EU သို့ မြန်မာ့တို့ တန်ပြန်ခြင်း

ဓာတ်ပုံ - မြင့်မိုးညို

အရေးယူမည်ဟု ကြေညာပြီးနောက် မြန်မာ့မြေပေါ်သို့ EU  ကိုယ်စားလှယ်အဖွဲ့ ရောက်လာသည်။

မြန်မာအပေါ်ပေးထားသည့် အထူးကုန်သွယ်မှုတွင် အခွန်ကင်းလွတ်ခွင့်အခွင့်အရေး (GSP) ပြန်လည်ရုပ်သိမ်းရန် ဥရောပသမဂ္ဂ (EU) က စဉ်းစားနေသည်ဟု ကြေညာပြီးနောက် ရုပ်သိမ်းရန်သင့် မသင့်လေ့လာသည့် EU ကိုယ်စားလှယ်အဖွဲ့ မြန်မာနိုင်ငံသို့ အောက်တိုဘာလ ၂၈ ရက်နေ့တွင် ရောက်လာခြင်း ဖြစ်သည်။

အစိုးရအပါအဝင် စီးပွားရေးလုပ်ငန်းရှင်များနှင့် အလုပ်သမားသမဂ္ဂများကမူ GSP ကို မရုပ်သိမ်းရန် ဥရောပသမဂ္ဂကုန်သွယ်မှုစိစစ်လေ့လာရေးအဖွဲ့သို့ တင်ပြတောင်းဆိုထားကြသည်။

အရေးယူမှုဖြစ်လာပါက အလုပ်သမားသိန်းနှင့်ချီ အလုပ်ပေးထားသော အထည်ချုပ်နှင့် ဖိနပ်ချုပ်ကဲ့သို့ CMP လုပ်ငန်းများအတွက် ထိုးနှက်ချက်ဖြစ်လာနိုင်သောကြောင့် ယင်းလုပ်ငန်းလုပ်ကိုင်နေသူများက ပူပန်နေကြခြင်းလည်း ဖြစ်သည်။

ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်၏တွဲဖက်အထွေထွေအတွင်းရေးမှူး ဒေါ်ခိုင်ခိုင်နွယ်ကမူ GSP အခွင့်အရေးပြန်လည် ရုပ်သိမ်းလိုက်ပါက CMP လုပ်ငန်းများတွင် လုပ်ကိုင်နေသော အလုပ်သမားများသာမက ၎င်းတို့နှင့် ဆက်စပ်သော လူမှုဝန်းကျင်ကိုပါ ဆိုးကျိုး သက်ရောက်မည်ဟု ယင်းကိုယ်စားလှယ်အဖွဲ့ကို ပြောဆိုခဲ့ကြောင်း သတင်းမီဒီယာများသို့ ပြောဆိုသည်။

“အထည်ချုပ်လုပ်ငန်းကဏ္ဍတစ်ခုလုံးအနေနဲ့ကတော့ GSP ရုပ်သိမ်းမယ်ဆိုတာကို အားမပေးဘူး။ ကျွန်မတို့ကတော့ ဒါဟာ ဖြစ်လည်း မဖြစ်စေချင်ဘူး။ ဖြစ်လည်း မဖြစ်သင့်ဘူး” ဟု အထည်ချုပ်လုပ်ငန်းရှင်အသင်း၏ အတွင်းရေးမှူးလည်းဖြစ်သူ ၎င်းက မှတ်ချက်ပေးထားသည်။

အချိန်ပေးပါ

ဥရောပသမဂ္ဂဘက်ကမူ မြန်မာနိုင်ငံကို အရေးယူရန်စဉ်းစားနေပြီး မြန်မာနိုင်ငံအပေါ် အရေးယူဆောင်ရွက်ရန် သင့် မသင့်ကို ကုန်သွယ်မှုစိစစ်လေ့လာရေးအဖွဲ့ စေလွှတ်ကာ အချက်အလက်များ ရယူစေလျက်ရှိသည်။

