ရွေးကောက်ပွဲလွန်နိုင်ငံရေးတွင် ဆက်ပါနေဦးမည့် ထိုင်းဗိုလ်ချုပ်ကြီး ပရာယွတ်

အာဏာသိမ်းထိုင်းဝန်ကြီးချုပ်ပရာယွတ်က အောက်တိုဘာလအစောပိုင်း ဂျပန်ခရီးစဉ်၌ ၂၀၁၉ ခုနှစ် မေလကို နောက်အကျဆုံထား၍ ရွေးကောက်ပွဲ ကျင်းပပေးမည်ဖြစ်ကြောင်း အတည်ပြုပြောကြားခဲ့သည်။ ထိုင်းဝန်ကြီးချုပ် ပရာယွတ်နှင့် ဂျပန်ဝန်ကြီးချုပ် ရှင်ဇိုအာဘေးတို့ တွေ့ဆုံရာတွင် ဖေဖော်ဝါရီလကို အစောဆုံးထား၍ ရွေးကောက်ပွဲကျင်းပပေးမည်ဟု ပြောကြားခဲ့ကြောင်း သတင်းထွက်လာခဲ့သည်။ ယခုကျင်းပမည့် ရွေးကောက်ပွဲမှာ ၂၀၁၄ စစ်အာဏာသိမ်း အပြီး၊ ဝန်ကြီးချုပ်ယင်းလပ်ကို ရာထူးမှဖယ်ရှားအပြီး ပထမဆုံးကျင်းပမည့် ရွေးကောက်ပွဲပင်။

ထိုင်းစစ်တပ်သည် ရွေးကောက်ပွဲကျင်းပပေးမည်ဖြစ်ကြောင်း မကြာခဏ ကတိပေးခဲ့သလို အကြိမ်ကြိမ်လည်း အချိန့်ရွှေ့ခဲ့သည့် သာဓကများလည်းရှိသည်။ သို့သော် ယခုတစ်ကြိမ်ပေးသော ရွေးကောက်ပွဲကတိမှာမူ အမှန်ဖြစ်လာနိုင်ကြောင်း ယုံကြည်ရလောက်သည့်အကြောင်းအချက်များလည်း ရှိနေသည်။

ရွေးကောက်ပွဲအတွက် လိုအပ်သည့် ဥပဒေကြမ်းနှစ်ရပ်ကို ထိုင်းဘုရင်က အတည်ပြုပေးလိုက်ခြင်း၊ ပြည်ပခေါင်းဆောင်များ၊ မီဒီယာများကို ၂၀၁၉ ခုနှစ်တွင် ရွေးကောက်ပွဲကျင်းပမည်ဟု ထိုင်းစစ်အစိုးရက ကျယ်ကျယ်ပြန့်ပြန့် အသိပေးပြောကြားမှု စသည့်အကြောင်းအချက်များပင်ဖြစ်သည်။ အရေးအကြီးဆုံးအချက်မှာ ထိုင်းစစ်တပ်သည် ရွေးကောက်ပွဲအပြီးတက်လာမည့် ရွေးကောက်ခံနိုင်ငံရေးသမားများ၏ အာဏာယုတ်လျော့အားပျော့သွားရန် အခြေခံကောင်းများ ချမှတ်ပြီးဖြစ်သလို ရွေးကောက်ပွဲအလွန် ထိုင်းနိုင်ငံကို လွှမ်းမိုးနိုင်မည့် အစီအစဉ်များကိုလည်း ချမှတ်ထားပြီးဖြစ်သည်ဆိုသည့်အချက်လည်း ပါဝင်သည်။

