ပညာဖြင့် လူငယ်များဘ၀ အောင်မြင်တိုးတက်ရေးသို့ …

ယနေ့လူငယ်တိုင်းလိုလိုတွင် ပညာဟုဆိုလိုက်လျှင် ကျောင်းပညာရေးကိုသာ ပြေးမြင်မိတတ်ကြပါတယ်။ ကျောင်းပညာရေးနှင့် ဘွဲ့များအပေါ်တွင်သာ ‘ပညာ’ ဆိုသည့် ဆိုင်းဘုတ်တပ်ထားသည့်အလားဖြစ်နေတတ်ပါတယ်။ အကြောင်းမှာ ပညာရေးကတစ်ဆင့် ပညာကိုပိုမိုတိုးချဲ့သိမြင်လာခြင်းကြောင့် ထိုသို့လူငယ်များအနေနှင့် ပညာကို ပညာရေးဟု ပြေးမြင်မိသည်ကိုလည်း နားလည်ပေးရပါမယ်။ သို့ရာတွင် ပညာရေး၌သာ လမ်းဆုံးနေပြီး ပညာကိုအသုံးချနိုင်မှု စွမ်းအားနည်းခဲ့ပါမူ အဆိုပါပညာရေးသည် ပညာ၏သဘော ပညာ၏အနှစ်သာရကို ပြည့်ပြည့်၀၀ပေးစွမ်းနိုင်မည်မဟုတ်ဟု မြင်မိပါတယ်။

ထို့အတူ ပညာကိုရှာမှီးရာတွင်လည်း ကျောင်းပညာရေးမှသာမဟုတ် မည်သည့်နေရာ၊ မည်သည့်အရပ်ဒေသနှင့် မည်သည့်အချိန်အခါတွင်မဆို ရယူနိုင်သည့် အခွင့်အလမ်းများ များစွာရှိနေပါတယ်။ ရယူနိုင်သည့် အခွင့်အလမ်းများရှိသလို အသုံးချနိုင်မှုစွမ်းအားများလည်း ရှိရပါ မယ်။ ပညာဟူသည် ပညာရပ်ဆိုင်ရာ ဆင့်ကဲဖွံ့ဖြိုးတိုးတက်အောင် တီထွင်ကြံဆနိုင်မှု၊ အကျိုးအကြောင်း အဆိုးအကောင်းကို ဝေဖန်ပိုင်းခြားခွဲခြမ်းနိုင်မှု၊ အကြောင်းအရာ တစ်စုံတစ်ခုခုအပေါ် စနစ်တကျရှုမြင်သုံးသပ်နိုင်မှု စသည့်စွမ်းရည်များ ဖြစ်ပါတယ်။ ထို့ကြောင့် ယနေ့ ကျွန်ုပ်တို့ပညာရေးသည် အဆိုပါခွဲခြမ်းနိုင်သည့် စွမ်းရည်များ၊ ဆင့်ကဲဖွံ့ဖြိုးတိုးတက်နိုင်သည့် စွမ်းရည်များကို မွေးထုတ်ပေးသည့် အရာ သို့မဟုတ် မြှင့်တင်ပေးသည့်အရာတစ်ခုသာလျှင် ဖြစ်ပါတယ်။

