ပြည်သူ့ပါတီ ပါတီကြီးနှစ်ခုအတွက် ပြိုင်ဘက်လော

မြန်မာ့မြေတွင် ကြီးစိုးနေသည့် ပါတီကြီးနှစ်ခုကို ယှဉ်ပြိုင်ရန် ပါတီသစ်ပေါ်လာသည်။

ပါတီတည်ထောင်ရေးတစ်နှစ်ခန့်ကြာ ကြိုးပမ်းပြီးနောက် ၈၈မျိုးဆက် ကျောင်းသားအချို့ ဦးဆောင်တည်ထောင်သည့် ပြည်သူ့ပါတီမှာ ပီပီပြင်ပြင်တည်ထောင်လိုက်နိုင်ပြီဖြစ်သည်။

၈၈မျိုးဆက်ကျောင်းသားခေါင်းဆောင်တစ်ဦးအဖြစ် ထင်ရှားသည့် ဦးကိုကိုကြီးက ပါတီဥက္ကဋ္ဌတာဝန်ယူပြီး စီးပွားရေးပညာရှင် ဦးမြင့်ကို ပါတီ၏ စီးပွားရေးအကြံပေးအဖြစ် တာဝန်ယူပေးရန် ကြိုးပမ်းနိုင်ခဲ့မှုကြောင့် နိုင်ငံရေးအသိုင်းအဝိုင်းက စိတ်ဝင်စားမှုမြင့်တက်နေသည်။

အာဏာရှင်အစိုးရလက်ထက်ကတည်းက ဒီမိုကရေစီအရေး ကြိုးပမ်းခဲ့သူများ ပါတီနိုင်ငံရေးကြိုးဝိုင်းသို့ ဝင်ရောက်လာခြင်းဖြစ်သည်။ ပြည်သူ့ပါတီ၏ အလားအလာက မည်သို့ရှိနိုင်မည်နည်း။

အဝါရောင်

ကြံ့ခိုင်ရေးပါတီသည် အစိမ်းရောင်ကို ကိုယ်စားပြုပြီး NLD ပါတီက အနီရောင်ကို ကိုယ်စားပြုသည်။ ပြည်သူ့ပါတီကမူ အဝါရောင်ကို ကိုယ်စားပြုကာ ထွက်ပေါ်လာသည်။

ဒီမိုကရေစီအရေးအတွက် ကြိုးပမ်းမှု နှစ်ပေါင်း ၃၀ကျော်ကြာပြီးနောက် ပါတီနိုင်ငံရေးထဲသို့ ဝင်ရောက်လာခြင်း ဖြစ်သည်။

“၈၈ မျိုးဆက်တွေ ပါတီတစ်ခုအနေနဲ့ ထွက်ပေါ်လာမှာ စိတ်ဝင်စားဖို့ ကောင်းတယ်။ အများကြီး ကြိုဆိုတယ်” ဟု ရန်ကုန်နိုင်ငံရေးသိပ္ပံကျောင်းဒါရိုက်တာအဖွဲ့ဝင် ဦးမျိုးအောင်ထွေးက ပြောဆိုသည်။

ပြည်သူ့ပါတီကို ၈၈ ကျောင်းသား ခေါင်းဆောင်တစ်ဦးဖြစ်သည့် ဦးကိုကိုကြီးက ဥက္ကဋ္ဌ၊ ဦးမင်းဇေယျက ဒုတိယဥက္ကဋ္ဌ အဖြစ် ဦးဆောင်ကြမည် ဖြစ်သည်။

ရှစ်လေးလုံးအရေးတော်ပုံကာလက တောင်းဆိုချက်များဖြစ်သော တစ်ပါတီ အာဏာရှင်စနစ် ချုပ်ငြိမ်းရေးနှင့် ဒီမိုကရေစီအပြည့်ဝသော နိုင်ငံတော်ဖွဲ့စည်းရေးတို့ကို အကောင်အထည်ဖော်ရန် အတွက် ပါတီနိုင်ငံရေးထဲ ဝင်ရောက်လာခြင်းဖြစ်ကြောင်း ဦးမင်းဇေယျက ပြောကြားသည်။