အဆိုပါအဖွဲ့သည် အောက်တိုဘာလ ၂၈ရက်တွင် မြန်မာနိုင်ငံကို ရောက်ရှိလာခဲ့ပြီး လေ့လာမှုများပြုလုပ်နေသည်။

အဖွဲ့ဝင်ကိုးဦးပါဝင်သော လေ့လာရေးအဖွဲ့ကို EU ကုန်သွယ်ရေးအဖွဲ့၏ ညွှန်ကြားရေးမှူးချုပ် Ms. Helena Koing က ဦးဆောင်လာခဲ့ခြင်းလည်း ဖြစ်သည်။

လေ့လာရေးအဖွဲ့သည် အစိုးရတာဝန်ရှိသူများ၊ လုပ်ငန်းရှင်များ၊ အလုပ်သမားသမဂ္ဂများနှင့် တွေ့ဆုံဆွေးနွေးမှုများလည်း ပြုလုပ်ခဲ့ပြီး တွေ့ရှိချက်များကို စာတမ်းတစ်စောင်ရေးကာ ဥရောပသမဂ္ဂပါလီမန်သို့ ပြန်လည်တင်ပြမည်ဖြစ်သည်။

ဥရောပသမဂ္ဂပါလီမန်က လေ့လာရေးအဖွဲ့၏ စာတမ်းကို သုံးသပ်ကာ အရေးယူရန် သင့် မသင့် ဆုံးဖြတ်မည်ဖြစ်သည်။ အရေးယူခံရလျှင် EU က မြန်မာအပေါ် ပေးအပ်ထားသော Everything but Arms’( EBA) ခေါ် လက်နက်မှလွဲ၍ မည်သည့်ကုန်စည်ကိုမဆို ကုန်သွယ်ခွန်ကင်းလွတ်ခွင့် အထူးအခွင့်အရေး ရုတ်သိမ်းခံရမည် ဖြစ်သည်။

အထိအနာဆုံးဖြစ်မည်က အလုပ်သမားငါးသိန်းကျော် အလုပ်အကိုင်ဖန်တီးပေးထားပြီး ပြည်ပပို့ကုန်အများဆုံးဖြစ်သော အထည်အချုပ်လုပ်ငန်းတွင် အကျပ်အတည်းတွေ့နိုင်ကာ မြန်မာ့လယ်ယာထွက်ပို့ကုန်ကဏ္ဍနှင့် ရေထွက်ပစ္စည်းပို့ကုန်ကဏ္ဍတို့တွင်လည်း သက်ရောက်မှုရှိမည် ဖြစ်သည်။

အထည်ချုပ်လုပ်ငန်း၏ ပြည်ပပို့ကုန် ၇၀ ရာခိုင်နှုန်းကျော်မှာ ဥရောပဈေးကွက်သို့ တင်ပို့နေခြင်းပင် ဖြစ်သည်။

ဓာတ်ပုံ – မိုးကျော်လွင်

အထည်ချုပ်လုပ်သားများအားလုံး၏ မိသားစုကို ပြန်လည်ထောက်ပံ့ငွေသည် တစ်လလျှင် အမေရိကန်ဒေါ်လာ ၃၂ သန်းကျော်ရှိပြီး GSP အခွင့်အရေးရုပ်သိမ်းမည်ဆိုပါက အလုပ်သမားများအလုပ်လက်မဲ့ဖြစ်နိုင်သည်ဟုလည်း အဆိုပါစိစစ်လေ့လာရေးအဖွဲ့ကို တင်ပြခဲ့ကြောင်း ဒေါ်ခိုင်ခိုင်နွယ်က ပြောကြားသည်။

အလုပ်သမားများ အလုပ်လက်မဲ့ဖြစ်လျှင် ၎င်းတို့ မိသားစုအပ်ါတွင်လည်း အကျပ်အတည်းများတွေ့နိုင်ကြောင်း ၎င်းက ဆက်လက်ပြောဆိုသည်။

