တရုတ် – အမေရိကန် ကုန်သွယ်ရေးအခက် အာဆီယံအချက်

Photo by weekly standard

တရုတ်နှင့် အမေရိကန်ကုန်သွယ်ရေးစစ်တွင် ထိခိုက်နစ်နာနေသော စီးပွားရေးလုပ်ငန်းများစွာရှိသော်လည်း မြန်မာအပါအဝင် အာဆီယံ (အရှေ့တောင်အာရှနိုင်ငံ များအသင်း) နိုင်ငံများအတွက် အခွင့်အလမ်းကောင်း ဖြစ်သည်။

တရုတ် အမေရိကန် ကုန်သွယ်ရေးစစ်တွင် နှစ်ဖက်အပြန်အလှန် ဒဏ်ခတ်သည့် ကြားထဲမှ စီးပွားရေးလုပ်ငန်းများစွာ အဆုံးအရှုံးများနေသည်။ တင်းမာမှုများသည် အမေရိကန်လွှတ်တော် ရွေးကောက်ပွဲများ ကျင်းပပြီးစီးသွားချိန်တွင်ပင် ပြယ်လွင့်သွားဖွယ် မရှိပါ။

တရုတ်ပြည်မကြီးရှိ တရုတ် ဟုတ်သော၊ တရုတ် မဟုတ်သော ထုတ်ကုန်လုပ်ငန်းများသည် ကုန်သွယ်ရေးစစ်ကို  တုံ့ပြန်ကြသည်။ consumer products  များကို ဖြန့်ဖြူးသည့် ကုမ္ပဏီကြီးများသည်  တရုတ်မှ ဟောင်ကောင်သို့ ပြောင်းရွှေ့အခြေစိုက်ကြသည်။

အမေရိကန်သို့ တင်ပို့သည့် သူတို့၏  နောက်ဆုံးထုတ်ကုန်များသည် တရုတ်မှ နောက်ဆုံးထုတ်လိုက်ခြင်း မဖြစ်အောင်  ပြည်မကြီးရှိ အီလက်ထရွန်နစ်ကုမ္ပဏီများသည် စက်ရုံများကို ထိုင်ဝမ်သို့ ပြောင်းကြသည်။ သို့မှသာ သူတို့၏ထုတ်ကုန်များသည် တရုတ်ထုတ်ကုန်များကို ဦးတည်သည့် အမေရိကန်၏ အကောက်ခွန်များမှ ကင်းလွတ်မည်။

အမေရိကန်အကောက်ခွန်ဌာနသည် ကုန်ပစ္စည်းများ မူလထွက်ရှိသည့် ဒေသကို အခြေခံပြီး အခွန်ကောက်သည့် မူဝါဒကို တင်းကျပ်လာသည်နှင့်အမျှ  တရုတ်နိုင်ငံမှသည် အရှေ့တောင်အာရှနှင့်  အခြားနိုင်ငံများသို့ ကုန်သွယ်ရေးလမ်းကြောင်း လွှဲကြမည်။ ကုန်သွယ်ရေးလမ်းကြောင်းလွှဲရာမှသည် ရင်းနှီးမြှုပ်နှံမှုလမ်းကြောင်း လွှဲကြလိမ့်မည်။

တရုတ်သည် အမေရိကန်သို့ ထုတ်ကုန်တင်ပို့သည့် နိုင်ငံများသို့ ပစ္စည်းအစိတ်အပိုင်းများကို တင်ပို့လိမ့်မည်။ အရည်အသွေးသိပ်မလိုသော ကုန်ပစ္စည်းများ ထုတ်လုပ်ခြင်းသည် တရုတ်မှသည် အရှေ့တောင်အာရှ၊ တောင်အာရှနှင့် အာဖရိကသို့ နဂိုကတည်းက ရွှေ့ပြောင်းနေသည်။  ထိုဖြစ်စဉ်ကို ယခုကုန်သွယ်ရေးစစ်ပွဲက  အရှိန်မြှင့်ပေးလိုက်ခြင်း ဖြစ်သည်။

တရုတ်သည် အမေရိကန်နှင့် အချိန်ကြာမြင့်စွာ အားစမ်းရာတွင် ယင်း၏ Belt and Road Initiative ခေါ် ကုန်းရေ ပိုးလမ်းမသစ် စီမံကိန်းကို ပိုအားထားလာမည်ဟု ခန့်မှန်းပါသည်။

