မြန်မာ့သယ်ယူပို့ဆောင်ရေးကို အပြိုင်အဆိုင် တစ်ခေတ်ဆန်းစေမည့် ဂျပန်နှင့် တရုတ်

Photo by Asia Nikkei Review

မြန်မာနိုင်ငံ၏ သယ်ယူပို့ဆောင်ရေး အခြေခံအဆောက်အဦကို တိုးတက်ပြောင်းလဲစေရန် ဂျပန်က ဂျပန့်ကိုယ်ပိုင် စီမံကိန်း၊ တရုတ်က တရုတ်ကိုယ်ပိုင်စီမံကိန်းဖြင့် အသီးသီးဆောင်ရွက်နေကြသည်။ ထိုစီမံကိန်းများသည် ဒေသတွင်းကုန်စည်များ၊ လူအများသွားလာပို့ဆောင်ရေးကို အသွင်ပြောင်းစေမည့် အလားအလာပိုင်ဆိုင်ထားသည်။

အိန္ဒိယသမုဒ္ဒရာကမ်းစပ်ရှိ ကျောက်ဖြူ မြို့တွင် တည်ဆောက်မည့် ရေနက်ဆိပ်ကမ်း ကို အကောင်အထည်ဖော်မည့် သဘောတူညီချက်ကို တရုတ်အစိုးရသည် နိုဝင်ဘာ ၈ ရက် ကြာသပတေးနေ့က  လက်မှတ်ရေးထိုးလိုက်သည်။ ထို သဘောတူညီချက် ရအောင် တရုတ်တို့ စောင့်နေသည်မှာ ကြာပြီ။ ထိုဆိပ်ကမ်းသည် တရုတ် မြန်မာစီးပွားရေးစင်္ကြံ၏ အဓိကအစိတ်  အပိုင်းတစ်ခု ဖြစ်လာမည်။ ထိုဆိပ်ကမ်းသည် ကျောက်ဖြူနှင့် တရုတ်နယ်စပ်ကို ရထားလမ်း၊ ကားလမ်းများဖြင့် ဆက်သွယ်မည်။

ပြီးစီးသွားလျှင် ထိုစင်္ကြံသည်  တရုတ်ကုန်းတွင်းပိုင်းကို အိန္ဒိယသမုဒ္ဒရာနှင့် တိုက်ရိုက်ဆက်သွယ်ပေးကာ တရုတ်သမ္မတရှီကျင့်ဖျင်၏ အချစ်တော်စီမံကိန်း ဖြစ်သည့် ကုန်းရေပိုးလမ်းမသစ် စီမံကိန်း Belt and Road Initiative ၏ အမှတ်လက္ခဏာဖြစ်လာမည်။ ပိုက်လိုင်းများသည် ကျောက်ဖြူမှသည် တရုတ်ကုန်းတွင်းသို့ ရေနံနှင့် သဘာဝဓာတ်ငွေ့  ပို့ဆောင်နေကြပြီ။

ကျောက်ဖြူ-တရုတ်လမ်းကြောင်းသည် တရုတ်နိုင်ငံက တင်သွင်းသည့် ရေနံစိမ်းအများစု ဖြတ်သန်းသွားရာ မလက္ကာရေလက်ကြားကို ရှောင်ရှားနိုင်မည့် လမ်းကြောင်း ဖြစ်သည်။ ကျဉ်းမြောင်းပြီး သင်္ဘောအသွားအလာထူထပ်သည့် မလက္ကာရေလက်ကြားသည် တရုတ်၏ လည်မျိုကို ညှစ်နိုင်သည့် နေရာဖြစ်လာသည်။ တရုတ်သို့ ကုန်စည်များနှင့် ရေနံစိမ်းများသွင်းသည့် အခြားလမ်းကြောင်းပေါ်လာသည့်အတွက် စစ်ဖြစ်သည့်အခါ ရေလက်ကြားပိတ်လျှင် တရုတ်သို့ သွင်းကုန်များ ပြတ်လတ်မည့် အန္တရာယ်ကို လျှော့ချနိုင်သည်။

တရုတ်တို့ ထိုသို့ ခြေလှမ်းသွက်နေစဉ်တွင် ဂျပန်အစိုးရကမူ မြန်မာနိုင်ငံ၏ အကြီးဆုံးမြို့ဖြစ်သည့် ရန်ကုန်နှင့် ဒုတိယအကြီးဆုံးမြို့ဖြစ်သည့် မန္တလေးတို့ကို  ဆက်သွယ်ထားသည့် ရန်ကုန်-မန္တလေး  ရထားလမ်းကို အဆင့်မြှင့်တင်မည်။

မြို့ကြီး နှစ်မြို့ကို ဆက်ထားသည့်  ၆၂၀ ကီလိုမီတာအရှည် ရထားလမ်းကို  လာမည့်သီတင်းပတ်တွင် စတင်အဆင့်မြှင့်မည်။ ထိုသို့ တောင်မြောက်အဓိကရထားလမ်းကို အဆင့်မြှင့်လိုက်ပါက နဂိုသွားလာချိန် ၁၅ နာရီကို ထက်ဝက်ကျော် ၇ နာရီ သို့ လျှော့ချနိုင်မည့်အတွက် လူနှင့်  ကုန်စည်စီးဆင်းမှု အရှိန်မြန်သွားမည်။

