မြန်မာ့စီးပွား ပြည်တွင်းဖြစ်အန္တရာယ်

စီးပွားရေးပိတ်ဆို့မည်ဟူသော ပြည်ပမှလာသည့် စီးပွားရေးအန္တရာယ်ဓား မြန်မာ့ခေါင်းပေါ်ဝဲနေချိန်တွင် မြန်မာ့စီးပွားရေးအတွက် ပြည်တွင်းဖြစ်အန္တရာယ်ကိုလည်း မြန်မာတို့ ရင်ဆိုင်နေရကြောင်း နောက်ဆုံးထုတ် စီးပွားရေးလုပ်ရကိုင်ရလွယ်ကူမှုညွှန်းကိန်းက ဖော်ပြနေသည်။ ပြည်ပအန္တရာယ်ကိုမရှင်းခင် ကိုယ့်တာကိုယ်လုံအောင် လုပ်ရမည်။

ကမ္ဘာ့နိုင်ငံများတွင် စီးပွားရေးလုပ်ရကိုင်ရလွယ်ကူမှုကို တိုင်းတာသည့်အနေဖြင့် နှစ်စဉ်ထုတ်သည့် စီးပွားရေးလုပ်ရကိုင်ရလွယ်ကူမှု အညွှန်းကိန်း Doing Business Ranking ၂၀၁၉ ထွက်ပေါ်လာရာတွင် မြန်မာသည် နိုင်ငံပေါင်း ၁၉၀ အနက် ယခင်နှစ်ကနည်းတူ အဆင့် ၁၇၁ တွင် ဆက်လက်ရပ်တည်နေသည်။ အရှေ့တောင်အာရှဒေသတွင်းတွင်လည်း အနိမ့်ဆုံးဖြစ်သည်။ ထိုညွှန်းကိန်းသည် ပုဂ္ဂလိကစီးပွားရေးလုပ်ငန်းများ ရှင်သန်နိုင် (ရှင်သန်ရန် ခက်ခဲသည့်) သည့် ရေခံမြေခံကိုပြသည့် မှတ်ကျောက်ဖြစ်သည်။

စီးပွားရေးလုပ်ငန်းဟုဆိုရာတွင် အရင်းအနှီးများစွာဖြင့် စီမံကိန်းကြီးများ ဆောင်ရွက်သည့် သူဌေးစီးပွားရေးကိုသာ မမြင်ယောင်သင့်။ နိုင်ငံကြွယ်ဝမှုသည် နိုင်ငံသားတိုင်း စီးပွားရှာနိုင်စွမ်းဖြင့် တည်ဆောက်မှ ခိုင်မာသည်။ နိုင်ငံသားတိုင်း စီးပွားရှာနိုင်ရန်အတွက် စီးပွားရေးလုပ်ငန်းများ ရှင်သန်နိုင်သည့် ရေခံမြေခံကို နိုင်ငံမှပေးနိုင်ရန်လိုသည်။ နိုင်ငံကြွယ်ဝခြင်းနှင့် နိုင်ငံရေးပြုပြင်ပြောင်းလဲမှု အောင်မြင်ခြင်းသည် အညမညသဘောကို ဆောင်သည်။

စီးပွားရေးတက်ရန် အစိုးရနှင့် ပြည်သူ အတူရုန်းမှရမည်။ စီးပွားရေး စနစ်တကျလုပ်ကိုင်ရန် ကမ္ဘာ့ဈေးကွက်အလယ် ထိုးထွင်းဖန်တီးမှု၊ ဆန်းသစ်မှုဖြင့် ထုတ်ကုန်နှင့် ဝန်ဆောင်မှုများဖြစ်လာရန် နိုင်ငံသားတို့က ကြိုးစားရမည်။ နိုင်ငံသားတို့၏ အဆိုပါကြိုးစားမှုတို့ အောင်မြင်ရန် ထိရောက်မှန်ကန်ပြီး ဝန်မပိစေသော လုပ်ထုံးလုပ်နည်းများဖော်ထုတ်ခြင်း၊ ကြိုးနီစနစ်အမြစ်ဖြုတ်ခြင်း၊ ခြစားမှုနှင့် အပိုကုန်ကျစရိတ်ကင်းစေသော ပြည်သူ့ဝန်ဆောင်မှုများ ဖော်ဆောင်ခြင်း၊ အခြေခံအဆောက်အဦ ပြည့်စုံစေခြင်းတို့ဖြင့် ရေခံမြေခံကောင်းတည်ဆောက်ပေးရန် အစိုးရက ကြိုးစားရမည်။

ပြည်ပဖိအားများ ဆထက်ထမ်းပိုးတိုးလာချိန်တွင် ပြည်တွင်းဖြစ်အန္တရာယ်ဖြစ်သည့် နိုင်ငံတွင်းစီးပွားရေး ရေခံမြေခံမကောင်းလျှင် မြန်မာ့ စီးပွားရည်မှန်းချက်ကို မေ့လိုက်ရုံသာ ရှိသည်။ 

အယ်ဒီတာ
၁.၁၁.၂၀၁၈

You may also like...

Leave a Reply

Your email address will not be published. Required fields are marked *