ပြင်ပသင်တန်းများကိုလည်း တက်ပါ။ သိုသော် …

ယနေ့ခေတ်တွင် ကျောင်းသားလူငယ်များနှင့် ကျောင်းပြီး ဘွဲ့ရပြီးသူများအတွက် သိစရာ တတ်စရာပညာရပ်များ လေ့လာ၍မကုန်နိုင်အောင် အလွန်ပင်များပြားလှပါတယ်။ အဆိုပါပညာရပ်များကို ကျောင်းသင်ရိုးညွှန်းတမ်းများမှလည်းကောင်း၊ ပညာရပ်ဆိုင်ရာစာအုပ်စာတမ်းများ၊ စာကြည့်တိုက်နှင့် အင်တာနက်မှတစ်ဆင့်လည်းကောင်း ရယူနိုင်ပါတယ်။ ပညာရပ်များ များပြားလာခြင်းသည် အချို့သော လူငယ်များအတွက် မည်သို့သောသင်တန်းများသည် မိမိသက်မွေးပညာရေးနှင့် သက်ဆိုင်သည်ကိုပင် စဉ်းစားရခက်လာပါတယ်။ ထို့ကြောင့် ကျောင်းသားလူငယ်အတော်များများဟာ အများနည်းတူ ကောင်းနိုးရာရာထင်ရသော သင်တန်းမျိုးစုံတို့ကို တက်ရောက်တတ်ကြပါတယ်။ အရေးကြီးသည့်အချက်မှာ သင်တန်းများစွာတက်ရောက်ခြင်းသည် အဓိကမကျဘဲ မိမိ၏သက်မွေးဝမ်းကျောင်းပြုမည့် ပညာရပ်နယ်ပယ် သို့မဟုတ် Professional ကျကျ သက်မွေးပညာအလုပ်ကို မည်သို့မည်ပုံအတိုင်းအတာအထိ အထောက်အပံ့ပြုနိုင်သည်၊ မပြုနိုင် သည်ကို အချိန်ပေးစဉ်းစားပြီး သင်တန်း တက်ရောက်ခြင်းဆိုသည့် အချက်ကသာ ပို၍အရေးကြီးလှပါတယ်။ မိမိ၏သက်မွေးပညာအလုပ်နှင့် မဆက်စပ်သည့် သင်တန်းများကို တက်ရောက်ပါက အကြားအမြင်ဗဟုသုတများ တိုးပွားကောင်းတိုးပွားလာနိုင်ပါတယ်။ မိတ်ဆွေအပေါင်းအသင်းများလည်း တိုးပွားကောင်းတိုးပွားလာနိုင်ပါတယ်။ ထို့ထက် မိမိအလုပ်နှင့် တကယ်ဆက်စပ်သည့် သင်တန်းမျိုးဖြစ်ပါမူ သင်တန်း တက်ရသည့်အချိန်နှင့် ပေးလိုက်ရသည့် သင်တန်းကြေးအဖိုးအခတို့သည် တကယ်အကျိုးရှိရှိ အသုံးချလိုက်နိုင်ခြင်းပင်ဖြစ်ပါ တယ်။ ထိုမှတစ်ဆင့် မိမိအတွက် အားလပ်ချိန် သို့မဟုတ် နားနေချိန်အတွက် အချိန်ပိုများရလာခြင်း၊ မိဘညီအစ်ကိုမောင်နှမများအတွက် အချိန်ပိုပေးနိုင်လာခြင်း၊ မိမိစိတ်ဝင်စားရာ ဝါသနာပါသည့်အလုပ်များကို လုပ်ကိုင်လာနိုင်ခြင်း စသည့် အကျိုးကျေးဇူးများလည်း ရလာနိုင်ပါတယ်။
အမှန်စင်စစ် ကျွန်ုပ်တို့ဘ၀တွင် သင်ယူလေ့လာစရာများက တစ်သက်တာ လေ့လာစေဦးတော့ ကုန်ဆုံးသည် သို့မဟုတ် ဆုံးခန်းတိုင်သည်အထိ မရှိနိုင်ပါ။ ထိုနှင့်ဆန့်ကျင်စွာ ကျွန်ုပ်တို့၏လူ့ဘ၀အချိန်သည်ကား အကန့်အသတ်ဖြင့်ပင်။ ထို့သို့သော အကန့်အသက်ရှိသော လူ့ဘ၀ တွင် မိမိ၏ရွေးချယ်မှုများ၊ ဆုံးဖြတ်ချက်များသည် မိမိဘ၀အတွက် အမှန်တကယ်အရေးကြီးသည့်အရာများလည်း ဖြစ်ပါတယ်။

