သမ္မတထရမ့် ကြပ်မတ်ခံရတော့မည့် အမေရိကန် ကြားကာလ လွှတ်တော်ရွေးကောက်ပွဲ

နိုဝင်ဘာ ၆ ရက်နေ့က ကျင်းပခဲ့သည့် အမေရိကန် ကြားကာလလွှတ်တော်ရွေးကောက်ပွဲတွင် ဒီမိုကရက်ကရက်တစ်ပါတီက အောက်လွှတ်တော်အမတ်နေရာအများစု အနိုင်ရရှိခဲ့ပြီး ရီပတ်ဘလီကန်ပါတီ၏ ရှစ်နှစ်ကြာထိန်းချုပ်ထားမှုကို အဆုံးသတ်နိုင်ခဲ့သည်။ အထက်လွှတ်တော် ဆီးနိတ်ကိုမူ ရီပတ်ဘလီကန်ပါတီကသာ ဆက်လက်ထိန်းချုပ်ထားနိုင်ခဲ့သည်။

ယခင် ရှစ်နှစ်တာကာလအတွင်း အမေရိကန်အစိုးရကို အထိန်းအထေပြုပေးနေသည့် အထက်နှင့်အောက်လွှတ်တော်နှစ်ရပ်စလုံးကို ရီပတ်ဘလီကန်ပါတီက အမတ်နေရာအများစုဖြင့် ထိန်းချုပ်ထားသည်ဖြစ်ရာ ရီပတ်ဘလီကန်သမ္မတ ဒေါ်နယ်ထရမ့်အတွက် စိတ်ကြိုက်နီးပါး တိုင်းပြည်ကို အုပ်ချုပ်ခွင့်ရရှိစေခဲ့သည်။

ယခုတွင်မူ အောက်လွှတ်တော်ကို ဒီမိုကရက်တစ်ပါတီက ပြန်လည်ထိန်းချုပ်လိုက်ပြီဖြစ်ရာ ရီပတ်ဘလီကန်သမ္မတ ဒေါ်နယ်ထရမ့်၏ ထင်တိုင်းကြဲခွင့်မှာ အရှိန်တန့်သွားတော့မည်ဖြစ်သည်။

“အမေရိကအတွက် မနက်ဖြန်ဆိုတာ နေ့သစ်တစ်နေ့ဖြစ်လာပါလိမ့်မယ်။” အောက်လွှတ်တော် ဥက္ကဋ္ဌဖြစ်လာဖွယ်ရှိသည့် ကယ်လီဖိုးနီးယားပြည်နယ်ကိုယ်စားပြု ဒီမိုကရက်တစ်လွှတ်တော်အမတ် နန်စီပလိုစီက ပြောကြားသည်။ ထရမ့်အစိုးရအဖွဲ့ကို တာဝန်ခံမှုရှိသော ခေတ်သစ်တစ်ခုဆီကို ခေါ်ဆောင်သွားမည်ဆိုသည့်အကြောင်းကိုလည်း နန်စီပလိုစီက မဲဆန္ဒရှင်များကို ကတိပြုခဲ့သည်။

အမေရိကန်အောက်လွှတ်တော်ကို ဒီမိုကရက်ပါတီက ထိန်းချုပ်န်ိုင်ခဲ့ပါက အနိမ့်ဆုံးအားဖြင့် အထိန်းအကွပ်မဲ့နေမှုများကို အကာအကွယ်ပေးနိုင်လိမ့်မည်ဖြစ်ကြောင်း ရွေးကောက်ပွဲမတိုင်မီ ဥရောပသံတမန်တစ်ဦးက ပြောကြားထားသည်။

ယခုအခြေအနေတွင်မူ ဒီမိုကရက်တစ်များက ဥက္ကဋ္ဌအဖြစ်ရယူမည့် အောက်လွှတ်တော်ရေးရာကော်မတီများမှတစ်ဆင့် အမေရိကန်သမ္မတ ဒေါ်နယ်ထရမ့်ကို စုံစမ်းစစ်ဆေးမှုများပြုလုပ်ဖို့ တာစူနေကြပြီ ဖြစ်သည်။