“ဈေးကွက်ပျောက်သွားရင် ဈေးကွက်တစ်ခုက တစ်နိုင်ငံတည်း မဟုတ်ဘူးနော်။ ၂၈ နိုင်ငံဈေးကွက်။ ပျောက်သွားရင် ကျွန်မတို့ လူတွေ ဘာလုပ်ကြမလဲ။ ကျွန်မတို့ ခေါင်းတော်တော်ကိုက်ပါတယ်” ဟု ၎င်းက ဆိုသည်။

ကရင်ပြည်နယ် မြ၀တီမြို့မှ ဖိနပ်ထုတ်လုပ်ငန်းရှင်တစ်ဦးဖြစ်သူ ဒေါ်သင်းသင်းမြတ်ကလည်း ၎င်း၏စက်ရုံသည် ဥရောပဈေးကွက်တစ်ခုတည်းကိုသာ ကုန်ပစ္စည်းများတင်ပို့နေရသောကြောင့် GSP အခွင့်အရေးမရပါက ဆက်လက်ရပ်တည်ရန်မလွယ်ကူဟု EU လေ့လာရေးအဖွဲ့နှင့် တွေ့ဆုံစဉ် တင်ပြခဲ့ကြောင်း ပြောဆိုသည်။

“GSP အခွင့်အရေးရမှပဲ ကျွန်မတို့က လုပ်ငန်းတွေ လုပ်နိုင်မှာဖြစ်တဲ့အတွက် ဒီအခွင့်အရေးကိုတော့ လက်လွတ်ဆုံးရှုံးလို့တော့ မရပါဘူး” ဟု ၎င်းက ဆိုသည်။

မြန်မာအပေါ် ပေးအပ်ထားသော GSP အခွင့်အရေးကို ပြန်လည်မရုပ်သိမ်းရန် EU လေ့လာရေးအဖွဲ့သို့ တင်ပြထားကြောင်း၊ ဖြစ်သင့်ဖြစ်ထိုက်သော ချင့်ချိန်မှုဖြင့် မြန်မာပြည်အခြေအနေကို EU ပါလီမန်သို့ တင်ပြစေလိုကြောင်း ယင်းအဖွဲ့နှင့်တွေ့ဆုံခဲ့သည့် မြန်မာစီးပွားရေးလုပ်ငန်းရှင်များက တင်ပြကြသည်။

“နိုင်ငံတစ်ခုက ဖွံဖြိုးလာရင် GSP က ပြန်ပေးလိုက်ရမှာပဲ။ တစ်ချိန်မှာ ဒါကိုပြန်ပေးဖို့ ကျွန်မတို့ ကြိုးစားမှာပါ။ ကိုယ့်ဘ၀တိုးတက်လာလို့ ကိုယ်က လိုလိုလားလားနဲ့ ပြန်ပေးတာမျိုးပဲ ဖြစ်ချင်ပါတယ်။ အဲဒီလိုပြန်ပေးနိုင်ဖို့အတွက် အချိန်ပေးပါလို့ ပြောချင်ပါတယ်” ဟု EU လေ့လာရေးအဖွဲ့နှင့် တွေ့ဆုံခဲ့သူ ဒေါ်ခိုင်ခိုင်နွယ်က ဆိုသည်။

ယင်းအရေးယူမှုမဖြစ်ရန် လိုအပ်ပြီးဖြစ်မလာရန်လည်း ကြိုးပမ်းသင့်ကြောင်း စီးပွားရေးလုပ်ငန်းရှင်၊ အလုပ်သမားနှင့် နိုင်ငံရေး၊ စီးပွားရေးသုံးသပ်သူများက ကျယ်ကျယ်လောင်လောင် ပြောဆိုနေကြသည်။

အဆိုပါပြဿနာကို ဖြေရှင်းရန်မှာ မြန်မာအစိုးရတွင် တာဝန်ရှိနေပြီး စီးပွားရေးလုပ်ငန်းရှင်များနှင့် အလုပ်သမားအဖွဲ့များ၏ ဆောင်ရွက်နိုင်သည့် အခြေအနေတွင် ရှိမနေကြောင်း နိုင်ငံရေးနှင့် စီးပွားရေးသုံးသပ်သူများက ပြောဆိုကြသည်။