လက်ရှိချိန်သည် ဒီမိုကရေစီအပြည့် အဝမရရှိသေးကြောင်း အာဏာရပါတီ  NLD ကလည်း ဝန်ခံထားသည်။

တောင့်တင်းသော ပြိုင်ဘက်လော

ပြည်သူ့ပါတီသည် NLD ပါတီ၊ ကြံ့ခိုင်ရေးပါတီတို့နှင့်အတူ ပြိုင်ဆိုင်နိုင်မည့် တတိယအင်အားစုဖြစ်လာနိုင်ကြောင်း နိုင်ငံရေးလေ့လာသူအချို့ကလည်း သုံးသပ်ကြသည်။

ပြည်သူ့ပါတီတွင် သမ္မတဦးသိန်းစိန်အစိုးရလက်ထက်တွင် စီးပွားရေးအကြံပေးလုပ်ဆောင်ခဲ့သူ ဦးမြင့် ပါတီ၏ စီးပွားရေးအကြံပေးအဖြစ် ပါဝင်လာခြင်းကြောင့် အင်အားပိုမိုတောင့်တင်းလာသလော။

ဦးမြင့်သည် ရန်ကုန်စီးပွားရေးတက္ကသိုလ်တွင် ပါမောက္ခ၊ နိုင်ငံခြားရေးဝန်ကြီးဌာနတွင် ညွှန်ကြားရေးမှူး၊ ကုလသမဂ္ဂ စီးပွားရေးနှင့် လူမှုရေးကော်မရှင်အကြီးအကဲ၊ သမ္မတဦးသိန်းစိန်လက်ထက် စီးပွားရေးအကြံပေးအဖြစ်လည်း တာဝန်ယူခဲ့ဖူးသူဖြစ်ပြီး တိုင်းပြည်စီးပွားရေးအတွက် ထဲထဲဝင်ဝင်လုပ်ဆောင်ခဲ့သူလည်း ဖြစ်သည်။

လက်ရှိမြန်မာနိုင်ငံတွင် ဖြစ်ပေါ်နေသော နိုင်ငံရေးအပြောင်းအလဲသည် စီးပွား ရေးတိုးတက်မှုနှင့် ဆက်စပ်နေပြီး စီးပွားရေးမဖွံ့ဖြိုးပါက နိုင်ငံရေးပြောင်းလဲမှုမဖြစ်နိုင်ဟု ပြည်သူ့ပါတီဒုတိယဥက္ကဋ္ဌ ဦးမင်းဇေယျက ဆိုသည်။

ပြည်သူ့ပါတီစီးပွားရေးဆိုင်ရာမူဝါဒနှင့် ပတ်သက်ပြီး ဦးမြင့်၏ အကြံဉာဏ်အမြင်သဘောထားပေါ်တွင် အလေးအနက်ထားကာ အကောင်အထည်ဖော်သွားရန် ဆုံးဖြတ်ထားကြောင်း ၎င်းက ပြောဆိုသည်။

ပြည်သူ့ပါတီတွင် ဦးမြင့်ပါဝင်လာခြင်းတစ်ခုတည်းနှင့် ပါတီတောင့်တင်းပြီဟု ပြောရန်မှာ အချိန်စောကြောင်း၊ ပါတီမူဝါဒများကိုလည်း အများပြည်သူထံ ရှင်းလင်းစွာချပြထားသည်ကို မတွေ့ရသေးကြောင်း ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့အမှုဆောင်ဒါရိုက်တာ ဦးစိုင်းရဲကျော်စွာမြင့်က မှတ်ချက်ပေးသည်။

“ကျွန်တော့်အမြင်ရတော့ ပြောဖို့ စောသေးတယ်ဗျ။ ပြည်သူလူထုကို မူဝါဒပိုင်းတိတိကျကျ ကြေညာတာ မလုပ်ရသေးဘူး။ သူတို့က ဘယ်ရွေးကောက်ပွဲမှ မဖြတ်သန်းရသေးဘူး”ဟု ၎င်းက ပြောသည်။

