ဗိုလ်ချုပ်ကြီးဟောင်းဦးခင်ညွန့်သား ဓာတ်ပုံပြပွဲလုပ်

ရန်ကုန်၊ နိုဝင်ဘာလ ၁၆

ဗိုလ်ချုပ်ကြီးဟောင်း ဦးခင်ညွန့်၏ သားဖြစ်သူ ဦးရဲနိုင်ဝင်းသည် ဓာတ်ပုံပြပွဲတစ်ရပ် ပြုလုပ်ခဲ့ပြီး ပြပွဲတွင် ၎င်းကိုယ်တိုင် ကမ္ဘာပေါ်ရှိ နိုင်ငံအသီးသီး၏ သဘာဝအလှတရားများကို ရိုက်ကူးထားသော ဓာတ်ပုံများကို ပြသထားကာ ဓာတ်ပုံရောင်းချရငွေများကို လှူဒါန်းသွားမည် ဖြစ်ကြောင်း စီစဉ်သူများထံမှ သိရှိရသည်။

မှန်ဘီလူးမှ ဖြတ်သန်းသွားသော ကမ္ဘာတစ်ခု (One World Through My Lens) ဟု အမည်ပေးထားသည့် ယင်းပြပွဲကို ရန်ကုန်မြို့တော်ရှိ ဝန်ကြီးများရုံးတွင် နိုဝင်ဘာလ ၁၆ ရက်နေ့တွင် စတင်ပြုလုပ်ခဲ့သည်။

“ဓာတ်ပုံတစ်ပုံချင်းကတော့ ဈေးနှုန်းတွေက မတူဘူး။ အကြမ်းအားဖြင့်တော့ ဈေးနှုန်းကတော့ တစ်ထောင်ကနေ လေးထောင်ကြားရှိမယ်” ဟု ပြပွဲကျင်းပ သူ ဦးရဲနိုင်ဝင်းက ပြောဆိုသည်။

ဓာတ်ပုံရောင်းချမှုက ရရှိသော ငွေကြေးများကို ပြည်တွင်းရှိ သဘာဝပတ်ဝန်းကျင်အရေး လုပ်ဆောင်နေသော အဖွဲ့အစည်းများ၊ သဘာဝဘေးအန္တရာယ် ခံစားခဲ့ရသော နေရာဒေသရှိ မိဘမဲ့ကလေးငယ်များကို ကူညီစောင့်ရှောက်နေသော အဖွဲ့အစည်းများ၊ အခြားလူမှုရေးအဖွဲ့အစည်းများကိုပါ လှူဒါန်းသွားမည်ဖြစ်ကြောင်း ဦးရဲနိုင်ဝင်းက ပြောဆိုသည်။

ကမ္ဘာပေါ်ရှိ လူသားအားလုံးသည် တစ်နေရာတည်းတွင်သာ စုပေါင်းနေထိုင်သူများဖြစ်ကာ မတူကွဲပြားခြင်းကို လူသားအားလုံးကြိုဆိုလက်ခံနိုင်ရန် လမ်းစတစ်ခုဖြစ်စေချင်သည့်အတွက် ထိုသို့ကျင်းပရခြင်းဖြစ်သည်ဟု ၎င်းက ဆက်လက်ပြောဆိုသည်။

ယင်းပြပွဲတွင် ဦးရဲနိုင်ဝင်း တစ်ကိုယ်တော်ရိုက်ကူးခဲ့သည့် ကမ္ဘာသဘာဝရှုခင်းအလှတရား ဓာတ်ပုံ ၃၂ ပုံကို ပြသသွားမည်ဖြစ်ပြီး နိုင်ငံကျော်ဓာတ်ပုံနှင့် ပန်းချီအနုပညာရှင်များ၏ ပန်းချီများ၊ ဓာတ်ပုံနှင့် ပတ်သက်သော ဆွေးနွေးမှုများပါ ပြုလုပ်သွားမည်ဖြစ်ကြောင်း ပွဲစီစဉ်သူများထံမှ သိရသည်။

အဆိုပါပြပွဲကို နိုဝင်ဘာလ ၁၆ရက် မှ ၁၉ ရက်ထိ ကျင်းပပြုလုပ်သွားမည်ဖြစ်ကာ အခမဲ့လာရောက်ကြည့်ရှုနိုင်ကြောင်း ပြပွဲစီစဉ်သူများထံမှ သိရသည်။

You may also like...

Leave a Reply

Your email address will not be published. Required fields are marked *