အစိုးရတင်ပြချက်

EU လေ့လာရေးအဖွဲ့သည် ဝန်ကြီးဌာနသုံးခုမှ တာဝန်ရှိသူများနှင့်လည်း တွေ့ဆုံသေးသည်။

အောက်တိုဘာလ ၃၀ရက်တွင် နေပြည်တော်၌ အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာနအပါအဝင် အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာနမှ တာဝန်ရှိသူများနှင့် တွေ့ဆုံသည်။ အောက်တိုဘာလ ၃၁ ရက်တွင်မူ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူများနှင့် တွေ့ဆုံဆွေးနွေးကြသည်။

တွေ့ဆုံမှုတွင် အလုပ်သမားဥပဒေပြုပြင်ပြောင်းလဲမှုများအပါအဝင် ကလေးလုပ်သားအရေးကို အပြည်ပြည်ဆိုင်ရာ အလုပ်သမားရေးရာအဖွဲ့ ILO နှင့် ပူးပေါင်းဆောင်ရွက်ထားသည့် အခြေအနေများ ရှင်းပြခဲ့ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန အမြဲတမ်းအတွင်းဝန်ဦးမျိုးအောင်က ပြောကြားသည်။

“နိုင်ငံတကာအဖွဲ့တွေနဲ့ ပူးပေါင်းဆောင်ရွက်နေတဲ့ အခြေအနေတွေကို ရှင်းပြတယ်လေ။ တို့ဘက်က မြင်သလောက်တော့ ဘာမှ လိုအပ်ချက်မရှိဘူးလို့ မြင်တာပေါ့။ သူတို့မေးတာတွေကို ဖြေတာ သူတို့ ကျေနပ်သွားပါတယ်။ အဆင်ပြေပါတယ်” ဟု ၎င်းက ပြောဆို သည်။

GSP အခွင့်အရေးပြန်လည်ရုပ်သိမ်းရန် စဉ်းစားနေမှုကိုမူ တွေ့ဆုံမှုတွင် မဆွေးနွေးခဲ့ဘဲ နှစ်ဖက်ပူးပေါင်းဆောင်ရွက်နိုင်မည့် ကိစ္စများကိုသာ အမြင်ချင်းဖလှယ်သည့်ပုံစံဖြင့် ဆွေးနွေးခဲ့ကြောင်း ကုန်သွယ်ရေးဦးစီးဌာနဒုတိယညွှန်ကြားရေးမှူးချုပ်ဦးရန်နိုင်ထွန်းက ဆိုသည်။

“တွေ့ဆုံဆွေးနွေးမှုအပေါ်မှာ အားရကျေနပ်မှုရှိပါတယ်။ ပူးပေါင်းဆောင် ရွက်နိုင်မယ့်ကိစ္စတွေ ကျွန်တော်တို့ လုပ်နေကြပါတယ်” ဟု ၎င်းက The Voice Journal သို့ ပြောဆိုသည်။

GSP အခွင့်အရေးကို ပြန်လည်ရုပ်သိမ်းရန်စဉ်းစားနေမှုနှင့် ပတ်သက်၍ EU လေ့လာရေးအဖွဲ့နှင့် တွေ့ဆုံခဲ့သူ ဦးရန်နိုင်ထွန်းက လက်တွေ့ဖြစ်မလာရန် မျှော်လင့်သည်ဟု မှတ်ချက်ပေးသည်။

ပူးပေါင်းသင့်ပြီလော

ဥရောပသမဂ္ဂအနေနှင့် စဉ်းစားချက်အတိုင်း လုပ်သင့် မလုပ်သင့် ဆုံးဖြတ်ရန် အချက်အလက်ရှာနေပြီ ဖြစ်သည်။ အစိုးရ မည်ကဲ့သို့ဖြေရှင်းမည်ကို စောင့်ကြည့်ရမည် ဖြစ်သည်။