သမိုင်းကြောင်းအရ မြန်မာနိုင်ငံတွင် တောင့်တင်းသော နိုင်ငံရေးပါတီကြီးများသည် ကြီးမားသော နိုင်ငံရေးလှုပ်ရှားမှုများမှ တစ်ဆင့် မွေးဖွားလာလေ့ရှိကြောင်း မြန်မာ့မဟာဗျူဟာနှင့် မူဝါဒလေ့လာရေးအင်စတီကျုမှ ပြင်ပဆက်ဆံဆက်သွယ်ရေး ဒါရိုက်တာဦးအောင်သူငြိမ်းက ပြောဆိုသည်။

ပါတီတစ်ခု အင်အားတောင့်တင်းခြင်းသည် ပါတီရန်ပုံငွေအင်အားနှင့် တစ်ဦးချင်းရန်ပုံငွေပါ သက်ဆိုင်မှုရှိကြောင်း အုပ်ချုပ်ရေးနှင့်နိုင်ငံရေး လေ့လာသုံးသပ်သူလည်းဖြစ်သူ ၎င်းက ထပ်မံပြောဆိုသည်။

ပြည်သူ့ပါတီတွင် စီးပွားရေးအကြံပေးပုဂ္ဂိုလ်အဖြစ် တာဝန်ယူဖူးသူ ဦးမြင့်ပါဝင်လာခြင်းသည် တောင့်တင်းသော နိုင်ငံရေးပါတီတစ်ခု ဖြစ်လာနိုင်သည်ဟု ပြောရန်ခက်ခဲသေးသည်ဟု ဦးအောင်သူငြိမ်းက ပြောကြားသည်။

ကတ္တီပါလမ်းခွဲလော

ပြည်သူ့ပါတီတည်ထောင်ရန်ကြိုးပမ်းနေချိန်အတွင်း ၈၈ မျိုးဆက်ကျောင်းသားခေါင်းဆောင်တစ်ဦး ဖြစ်သည့် ဦးမြအေးနှင့် နိုင်ငံရေးတက်ကြွလှုပ်ရှားသူ ကိုမိုဃ်းသွေးအပါအဝင် လူငယ်အချို့ လမ်းခွဲခဲ့သည်။

ထိုသို့ ပါတီဖြစ်မြောက်ရေးဆွေးနွေးပွဲများက ထွက်ခွာသွားခြင်းသည် ပါတီမူအရ မပါဝင်နိုင်ခြင်းမဟုတ်ဘဲ ကိုယ်ရေးကိုယ်တာအကြောင်းကြောင့် ဖြစ်နိုင်ကာ အခြားသော အကြောင်းများကြောင့်လည်းဖြစ်နိုင်သည်ဟု ပါတီ၏  ဒုတိယဥက္ကဋ္ဌ ဦးမင်းဇေယျက ပြောဆိုသည်။

“နိုင်ငံရေးပါတီတစ်ရပ်မှာ ထဲထဲဝင်ဝင်ပါနိုင်ဖို့အတွက် သူတို့ရဲ့နောက်ခံ အကြောင်းအရ အချိန်ပြည့်ပါနိုင်ဖို့ ကိစ္စထဲထဲဝင်ဝင် လုပ်နိုင်မယ့်ကိစ္စမှာလည်း အခက်အခဲတွေရှိရင် ရှိမယ် သို့မဟုတ် ပုဂ္ဂိုလ်ရေးအရ အခက်အခဲရှိရင်လည်း ရှိမယ်”ဟု ၎င်းက ဖြေရှင်းချက်ပေးသည်။

အဆိုပါပုဂ္ဂိုလ်များ ပြန်လည်ပါဝင်လာနိုင်ရန်အတွက် အစဉ်အမြဲလမ်းကမ်းကြိုဆိုသကဲ့သို့ ပါတီတွင် ပါဝင်လာရန်အတွက် ဆက်လက်ဆွေးနွေးဦးမည်ဟုလည်း ဦးမင်းဇေယျက ဆိုသည်။

ပါတီတည်ထောင်ရေးနေရာများတွင် ဝိုင်းကူညီခြင်းသာဖြစ်ကာ ဝိုင်းကူညီသူများကို ပါတီဝင်ဟု မပြောထားကြောင်း၊ ထိုသို့ဆွေးနွေးပွဲများက ထွက်ခွာခဲ့ခြင်းအပေါ် အကြောင်းပြချက်ပေးရန် မရှိကြောင်း ကိုမိုဃ်းသွေးက ဆိုသည်။