ကုလသမဂ္ဂအတွင်းရေးမှူးချုပ်ဟောင်း ဦးသန့်၏ ပညာရေးအမြင်

ယနေ့ ကျောင်းသားလူငယ်များအနေနှင့် ပညာကို ကျောင်းသင်ရိုးညွှန်းတမ်းများ၊ စာအုပ်စာပေများ၊ သင်တန်းများမှသာမက လူနေမှုနယ်ပယ်စုံ၏ နေရာဒေသမရွေး၊ အလွှာအတန်းအစားမရွေး၊ အခြေအနေမျိုးစုံ၊ နေရာမျိုးစုံတို့တွင် ရှာဖွေရယူနိုင်ပါတယ်။ ဘွဲ့များနှင့် အောင်လက်မှတ်များရရှိခြင်းသည် စစ်မှန်သော ပညာအဆင့်ကို ပိုင်ဆိုင်နေသည့်အဆင့်သို့ ရောက်ရှိနေသည်ဟု မဆိုနိုင်ပါချေ။ ထိုအကြောင်းကို ကုလသမဂ္ဂအတွင်းရေးမှူးချုပ်ဟောင်း ဦးသန့်က ‘လူ့ဘ၀သည် ပညာသင်ကြားလျက်ရှိသော ကျောင်းကြီးပင် ဖြစ်သည်။ လူသည် တစ်သက်လုံးပညာသင်ကြားလျက်ရှိသည်။ သေမှသာ လူ့လောက ကျောင်းကြီးမှ ထွက်ရတော့သည်။ ထို့ကြောင့် ငါတော့ ဘယ်အတန်းအောင်ပြီ၊ ပညာသင်တာလည်း ပြီးပြီ၊ နောက်ဆက်ပြီး ရှာရန်မလိုဟူသောစကားသည် ပညာစိုးစိမျှမရှိသော လူပေါ်ကြော့တို့၏ စကားသာလျှင်ဖြစ်ပေ၏။’ ဟူ၍ ရေးသားလမ်းညွှန်ထားရာ ယနေ့လူငယ်များ ပညာရေးဘွဲ့များနှင့် ပညာသင်ကြားမှု၏ အခန်းကဏ္ဍမတူပုံကို ခွဲခြားနားလည်နိုင်ည် ဖြစ်ပါတယ်။