သမ္မတထရမ့်၏ အခွန်ဆိုင်ရာမူဝါဒ၊ ကုန်သွယ်ရေးသဘောတူစာချုပ်များ၊ မြောက်ကိုရီးယားနှင့် ဆက်ဆံရေးကဲ့သို့သော အမေရိကန်နိုင်ငံခြားရေးဝါဒမှသည် ရုရှားတို့ အမေရိကန်ရွေးကောက်ပွဲဝင်ရောက်စွက်ဖက်မှုတွင် သူ့၏သား ဂျူနီယာထရမ့်တို့ ဆက်စပ်မှု ရှိ၊ မရှိ စသည့် ပြဿနာများအဆုံး ဒီမိုကရက်လွှတ်တော်အမတ်များက အရှိန်မြင့် စုံစမ်းစစ်ဆေးကြတော့မည့်ဖြစ်သည်။

ထို့ပြင် ထရမ့်အစိုးရအဖွဲ့ဝင်များဖြစ်ကြသည့် ကူးသန်းရောင်းဝယ်ရေးဝန်ကြီး ဝီလ်ဘာရော့စ် ရင်ဆိုင်နေရသော ငွေကြေးသဘောတူညီချက်ဆိုင်ရာကိစ္စရပ်များ၊ ကျန်းမာရေးနှင့် လူမှုရေးဝန်ကြီးဟောင်း တွမ်ပရိုကစ်၏ ပြည်သူ့ဘဏ္ဍာအလွဲသုံးမှုများကိုလည်း စုံစမ်းစစ်ဆေး နိုင်တော့မည်ဖြစ်သည်။

နောက်ထပ်အရေးကြီးသောကိစ္စများမှာ အထူးစုံစမ်းစစ်ဆေးရေးမှူး ရောဘတ်မူလာစုံစမ်းဖော်ထုတ်နေသည့် ၂၀၁၆ အမေရိကန်သမ္မတရွေးကောက်ပွဲတွင် ဝင်ရောက်စွက်ဖက်ခဲ့သော ရုရှားနှင့် ရွေးကောက်ပွဲအနိုင်ရခဲ့သည့် သမ္မတထရမ့်တို့ ဆက်စပ်မှု ရှိ၊ မရှိ ကိစ္စရပ်များ၊ အမေရိကန်ရှေ့နေချုပ်ရုံးအဖွဲ့က စုံစမ်းစစ်ဆေးနေသည့် ဒေါ်နယ်ထရမ့်နှင့် ရုရှားတို့အကြား စီးပွားရေးလုပ်ငန်းဆိုင်ရာ သဘောတူညီချက်များ ရှိ၊ မရှိ စသည့်ကိစ္စရပ်များမှာ သမ္မတကို စွပ်စွဲပြစ်တင်နိုင်သည့်အထိ ကြီးလေးသော ပြဿနာများ ဖြစ်သည်။

အောက်လွှတ်တာ် ဒီမိုကရက်များအနေနှင့် ထရမ့်၏ စစ်ဘက်ဆိုင်ရာ အသုံးစရိတ်များ၊ မက္ကဆီကို နယ်စပ်တွင် တံတိုင်းဆောက်ခြင်းကိစ္စရပ်များ၊ အီရန်နျူကလီးယားသဘောတူစာချုပ်၊ ပါရီရာသီဥတုဆိုင်ရာသဘောတူညီချက်မှ ရုတ်တရက်နုတ်ထွက်ခဲ့မှုနှင့် ပတ်သက်၍ ကြားနားစစ်ဆေးမှု ပြုလုပ်ကြတော့မည် ဖြစ်သည်။