ထိုသို့ ပါတီဖြစ်မြောက်ရေးဆွေးနွေးပွဲများက ထွက်ခွာခဲ့ခြင်းသည် ရခိုင်ဒေသအတွင်း ဖြစ်ပွားခဲ့သော ဘင်္ဂါလီအရေးကိစ္စကြောင့် သဘောထားကွဲလွဲခဲ့သည်ဟု အသံများထွက်ပေါ်ခဲ့သည်။

ရခိုင်အရေးကိစ္စနှင့် ပတ်သက်ပြီး သဘောထားကွဲလွဲခဲ့သည်ဆိုသော မေးခွန်းကို ကိုမိုဃ်းသွေးက “နောက်ပိုင်းကျတော့ သူတို့တင်တဲ့ ပေါ်လစီက ပေါ်လာမှာပေါ့ဗျာ။ ဘယ်ဟာ ဘယ်ကိစ္စပေါ်မှာ ဘယ်လိုထားတယ်ဆိုတာက အဲဒီအချိန်မှ ပြောတာ ပိုကောင်းပါတယ်”ဟု ပြောဆိုသည်။

ထိုသို့ ဦးမြအေးနှင့် ကိုမိုဃ်းသွေးတို့ ထွက်ခွာသွားခြင်းသည် ၎င်းတို့၏ ခိုင်မာသော အယူအဆများရှိကာ ထိုခိုင်မာသော အယူအဆများနှင့် မကိုက်ညီသောကြောင့် ထွက်သွားခြင်းသာဖြစ်သည်ဟု ရန်ကုန်နိုင်ငံရေးသိပ္ပံကျောင်း ဒါရိုက်တာအဖွဲ့ဝင်ဦးမျိုးအောင်ထွေး ဆိုသည်။

ပါတီသန္ဓေတည်ပုံ

ပြည်သူ့ပါတီသည် ၂၀၁၇ ဒီဇင်ဘာလမှ စတင်ကာ ဆွေးနွေးမှုများပြုလုပ်ပြီး ပါတီတည်ထောင်ရန်အတွက် ကြိုးစားခဲ့ကြသည်။

ပါတီတည်ထောင်ရန်အတွက် ဆုံးဖြတ်ချက်ကို ၂၀၁၈ ခုနှစ် ကျိုက္ကဆံ ဓမ္မပိယကျောင်းတိုက်၌ ချမှတ်ခဲ့ခြင်းဖြစ်သည်။ ပြည်ထောင်စုရွေးကောက်ပွဲ ကော်မရှင်က ပြည်သူ့ပါတီအမည်ဖြင့် ပါတီတည်ထောင်ခွင့်ပြုပြီးနောက် နိုဝင်ဘာလ ၁၈ ရက်တွင် ပါတီဌာနချုပ်ရုံးခန်း ဖွင့်လှစ်ပြီး တရားဝင်ပါတီအဖြစ် စတင်ရပ်တည်ခဲ့သည်။

ပါတီ၏ နိုင်ငံရေးမူဝါဒတွင် တန်းတူညီမျှမှုနှင့် ကိုယ်ပိုင်ပြဋ္ဌာန်းခွင့်ရှိသည့် ဒီမိုကရက်တစ်ဖက်ဒရယ် ပြည်ထောင်စုထူထောင်ရေး၊ ပြည်သူ့အကျိုးကို ရှေးရှုသောမူဝါဒနှင့် လုပ်ငန်းစဉ်များ ချမှတ်ရာတွင် နိုင်ငံသားများ၏ ဆန္ဒသဘောထား ပါဝင်မှုကို ရယူမည်ဟု ဖော်ပြထားသည်။

တိုင်းရင်းသားနိုင်ငံရေးပါတီများနှင့်လည်း မဟာမိတ်ဖွဲ့သွားမည်ဖြစ်ပြီး အခြားနိုင်ငံရေးပါတီများ၊ အရပ်ဘက်အဖွဲ့အစည်းများနှင့်လည်း မူဝါဒတူညီသည်များကို တိုင်ပင်ကာ အတူတကွ ဆောင်ရွက်မည်ဟု ပြည်သူ့ပါတီ၏ အထွေထွေအတွင်းရေးမှူးဦးရဲနိုင်အောင်က ပြောဆိုသည်။