တရုတ်ခေါင်းဆောင်များသည် အမေရိကန်နှင့် ရန် မဖြစ်လိုပါ။ အမေရိကန်၏ တောင်းဆိုချက်များကို ဟိုဘက် ဒီဘက် ညီတူညီမျှအလျှော့ပေးခြင်းမျိုးပင် မဟုတ်ဘဲ တရုတ်ဘက်က များများပိုလိုက်လျောချင်သည့် စိတ် ရှိသော်လည်း အမေရိကန်၏  အနိုင်ကျင့်ခံလိုက်ရသည်ဟု တရုတ်ပြည်သူများက မမြင်စေချင်ကြ။

နောင်လာမည့် ဆယ်စုနှစ်များတွင် တရုတ်၏ ကြီးထွားလာသော စီးပွားရေး၊ နိုင်ငံရေးနှင့် စစ်ရေးအင်အားတို့သည် အမေရိကန်၊ ဥရောပ၊ရုရှ၊ အိန္ဒိယ၊ ဂျပန်တို့နှင့်  ဆက်ဆံရေးကို ပုံမှန်လိုလို မတည်မငြိမ် ဖြစ်စေလိမ့်မည်။

အာဆီယံအချက်

ထိုကဲ့သို့ နိုင်ငံရေးပထဝီဝင် အပြောင်းအလဲကို ကမ္ဘာ့နိုင်ငံများ ချိန်ညှိရန် ကြိုးစားသည့်အခါတွင် အာဆီယံသည် အကျိုးခံစားရဆုံး ဖြစ်သည်။

အာဆီယံသည် အင်အားကြီးနိုင်ငံအားလုံးနှင့် သင့်တင့်အောင်နေသဖြင့် အင်အားကြီးနိုင်ငံများက မစိုးရိမ်ကြ။   အာဆီယံ၏ ပထဝီဝင်သည် ဒေသတွင်းတိုက်အားပွတ်အားများကို ဟိုဘက်ယိမ်းလိုက် သည်ဘက်ယိမ်းလိုက်ဖြင့် အလိုက်သင့်အလျားသင့် ခံနိုင်စေသည်။

ယခုလောလောဆယ် အမေရိကန်နှင့် တရုတ်ကုန်သွယ်ရေးစစ်ပွဲတွင် အာဆီယံသည် တရုတ်အစား သင့်တော်သည့် ကုန်ထုတ်လုပ်ရေးဗဟိုချက်မ ဖြစ်လာဖွယ် ရှိသည်။

တရုတ်သည် ကမ္ဘာ့အကြီးဆုံးဈေးကွက်ကြီးဖြစ်လာရန် အချိန်သိပ်မလိုတော့ပါ။ တရုတ်သည် ကုန်ကြမ်းများ၊  အစားအသောက်များသာ လိုအပ်မည် မဟုတ်။ ကုန်ချောများအတွက်လည်း အကြီးဆုံးဈေးကွက်ကြီး ဖြစ်လာမည်။

တရုတ်နှင့် လွတ်လပ်စွာကုန်သွယ်ရေးစာချုပ်ချုပ်ဆိုထားသည့် အာဆီယံသည် ဖွံ့ဖြိုးပြီးနိုင်ငံများသို့ သာမက တရုတ်သို့ပါ ကုန်များထုတ်လုပ်တင်ပို့သည့် အဓိကထုတ်ကုန်အချက်အချာနေရာ ဖြစ်လာလိမ့်မည်။

တရုတ်နှင့် အာဆီယံစီးပွားရေး ပေါင်းစည်းခြင်းသည် အရှိန်ရနေပြီ။ တရုတ်နှင့် အာဆီယံကုန်သွယ်ရေးသည် ၂၀၂၀ တွင် အမေရိကန်ဒေါ်လာတစ်ထရီလီယံ ( တစ်ထရီလီယံ = တစ်ထောင်ဘီလီယံ၊  တစ်ဘီလီယံ = သန်းတစ်ထောင်) သို့ ရောက်ရှိမည်ဟု မျှော်လင့်ကြောင်း အင်ဒိုနီးရှားနိုင်ငံ မြို့တော်ဂျာကာတာတွင်  တရုတ်သမ္မတရှီကျင့်ဖျင်က ကုန်းရေပိုးလမ်းမသစ်စီမံကိန်းကြီးကို ၂၀၁၃ ခုနှစ်တွင် ထုတ်ဖော်ကြေညာစဉ်က ပြောကြားသည်။ ထိုတစ်ထရီလီယံပစ်မှတ်သို့ ရောက်ရန် လမ်းပန်းဆက်သွယ်ရေး အရေးကြီးသည်။ ထို့ကြောင့် ကုန်းရေပိုးလမ်းမသစ်ကြီး၏ စီမံကိန်းများ အရေးကြီးလာခြင်း ဖြစ်သည်။