လာမည့်နှစ်တွင်ကျင်းပမည့် ထိုင်းအောက်လွှတ်တော်ရွေးကောက်ပွဲတွင် (အထက်လွှတ်တော်အမတ်များကို ရွေးကောက်ပွဲဖြင့် ရွေးကောက်တင်မြှောက်သည်မဟုတ်ပါ) စစ်တပ်လိုလားသောပါတီများ ဝင်ရောက်ယှဉ်ပြိုင်ခြင်း၊ အခြားနိုင်ငံရေးပါတီများကိုလည်း ဆွဲဆောင်စည်းရုံးခြင်းအားဖြင့် နောင်ဖြစ်လာမည့်အစိုးရတွင် အာဏာသိမ်းခေါင်းဆောင်များအနေနှင့် ထိပ်ပိုင်းရာထူးများကို ဆက်လက်ဆုပ်ကိုင်ထားဖွယ်ရှိသည်။

ဆယ်စုနှစ်များစွာအတွင်း အဖိနှိပ်ဆုံးစနစ်အောက်တွင် ထိုင်းနိုင်ငံကို လေးနှစ်တာကိုင်တွယ်ထားသည့် ထိုင်းစစ်တပ်မှာ အာဏာကို ရေရှည်ဆုပ်ကိုင်နိုင်မည့် နည်းဗျူဟာများကိုလည်း ချမှတ်ထားပြီးဖြစ်သည်။ ၂၀၁၆ ခုနှစ်တွင် ထိုင်းစစ်တပ်၏ ကြီးကြပ်မှုဖြင့် အတည်ပြုပြဋ္ဌာန်းခဲ့သော အခြေခံဥပဒေအရ နိုင်ငံရေးပါတီတစ်ခုတည်းက အောက်လွှတ်တော်ကို သိမ်းပိုက်ထိန်းချုပ်ရန် ခက်ခဲစေမည်ဖြစ်သည်။ လွန်ခဲ့သော ဆယ်စုနှစ်တစ်ခုကျော်က ပြည်ပြေးဝန်ကြီးချုပ်ဟောင်း သက်ဆင်ကို ထောက်ခံသည့်ပါတီက အကြိမ်ကြိမ် အနိုင်ရခဲ့ပြီး အောက်လွှတ်တော်ကို ထိန်းချုပ်ထားသည့်ပုံစံမျိုးဖြစ်ရန် ခက်ခဲသွားမည်ဖြစ်သည်။ ထို့ပြင် ၂၀၁၆ အခြေခံဥပဒေအရ ရွေးကောက်ခံမဟုတ်သော အင်စတီကျူးရှင်းများ၏ အာဏာကို ပိုမိုမြှင့်တင်ထားသည်ကိုလည်း တွေ့ရသည်။ အမျိုးသားစက္ကူပြာစီမံကိန်းမှတစ်ဆင့် ထိုင်းစစ်တပ်နှင့် အခြားသော ပါဝါအသစ်များက ထိုင်းနိုင်ငံကို နှစ်ပေါင်း ၂၀ ခန့် ထိန်းကျောင်းကြီးကြပ်ခွင့်ပေးအပ်ထားသည်။

ရွေးကောက်ပွဲကျင်းပမည့်ကိစ္စ တိတိပပ မသေချာသေးသော်လည်း ယခုလို ရွေးကောက်ပွဲကျင်းပမည့် ရောင်နီသန်းလာချိန်တွင် ဝန်ကြီးချုပ်ပရာယွတ်နှင့် အာဏာသိမ်းခေါင်းဆောင်များ၏ ရှေ့ဆက်တက်လှမ်းမည့် ခြေလှမ်းများကိုသာ တွေ့မြင်နေရသည်။ ဝန်ကြီးချုပ် ပရာယွတ် ကာလအတော်ကြာနှုတ်ဆိတ်နေသည့် အစိုးရရာထူး ဆက်ယူ၊ မယူ ဆိုသည့် မေးခွန်းကို ‘နိုင်ငံရေးကို စိတ်ဝင်စားကြောင်း’ ထုတ်ဖော်ပြောကြားခြင်းဖြင့် အဖြေပေးလိုက်သည်ကို တွေ့ရသည်။ စက်တင်ဘာလက အစိုးရအိမ်တော်တွင် သတင်းထောက်များကို ဖြေကြားရာတွင် ဝန်ကြီးချုပ် ပရာယွတ်က “အခု ကျွန်တော်ပြောနိုင်တာကတော့ ကျွန်တော် နိုင်ငံရေးရာထူးကို စိတ်ဝင်စားတယ်ဆိုတာပါပဲ” ဟု ဖြေကြားခဲ့သည်။ ထို့ပြင် မကြာသေးခင်ကာလပိုင်းကပင် ဝန်ကြီးချုပ်ပရာယွတ်မှာ ရွေးကောက်ပွဲ မဲဆွယ်ပွဲကဲ့သို့ ထိုင်းနိုင်ငံတစ်ဝန်း လှည့်လည်သွားလာခဲ့သည်ကိုလည်း တွေ့ရသည်။

