၀၀၀ အထိ ကျဆင်းခဲ့ပြီး ဈေးကွက်ပိတ်ချိန်တွင် ကျပ် ၉၀၀ ပြန်လည်မြင့်တက်ကာ ရှယ်ယာဈေး ၇၂၀၀ ကျပ်ဖြင့် ဈေးပိတ်ခဲ့သည်။

FMI ရှယ်ယာ

ယခုသီတင်းပတ်တွင် ရှယ်ယာ ၈၈၄ စု၊ တန်ဖိုးကျပ် ၉ သန်းခန့် အရောင်းအဝယ်ဖြစ်ခဲ့ပြီး ရှယ်ယာအဖွင့်ဈေး ၁၀,၅၀၀ ကျပ်၊ အမြင့်ဆုံး ၁၀,၅၀၀ ကျပ်၊ အနိမ့်ဆုံး ၁၀,၀၀၀ ကျပ်နှင့် သောကြာနေ့တွင် ၁၀,၅၀၀ ကျပ်ဖြင့် ဈေးပိတ်ခဲ့သည်။

အဝယ်ဘက်တွင် ကျပ် ၁၀,၀၀၀ ဖြင့် ဝယ်လိုသည့် အစု ၄၀၀၀ ခန့် ကျန်ရှိနေပြီး အရောင်းဘက်တွင် ၁၀,၅၀၀ ကျပ်မှ ၁၂,၀၀၀ ကျပ်ဖြင့် ရောင်းလိုသည့် အစုတစ်သောင်းကျော် ရှိနေသည်။

MTSH ရှယ်ယာ

ယခုသီတင်းပတ်တွင် ရှယ်ယာအစု ၁၈,၀၀၀ ကျော်၊ တန်ဖိုးကျပ် ၅၅ သန်းကျော် အရောင်းအဝယ်ဖြစ်ခဲ့ပြီး ရှယ်ယာ အဖွင့်ဈေး ၂၉၅၀ ကျပ်၊ အမြင့်ဆုံး ၃၀၀၀ ကျပ်၊ အနိမ့်ဆုံး ၂၉၅၀ ကျပ်နှင့် သောကြာနေ့တွင် ၂၉၅၀ ကျပ်ဖြင့် ဈေးပိတ်ခဲ့သည်။

ရှယ်ယာဈေးမှာ ယခုနှစ် ဩဂုတ်လ ၁၅ ရက်နေ့ နောက်ပိုင်း ကျပ် ၃၀၀၀ သို့ ပထမဆုံးအကြိမ် ပြန်မြင့်တက်ခဲ့ခြင်း ဖြစ်သည်။

အဝယ်ဘက်တွင် ဝယ်လိုသည့် အစု ၁၆,၀၀၀ ခန့် ကျန်ရှိနေပြီး ဝယ်လိုသည့် ဈေးနှုန်းမှာ ၂၈၀၀ကျပ်မှ ၂၉၅၀ ကျပ် အတွင်း ရှိသည်။

အရောင်းဘက်တွင် ရောင်းလိုသည့် အစု ၄၀၀၀ ခန့် ကျန်ရှိနေပြီး ရောင်းလိုသည့်ဈေးနှုန်းမှာ ကျပ် ၃၀၀၀ မှ ကျပ် ၃၃၅၀ အတွင်း ရှိသည်။

MCB ရှယ်ယာ

ယခုသီတင်းပတ်တွင် ရှယ်ယာ ၁၉ စု၊ တန်ဖိုးကျပ် တစ်သိန်းလေးသောင်း ခန့်သာ အရောင်းအဝယ်ရှိခဲ့ပြီး ရှယ်ယာအဖွင့်ဈေး ၇၃၀၀ ကျပ်၊ အမြင့်ဆုံး ၇၃၀၀ ကျပ်၊ အနိမ့်ဆုံး ၆၃၀၀ ကျပ်နှင့် သောကြာနေ့တွင် ၇၂၀၀ ကျပ်ဖြင့် ဈေးပိတ်ခဲ့သည်။

အဝယ်ဘက်တွင် ဝယ်လိုသည့် အစု ၃၄၇ စု ကျန်ရှိနေပြီး ဝယ်လိုသည့် ဈေးနှုန်းမှာ ၆၃၀၀ ကျပ်မှ ၇၁၀၀ ကျပ် အတွင်း ရှိသည်။

အရောင်းဘက်တွင် ရောင်းလိုသည့် အစု ၇၆၉ စု ကျန်ရှိနေပြီး ရောင်းလိုသည့် ဈေးနှုန်းမှာ ၇၂၀၀ ကျပ်မှ ၈၃၀၀ ကျပ် အတွင်း ရှိသည်။

FPB ရှယ်ယာ

ယခုသီတင်းပတ်တွင် ရှယ်ယာအရောင်းအဝယ် လုံးဝမရှိခဲ့ပေ။

အဝယ်ဘက်တွင် ဝယ်လိုသည့် အစု ၄၀၉ စု ကျန်ရှိနေပြီး ဝယ်လိုသည့် ဈေးနှုန်း မှာ ၂၃,၀၀၀ ကျပ်မှ ၂၃,၅၀၀ ကျပ် အတွင်း ရှိသည်။

အရောင်းဘက်တွင် ရောင်းလိုသည့် အစု ၈၇၆ စု ကျန်ရှိနေပြီး ရောင်းလိုသည့် ဈေးနှုန်းမှာ ၂၄,၀၀၀ ကျပ်မှ ၂၅,၀၀၀ ကျပ် အတွင်း ရှိသည်။

TMH ရှယ်ယာ

ဈေးကွက်ဖွင့်ရက် နှစ်ရက်သာရှိသော်လည်း ယခင်သီတင်းပတ်ထက် အရောင်းအဝယ်တစ်ဆခွဲခန့် ပိုများခဲ့သည်။

ယခုသီတင်းပတ်တွင် ရှယ်ယာ ၃၃၅၈ စု၊ တန်ဖိုးကျပ် ၁၀ သန်း နီးပါး အရောင်းအဝယ်ဖြစ်ခဲ့ပြီး ရှယ်ယာအဖွင့်ဈေး ၂၈၀၀ ကျပ်၊ အမြင့်ဆုံး ၂၉၅၀ ကျပ်၊ အနိမ့်ဆုံး ၂၈၀၀ ကျပ်နှင့် သောကြာနေ့တွင် ၂၉၀၀ ကျပ်ဖြင့် ဈေးပိတ်ခဲ့သည်။

အဝယ်ဘက်တွင် ဝယ်လိုသည့် အစု ၂၅၀၀ ခန့် ကျန်ရှိနေပြီး ဝယ်လိုသည့် ဈေးနှုန်းမှာ ၂၇၀၀ ကျပ်မှ ၂၉၀၀ ကျပ်အတွင်း ရှိသည်။

အရောင်းဘက်တွင် ရောင်းလိုသည့် အစု ၁၀,၆၀၀ ခန့် ကျန်ရှိနေပြီး ရောင်းလိုသည့် ဈေးနှုန်းမှာ ၂၉၅၀ ကျပ်မှ ၃၃၅၀ ကျပ်အတွင်း ရှိသည်။

You may also like...

Leave a Reply

Your email address will not be published. Required fields are marked *