“အစိုးရပေါ်မှာ အများကြီးမူတည်တယ်။ အစိုးရက သံတမန်အရ ပူးပေါင်းမှုတွေ အများကြီး လုပ်ဆောင်မယ်။ သူတို့ အကြံပြုတဲ့အတိုင်း ပူးပေါင်းမှုတွေလုပ်ရင် ဒါတွေက ဖြစ်စရာ မလိုဘူး” ဟု လူ့အခွင့်အရေးတက်ကြွလှုပ်ရှားသည့် ညီမျှခြင်း မြန်မာအဖွဲ့အမှုဆောင်ဒါရိုက်တာ ဦးအောင်မျိုးမင်းက မှတ်ချက်ပေးသည်။

မြန်မာနိုင်ငံသည် ကုလသမဂ္ဂအချက်အလက်ရှာဖွေရေးအဖွဲ့၏ အစီရင်ခံစာအရ လုံခြုံရေးတပ်ဖွဲ့ဝင်များက လူ့အခွင့်အရေးချိုးဖောက်မှုများကို ကျူးလွန်နေသည်ဟူသော ပြောဆိုချက်ကို ငြင်းပယ်ထားပြီး မြန်မာနိုင်ငံသို့ လာရောက်ခွင့်ကိုလည်း ပိတ်ပင်ထားသည်။

ယင်းသို့ ပိတ်ပင်ထားခြင်းက မြန်မာနိုင်ငံတွင် လူ့အခွင့်အရေးချိုးဖောက်မှုများ အမှန်ပင်ရှိနေသလောဟု EU နှင့် နိုင်ငံတကာအသိုင်းအဝိုင်းကို ထင်မြင်စေနိုင်ကြောင်း မှတ်ချက်ပေးသူက မြန်မာ့ မဟာဗျူဟာနှင့်မူဝါဒလေ့လာရေးအင်စတီကျုမှ ပြင်ပဆက်ဆံဆက်သွယ်ရေးဒါရိုက်တာဦးအောင်သူငြိမ်း ဖြစ်သည်။ ဦးအောင်မျိုးမင်းကလည်း ယင်းဆောင်ရွက်ချက်များသည်ပင် EU အနေနှင့် မြန်မာနိုင်ငံကို အရေးယူရန် စဉ်းစားစေသည့် အချက်များလည်း ဖြစ်ကြောင်း ထောက်ပြသည်။

“ဒီကိစ္စကို အရင်လိုပဲ ခေါင်းကို သဲထဲထိုးထည့်ပြီး မရှိဘူး ငြင်းလို့ရတဲ့ အခြေအနေ မဟုတ်ဘူး။ ဖြစ်လာရင် ဘယ်လိုဖြေရှင်းမလဲ။ ဘယ်လိုလုပ်နေလဲ၊ ဘယ်လို ပူးပေါင်းဆောင်ရွက်မလဲဆိုတဲ့ စိတ်ရင်းစေတနာပြသမှသာ ကျွန်တော်တို့ လမ်းကြောင်း မှန်မယ်။ ပိုအဆင်ပြေမယ်လို့ ယူဆတယ်” ဟု ၎င်းက ပြောဆိုသည်။

EU ၏အရေးယူမှုသည် မြန်မာနိုင်ငံတွင် ကျရောက်လာရန်မှာ သေချာသလောက်ရှိနေပြီး အချိန် အနှေးနှင့် အမြန်သာ ကွာခြားနိုင်ကြောင်း သုံးသပ်သူများလည်းရှိသည်။

“ယေဘုယျပြောရင်တော့ အခုအခြေအနေအတိုင်းဆိုရင် EU က အရေးယူမှုတော့ လုပ်မယ်။ ပြင်းသလား၊ ပျော့သလားဆိုတာပဲ ကွာမယ်ပေါ့” ဟု ဦးအောင်သူငြိမ်းက ပြောဆိုသည်။

EU ၏ မြန်မာနိုင်ငံကို အရေးယူရန်စဉ်းစားမှုသည် မြန်မာအစိုးရနှင့် တပ်မတော်အပေါ်တွင် ဖိအားပေးရန်အတွက် ဖြစ်နိုင်သည်ဟုမြင်ကြောင်း လေ့လာသုံးသပ်သူအချို့က ထောက်ပြသည်။

