ပြည်တွင်းဘဏ်များနည်းတူ နိုင်ငံခြားဘဏ်များကို ချေးငွေနှင့် အခြားဘဏ်ဝန်ဆောင်မှုများ လုပ်ကိုင်ရန် ဗဟိုဘဏ်ခွင့်ပြု

ရန်ကုန်၊ နိုဝင်ဘာ ၉

ပြည်တွင်းတွင် ဘဏ်ခွဲ ဖွင့်လှစ်ခွင့် ရထားသော နိုင်ငံခြားဘဏ်များကို ပြည်တွင်းဘဏ်များနည်းတူ ချေးငွေနှင့် အခြားဘဏ်လုပ်ငန်းဝန်ဆောင်မှုများ လုပ်ကိုင်ခွင့်ပြုကြောင်း မြန်မာနိုင်ငံတော် ဗဟိုဘဏ်က နိုဝင်ဘာ ၈ရက်နေ့တွင် ညွှန်ကြားချက်ထုတ်ပြန်လိုက်သည်။

ပြည်တွင်းစီးပွားရေးလုပ်ငန်းများအတွက် လိုအပ်သော ငွေကြေးအရင်းအနှီး  ရရှိရန် ရည်ရွယ်ကာ နိုင်ငံခြားဘဏ်များကို ချေးငွေထုတ်ချေးခွင့်ပြုလိုက်ခြင်းဖြစ်ပြီး ယခုခွင့်ပြုမှုမှာ ကော်ပိုရိတ် (စီးပွားရေး လုပ်ငန်း)များ အတွက် ဘဏ်ဝန်ဆောင်မှုပေးသော လက်ကားဘဏ်လုပ်ငန်းဖြစ်ကြောင်း ဗဟိုဘဏ်ဥက္ကဋ္ဌရုံး ညွှန်ကြားရေးမှူးဦးဝင်းသော်က ပြောကြားသည်။

“ပြည်တွင်းလုပ်ငန်းရှင်တွေ လိုအပ်နေတဲ့ ငွေကြေးအရင်းအနှီးအတွက် ခွင့်ပြု တာလည်း ဖြစ်သလို ဒီမှာလာ ရင်းနှီးမြှုပ်နှံတဲ့ နိုင်ငံခြားဘဏ်တွေကိုလည်း ပြည်တွင်းဘဏ်တွေ နည်းတူ တစ်ချိန်ချိန်မှာ လုပ်ကိုင်ခွင့်ပေးရမှာဖြစ်တဲ့အတွက် နောက်တစ်ဆင့် ထပ်ခွင့်ပြုလိုက်တဲ့ သဘောပါ”ဟု ၎င်းက ဆိုသည်။

နိုင်ငံခြားဘဏ်များကို ပြည်တွင်းတွင် ဘဏ်ခွဲဖွင့်ကာ ဘဏ်လုပ်ငန်းခွင့်ကို ၂၀၁၅ ခုနှစ်တွင် စတင်ခွင့်ပြုပေးခဲ့ပြီး လက်ရှိအချိန်ထိ ဘဏ်လုပ်ငန်းလုပ်ကိုင်ခွင့်ရ နိုင်ငံခြားဘဏ် ၁၃ ခု ရှိသည်။

ပြည်တွင်းရှိ ပို့ကုန်လုပ်ငန်းရှင်များ ကုန်သွယ်မှုလုပ်ရာတွင် လုပ်ငန်းလုပ်ကိုင်ရလွယ်ကူစေရန်နှင့် လိုအပ်သော ငွေကြေးအထောက်အပံ့ရနိုင်ရန် အဆိုပါ နိုင်ငံခြားဘဏ် ၁၃ ခုကို ယမန်နှစ် ဒီဇင်ဘာလတွင် ချေးငွေဖြည့်ဆည်းခြင်းနှင့် ဆက်စပ်ဝန်ဆောင်မှုများလုပ်ကိုင်ရန် ဗဟိုဘဏ်က ခွင့်ပြုပေးခဲ့သည်။

“ပို့ကုန်သမားတွေ အဆင်ပြေဖို့ဆိုပြီး ပို့ကုန်ချေးငွေဖြည့်ဆည်းတာကို ခွင့်ပြုပေးခဲ့ပေမယ့် ပြည်တွင်းက ပို့ကုန်လုပ်ငန်းရှင်ဆိုတာ ပို့ကုန်ရော သွင်းကုန်ပါ လုပ်တာ ဖြစ်တဲ့အတွက် မြေပြင်နဲ့ ကွာဟမှုတွေ ရှိခဲ့တယ်။ အခု ခွင့်ပြုချက်က ကုန်သွယ်မှုအတွက် လိုနေတဲ့ ငွေကြေးအရင်းအနှီးကို လက်တွေ့ဖြည့်ဆည်းပေးနိုင်မယ်”ဟု ဦးဝင်းသော်က ဆိုသည်။

ဗဟိုဘဏ်၏ အဆိုပါညွှန်ကြားချက်သည် ဘဏ်လုပ်ငန်းကဏ္ဍအတွက် အကျိုးရှိသည့်အပြင် တိုင်းပြည်၏ ငွေကြေးဈေးကွက်တွင်လည်း ကျပ်ငွေတန်ဖိုးအပေါ် ကောင်းမွန်သည့် အကျိုးသက်ရောက်မှုများရှိလာမည်ဖြစ်ကြောင်း ငွေရေးကြေးရေးနှင့် ဘဏ်လုပ်ငန်းကျွမ်းကျင်ပညာရှင် ဦးစံသိန်းက ပြောသည်။

“ဘဏ်လုပ်ငန်းကဏ္ဍအတွက် ထင်သာမြင်သာရှိတဲ့ လုပ်ဆောင်ချက်တစ်ခု  ပါ။ ပြည်တွင်းလုပ်ငန်းတွေအတွက် ငွေကြေးအရင်းအနှီးရနိုင်သလို နိုင်ငံခြား ဘဏ်တွေကတစ်ဆင့် ပြည်ပရင်းနှီးမြှုပ်နှံမှုငွေတွေလည်း ဝင်လာမယ်”ဟု ၎င်းက ဆိုသည်။

ငွေကြေးအင်အား၊ နည်းပညာ၊ ကျွမ်းကျင်မှုနှင့် ကွန်ရက်ဖြန့်ကြက်မှု အစစအရာရာသာလွန်နေသည့် နိုင်ငံခြားဘဏ်များနှင့် ယှဉ်ပြိုင်ရာတွင် ပြည်တွင်းဘဏ်များအတွက် အခက်အခဲများ ရှိလာနိုင်သော်လည်း နိုင်ငံခြားဘဏ်များနှင့် ပူးပေါင်းဆောင်ရွက်နိုင်မည့် အခွင့်အလမ်းများလည်း ရှိကြောင်း ဦးစံသိန်းက ဆိုသည်။

လက်ရှိတွင် ဘဏ်လုပ်ငန်းလုပ်ခွင့်  ပြုထားသည့် ပြည်တွင်းပုဂ္ဂလိက ဘဏ် ၂၅ ခုရှိပြီး ဘဏ်ခွဲဖွင့်လှစ်ထားသော နိုင်ငံခြားဘဏ် ၁၃ ခုရှိကာ ကိုယ်စားလှယ်ရုံးခွဲ ဖွင့်လှစ်ထားသော နိုင်ငံခြားဘဏ် ၄၆ ခု ရှိသည်။

You may also like...

Leave a Reply

Your email address will not be published. Required fields are marked *