တိုင်းရင်းသားရေးမူဝါဒတွင်နိုင်ငံရေး၊ စီးပွားရေး၊ လူမှုရေး၊ ငြိမ်းချမ်းရေးကဏ္ဍအသီးသီးတွင် တိုင်းရင်းသားများ တန်းတူပါဝင်ခွင့်နှင့် စီမံဆုံးဖြတ်ခွင့်ရှိစေရန် ကြိုးပမ်းလုပ်ဆောင်မည်ဟု ယင်းပါတီက ထုတ်ပြန်ထားသည်။

နိုင်ငံရေး၊ နိုင်ငံခြားရေး၊ တိုင်းရင်းသားရေး၊ စီးပွားရေး၊ တောင်သူလယ်သမားရေး၊ အလုပ်သမားရေး၊ ကျန်းမာရေး၊ ပညာရေး၊ ကလေးသူငယ်ရေး၊ အမျိုးသမီးရေး၊ တရားစီရင်ရေး၊ တရားဥပဒေစိုးမိုးရေး၊ ကာကွယ်ရေးနှင့် လုံခြုံရေး၊ မဟာမိတ်ဆက်ဆံရေး စသည့်ကဏ္ဍများ ပါတီ၏မူဝါဒတွင် ပါဝင်သည်။

ပါတီအပေါ်အမြင်

ပြည်သူ့ပါတီ၏မူဝါဒသည် ပြည်သူနှင့် တစ်သားတည်းဆိုသော မူဝါဒများဖြင့် ပွဲထွက်လာသော်လည်း ပြည်သူများကြားတွင် ပြည်သူ့ပါတီနှင့်ပတ်သက်ပြီး အသံကျယ်လောင်စွာ ထွက်ပေါ်လာခြင်း မရှိသေးပေ။

ရန်ကုန်မြို့လယ်ခေါင် မဟာဗန္ဓုလလမ်းပေါ်ရှိ ခေတ်သစ်စာအုပ်ဆိုင်ပိုင်ရှင် ဦးဘိုဘိုဇော်ကမူ ပြည်သူ့ပါတီအပေါ် စောင့်ကြည့်ရဦးမည်ဟု ပြောဆိုသည်။

“၈၈မျိုးဆက်တွေ ဦးဆောင်တာဆိုတော့ စိတ်ဝင်စားဖို့ ကောင်းတယ်။ ဒါပေမဲ့ ပြည်သူ့အရေး တကယ်လုပ်ဆောင်နိုင်၊ မလုပ်ဆောင်နိုင်ဆိုတာကတော့ စောင့်ကြည့်ရဦးမယ်”ဟု ၎င်းက ဆိုသည်။

ယခင်ပြည်သူများသည် အာဏာရှင်စနစ်ကို ဆန့်ကျင်လိုသည့်အတွက် အတိုက်အခံ NLD ကိုသာ မဲပေးခဲ့ခြင်းဖြစ်ပြီး လက်ရှိချိန်တွင် ၈၈ မျိုးဆက်များဦးဆောင်သည့် ပါတီ ပေါ်ပေါက်လာရာ ဒီမိုကရေစီအပြောင်းအလဲကို ဝင်ရောက်လာပြီဖြစ်ကြောင်း ဦးမျိုးအောင်ထွေးက သုံးသပ်သည်။

ပြည်သူ့ပါတီ ပါတီအမည်အတိုင်း ပြည်သူကို ပိုပြီးကိုယ်စားပြုရန် လိုအပ်သည်ဟုလည်း ၎င်းက ဆိုသည်။

၈၈ မျိုးဆက်ကျောင်းသားများသည် ၎င်းတို့ မျှော်မှန်းချက်၊ တန်ဖိုးများကို လက်ရှိတည်ဆဲပါတီများ အကောင်အထည်  မဖော်နိုင်သည့်အတွက် ဝင်ရောက်လာခဲ့ခြင်းဖြစ်သည်ဟု ပြန်ကြားရေးဝန်ကြီးဟောင်း ဦးရဲထွဋ်က ၎င်း၏ Facebook စာမျက်နှာပေါ်တွင် ရေးသားထားသည်။

