၂၀၁၉ ခုနှစ်နောက်ဆုံးထား၍ BIMSTEC နိုင်ငံများ လွတ်လပ်စွာကုန်သွယ်ရေးစနစ် ကျင့်သုံးမည်

ရန်ကုန်၊ နိုဝင်ဘာ ၂၃

မြန်မာအပါအဝင် ဘင်္ဂလားပင်လယ်အော်ဒေသတွင်းနိုင်ငံများ နည်းပညာနှင့် စီးပွားရေးကဏ္ဍစုံ ပူးပေါင်းဆောင်ရွက်မှုအဖွဲ့ BIMSTEC အဖွဲ့ဝင် နိုင်ငံများသည် လာမည့် ၂၀၁၉ ခုနှစ် နောက်ဆုံးထား၍ လွတ်လပ်စွာကုန်သွယ်ရေးစနစ် ကျင့်သုံးနိုင်မည်ဖြစ်ကြောင်း ရင်းနှီး မြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန ညွှန်ကြားရေးမှူးဦးမင်းဇော်ဦးက ပြောကြားသည်။

လွတ်လပ်စွာကုန်သွယ်ရေးတွင် ပါဝင်မည့် ပင်ရင်းဒေသထုတ်ကုန်၊ ဝန်ဆောင်မှုကဏ္ဍ၊ ခရီးသွားလာရေး၊ ဟိုတယ်ကဏ္ဍနှင့် ဆက်သွယ်ရေးကဏ္ဍရှိ ရင်းနှီးမြှုပ်နှံမှု စသည့်အချက်များကို ဆွေးနွေးဆဲဖြစ်ကြောင်း ၎င်းက ဆက်လက်ပြောကြားသည်။

“Custom အကောက်အခွန်လိုင်းတွေအတိုင်း လျှော့ချမယ်။ အကောက်အခွန်က Under Line ကို လျှော့မယ်။ ဥပမာ -အကောက်ခွန်လိုင်းငါးထောင်ကို လျှော့မယ်ပေါ့နော်။ ငါးထောင်ထဲကမှ ၁၀ ရာခိုင်နှုန်းကို ပထမအနေနဲ့ သွားတာ။ အကောက်အခွန်ဆိုင်ရာ အတားအဆီးတွေ လျှော့ချမယ်”ဟုညွှန်ကြားရေးမှူးဦးမင်းဇော်ဦးက ဆိုသည်။

လက်ရှိတွင်လွတ်လပ်စွာကုန်သွယ်ရေးစနစ် ကျင့်သုံးနိုင်ရေးအတွက် မြန်မာ နိုင်ငံ၏ အကောက်အခွန်ကဏ္ဍတွင် အကောက်အခွန်ဆိုင်ရာအတားအဆီးများကို လျှော့ချခြင်းနှင့်ကုန်ပစ္စည်းစာရင်း (HS Code Line) များကို ပြင်ဆင်နိုင်ရန် ဆောင်ရွက်လျက်ရှိကြောင်း ၎င်းက ဆိုသည်။

“AFTA က သူ့နိုင်ငံနဲ့ သူ မတူနိုင် ဘူး။ ပေးရင်လည်း AFTA ထက်တော့ ပိုမပေးဘူး”ဟု ညွှန်ကြားရေးမှူးဦးမင်းဇော်ဦးက ဆိုသည်။

လွတ်လပ်စွာကုန်သွယ်မှုစနစ်ကို ကျင့်သုံးသည်နှင့် တစ်ပြိုင်နက် နိုင်ငံအတွင်းသို့ ပြည်ပကုန်စည်များအလုံးအရင်းဖြင့် ဝင်ရောက်လာနိုင်ပြီး ပြည်တွင်းလုပ်ငန်းရှင်များမှာ အခက်တွေ့နိုင်ကြောင်း ပြည်ပမှလျှပ်စစ်ပစ္စည်းများတင်သွင်းသူ ဦးအောင်မင်းက ဆိုသည်။

အကြောင်းမှာ ပြည်တွင်းလုပ်ငန်းများသည် အရင်းအနှီး၊ နည်းပညာနှင့် အခြေခံအဆောက်အဦ ချို့တဲ့မှုကြောင့် ကုန်ထုတ်လုပ်ရာတွင် ကုန်ကျစရိတ်ကြီးမြင့်လျက်ရှိပြီး ပြည်ပသွင်းကုန်များနှင့် ယှဉ်ပြိုင်ရောင်းချရန် ခက်ခဲလျက်ရှိသည်ဟု ၎င်းက ဆိုသည်။

BIMSTEC အဖွဲ့ဝင်နိုင်ငံများအကြား လွတ်လပ်စွာကုန်သွယ်ခွင့်ရရန် ၂၀၀၄ ခုနှစ်ကတည်းက စတင်ဆွေးနွေးနေခြင်း ဖြစ်သည်။

၁၉၉၇ ခုနှစ်က ဖွဲ့စည်းခဲ့သည့် BIMSTEC အဖွဲ့တွင် အိန္ဒိယ၊ ဘင်္ဂလားဒေ့ရှ်၊ ဘူတန်၊ နီပေါ၊ သီရီလင်္ကာ၊ မြန်မာနှင့် ထိုင်းနိုင်ငံတို့ ပါဝင်သည်။

You may also like...

Leave a Reply

Your email address will not be published. Required fields are marked *