ဗိုလ်ချုပ်အောင်ဆန်း၏ ကျောင်းသားဘ၀ ပညာရေးအမြင်

အမှန်တကယ်အားဖြင့် ပညာဟူသည် စာအုပ်စာတမ်းများဖတ်ရှု၍ရသည့် စာသိမှုကို ဆိုလိုခြင်းမဟုတ်ပါ။ စစ်မှန်သော ပညာဆိုသည်မှာ လူသားများ၏ စိတ်နေစိတ်ထားကို ပြောင်းလဲနိုင်သည့် စွမ်းရည်ရှိသကဲ့သို့ လူသားများ၏ ရှိရင်းစွဲအတွေးအခေါ်များ၊ အယူအဆများကို ပြောင်းလဲပေးနိုင်သည့် စွမ်းအားများလည်း ရှိရပါမယ်။ ထို့အပြင် ပညာရှင်တစ်ယောက်သည် မိမိပညာရပ်နှင့်စပ်လျဉ်းပြီး အစဉ်လေ့လာဆည်းပူးနေဖို့ လိုပါမယ်။ ထိုသို့ အစဉ်လေ့လာဆည်းပူးနေရုံသာမက မိမိမှလည်း ပညာရပ်အပေါ် ဆင့်ကဲပြောင်းလဲတိုးတက်အောင် ဖန်တီးနိုင်ရပါမယ်။ ဖန်တီးနိုင်အောင်လည်း အစဉ်ကြိုးစားရပါမယ်။ ထိုအကြောင်းကို နိုင်ငံခေါင်းဆောင်ကြီးဖြစ်ခဲ့သည့် ဗိုလ်ချုပ်အောင်ဆန်းက ‘ဗိုလ်ချုပ်အောင်ဆန်း၏ ကျောင်းသားဘ၀နှင့် ပညာရေးအမြင်’ ဆောင်းပါးတွင် ‘ပညာဆိုသည်မှာ စာအုပ်စာတမ်းဖတ်၍ စာသိမှုကို ပညာဟု မဆိုနိုင်ပေ။ ပညာဟူသည် အတိုင်းအဆမထင် အလွန်ကျယ်ပြောနက်နဲလှပေသည်။ လောကပြင်ကျယ်တည်းဟူသော ကျောင်းကြီး၌ ပုခက်တွင်းမှသည် မြေကြီးထဲသို့ရောက်သည်အထိ ပညာသင်သားများ ဖြစ်နေကြပေသည်။ ထို့ကြောင့် ပညာသင်ကြားမှုသည် အမှန်စင်စစ်အားဖြင့် သူ၏တစ်သက်ပန်တွင် ကုန်ဆုံးသည်ဟု မဆိုနိုင်ပေ။ ပညာတတ်သူသည် လောကရှိ အရာရာကို အခွင့်အလမ်းအလိုက် ဆင်ခြင်သုံးသပ်နိုင်စွမ်းသော ဉာဏ်အားကိုလည်းကောင်း၊ မိမိဉာဏ်အမြင်အရ စိတ်နေစိတ်ထား စိတ်ဓာတ်တို့ကိုလည်းကောင်း (Emotion of Education) ပြုပြင်ပြုစုစီမံထားခဲ့သူသာလျှင်ဖြစ်သည်။ ဘီအေပင် အောင်စေကာမူ၊ ပါရဂူဘွဲ့ကြီးပင်ရစေကာမူ၊ ပထမကျော်ကြီးပင် ဖြစ်စေကာမူ၊ အသက်အရွယ်မည်မျှပင်ကြီးရင့်စေကာမူ ပညာဆိုသော သဘာဝအဓိပ္ပာယ်ကို ကောင်းစွာသုံးသပ်နားလည်ခြင်းမရှိခဲ့သော် တကယ်အရာမရောက်၊ အသုံးမဝင်နိုင်ပေ။ ပညာသည် စာအုပ်များထဲ၌သာ ရှိသည်မဟုတ်။ စာအုပ်ကိုကျော်၍ မြင်စွမ်းနိုင်ခြင်းကို ဆောင်ရပေမည်။ ပညာသည် လူ၏ဉာဏ်ကိုသာ ပြုပြင်တိုးချဲ့ရုံသာ မဟုတ်။ လူ၏ စိတ်နေစိတ်ထား အယူအဆများကိုလည်း တိုးတက်စေရမည်။ လူထု၏ ဆန္ဒအား၊ လုပ်အားကို နူးညွတ်စေရမည်။ ရာဇဝင်ကို သိရုံသာမဟုတ်၊ ရာဇဝင်ကို ဖန်တီးစေရမည်။ လောကဓာတ်ပညာကို တိုးချဲ့နိုင်ရမည်။ ပထဝီပညာကို သိရုံသာမဟုတ်။ မြေသစ်၊ ရေသစ်၊ တောတောင်တို့ကို ရှာဖွေစုံစမ်းနိုင်စွမ်းစေရမည်။ လောကအကြောင်းကို နားလည်စေရုံသာမဟုတ်၊ သည်ထက်ကောင်းသော လောကကို ဖန်ဆင်းနိုင်စေရမည်’ ဟူ၍ ပညာရေးအမြင်ကို ဖော်ပြထားသည်မှာ ယနေ့လူငယ်များအတွက် ပညာ၏သဘော သဘာဝ၊ ပညာ၏နက်နဲမှု၊ ပညာဖြင့် ဆင့်ကဲတိုးတက်ဖွံ့ဖြိုးအောင် ကြံဆောင် တတ်စေမှုတို့ကို အထူးသိမြင်နိုင်ပါတယ်။

