တရုတ်-ပါကစ္စတန် စီးပွားရေးစင်္ကြံနှင့် တရုတ်နိုင်ငံသားများတိုက်ခိုက်ခံရမှု အဆက်အစပ်

တရုတ်-ပါကစ္စတန် ဆက်ဆံရေးမှာ လွန်ခဲ့သည့်နှစ်ပိုင်းအတွင်း အကောင်းဘက်သို့ ဦးတည်ပြောင်းလဲလာခဲ့သည်။ နှစ်နိုင်ငံမီဒီယာများတွင် နှစ်နိုင်ငံချစ်ကြည်ရင်းနှီးမှု၊ ညီနောင်ဆက်ဆံရေးဆိုသည့် ဂါထာများဖြင့်သာ အစဉ်လွှမ်းမိုးနေသည်။ သို့သော်ပါကစ္စတန်နှင့် ပတ်သက်လာပါက တရုတ်အနေနှင့် အစကတည်းက စိုးရိမ်ထားသည့် အချက်တစ်ချက်ရှိသည်။ လုံခြုံရေးပင်ဖြစ်သည်။ ယခင်ကတည်းကပင် ပါကစ္စတန်ရှိ ဘာသာရေးအစွန်းရောက်များနှင့် ဘာလို့ခ်ျခွဲထွက်ရေးသမားများက ပါကစ္စတန်တွင်ရှိနေသည့် တရုတ်နိုင်ငံသားများကို သတ်ဖြတ်တိုက်ခိုက်မှုများ ရှိနေခဲ့သည်။

မကြာသေးသည့် နိုဝင်ဘာ ၂၃ ရက် နေ့ကပင် ဘာလို့ခ်ျလွတ်မြောက်ရေးတပ်ဖွဲ့ (Baloch Liberation Army (BLA) ) က လက်နက်အပြည့်အစုံ ကိုင်ဆောင်ထားသည့် စစ်သွေးကြွနှစ်ဦးသည် ကရာချိမြို့ရှိ တရုတ်ကောင်စစ်ဝန်ရုံးကို တိုက်ခိုက်ခဲ့ရာ ရဲနှစ်ဦးနှင့် ဗီဇာလာရောက်လျှောက်ထားသူနှစ်ဦး သေဆုံးသွားခဲ့သည်။ စစ်သွေးကြွနှစ်ဦးကိုလည်း အသေပစ်ခတ်ဖမ်းဆီးခဲ့ရသည်။

ထို့ပြင် ဩဂုတ်လတုန်းကလည်း ဘာလိုချီစတန်ပြည်နယ် ချာဂီအရပ်တွင် တရုတ်အင်ဂျင်နီယာများကို တင်ဆောင်လာသည့် ဘတ်စ်ကားကို အသေခံဗုံးခွဲတိုက်ခိုက်ခဲ့သည်။ ယခုဖြစ်ရပ်များကိုကြည့်ပါက ပါကစ္စတန်နိုင်ငံမှ ခွဲထွက်ရေး ကြိုးပမ်းလှုပ်ရှားနေသည့် ဘာလို့ခ်ျခွဲထွက်ရေးသမားများသည် ဘာလူချီစတန်ပြည်နယ်အတွင်း အလုပ်လုပ်နေသည့် တရုတ်နိုင်ငံသားများအပေါ် ပြောင်ပြောင်တင်းတင်း ဆန့်ကျင်နေကြောင်း ပြသနေခြင်းပင်ဖြစ်သည်။

နိုဝင်ဘာလ ၂၃ ရက်နေ့က ပြုလုပ်ခဲ့သည့် တရုတ်ကောင်စစ်ဝန်ရုံးတိုက်ခိုက်မှုကိုကြည့်ပါက ဘာလို့ခ်ျခွဲထွက်ရေးသမားများသည့် ဘာလိုစတန်ပြည်နယ်ရှိ တရုတ်နိုင်ငံသားများကိုသာမက အခြားဒေသရှိ တရုတ်နိုင်ငံသားများကို ပစ်မှတ်ထားတိုက်ခိုက်ခဲ့သည်ကို တွေ့ရမည်ဖြစ်သည်။ ဤအချက်ကိုကြည့်ပါက ဘာလို့ ခ်ျခွဲထွက်ရေးသမားများသည် တရုတ်အစိုးရတာဝန်ရှိသူများအကြား ကြောက်ရွံ့ထိတ်လန့် စေရန် ရည်ရွယ်လုပ်ဆောင်ခြင်း ဖြစ်ဖွယ်ရှိသည်။ နောင်တွင်လည်း အလားတူတိုက်ခိုက်မှုများဖြစ်လာဖွယ်ရှိရာ တရုတ်တို့၏ စီမံကိန်းကြီးဖြစ်သည့် တရုတ်- ပါကစ္စတန်စီပွားရေးစင်္ကြံ၏ လုံခြုံရေးအခြေအနေအတွက် မေးခွန်းထုတ်စရာဖြစ်လာခဲ့သည်။ ထို့ပြင် ပါကစ္စတန်ရှိ ဘာသာရေးအစွန်းရောက်များမှာလည်း တရုတ်နိုင်ငံသားများကို သတ်ဖြတ်မှုများ ရှိနေသည်။