နှစ်ပေါင်းများစွာကြာမြင့်သော စစ်တပ်အုပ်ချုပ်ရေးအပြီးတွင် မြန်မာသည် ဒီမိုကရေစီစနစ်သို့ ကူးပြောင်းသည်။ ဗဟိုမှ အမိန့်ပေးအုပ်ချုပ်ရေးမှသည် ဈေးကွက်ရှေ့ရှုစနစ်သို့ ပြောင်းသည်။ လာမည့် သုံးနှစ်အတွင်းတွင် တစ်နှစ်လျှင်  ပျမ်းမျှ ၆ ဒသမ ၉ရာခိုင်နှုန်းဖြင့် တိုးတက်မည်ဟု ကမ္ဘာ့ဘဏ်က ခန့်မှန်းထားသည့်အတွက် မြန်မာသည် ကမ္ဘာပေါ်တွင် စီးပွားရေးတိုးတက်မှုနှုန်း အမြင့်ဆုံးနိုင်ငံများထဲမှ  တစ်နိုင်ငံဖြစ်သည်။

မြန်မာသည် အာရှတွင် ဖွံ့ဖြိုးတိုးတက်ရန် နောက်ဆုံးကျန်ရှိသည့် ဈေးကွက်ကြီးတစ်ခုဟု ကမ္ဘာကျော် အတိုင်ပင်ခံကုမ္ပဏီကြီးဖြစ်သည့် Price Waterhouse  Cooper Pwc  က ပြောထားသည်။

သို့ရာတွင် မြန်မာသည် ရခိုင်အရေးအတွက် နိုင်ငံတကာအသိုင်းအဝိုင်း၏  ကျယ်ကျယ်ပြန့်ပြန့် ဝေဖန်ဖိအားပေးမှုကို ခံနေရသည်။ တရုတ်နှင့် ဂျပန်သည် အနောက်နိုင်ငံများ၏ မူဝါဒမှ ခွဲထွက်ကာ မြန်မာကို အကူအညီများ ဆက်ပေးနေသည်။

“ကျောက်ဖြူဆိပ်ကမ်းစီမံကိန်းသည် သယ်ယူပို့ဆောင်ရေး ကုန်ကျစရိတ်များကို လျှော့ချပြီး မြန်မာ တရုတ် နှစ်နိုင်ငံအပြင် ဒေသတစ်ခုလုံး ရေရှည်ဖွံ့ဖြိုးတိုးတက်ရေးကို အထောက်အကူပြုမည်”ဟု  စီမံကိန်းနှင့် ဘဏ္ဍာရေးဝန်ကြီးဌာနဒုဝန်ကြီး ဦးဆက်အောင်က နေပြည်တော်တွင် ကြာသပတေးနေ့က ပြောကြားသည်။

ကျောက်ဖြူအထူးစီးပွားရေးဇုန်၏  စီမံခန့်ခွဲမှုကော်မတီဥက္ကဋ္ဌဖြစ်သူ ဦးဆက်အောင်သည် တရုတ်ကုမ္ပဏီကြီး CITIC ၏ ဥက္ကဋ္ဌနှင့်အတူ လက်မှတ်ရေး ထိုးလိုက်သည့်အတွက် ရေနက်ဆိပ်ကမ်း စတင်နိုင်ပြီ။ လက်ရှိဆိပ်ကမ်းတို့တွင် မကပ်နိုင်သည့် သင်္ဘောကြီးများသည် ရေနက်ဆိပ်ကမ်းတွင် ဆိုက်ကပ်နိုင်မည်။

ယခင်နှစ် ဒီဇင်ဘာက ထိပ်သီးဆွေးနွေးပွဲတွင် သဘောတူပြီး ယခုနှစ် ဒီဇင်ဘာတွင် အလုပ်သဘော လက်မှတ်ရေးထိုးခဲ့သည့် တရုတ်-မြန်မာ စီးပွားရေးစင်္ကြံသည် ကျောက်ဖြူနှင့် တရုတ်နယ်စပ်ကို မန္တလေးကို ဖြတ်သည့် အရှေ့ အနောက်ရထားလမ်းကားလမ်းများဖြင့်  ဆက်သွယ်ထားသည်။ နောက်လမ်းကြောင်း တစ်ခုသည် တရုတ်က စီမံကိန်းကြီးတစ်ခု ဖော်ဆောင်ရန် ကြံစည်နေသည့် ရန်ကုန်မြို့နှင့် ချိတ်မည်။

ဒေါ်လာသန်း ၁၃၀၀ ကုန်ကျမည့်  ဆိပ်ကမ်းကို CITIC ကုမ္ပဏီက ဦးဆောင်သည့် ကုမ္ပဏီအစုအဖွဲ့ကြီးက တည်ဆောက်မည်။ တရုတ်ဘက်ခြမ်းက ၇၀ ရာခိုင်နှုန်းပိုင်ပြီး မြန်မာဘက်ခြမ်းက ၃၀  ရာခိုင်နှုန်းပိုင်မည်။

