တန်ဆောင်တိုင်ပွဲတော်ကြောင့် အရောင်းအဝယ်နည်းသွားသည့် စတော့ဈေးကွက်

စတော့အနှစ်ချုပ် (နိုဝင်ဘာ ၁၉ ရက်နေ့မှ ၂၃ ရက်နေ့အထိ)

တန်ဆောင်တိုင်ပွဲတော်ကာလ  အများပြည်သူ ရုံးပိတ်ရက် နှစ်ရက်ကြောင့်  ယခုသီတင်းပတ်တွင် ဈေးကွက်သုံးရက်သာရှိခဲ့ပြီး အရောင်းအဝယ်နည်းပါးခဲ့သည်။

ယခုသီတင်းပတ်တွင် ရှယ်ယာအစု  ၂၂,၀၀၀ ကျော်၊ တန်ဖိုးကျပ်သန်း ၁၃၀  ခန့် အရောင်းအဝယ်ဖြစ်ခဲ့ပြီး ယခင်သီတင်းပတ် ဈေးကွက်ပိတ်ချိန် စတော့အညွှန်းကိန်းထက် ၇ ဒသမ ၆ ပွိုင့် (၁ ဒသမ ၈၁  ရာခိုင်နှုန်း) ကျဆင်းခဲ့သည်။

စတော့အညွှန်းကိန်းမှာ အမြင့်ဆုံး  ၄၂၁ ဒသမ ၁၇ (ယခင်သီတင်းပတ်တွင်  ၄၁၉ ဒသမ ၃) နှင့် အနိမ့်ဆုံး ၄၁၁ ဒသမ ၂၄ (ယခင်သီတင်းပတ်တွင် ၄၀၅ ဒသမ ၁၅) အတွင်း ရှိခဲ့သည်။

MTSH ရှယ်ယာဈေးမှာ ၁ ဒသမ  ၆ ရာခိုင်နှုန်း၊ FPB ရှယ်ယာဈေးမှာ ၂  ဒသမ ၁ ရာခိုင်နှုန်း ယခင်သီတင်းပတ် ဈေးကွက်ပိတ်ချိန်ထက် မြင့်တက်ခဲ့ပြီး FMI ရှယ်ယာမှာ ၄ ဒသမ ၇ ရာခိုင်နှုန်းကျဆင်းကာ MCB နှင့် TMH ရှယ်ယာ မှာ ဈေးအပြောင်းအလဲ မရှိခဲ့ပေ။

သီတင်းပတ်လေးပတ်အတွင်း အရောင်းအဝယ်အနည်းဆုံးသီတင်းပတ် ဖြစ်သည်။

FMI ရှယ်ယာ

သုံးပတ်ဆက်တိုက် အရောင်းအဝယ်မြင့်တက်မှု ရပ်တန့်ကာ ယခင်သီတင်းပတ်ထက် အရောင်းအဝယ် ထက်ဝက်ကျော် လျော့နည်းခဲ့သည်။

ယခုသီတင်းပတ်တွင် ရှယ်ယာအစု ၅၈၀၀ ကျော်၊ တန်ဖိုးကျပ်သန်း ၆၀ ကျော် အရောင်းအဝယ်ဖြစ်ခဲ့ပြီး ရှယ်ယာအဖွင့်ဈေး ၁၀,၅၀၀ ကျပ်၊ အမြင့်ဆုံး ၁၀,၅၀၀  ကျပ်၊ အနိမ့်ဆုံး ၁၀,၀၀၀ ကျပ်နှင့် သောကြာနေ့တွင် ၁၀,၀၀၀ ကျပ်ဖြင့် ဈေးပိတ်ခဲ့သည်။

အဝယ်ဘက်တွင် ဝယ်လိုသည့်အစု  ၅၁၀၀ ကျော် ကျန်ရှိပြီး ဝယ်လိုသည့် ဈေးနှုန်းမှာ ၈၅၀၀ မှ ၁၀,၀၀၀ ကျပ်အတွင်း ရှိသည်။