၂၀၁၉ ခုနှစ် ဇန်နဝါရီလတွင် အောက်လွှတ်တော်အမတ်တာဝန် စတင်ရယူကြမည့် ဒီမိုကရက်တစ်လွှတ်တော်အမတ်များမှာ အရေးပါသော လွှတ်တော်ရေးရာကော်မတီများ၏ ဥက္ကဋ္ဌနေရာများကို ရယူဖို့ ပြင်ဆင်နေကြပြီလည်းဖြစ်သည်။

ထရမ့်ကို တင်းကျပ်မည့် လွှတ်တော်ရေးရာကော်မတီဥက္ကဋ္ဌများ

လက်ရှိအောက်လွှတ်တော် ကာကွယ်ရေးဆိုင်ရာကော်မတီ၏အဆင့်မြင့်အဖွဲ့ဝင်ဖြစ်သော ဒီမိုကရက်တစ်လွှတ်တော်အမတ် အဒမ်စမစ်၊ လက်ရှိနိုင်ငံခြားရေးရာကော်မတီ အဆင့်မြင့်အဖွဲ့ဝင်ဖြစ်သော အဲလိယော့အိန်ဂျယ်တို့မှာ ရေးရာကော်မတီဥက္ကဋ္ဌရာထူးကို ရယူဖို့ ပြင်ဆင်နေကြပြီဖြစ်သည်။

သို့ပြင် လွှတ်တော်ထောက်လှမ်းရေး ကော်မတီဥက္ကဋ္ဌရာထူးကို ရယူဖွယ်ရှိသည့် အဒမ်ရှစ်ဖ်မှာလည်း အထူးစုံစမ်းရေးမှူး ရောဘတ်မူလာနှင့် ရှေ့နေချုပ်အဖွဲ့၏ စုံစမ်းစစ်ဆေးနေမှုများကို အပြင်းအထန် ထောက်ပံ့ပေးသွားဖွယ်ရှိသည်။ တရားရေးကော်မတီဥက္ကဋ္ဌရာထူးကို ရယူမည့် ဂျရိုးနာဒလာကလည်း သမ္မတထရမ့်၏ မိသားစုစီးပွားရေးလုပ်ငန်းများသည့် အခြေခံဥပဒေ အကျင့်ပျက်ခြစားမှုဥပဒေပြဋ္ဌာန်းချက်များကို ချိုးဖောက်ခြင်း ရှိ၊ မရှိ၊ အက်ဖ်ဘီအိုင်နှင့် တရားစီရင်ရေးဌာနတို့၏ စုံစမ်းစစ်ဆေးမှုများကို တားဆီးပိတ်ပင်ခြင်း ရှိ၊ မရှိ စုံစမ်းစစ်ဆေးသွားမည်ဟု ကတိပြုပြောကြားထားသည်။

လွှတ်တော် ကြီးကြပ်ရေးကော်မတီဥက္ကဋ္ဌ တာဝန်ယူဖွယ်ရှိသည့် အလားဂျက်ကမ်းမင်းဆိုသူကလည်း မဲပေးခွင့်ရှိသူများ မဲမပေးနိုင်အောင်ပြုလုပ်သည်ဆိုသည့် စွပ်စွဲချက်များနှင့် ပတ်သက်၍ အထောက်အထားစာရွက်စာတမ်းတင်ပြဖို့ တရားဝင် တောင်းဆိုသွားမည်ဖြစ်ကြောင်း ပြောကြား ထားသည်။

ထို့ပြင် ဒီမိုကရက်တစ်ပါတီ ထိန်းချုပ်တော့မည့် အမေရိကန်အောက်လွှတ်တော်က ယီမင်ပြည်တွင်းစစ်တွင် ဆော်ဒီအာရေးဗီးယားပါဝင်နေရာတွင် အမေရိကက ပေးအပ်နေသည့် အထောက်အပံ့များအပါအဝင် အမေရိက၏ လျှို့ဝှက်စစ်ပွဲများနှင့်ပတ်သက်၍ အလျင်အမြန် ကြားနာစစ်ဆေးသွားဖွယ်လည်းရှိသည်။