ခေတ်သစ်ပိုးလမ်းမစီမံကိန်းကြီးကို ထောက်ခံသည့် တရုတ်ဘက်ယိမ်း အစိုးရအချို့သည် ယခုလပိုင်းများတွင် ရွေးကောက်ပွဲရှုံးနိမ့်သည်ကို တွေ့မြင်ရအပြီးတွင် တရုတ်သည် သူ့ မဟာဗျူဟာကို ချိန်ညှိလာသည်။ CITIC ဦးဆောင်သော ကုမ္ပဏီစုသည် ကျောက်ဖြူစီမံကိန်းကို အကောင်အထည်ဖော်ရန် ၂၀၁၅ က ခွင့်ပြုချက်ရထားစဉ်က ထိုစီမံကိန်းသည် ဒေါ်လာသန်း ၇၂၀၀ တန်ဖိုး ရှိသည်။ မြန်မာဘက်က ထည့်ဝင်မည့်ငွေသည်လည်း တရုတ်ဘက်က ချေးရမည်ဖြစ်သည့် အတွက် မြန်မာက ထိုမျှကြီးမားသော ပမာဏဖြစ်လျှင် အကြွေးနွံ၊ အတိုးနွံထဲနစ်မည် စိုးရိမ်သည်။ ထို့ကြောင့် တရုတ်က မြန်မာ၏ စိုးရိမ်မှုကို လက်ခံကာ  စီမံကိန်းပမာဏကို လျှော့ချခဲ့သည်။

ထို့အတူ နိုင်ငံတကာအသိုင်းအဝိုင်းက မြန်မာကို ဝေဖန်မှုပြင်းထန်သောကြောင့် မြန်မာတို့ အထီးကျန် ဖြစ်လျှင် ယခင် စစ်အစိုးရခေတ်ကကဲ့သို့ တရုတ်နှင့် ပြန်နီးစပ်သွားမည်ကို ဂျပန်က စိုးရိမ်သဖြင့်  မြန်မာကို ခိုင်ခိုင်မာမာ ထောက်ခံသည်။  မြန်မာန်ိုင်ငံ၏ ဒီမိုကရေစီတည်ဆောက်ရေးကို ပုဂ္ဂလိကပိုင်းတွင် လည်းကောင်း၊ ပြည်သူပိုင်ကဏ္ဍတွင် လည်းကောင်း ဂျပန်က အားပေးကူညီသွားမည်ဟု အောက်တိုဘာလက ဒေါ်အောင်ဆန်းစုကြည်နှင့် တွေ့ဆုံစဉ်တွင် ဂျပန်ဝန်ကြီးချုပ်က ကတိပြုသည်။ ဒေါ်လာ သန်း ခုနစ်ထောင်ဖိုး အကူအညီများကို ပုဂ္ဂလိကနှင့် ပြည်သူပိုင်ကဏ္ဍများအတွက် ငါးနှစ်အတွင်းပေးသွားမည်ဟု လွန်ခဲ့သော ၂ နှစ်က ဂျပန်က ကြေညာသည့် စီမံချက်များသည် တိုးတက်မှုများ ရနေသည်ဟု ဂျပန်ဝန်ကြီးချုပ်က ဆိုသည်။

ထိုအစီအမံများသည် ရန်ကုန်မြို့ကြီးဖွံ့ဖြိုးတိုးတက်ရေးနှင့် သယ်ယူပို့ဆောင်ရေးနှင့် လျှပ်စစ်ဓာတ်အခြေခံအဆောက်အဦ ဖွံ့ဖြိုးရေးတို့ကို အဓိက ထားသည်။ ဒေါ်လာ သန်း ၂၂၀၀ တန်ဖိုးရှိမည့် ရန်ကုန်-မန္တလေးရထားလမ်း အဆင့်မြှင့်တင်ရေးလည်း အပါအဝင်ဖြစ်သည်။

ဂျပန်သည် ရန်ကုန်နှင့် မန္တလေး ကြား မြစ်ကြောင်းတစ်လျှောက် အခြေခံအဆောက်အဦများ တိုးတက်အောင်လည်း  ဆောင်ရွက်နေသည်။ မန္တလေးဆိပ်ကမ်းကို အဆင့်မြှင့်ရန် ဒေါ်လာ ၅၃ သန်းဖိုး အကူအညီကို ဂျပန်နိုင်ငံတကာပူးပေါင်းဆောင် ရွက်ရေးအေဂျင်စီ Japan International Cooperation Agency – JICA က  လွန်ခဲ့သောလက ပေးအပ်သည်။ ဂျပန် သည် ရန်ကုန်မြို့အပြင်ဘက် သီလဝါစီးပွား ရေးဇုန်တွင် စက်မှုဇုန်များ တည်ဆောက် ရန် ကူညီခဲ့သေးသည်။            ။

 

Ref: Nikkei Asian Review: China and Japan set to reshape shipping in Myanmar

You may also like...

Leave a Reply

Your email address will not be published. Required fields are marked *