ထိုသို့ ဖြစ်လာရန် နယ်စပ်များတွင် လုပ်ထုံးလုပ်နည်းများ ပိုမိုရိုးရှင်းအောင် ပြုလုပ်ရမည်။ အာဆီယံနိုင်ငံများသည် တရုတ်နှင့် စီးပွားဆက်ဆံခြင်း၏ အကျိုးများကို သိမြင်ကြပြီး တရုတ်၏ ရင်းနှီးမြှုပ်နှံမှုနှင့် ကုန်သွယ်ရေးတို့ကိုရအောင် သူ့နည်း သူ့ဟန်နှင့်သူ အပြိုင်အဆိုင် ကြိုးစားနေကြသည်။ ဥပမာအချို့ကို တင်ပြလိုပါသည်။

ဗီယက်နမ်သည် တရုတ်ထက် ကုန်ကျစရိတ်နည်းသည်။ သူ့လုပ်သားများသည် တရုတ်လုပ်သားများထက် မညံ့။ ကြိုးစားသည်ချင်း တူသည်။ ဗီယက်နမ်သည် တရုတ်နှင့် နယ်မြေကိစ္စ အငြင်းပွားချက်အချို့ရှိသော်လည်း အာဆီယံတွင်  တရုတ်၏ အဓိကစီးပွားဖက် ဖြစ်လာဖွယ် ရှိသည်။

ထိုင်း၏ စီးပွားရေးသည် တောက်ပ လင်းလက်သည်။ တရုတ်နှင့် နယ်စပ်ချင်း မဆက်သဖြင့် နှစ်နိုင်ငံ အငြင်းပွားစရာ မရှိဘဲ တရုတ်မြင့်တက်ခြင်းမှ အကျိုးခံစားရမည်ဖြစ်သည်။ ထိုင်းနိုင်ငံ ဘန်ကောက်၊  လာအိုနိုင်ငံ ဗီယန်ကျင်းနှင့် တရုတ်နိုင်ငံ ယူနန်ပြည်နယ်မြို့တော် ကူမင်းတို့ကို  ဆက်သွယ်ထားသည့် ရထားလမ်းသည် ဖောက်နေပြီဖြစ်ပြီး ၂၀၂၁ တွင် ပြီးမည်ဟု  ခန့်မှန်းသည်။

တရုတ်သည် အာဆီယံနိုင်ငံတိုင်း၏  အကြီးဆုံးကုန်သွယ်ဖက်နေရာကိုရောက်နေသော်လည်း အာဆီယံသည် တရုတ်၏ လက်အောက်သို့ ဝင်မည်မဟုတ်ကြောင်း  တရုတ်က သိသည်။ မည်သည့်ဘက်မျှ မပါသည့် ဒေသဆိုင်ရာအဖွဲ့အစည်းဖြစ်သည့်  အာဆီယံသည် အင်အားကြီးနိုင်ငံအားလုံးနှင့် ခင်မင်ရင်းနှီးစွာနေထိုင်ပြီး ရင်းနှီးမြှုပ် နှံမှုများကိုလည်း လားရာအစုံမှ လက်ခံသည်။

အမေရိကန်တပ်မတော် ဒေသတွင်းတွင် အတိုင်းအတာတစ်ခုထိ တည်ရှိမှုသည် အရှေ့တောင်အာရှဒေသတွင်း အင်အားချိန်ခွင်လျှာကို တည်ငြိမ်စေသည်။ သို့သော် တရုတ် – အမေရိကန် အားပြိုင်မှု ပြင်းထန်လာလျှင် အာဆီယံသည် မည်သည့်ဘက်မျှ မလိုက်ရန် အရေးကြီးသည်။

(စင်ကာပူထုတ် Today သတင်းစာတွင် ယခင် စင်ကာပူနိုင်ငံခြားရေးဝန်ကြီး George Yeo ရေးသားသည့် Asean as a beneficiary of the Sino-US trade war ကို မှီငြမ်းရေးသားသည်။)       

ဝိဇ္ဇာ

You may also like...

Leave a Reply

Your email address will not be published. Required fields are marked *