ထိုင်းစစ်သားများနှင့် စစ်တပ်ကို ထောက်ခံသူများကလည်း လာမည့်နှစ်တွင်ကျင်းပမည့်ရွေးကောက်ပွဲတွင် ပေးအပ်သည့်တာဝန်ကို ထမ်းဆောင်ရန် အဆင့်သင့်ဖြစ်နေကြဖွယ်ရှိသည်။ စက်တင်ဘာလကပင် အာဏာသိမ်းအစိုးရကက်ဘိနက်အဖွဲ့ဝင်လေးဦးမှာ ပါတီသစ်တစ်ခု တရားဝင်တည်ထောင်ခဲ့သည်။ လာမည့်ရွေးကောက်ပွဲတွင် ဝင်ရောက်ယှဉ်ပြိုင်မည့် ပါလန်းပရာချတ်ပါတီဖြစ်သည်။ ပရာချတ်ပါတီသည် ဝန်ကြီးချုပ်ပရာယွတ် ၏ နိုင်ငံရေးရည်မှန်းချက်ကို ပို့ဆောင်ပေးမည့် ယာဉ်တစ်စီးဖြစ်ဖွယ်ရှိသည်။ အောက်လွှတ်တော်တွင် အမတ်နေရာအများဆုံးရရှိအောင် ကြိုးပမ်းခြင်းအားဖြင့်လည်းကောင်း၊ အခြားသောပါတီများနှင့် ညွန့်ပေါင်းဖွဲ့၍လည်းကောင်း လက်ရှိဝန်ကြီးချုပ် ပရာယွတ် ဝန်ကြီးချုပ်အဖြစ် ယှဉ်ပြိုင်နိုင်ရန် ကြိုးပမ်းဖွယ်ရှိသည်။ အဆိုပါ ရည်ရွယ်ချက်အောင်မြင်ရန် ပရာချတ်ပါတီအနေနှင့် ရွေးကောက်ပွဲဝင်မည့် ကိုယ်စားလှယ်အသစ်များကို ရွေးချယ်သွားနိုင်သလို၊ လက်ရှိတည်ရှိဆဲ အင်အားကြီးပါတီကြီးထဲ မှ နိုင်ငံရေးသမားများကို ဆွဲဆောင်သိမ်းသွင်းသွားဖွယ်လည်းရှိသည်။

