ပူးပေါင်းဆောင်ရွက်မှု ရလဒ်မကောင်းလျှင် ကုန်သွယ်ရေးအရေးပေးမှု မြန်မာဆုံးရှုံးနိုင်ဟု EU ထုတ်ပြန်

ရန်ကုန်၊ နိုဝင်ဘာ ၂

မြန်မာနိုင်ငံအနေနှင့် ဥရောပသမဂ္ဂ (EU) နှင့် အခြားပူးပေါင်းဆောင်ရွက်ရေးလမ်းကြောင်းများတွင် ရလဒ်ကောင်းမထွက်ပါက ကုန်သွယ်ရေးအရေးပေးမှု ရုပ်သိမ်းခံရနိုင်ကြောင်း EU က အောက်တိုဘာလ ၃၁ ရက်က ထုတ်ပြန်သည်။

EU က စေလွှတ်သည့် လေ့လာစိစစ်ရေးအဖွဲ့သည် မြန်မာနိုင်ငံ၏ လူ့အခွင့်အရေးနှင့် အလုပ်သမားအခွင့်အရေးအခြေအနေများကို အောက်တိုဘာလ ၂၈  ရက်မှ ၃၁ ရက်နေ့ထိ လာရောက်လေ့လာ စစ်ဆေးပြီးနောက် ယင်းသို့ထုတ်ပြန်ခြင်း ဖြစ်သည်။

လေ့လာအကဲဖြတ်သည့် ခရီးစဉ်အတွင်း EU အဓိကထားထောက်ပြသည့်ကိစ္စများကို မြန်မာက ဂရုတစိုက်ဖြေရှင်းမည်ဟု မျှော်လင့်ထားကြောင်း EU ၏  ကုန်သွယ်ရေးဆိုင်ရာ မဟာမင်းကြီး  Cecilia Malmström က အဆိုပါထုတ်ပြန်ချက်တွင် ထည့်သွင်းပြောဆိုထားသည်။

“သူတို့ အဲဒါမလုပ်ဘူးဆိုရင် မြန်မာအာဏာပိုင်တွေက EU ဈေးကွက်ထဲကို  သူတို့ကုန်ပစ္စည်းတွေ အခွန်မဲ့ပို့ခွင့်ရတဲ့အခွင့်အရေးကို အန္တရာယ်ထဲ ပို့နေတာပဲ”  ဟု ၎င်းကဆိုသည်။

EU သည် နောက်အဆင့်များ စဉ်းစားလုပ်ဆောင်ခြင်းမပြုခင်တွင် ခရီးအတွင်းက ရရှိသည့်အချက်အလက်များ အပြင် မြန်မာအစိုးရထံမှ နောက်ထပ်ရရှိမည့် အချက်အလက်များကိုလည်း ဦးစားပေးအဖြစ် သုံးသပ်နေကြောင်း ထုတ်ပြန်ချက်တွင် ပါရှိသည်။

မြန်မာနိုင်ငံမှ EU သို့ ကုန်တင်ပို့မှုသည် တိုးတက်မှုများရှိခဲ့ပြီး ၂၀၁၅ ခုနှစ် က ယူရို ၅၃၅ သန်းရှိခဲ့ရာမှ ၂၀၁၇ ခုနှစ် တွင် ယူရို ၁ ဒသမ ၃ ဘီလီယံထိ တိုးတက်ခဲ့သည်။ မြန်မာ့ပို့ကုန်ဈေးကွက်တွင် EU သည် တတိယအကြီးဆုံးဖြစ်ပြီး ၂၀၁၇ ခုနှစ်က မြန်မာ့ပို့ကုန်စုစုပေါင်း၏ ၈ ဒသမ  ၃ ရာခိုင်နှုန်းရှိခဲ့သည်။

မြန်မာအပေါ် ပေးအပ်ထားသည့် အခွန်ကင်းလွတ်ခွင့် အထူးအခွင့်အရေး ဆုံးရှုံးလျှင် အထည်ချုပ်အပါအဝင် CMP လုပ်ငန်းများတွင် လုပ်ကိုင်နေသည့် သိန်းနှင့်ချီသော အလုပ်သမားများ အလုပ်လက်မဲ့ဖြစ်နိုင်သည်ဟု မြန်မာအစိုးရနှင့် လုပ်ငန်းရှင်များက ဥရောပသမဂ္ဂ လေ့လာစိစစ်ရေး အဖွဲ့ကို တင်ပြထားကြသည်။

You may also like...

Leave a Reply

Your email address will not be published. Required fields are marked *