အခြေခံပညာသင်ရိုးအသစ်တွင်ရာသီဥတုပြောင်းလဲခြင်း ထည့်သင်မည်

ရန်ကုန်၊ နိုဝင်ဘာ ၂

အခြေခံပညာသင်ရိုးအသစ်တွင် ရာသီဥတုပြောင်းလဲခြင်းဆိုင်ရာအကြောင်း အရာများကို ထည့်သွင်းထားကြောင်း အခြေခံပညာဦးစီးဌာနမှ ညွှန်ကြားရေးမှူး ချုပ်ဦးကိုလေးဝင်းက ပြောကြားသည်။

ရာသီဥတုပြောင်းလဲခြင်း၊ သဘာဝ ပတ်ဝန်းကျင်ထိန်းသိမ်းရေးနှင့် ဘေးအန္တရာယ်ရင်ဆိုင်တုံ့ပြန်ခြင်းဆိုင်ရာ အကြောင်းအရာများကို ဘ၀တွက်တာကျွမ်းကျင်စရာဘာသာရပ်တွင် ထည့်သွင်းသင်ကြားစေမည်ဖြစ်ကြောင်း ၎င်းက ဆိုသည်။

“နဂိုကတည်းကပဲ ပတ်ဝန်းကျင်ထိန်းသိမ်းရေးတို့ ရာသီဥတုပြောင်းလဲမှုတို့က အခြေခံပညာရဲ့ Life Skill Curriculum ထဲမှာ ပါပြီးသားပါ။ သင်ရိုးသစ်မှာလည်း အဲဒီအကြောင်းအရာတွေ ပါဝင်မှာပါ” ဟု ၎င်းက The Voice Journal သို့ ပြောဆိုသည်။

သင်ရိုးအသစ်တွင် သင်ရိုးအဟောင်းမှ အကြောင်းအရာများ ၇၀ ရာခိုင်နှုန်းခန့် ပါဝင်မည်ဖြစ်ပြီး အကြောင်းအရာအသစ် ၃၀ ရာခိုင်နှုန်းပါဝင်မည်ဖြစ်ကာ အကြောင်းအရာချဉ်းကပ်ပုံကို ပြောင်းလဲထားကြောင်း ၎င်းက ဆိုသည်။

ရာသီဥတုပြောင်းလဲခြင်း၊ သဘာဝဘေးအန္တရာယ် ကြုံတွေ့ရခြင်းနှင့် သဘာဝပတ်ဝန်းကျင် ထိန်းသိမ်းစောင့်ရှောက်ခြင်းတို့မှာ ဆက်စပ်နေပြီး ယင်းအကြောင်းအရာများကို ကလေးများအား ငယ်စဉ်ကတည်းက သင်ကြားပေးမှသာ ဘေးအန္တရာယ်များကို ရင်ဆိုင်နိုင်လာမည် ဖြစ်ကြောင်း ဦးကိုလေးဝင်းက ပြောဆို သည်။

ထို့ကြောင့် အခြေခံပညာသင်ရိုးတွင် အဆိုပါအကြောင်းအရာများကို ထည့်သွင်းပြဋ္ဌာန်းထားရခြင်းဖြစ်ကြောင်း ၎င်းက ဆက်လက်ပြောဆိုသည်။

သင်ရိုးသစ်တွင် ရာသီဥတုပြောင်းလဲခြင်းနှင့် ဘေးအန္တရာယ်ရင်ဆိုင်တုံ့ပြန်ခြင်းအကြောင်းအရာများကို ထည့်သွင်းသင်ကြားရန် စီစဉ်နေမှုကို ကြိုဆိုကြောင်း ပဲခူးမြို့နယ် သာယာအေးမူလတန်းလွန်ကျောင်းမှ မူလတန်းပြဆရာတစ်ဦးက ပြောကြားသည်။

ယင်းသို့ ထည့်သွင်းရာတွင် အကြောင်းအရာ ချည်းကပ်ပုံကို လက်တွေ့သရုပ်ပြမှုများဖြင့်ပါ သင်ကြားနိုင်ရန် ပြဋ္ဌာန်းပေးသင့်ကြောင်း ၎င်းက ဆိုသည်။

“အခုက ရေကြီးတာတွေ၊ ငလျင်လှုပ်တာတွေ၊ မီးလောင်တာတွေ ကြုံနေရတယ်။ ဘယ်လို ရင်ဆိုင်တုံ့ပြန်ရမလဲဆိုတာ ကလေးတွေသိထားရင် လက်တွေ့ကြုံလာတော့ အသုံးချနိုင်တာပေါ့။ သဘောတရားရော၊ လက်တွေ့ပါ သင်နိုင်အောင် ပြဋ္ဌာန်းပေးရင် ပိုကောင်းတယ်” ဟု မူလတန်းပြဆရာတစ်ဦးက မှတ်ချက်ပြုသည်။

လာမည့်၂၀၁၉ခုနှစ်တွင် တတိယတန်းနှင့် ဆဋ္ဌမတန်း၌ သင်ရိုးအသစ်ဖြင့် အစားထိုးသင်ကြားနိုင်ရန် စီစဉ်နေကြောင်း အခြေခံပညာဦးစီးဌာနထံမှ သိရသည်။

You may also like...

Leave a Reply

Your email address will not be published. Required fields are marked *