သက်မွေးပညာ၏အရေးပါမှု

ယနေ့ခေတ်ကာလကို ပြန်ငဲ့လေ့လာကြည်ပါလျှင်လည်း ပညာ၏အခွဲတစ်ခုဖြစ်သည့် သက်မွေးပညာတွင်လည်း လူငယ်များအနေနှင့် သက်မွေးပညာရပ်တစ်ခုခုကို ကောင်းကောင်းမွန်မွန်တတ်မြောက်လျှင် မိမိဘ၀တွင် အများနည်းတူ တင့်တင့်တယ်တယ် အသက်မွေးဝမ်းကျောင်းပြုနိုင်ပါမယ်။ ထို့အကြောင်းအရာကို ကမ္ဘာ့အကောင်းဆုံးအမေရိကန်တင်းနစ်မယ်တစ်ဦးဖြစ်သည့် Martina Navratilova က’If you can do just one thing well, you are NEEDED by someone’  ‘မိမိကသာ အတတ်ပညာတစ်ခုခုကို ကျွမ်းကျွမ်းကျင်ကျင် တတ်မြောက်ပါမူ တစ်ဦးတစ်ယောက်က မိမိအတတ်ပညာအတွက် မိမိအား အမြဲအလိုရှိနေပါလိမ့်မယ်’ ဟု ဆိုထားဖူးပါတယ်။ ထို့ကြောင့် လူငယ်များအနေနှင့် မိမိတို့ကသာ အတတ်ပညာတစ်ခုခုကို ထဲထဲဝင်ဝင် နှံ့နှံ့စပ်စပ် တတ်မြောက်ရန် ကြိုးစားရပါမယ်။ ထိုသို့ ထဲထဲဝင်ဝင် နှံ့နှံ့စပ်စပ် တတ်မြောက်သည်ထက် ကျော်လွန်၍ ပညာရပ်မှတစ်ဆင့် ရှေ့သို့တိုးချဲ့နိုင်ခြင်းအဆင့်သို့ ရောက်ရှိပါမူ ပညာရှင်ဝန်ထမ်း အဆင့်မှသည် ပညာရှင်အလုပ်ရှင်သူဌေးဘ၀သို့ ရောက်ရှိသွားသူများကိုလည်း ယနေ့ကမ္ဘာတစ်ဝန်းနှင့် မိမိတို့နိုင်ငံတွင်လည်း များစွာတွေ့မြင်နိုင်ပါတယ်။ သာဓကတစ်ခုအနေနှင့် ‘စိုးလျှပ်စစ်’ ကို တည်ထောင်သည့် ဆရာကြီးဦးစိုးတင့်သည် စက်မှုအထက်တန်းကျောင်းမှပင် အောင်မြင်ခဲ့ပြီး သူ၏သက်မွေးပညာရပ်မှသည် တိုးချဲ့ဖန်တီးနိုင်သည့်အဆင့်သို့ ရောက်ရှိခြင်းကြောင့် နောင်တစ်ချိန်တွင် ပညာရှင်များကို အလုပ်အကိုင်အခွင့်အလမ်းများစွာ ပေးစွမ်းနိုင်သည့် လုပ်ငန်းရှင်သူဌေးတစ်ဦးအဖြစ်သို့ ရောက်ရှိခဲ့ပါတယ်။ ထို့အတူ ယနေ့ကမ္ဘာထိပ်တန်း ချမ်းသာအကြွယ်ဝဆုံးသူဌေးစာရင်းဝင် သူဌေးကြီးဘီလ်ဂိတ်သည်လည်း ကွန်ပျူတာပညာရပ်ကို အလွန်တရာချစ်မြတ်နိုးသူ၊ အချိန်ပြည့်စိတ်ရောကိုယ်ပါ အားသွန်ခွန်စိုက်၍ ကွန်ပျူတာပညာရပ်များကို အမြဲတိုးတက်အောင် ကြံဆောင်နိုင်သူ၊ အနာဂတ်မျှော်မှန်းချက် အလွန်တရာကြီးမားသူသည် အံ့ဖွယ်ပညာရှင်တစ်ဦးဖြစ်ပြီး ပညာရပ်ဖြင့် ရှာဖွေရရှိလာသည့်ငွေကြေးများစွာကိုလည်း ယနေ့လူသားများ၏ပညာရေးနှင့် ကျန်းမာရေး စသည့်လုပ်ငန်းများတွင် ပြန်လည်အကျိုးပြုနေသူဖြစ်ပါတယ်။ ထို့ကြောင့် ယနေ့လူငယ်များအနေနှင့် မိမိတို့၏အသက်မွေးဝမ်းကျောင်းပညာများကို ရွေးချယ်ရာတွင် ဆေးပညာ၊ အင်ဂျင်နီယာပညာ၊ စီးပွားရေးပညာနှင့် ကွန်ပျူတာပညာ စသဖြင့် ပညာ ရပ်နယ်ပယ်များက အရေးကြီးလှသည် မဟုတ်ဘဲ မည်သည့်ပညာရပ်များ၌ မိမိတို့ကိုယ်တိုင် တကယ်စိတ်ဝင်စား နှစ်သက်မြတ်နိုးပြီး စိတ်အားကိုယ်အားနှစ်ကာ လုပ်ဆောင်နိုင်သည့်ပညာရပ်ကို ရွေးချယ်နိုင်ခြင်းကသာ ပိုအရေးကြီးလှပါတယ်။ အကြောင်းမှာ မိမိကိုယ်တိုင် စိတ်ဝင်စားပြီး ထိုအလုပ်မှာပင် အချိန်ပြည့်စိတ်နှစ်ထားနိုင်သူ၊ ဆက်လက်လေ့လာမှုအားပြင်းထန်သူ၊ အမြဲတမ်းလက်ရှိအခြေအနေထက် ပိုမိုကောင်းမွန်အောင် ဖန်တီးနိုင်သူများသာလျှင် ယနေ့မြန်မာနှင့် ကမ္ဘာပေါ်တွင် စီးပွားရေး၊ ပညာရေးနိုင်ငံရေး စသည့်နယ်ပယ်များ၌ အကြီးအကျယ် အောင်မြင်နေသူများအဖြစ် တွေ့မြင်နေကြရသောကြောင့်ဖြစ်ပါတယ်။