ယခုနှစ် အောက်တိုဘာလနှောင်းပိုင်းကပင် လွှတ်တော်ကာကွယ်ရေးကော်မတီ အဆင့်မြင့်အဖွဲ့ဝင် အဒမ်စမစ်နှင့် လွှတ်တော်နိုင်ငံခြားရေးရာကော်မတီ အဆင့်မြင့်အဖွဲ့ဝင် အဲလိယော့တို့က ရုရှားနှင့် ချုပ်ဆိုထားသော တာလတ်ပစ် နျူကလီးယားလက်နက်ဆိုင်ရာ သဘောတူညီချက်နှင့် မဟာဗျူဟာမြောက်လက်နက်များ လျှော့ချရေးဆိုင်ရာ သဘောတူညီချက်များမှ သမ္မတထရမ့်၏ နုတ်ထွက်မှုနှင့်ပတ်သက်ပြီး သတိပေးစာများပေးပို့ခဲ့သေးသည်။ ယခုအခါတွင်မူ ၎င်းတို့မှာ သက်ဆိုင်ရာရေးရာကော်မတီဥက္ကဋ္ဌများဖြစ်လာမည်ဖြစ်ရာ ယခင် ရီပတ်ဘလီကန်ဦးဆောင်သည့် ကော်မတီထက်ပို၍ ထရမ့်၏ အစီအစဉ်များကို မကြာခဏခေါ်ယူမေးမြန်းခြင်း၊ ရှင်းလင်းတင်ပြခိုင်းခြင်းများကို ပြုလုပ်နိုင်တော့မည်ဖြစ်သည်။

ကြပ်မတ်ခံရဖွယ်ရှိသည့် ရေးရာကိစ္စများ

ကုန်သွယ်ရေးနှင့် ပတ်သက်၍ ကနေဒါ၊ မက္ကဆီကိုနိုင်ငံတို့နှင့် မကြာသေးခင်က ချုပ်ဆိုခဲ့သော USMCA သဘောတူစာချုပ်မှာ ပိုမိုရှုပ်ထွေးလာဖွယ်ရှိသည်။ သို့သော် အထက်လွှတ်တော် ဆီးနိတ်ကို ရီပတ်ဘလီကန်တို့က ထိန်းချုပ်ထားသည်ဖြစ်ရာ ၂၀၁၉ ခုနှစ်တွင် နောက်ဆုံး ဥပဒေပြုရာတွင်မူ ထရမ့်အတွက် အခက်အခဲရှိဖွယ်မရှိပေ။ ထို့ပြင် တရုတ်အပေါ်ချမှတ်ထားသည့် ကုန်သွယ်ရေးမူဝါဒနှင့် ပတ်သက်၍လည်း ထရမ့်အနေနှင့် စိုးရိမ်လိမ့်မည် မဟုတ်ပေ။

လူဝင်မှုကြီးကြပ်ရေးနှင့် ပတ်သက်ပါကလည်း အမေရိကတွင် ငယ်စဉ်ကလေးဘ၀ကတည်းက ရောက်ရှိနေသူများကို အရေးပေးထားသော Dreamers မူဝါဒကို ထရမ့်က ကန့်သတ်တားဆီးခဲ့ရာ ယင်းအချိန်က အောက်လွှတ်တော်တွင်းရှိ သဘောထားအလယ်အလတ်ရှိသော ရီပတ်ဘလီကန်လွှတ်တော်အမတ်များကပင် ဒီမိုကရက်လွှတ်တော်အမတ်များနှင့်အတူ ကန့်ကွက်ခဲ့ကြသည်။ ယခုအခါတွင်မူ Dreamers များအနေနှင့် ဒီမိုကရက်ထိန်းချုပ်ထားသော အောက်လွှတ်တော်ကြောင့် ကံပိုကောင်းလာနိုင်ဖွယ်ရှိသည်။