လက်ရှိအခြေအနေအရ မြန်မာအစိုးရနှင့် တပ်မတော်သည် နိုင်ငံတကာ၏ ပူးပေါင်းဆောင်ရွက်ရန်တောင်းဆိုမှုများကို မလိုက်လျောသောကြောင့် သိမ်းကျုံးဒဏ်ခတ်မည့် လမ်းကြောင်းသို့ EU ဘက်က ဦးတည်နေကြောင်း ဦးအောင်သူငြိမ်းက သုံးသပ်သည်။

“အခုက လုံးဝဘူးခံငြင်းတဲ့ပုံစံ ဖြစ်သွားတယ်။ ကျွန်တော်မြင်တာကတော့ နိုင်ငံတကာဘက်က သူတို့ကို ပူးပေါင်းဆောင်ရွက်ဖို့လိုတယ်လို့ မြင်တယ်ပေါ့။ အဲဒီမှာလည်း အဖုအထစ်က မြန်မာဘက်က အချုပ်အခြာအာဏာထိတယ်။ ပြည်တွင်းရေးဝင်စွက်တယ်ဆိုတဲ့ အယူအဆ ရှိတာပေါ့” ဟု ဦးအောင်သူငြိမ်းက ဆိုသည်။

ကုလသမဂ္ဂအချက်အလက်ရှာဖွေရေးအဖွဲ့၏ အစီရင်ခံစာကို လုံးဝငြင်းပယ်ခြင်းထက် ယင်းအစီရင်ခံစာတွင် မည်သည့်အချက်မှာ မှန်ကန်ပြီး မည်သည့်အချက် မှားနေကြောင်း၊ အစိုးရအနေနှင့် မည်ကဲ့သို့ ဆောင်ရွက်နေသည်ကို ရှင်းပြသင့်ကြောင်း ၎င်းက ဆိုသည်။

“Case by Case ရှင်းဖို့ လိုတယ် ထင်ပါတယ်။အဲဒီလိုမဟုတ်ဘဲ ဒီ Report ကြီးတစ်ခုလုံးက အခြေအမြစ်မရှိဘူး။ ပစ်ပယ်လိုက်တာမျိုးက ကျွန်တော် ထင်တယ်။ နိုင်ငံတကာဘက်က လက်ခံဖို့ခက်မယ် ထင်ပါတယ်” ဟု ဦးအောင်သူငြိမ်းက မှတ်ချက်ပေးသည်။

နိုင်ငံတကာက အရေးယူမှုများလာနိုင်ခြေရှိပြီး နိုင်ငံအတွက် အကျပ်အတည်း တွေ့နိုင်သော အခြေအနေတွင် မြန်မာနိုင်ငံနိုင်ငံခြားရေးဝန်ကြီးဌာနက သက်ရောက်မှုများနှင့် ဖြေရှင်းမည့် အစီအစဉ်ကို ပြည်သူလူထုသို့ ချပြခြင်းမရှိကြောင်း ၎င်းက ဝေဖန်သည်။ လွှတ်တော်ကိုယ်စားလှယ်များကလည်း နှုတ်ဆိတ်နေကြောင်း ၎င်းက ထောက်ပြသည်။

“ဘယ်လိုတုံ့ပြန်မလဲဆိုတဲ့ မဟာဗျူဟာလည်း ရှင်းပြသင့်တယ်။ လွှတ်တော်မှာ ကော်မတီတွေ ရှိတယ်။ နိုင်ငံခြားရေးရာကော်မတီတွေ၊ အဲဒီကော်မတီတွေကရော မေးခွန်း မထုတ်ကြဘူးလားပေါ့။ ဒီကိစ္စက ဘာမှမဖြစ်သလို ပါးစပ်ပိတ်နေကြမှာလား” ဟု ဦးအောင်သူငြိမ်းက မေးခွန်းထုတ်သည်။