နိဂုံး

အချုပ်ဆိုရပါသော် ပညာစစ် ပညာမှန်ဟူသည် အကျိုးအကြောင်းကို ပိုင်းခြားခွဲခြမ်းနိုင်မှုစွမ်းရည်လည်း ဖြစ်ပါတယ်။ ပညာရပ်ဆိုင်ရာ ဆင့်ကဲဖွံ့ဖြိုးတိုးတက်အောင် တီထွင်ကြံဆမှု စွမ်းရည်လည်းဖြစ်ပါတယ်။ အကြောင်းအရာတစ်ခုခုအပေါ် စနစ်တကျရှုမြင်သုံးသပ်နိုင်မှု စွမ်းရည်လည်းဖြစ်ပါတယ်။ ပညာဖြင့် အသက်မွေးခြင်းသည် မြတ်သောအသက်မွေးခြင်းဖြစ်ပြီး ပညာဖြင့် မိမိအကျိုး အများအကျိုးကို ရရှိအောင်စွမ်းဆောင်နိုင်သူများကိုလည်း မြင့်မြတ်သည့်ပညာရှင်များဟု တင်စားလိုပါတယ်။ ထို့ကြောင့် ယနေ့ လူငယ်လူရွယ်တိုင်းသည် ဘ၀တွင် ပညာဖြင့် မြတ်သောအသက်မွေးမှုကိုပြု၍ မိမိအကျိုး၊ အများကောင်းကျိုးကို အောင်မြင်စွာသယ်ပိုး ထမ်းရွက်နိုင်သည့်ပညာရှင်များဖြစ်လာပါစေကြောင်း ရည်သန်၍ စေတနာမွန်ဖြင့် အကြံပြုရေးသားအပ်ပါတယ်။ 

 

မော်ထွန်း (ပညာရေး)

You may also like...

Leave a Reply

Your email address will not be published. Required fields are marked *