သို့သော် လက်ရှိဝန်ကြီးချုပ် ပရာယွတ် သို့မဟုတ် အခြားစစ်ဘက်ခေါင်းဆောင်များ သို့မဟုတ် အသစ်တည်ထောင်သည့် ပါလန်ပရာချတ်ပါတီအနေနှင့် လွတ်လပ်ပြီး တရားမျှတသည့် ရွေးကောက်ပွဲတွင် အစိုးရဖွဲ့နိုင်လောက်သော အမတ်နေရာအရေအတွက် အနိုင်ရမည်၊ မရမည်ဆိုသည်မှာမူ မေးစရာမေးခွန်းအဖြစ် ဆက်လက်ရှိနေဆဲပင်ဖြစ်သည်။ အေရှတိုင်းမ်သတင်းဌာနက ပြုလုပ်သည့် လက်ရှိ စစ်အစိုးရတာဝန်ရှိသူများကို သဘောထားစစ်တမ်းကောက်ယူချက်အရ လွတ်လပ်ပြီး တရားမျှတသောရွေးကောက်ပွဲတွင် ပြည်ပြေးဝန်ကြီးချုပ်ဟောင်း သက်ဆင်ကိုလိုလားသည့် ဖေ့ထိုင်းပါတီသည် အနိုင်ရနိုင်သည်ဟု ဖြေဆိုကြကြောင်း ဖော်ပြထားသည်။ သို့သော် သက်ဆင်နှင့် သက်ဆင်၏နှမ ယင်းလပ်တို့မှာ ပြည်ပြေးအဖြစ် နေထိုင်နေကြသလို ဖေ့ထိုင်းပါတီ ထိပ်ပိုင်းခေါင်းဆောင်များမှာလည်း ထောင်ထဲရောက်နေသူ၊ ရွေးကောက်ပွဲဝင်ခွင့် တားမြစ် ခံထားရသူများဖြစ်နေရာ ဖေ့ထိုင်းပါတီ ခေါင်းဆောင်နေရာအတွက် ထင်ရှား ကျော်ကြားသူ မရှိခြင်းက ပါတီအောင်နိုင်ရေးကို ထိခိုက်စေနိုင်မည်ဖြစ်သည်။

ထို့ပြင် ဖွဲ့စည်းပုံအခြေခံဥပဒေသစ်အတွက် ၂၀၁၆ ခုနှစ်က ပြုလုပ်ခဲ့သည့် မျှတမှုမရှိသော ပြည်လုံးကျွတ်ဆန္ဒခံယူပွဲတွင် ထိုင်းစစ်တပ်၏ လုပ်ရပ်များကိုကြည့်ပါက ထိုင်းစစ်တပ်သည် ရွေးကောက်ပွဲ မဲလိမ်၊ မဲညစ်မှုများ မပြုလုပ်ဘဲ စစ်တပ်ပါတီ သို့မဟုတ် စစ်တပ်နှင့် မဟာမိတ်ပါတီတို့ ထောက်ခံမဲရရှိရန် နည်းလမ်းမျိုးစုံသုံးနိုင်သည့် စွမ်းရည်ရှိနေသည်ကို တွေ့ရသည်။

လာမည့်ရွေးကောက်ပွဲတွင် ထိုင်း စစ်တပ်အနေနှင့် ၎င်းတို့လိုလားသည့်ပါတီများ၊ ရွေးကောက်ပွဲဝင် အမတ်များအတွက် ငွေကြေးစသည့် ရင်းမြစ်များစွာကို သုံးစွဲဖွယ်ရှိသကဲ့သို့ ပြိုင်ဘက်များကိုလည်း နှောင့်ယှက်ရန် ကြိုးပမ်းသွားဖွယ်ရှိနေသည်။ ယခုပင်လျှင် ထိုင်းလူငယ်တိုးတက်ရေးအမြင်ရှိသူများက ထောက်ခံနေသော Future Forward Party ခေါင်းဆောင်များကို ကွန်ပျူတာပြစ်မှုဆိုင်ရာ ဥပဒေ များဖြင့် တရားစွဲဆိုထားပြီးဖြစ်သည်။