အရောင်းဘက်တွင် ရောင်းလိုသည့် အစု ၁၇,၀၀၀ ကျော်ကျန်ရှိပြီး ၁၀,၅၀၀  ကျပ်ဖြင့် ရောင်းလိုသည့်ရှယ်ယာမှာ အစု  ၁၅,၀၀၀ ခန့်ရှိကာ ကျန်ရှိသော အစု ၂၀၀၀ ကျော်မှာ ၁၁,၀၀၀ မှ ၁၂,၀၀၀ ကျပ်အတွင်း ရှိသည်။

MTSH ရှယ်ယာ

ယခင်သီတင်းပတ် အရောင်းအဝယ်ထက် လေးပုံသုံးပုံ လျော့နည်းသွားပြီး  သီတင်းပတ် ၂၅ ပတ်အတွင်း အရောင်းအဝယ် အနည်းဆုံး ဖြစ်သည်။

ယခုသီတင်းပတ်တွင် ရှယ်ယာအစု ၁၅,၀၀၀ ကျော်၊ တန်ဖိုး ကျပ် ၄၆ သန်းကျော် အရောင်းအဝယ်ဖြစ်ခဲ့ပြီး ရှယ်ယာ အဖွင့်ဈေး ၃၀၅၀ ကျပ်၊ အမြင့်ဆုံး ၃၁၀၀  ကျပ်၊ အနိမ့်ဆုံး ၃၀၅၀ ကျပ်နှင့် သောကြာ နေ့တွင် ၃၁၀၀ ကျပ်ဖြင့် ဈေးပိတ်ခဲ့သည်။

အဝယ်ဘက်တွင် ဝယ်လိုသည့်အစု  ၃၂,၀၀၀ ကျော်ကျန်ရှိပြီး ၂၉၀၀ မှ ၃၀၀၀  ကျပ်ဖြင့် ဝယ်လိုသည့် ရှယ်ယာအစု  ၂၂,၀၀၀ ကျော်နှင့် ၃၀၅၀ မှ ၃၁၀၀ ကျပ် ဖြင့် ဝယ်လိုသည့် အစု ၁၀,၀၀၀ နီးပါးရှိသည်။

အရောင်းဘက်တွင် ရောင်းလိုသည့် အစု ၁၇,၇၀၀ ကျော်ကျန်ရှိပြီး ၃၁၅၀ ကျပ် ဖြင့် ရောင်းလိုသည့် အစု ၆၀၀၀ ခန့်၊  ၃၂၀၀ ကျပ်ဖြင့် ရောင်းလိုသည့်အစု  ၁၀,၀၀၀ ကျော်နှင့် ၃၃၀၀ ကျပ်ဖြင့်  ရောင်းလိုသည့် အစု ၁၀၀၀ ရှိသည်။

နှစ်ပတ်အတွင်း ရှယ်ယာဈေး ၅  ဒသမ ၁ ရာခိုင်နှုန်းခန့် မြင့်တက်လာသည်။

MCB ရှယ်ယာ

ယခုသီတင်းပတ်တွင် ရှယ်ယာ  ၁၁၇ စု၊ တန်ဖိုး ကျပ် ရှစ်သိန်းကျော်  အရောင်းအဝယ်ရှိခဲ့ပြီး ရှယ်ယာဈေးမှာ  အဖွင့်ဈေး ၇၁၀၀ ကျပ်၊ အမြင့်ဆုံး ၇၂၀၀  ကျပ်၊ အနိမ့်ဆုံး ၇၁၀၀ ကျပ်နှင့် သောကြာနေ့တွင် ၇၂၀၀ ကျပ်ဖြင့် ဈေးပိတ်ခဲ့သည်။

အဝယ်ဘက်တွင် ဝယ်လိုသည့်အစု  ၂၅၃ စု ကျန်ရှိပြီး ဝယ်လိုသည့်ဈေးနှုန်းမှာ  ၇၀၀၀ ကျပ် ဖြစ်သည်။