အမြင်များကွဲပြားနေသည်

EU အရေးယူရန် စဉ်းစားရသည့်အကြောင်းအရင်းမှာ ရခိုင်ပြည်နယ်၊ ကချင်ပြည်နယ်နှင့် ရှမ်းပြည်နယ်တို့ရှိ လူ့အခွင့်အရေးချိုးဖောက်မှုများအပေါ် မြန်မာအစိုးရ၏ ကိုင်တွယ်ဖြေရှင်းမှုသည် အားရဖွယ်မကောင်းသောကြောင့်ဖြစ်ကြောင်း ဥရောပသမဂ္ဂဘက်က ပြောဆိုထားသည်။

စီးပွားရေးလုပ်ငန်းရှင်များ၊ အလုပ်သမားသမဂ္ဂများကမူ လူ့အခွင့်အရေး ချိုးဖောက်မှုများသည် ၎င်းတို့နှင့် တိုက်ရိုက်မသက်ဆိုင်ကြောင်း၊ ပြည်တွင်းစီးပွားရေးလုပ်ငန်းများအပေါ် ထိုးနှက်ချက်ဖြစ်လာမည်ကို စိုးရိမ်ကြောင်း ဥရောပသမဂ္ဂကုန်သွယ်မှုလေ့လာရေးအဖွဲ့ကို ပြောဆိုကြသည်။

ပြောရလျှင် ပြည်တွင်းစီးပွားရေးလုပ်ငန်းရှင်များ၊ အလုပ်သမားများက အရေးယူရသည့် အကြောင်းအရင်းနှင့် ၎င်းတို့ မသက်ဆိုင်ဟုမြင်ကြပြီး EU ဘက်ကမူ အရေးယူမှသာ မြန်မာအစိုးရသည် လူ့အခွင့်အရေးချိုးဖောက်မှုများကို ထိရောက်စွာဆောင်ရွက်မည် ဖြစ်သောကြောင့် မူဝါဒအရ အရေးယူသင့်ကြောင်း စဉ်းစားနေခြင်းဖြစ်သည်။

ယင်းသို့ အမြင်များကွာဟနေခြင်းကပင် ပြဿနာတစ်ရပ်ဖြစ်ပြီး နှစ်ဖက်လိုလားချက်များ ရရှိနိုင်ပါ၏လောဆိုသည့်အချက်မှာ သံသယဖြစ်ဖွယ်ကောင်းနေသည်။

ဥရောပသမဂ္ဂ၏ မြန်မာနိုင်ငံကို အရေးယူရန်သင့် မသင့် စဉ်းစားထားမှုအပေါ် တစ်စုံတစ်ရာသက်ရောက်မည့် EU ကုန်သွယ်မှု စိစစ်လေ့လာရေးအဖွဲ့၏ အစီရင်ခံစာတွင် မြန်မာနိုင်ငံနှင့် ပတ်သက်၍ မည်ကဲ့သို့ ဖော်ပြမည်ဆိုသည်မှာ စိတ်ဝင်တစားစောင့်ကြည့်ရမည် ဖြစ်သည်။

EU ကုန်သွယ်မှုစိစစ်လေ့လာရေးအဖွဲ့၏ အစီရင်ခံစာအပေါ်တွင် မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်တွဲဖက်အထွေထွေအတွင်းရေးမှူးဖြစ်သူ ဒေါ်ခိုင်ခိုင်နွယ်က ယခုကဲ့သို့ မျှော်လင့်ထားကြောင်း ဆိုသည်။

“သူတို့ မြင်ချင်တဲ့ လုပ်ငန်းခွင် ပတ်ဝန်းကျင်တွေ၊ သူတို့ လိုချင်တဲ့ အနေအထား မရောက်ရင်တောင်မှ ကျွန်မတို့တိုးတက်နေတယ်ဆိုတာကိုတော့ အသိအမှတ်ပြုစေချင်တယ်။ ကျွန်မတို့ အရှေ့ကို သွားနေပြီ။ အဲဒါကို အသိအမှတ်ပြုစေချင်တယ်။ အခုချိန်မှာ မရုတ်သိမ်းသင့်တာမျိုးပါ” 

ဇင်လင်းထက်

You may also like...

Leave a Reply

Your email address will not be published. Required fields are marked *