မြန်မာ့ငါးမြစ်ချင်း ဆော်ဒီသို့တင်ပို့ခွင့်ပြန်ရရေး သွားရောက်ညှိနှိုင်းမည်

ရန်ကုန်၊ နိုဝင်ဘာ ၂

မြန်မာ့ငါးမြစ်ချင်းကို ဆော်ဒီအာရေးဗီးယားနိုင်ငံသို့ ပြန်လည်တင်ပို့ခွင့်ရရှိရေးအတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူတစ်ဦး၊ ငါးလုပ်ငန်းဦးစီးဌာနတို့မှ တာဝန်ရှိသူတို့နှင့် ရေထွက်ပို့ကုန်လုပ်ငန်းရှင်အသင်းမှ တာဝန်ရှိသူတို့သည် အဆိုပါနိုင်ငံသို့ သွားရောက်ညှိနှိုင်းမည်ဖြစ်ကြောင်း မြန်မာနိုင်ငံငါးလုပ်ငန်းအဖွဲ့ချုပ်ထံမှ သိရသည်။

အဆိုပါခရီးစဉ်ကို နိုဝင်ဘာလ ၁၂ ရက်တွင် စတင်ရန်စီစဉ်ထားပြီး ဆော်ဒီ အာရေးဗီးယားနိုင်ငံ တာဝန်ရှိသူများနှင့် ဆက်လက်ညှိနှိုင်းနေဆဲဖြစ်ကြောင်း မြန်မာ့ ရေထွက်ပို့ကုန်လုပ်ငန်းရှင်များ  အသင်းဥက္ကဋ္ဌ ဦးထွန်းအေးက ဆိုသည်။

ဆော်ဒီအာရေးဗီးယားနိုင်ငံသည် မြန်မာ၊ အိန္ဒိယ၊ ဘင်္ဂလားဒေ့ရ်ှနှင့် ဗီယက်နမ်  နိုင်ငံတို့မှ ရေထွက်ပို့ကုန်ပစ္စည်းများတင်ပို့ ခွင့်ကို ပြီးခဲ့သည့် မတ်လ ၃၁ရက်မှ စတင်ကန့်သတ်လိုက်ခြင်း ဖြစ်သည်။

မြန်မာနိုင်ငံသည် ဆော်ဒီအာရေး ဗီးယားနိုင်ငံသို့ နှစ်စဉ်အမေရိကန်ဒေါ်လာသန်း ၃၀ နီးပါးရှိသော ငါးမြစ်ချင်းများကို တင်ပို့လျက်ရှိပြီး ပြီးခဲ့သည့် ၂၀၁၇ ခုနှစ်တွင် ငါးမြစ်ချင်းတင်ပို့မှုမှ အမေရိကန်ဒေါ်လာ ၂၈သန်း ပို့ကုန်ဝင်ငွေရရှိခဲ့ကြောင်း ဦးထွန်းအေးက ဆိုသည်။

ယခုကဲ့သို့ ငါးမြစ်ချင်းတင်ပို့ခွင့်ကို ကန်သတ်ခံရသောကြောင့် နိုင်ငံအတွက် ပို့ကုန်ဝင်ငွေရရှိမှု နစ်နာသကဲ့သို့ လုပ်ငန်းရှင်များအတွက်လည်း ဈေးကွက်တစ်ခုပျောက်ဆုံးသွားကြောင်း ၎င်းက ဆိုသည်။

ထို့ပြင် အမေရိကန်ဒေါ်လာ ဈေးမြင့်တက်ချိန်တွင် ငါးစာကဲ့သို့ သွင်းအားစုများကို ဈေးကြီးပေးဝယ်ထားခဲ့ရပြီး ယခုအခါ ဈေးကွက်မရှိသောကြောင့် လုပ်ငန်းရှင်များမှာ အခက်ကြုံနေရကြောင်း ဦးထွန်းအေးက ဆိုသည်။

ထို့ပြင် ငါးမြစ်ချင်းသည် ပြည်တွင်းဈေးကွက်ထက် ပြည်ပဈေးကွက်တွင် ရောင်းချပါက ဈေးကောင်းရကြောင်း ပြည်တွင်းငါးမွေးမြူရေးလုပ်ငန်းရှင် အသိုင်းအဝိုင်းထံမှ သိရသည်။

You may also like...

Leave a Reply

Your email address will not be published. Required fields are marked *