လက်ရှိဝန်ကြီးချုပ် ပရာယွတ်နှင့် စစ်တပ်လိုလားသည့် ရွေးကောက်ပွဲဝင်အမတ်များကို မဲထည့်ရန် မဲဆန္ဒရှင်များကို ထိုင်းစစ်တပ်က ဖိအားပေးမဲထည့်ကောင်း ထည့်ခိုင်းနိုင်သလို အသစ်ပေါ်ထွက်လာမည့် ပါတီငယ်များနှင့် စစ်တပ်နောက်ခံပေးထားသည့် ပါတီတို့အကြား မဟာမိတ်ဖွဲ့ကောင်း ဖွဲ့နိုင်သည်။ ဤသို့ပြုလုပ်ခြင်းဖြင့် သက်ဆင်လိုလားသော ဖေ့ထိုင်းပါတီ ရွေးကောက်ပွဲတွင် မဲအပြတ်အသတ်အနိုင်ရခြင်းမှ တားဆီးနိုင်မည်လည်းဖြစ်သည်။ ဖေ့ထိုင်းပါတီနှင့် နောက်ပါတီကြီးတစ်ခုဖြစ်သည့် ဒီမိုကရက်ပါတီကလည်း ရွေးကောက်ပွဲအပြီးတွင် စစ်တပ်၏နိုင်ငံရေးတွင် ဆက်လက်လွှမ်းမိုးမှုကို အဆုံးသတ်ရန်အတွက် အခြားပါတီများနှင့် ညွန့်ပေါင်း ဖွဲ့သွားမည်ဟု ပြောကြားထားသည်။ သို့သော် ဖေ့ထိုင်းပါတီရော၊ ဒီမိုကရက်ပါတီ နှစ်ရပ်စလုံးမှာ ‘ငြှိုးသူရန်ဘက်’ များဖြစ်ကြရာ အတူလက်တွဲသွားဖို့ဆိုသည်မှာ ဖြစ်နိုင်ခြေမရှိလှပေ။

အထက်ပါ ဖြစ်နိုင်ခြေများမှာ စစ်တပ်ကစီစဉ်ထားသော အစီအစဉ်များ ဖြစ်ဖွယ်ရှိသည်။ လာမည့်ရွေးကောက်ပွဲတွင် ဖေ့ထိုင်းပါတီက အပြတ်အသတ်အနိုင်မရခဲ့ပါက ဖေ့ထိုင်းပါတီနှင့် ဒီမိုကရက်ပါတီတို့မှာ သောင်တင်ရေမကျ ဆက်လက်ရှိနေကြမည်ဖြစ်ပြီး စစ်တပ်အနေနှင့် ပါတီငယ်များ၊ စစ်တပ်နှင့် ပတ်သက်သောပါတီများ နှင့် ညွန့်ပေါင်းဖွဲ့ရန် နောက်ကွယ်မှနေ၍ အလုပ် လုပ်သွားဖွယ်ရှိသည်။

လက်ရှိ ထိုင်းအခြေခံဥပဒေအရ ဝန်ကြီးချုပ်သည် ရွေးကောက်ကိုယ်စားလှယ်ဖြစ်စရာမလိုသည့်အချက်ကြောင့် လက်ရှိအာဏာသိမ်း ထိုင်းဝန်ကြီးချုပ် ပရာယွတ်အနေနှင့် လာမည့်ရွေးကောက်ပွဲအပြီးတွင်လည်း ဝန်ကြီးချုပ်ရာထူးကို ဆက်လက်ရယူသွားနိုင်မည့်သဘောပင် ဖြစ်သည်။ ထို့ကြောင့် ထိုင်းစစ်တပ်၏ အစီအစဉ်သာအောင်မြင်ခဲ့ပါက လာမည့်ရွေးကောက်ပွဲအပြီး ထိုင်းအစိုးရသစ်မှာ အသစ်မဟုတ်ဘဲ အဟောင်းသာဖြစ်ဖွယ်ရှိတော့သည်။ 

 

စာညွှန်း။ ။ Thailand’s Junta is Finally Promising Elections- On Its Terms

ဉာဏကျော်

You may also like...

Leave a Reply

Your email address will not be published. Required fields are marked *