အရောင်းဘက်တွင် ရောင်းလိုသည့် အစု ၁၂၃၈ စု ကျန်ရှိပြီး ရောင်းလိုသည့် ဈေးနှုန်းမှာ ၇၂၀၀ ကျပ်မှ ၈၂၀၀ ကျပ် အတွင်းရှိသည်။

FPB ရှယ်ယာ

ယခင်သီတင်းပတ် အရောင်းအဝယ်ထက် ကျပ် ၁၀ သန်းနီးပါး လျော့နည်းသွားပြီး သီတင်းပတ် ၄ ပတ်အတွင်း  အရောင်းအဝယ်အနည်းဆုံး ဖြစ်သည်။

ယခုသီတင်းပတ်တွင် ရှယ်ယာ  ၇၇၉ စု၊ တန်ဖိုး ကျပ် ၁၉ သန်းခန့် အရောင်းအဝယ်ဖြစ်ခဲ့ပြီး ရှယ်ယာအဖွင့်ဈေး  ၂၃,၀၀၀ ကျပ်၊ အမြင့်ဆုံး ၂၄,၀၀၀ ကျပ်၊ အနိမ့်ဆုံး ၂၃,၀၀၀ ကျပ်နှင့် သောကြာနေ့ တွင် ၂၄,၀၀၀ ကျပ်ဖြင့် ဈေးကွက်ပိတ်ခဲ့သည်။

အဝယ်ဘက်တွင် ဝယ်လိုသည့်အစု  ၈၇၆ စုကျန်ရှိပြီး ဝယ်လိုသည့် ဈေးနှုန်းမှာ  ၂၂,၅၀၀ မှ ၂၃,၀၀၀ ကျပ် အတွင်းရှိ သည်။

အရောင်းဘက်တွင် ရောင်းလိုသည့် အစု ၂၀၀၀ ခန့် ကျန်ရှိပြီး ၂၆,၀၀၀ ကျပ်ဖြင့်  ရောင်းလိုသည့် အစု ၃၉ စု၊ ၂၅,၀၀၀ ကျပ်ဖြင့် ရောင်းလိုသည့်အစု ၁၃၀၀ ကျော်နှင့်  ကျန်ရောင်းလိုသည့်အစုများမှာ ၂၄,၀၀၀  မှ ၂၄,၅၀၀ ကျပ် အတွင်း ရှိသည်။

TMH ရှယ်ယာ

ယခင်သီတင်းပတ်ထက် အရောင်း အဝယ်အနည်းငယ်ပိုများခဲ့ပြီး ယခု သီတင်းပတ်တွင် ရှယ်ယာ ၆၈၃ စု၊ တန်ဖိုး  ကျပ် နှစ်သန်းခန့် အရောင်းအဝယ်ဖြစ်ခဲ့သည်။

ရှယ်ယာအဖွင့်ဈေး ၂၈၅၀ ကျပ်၊  အမြင့်ဆုံး ၂၉၀၀ ကျပ်၊ အနိမ့်ဆုံး ၂၈၅၀  ကျပ်နှင့် သောကြာနေ့တွင် ၂၉၀၀ ကျပ် ဖြင့် ဈေးပိတ်ခဲ့သည်။

အဝယ်ဘက်တွင် ဝယ်လိုသည့်အစု  ၂၀၀၀ ခန့် ကျန်ရှိပြီး ဝယ်လိုသည့်ဈေးနှုန်းမှာ ၂၇၀၀ မှ ၂၈၅၀ ကျပ် အတွင်းရှိသည်။

အရောင်းဘက်တွင် ရောင်းလိုသည့် အစု ၆၀၀၀ ခန့် ကျန်ရှိပြီး ရောင်းလိုသည့် ဈေးနှုန်းမှာ ၂၉၀၀ မှ ၃၁၀၀ ကျပ်အတွင်းရှိကာ ရှယ်ယာအများစုမှာ ၂၉၀၀ နှင့် ၂၉၅၀ ကျပ်ဖြင့် ရောင်းလိုသည့်အစုများ ဖြစ်သည်။         

You may also like...

Leave a Reply

Your email address will not be published. Required fields are marked *