အမေရိကန်စီးပွားရေးနှင့် ပတ်သက်လာလျှင်မူ ၂၀၁၇ ခုနှစ်က ရီပတ်ဘလီကန်တို့ အတည်ပြုပြဋ္ဌာန်းခဲ့သည့် အမေရိကန်ဒေါ်လာ သန်း ၁ ဒသမ ၅ ထရီလီယံ ပမာဏရှိသော အခွန်လျှော့ချဖြတ်တောက်ရေး မူဝါဒအပါအဝင် နောက်ထပ်ပြုလုပ်မည့် အခွန်ပြုပြင်ပြောင်းလဲရေးမူဝါဒများမှာ ပိုမိုအခက်တွေ့လာစေမည်ဖြစ်သည်။ ယခုအခါ လွှတ်တော်နှစ်ရပ်ကို ပါတီနှစ်ခုက အသီးသီးထိန်းချုပ်ထားပြီဖြစ်ရာ ကာကွယ်ရေးအသုံးစရိတ်မဟုတ်သော ဘတ်ဂျက်သုံးစွဲမှုနှင့်ပတ်သက်၍ ရီပတ်ဘလီကန်တို့အတွက် အခက်တွေ့စေမည် ဖြစ်သည်။

နိုင်ငံခြားရေးမူဝါဒတွင် သမ္မတ ထရမ့်နှင့် ရုရှားတို့၏ အဆက်အစပ်၊ ပိတ်ဆို့ အရေးယူမှုများချမှတ်မှုများကို အောက်လွှတ်တော် ဒီမိုကရက်များအနေနှင့် တွန်အားပေး စုံစမ်းစစ်ဆေးနိုင်တော့မည် ဖြစ်သည်။ ထရမ့်နှင့် ဆော်ဒီအာရေးဗီးယားဆက်ဆံရေးအတွက် ပိုမိုအခက်တွေ့လာနိုင်သလို၊ ထရမ့်၏ ကာကွယ်ရေးအသုံးစရိတ်များနှင့် ပတ်သက်၍ လွှတ်တော်၏ ကြားနာစစ်ဆေးမှုများမှာလည်း ပိုစိတ်လာနိုင်သည်။ ကမ္ဘာ့ရာသီဥတုပြောင်းလဲမှုနှင့် ပတ်သက်၍လည်း ပိုမိုအာရုံစိုက်လာနိုင်ဖွယ်ရှိသည်။

ကျန်းမာရေးကဏ္ဍနှင့် ပတ်သက်ပါက ယခင်အရှိန်အတိုင်း ဆက်သွားနေဖွယ် ရှိသည်။ သမ္မတဟောင်း အိုဘားမား၏ ‘လူတိုင်းသုံးစွဲနိုင်သော ကျန်းမာရေးစောင့်ရှောက်မှုဥပဒေ (Affordable Care Act)’ ကြောင့် အခွန်ကောက်ခံခဲ့ရသည့် ရေးရာကိစ္စများတွင် ပါတီနှစ်ခုစလုံး သဘောတူနိုင်သော အရေးကိစ္စများလည်း ရှိနေသည်ကို တွေ့ရသည်။ အောက်လွှတ်တော်တွင် ဒီမိုကရက်တစ်ပါတီက ထိန်းချုပ်နိုင်ပြီဖြစ်ရာ အိုဘားမားလက်ထက်က ပြဋ္ဌာန်းခဲ့သည့် အဆိုပါဥပဒေကို ရီပတ်ဘလီကန်များ မည်သို့ အကောင်အထည်ဖော်ခဲ့ကြသည်ကို စုံစမ်းစစ်ဆေးနိုင်တော့မည်လည်း ဖြစ်ပေတော့သည်။

စာညွှန်း။       ။     ၁။Victorious House Democrats Pledge to Probe Trump’s Foreign Policy

                           ၂။What the midterms will mean for US policy: three scenarios

ဉာဏကျော်

You may also like...

Leave a Reply

Your email address will not be published. Required fields are marked *