“သူတို့ ကိုယ်တိုင် ပါတီတစ်ရပ် တည်ထောင်ပြီး အကောင်အထည်ဖော်ဖို့ ကြိုးစားတာဟာ မှန်ကန်တဲ့ ဆုံးဖြတ်ချက်ပဲ။ ကျွန်တော်ကတော့ ကြိုဆိုပါတယ်” ဟု ၎င်းက ရေးသားထားသည်။

ပြည်သူ့ပါတီသည် ပြည်သူများ၏ မျှော်လင့်ချက်များ၊ စိတ်ဝင်စားမှုများအပြင် နိုင်ငံရေးအသိုင်းအဝိုင်းများမှ မျှော်လင့်ချက်ထားသော ပါတီတစ်ရပ်လည်း ဖြစ်သည်။

၂၀၂၀ အလားအလာ

ပြည်သူ့ပါတီကို နိုင်ငံရေးအသိုင်းအဝိုင်းက စောင့်ကြည့်နေပြီး ၂၀၂၀  ရွေးကောက်ပွဲအတွက် စိတ်ဝင်စားဖွယ်ကောင်းသည်ဟု မှတ်ချက်ပြုထားကြသည်။ ၂၀၂၀ အထွေထွေရွေးကောက်ပွဲသည် ပြည်သူ့ပါတီအတွက် စိန်ခေါ်မှုကြီးတစ်ရပ် ဖြစ်နေသည်။

မြန်မာနိုင်ငံတွင် ဒေါ်အောင်ဆန်းစုကြည်ပုံရိပ်အားကောင်းနေချိန်ဖြစ်သောကြောင့် ပြည်သူ့ပါတီအတွက် မလွယ်ကူနိုင်ကြောင်း ဦးမျိုးအောင်ထွေးက သုံးသပ်သည်။

ထို့ပြင်တိုင်းရင်းသားဒေသများတွင်လည်း တိုင်းရင်းသားပါတီများသာ နေရာယူထားသည့်အတွက် မလွယ်ကူနိုင်ကြောင်း ရန်ကုန်နိုင်ငံရေးသိပ္ပံကျောင်းဒါရိုက်တာအဖွဲ့ဝင်ဖြစ်သူ ၎င်းက ပြောဆိုသည်။

ဦးအောင်သူငြိမ်းကလည်း ဒေါ်အောင်ဆန်းစုကြည်သည် လက်ရှိချိန်ထိ ဩဇာကြီးဆဲဖြစ်ကာ အခြားနိုင်ငံရေးပါတီများအနေနှင့် NLD ပါတီနှင့် ရွေးကောက်ပွဲတွင် ယှဉ်ပြိုင်နိုင်ရန် မလွယ်သေးကြောင်း မှတ်ချက်ပေးသည်။

ထို့ကြောင့် သေချာပေါက်အနိုင်ရနိုင်သော နေရာကိုသာ ရွေးချယ်ပြီး ဝင်ရောက်ယှဉ်ပြိုင်ရမည်ဟု ၎င်းက သုံးသပ်ပြောကြားသည်။

မည်သို့ပင်ဖြစ်စေ ပြည်သူပါတီအနေဖြင့် ၂၀၂၀ ရွေးကောက်ပွဲတွင် စွမ်းနိုင်သမျှ ရွေးကောက်ပွဲဝင်ရန် ဆုံးဖြတ်ထားပြီး ပြည်သူများကို ပါတီမူဝါဒလုပ်ငန်းစဉ်သဘောထားအမြင်များ ချပြကာ စည်းရုံးသွားမည်ဖြစ်ကြောင်း ပါတီဒုတိယဥက္ကဋ္ဌ ဦးမင်းဇေယျက ဆိုသည်။

“ရွေးကောက်ပွဲမှာ ပြည်သူတွေက လူတစ်ဦးချင်းရဲ့အရည်အချင်းတွေအပေါ် မူတည်ပြီး ဆုံးဖြတ်ပေးတာတွေကို ခံယူမယ်”ဟု ၎င်းက ပြောဆိုသည်။

မိုးယံခ

You may also like...

Leave a Reply

Your email address will not be published. Required fields are marked *