ဤသို့ တရုတ်နိုင်ငံသားများအပေါ် ပါကစ္စတန်တို့ ဒေါသဖြစ်ရသည့်အကြောင်းများကို ခြေရာခံကြည့်ပါက လွန်ခဲ့သည့် ဆယ်စုနှစ်တစ်စုကျော်က စတင်သည်ဟု ဆိုရပါမည် ၂၀၀၇ ခုနှစ်က အစ္စလာမ်မာဘတ်မြို့တော်ရှိ လယ်မာစ်ဂျစ်ဗလီကို ဖြိုချခဲ့မှုတွင် တရုတ်က ပါကစ္စတန်အစိုးရကို ဖိအားပေးခဲ့ကြောင်း ယူဆချက်များက စတင်သည်ကိုတွေ့ရသည်။ တရုတ်နိုင်ငံရှိ မွတ်ဆလင်အများစုနေထိုင်ရာ ရှင်ကျန်းဒေသတွင် တရုတ်အစိုးရ၏ အပြင်းအထန် ဖိနှပ်မှုများကလည်း ပါကစ္စတန်တို့၏ ဒေါသကို ထိုးဆွနေသည့်အချက်ပင်ဖြစ်သည်။ အထက်ပါအကြောင်းအချက်များမှာ ပါကစ္စတန်ရှိ တရုတ်နိုင်ငံသားများကို ဘာသာရေးအစွန်းရောက်များက ဆန့်ကျင်နေရသည့်အချက်များပင်ဖြစ်သည်။

ကရာချိ ကောင်စစ်ဝန်ရုံးတိုက်ခိုက်မှု၊ တရုတ်အင်ဂျင်နီယာများကို တိုက်ခိုက်မှုများကိုကြည့်ပါက ဘာလို့ခ်ျခွဲထွက်ရေးသမားများအနေနှင့် အစွန်းရောက်လာပြီဆိုသည်ကို ပြသနေခြင်းပင်ဖြစ်သည်။ အဆိုပါတိုက်ခိုက်မှုများကို ပါကစ္စတန်ဝန်ကြီးချုပ် အီမာခန်းနှင့် စစ်ဘက်ဆိုင်ရာ ထိပ်တန်းရာထူးဖြစ်သည့် ဗိုလ်ချုပ်ကြီး ကာမာဂျာဗီး ဘာဂျဝါတို့က ပြစ်တင်ရှုတ်ချခဲ့ပြီး ကြီးကြီးမားမားထိခိုက်မှုမရှိအောင် ကာကွယ်ပေးခဲ့သည့် လုံခြုံရေးတပ်ဖွဲ့ဝင်များကို ချီးကျူးစကားပြောကြားခဲ့သည်။ ထို့ပြင် ပါကစ္စတန်ရုပ်မြင်သံကြားအပါအဝင် ပင်မမီဒီယာများက တရုတ်ကောင်စစ်ဝန်ရုံး နောက်ကွယ်တိုက်ခိုက်မှုနှင့်ပတ်သက်၍ အိန္ဒိယတို့ နောက်ကွယ်မှ ပါဝင်ပတ်သက်နေကြောင်း စွပ်စွဲပြစ်တင်ခဲ့သည်ကို တွေ့ရသည်။ သို့သော်လည်း တရုတ်ကောင်စစ်ဝန်ရုံး တိုက်ခိုက်ခံရမှုကို အိန္ဒိယက ချက်ချင်းပြစ်တင်ပြောဆိုခဲ့ကြောင်း ရိုက်တာသတင်းတွင် ဖော်ပြခဲ့သည်။ လေ့လာသုံးသပ်သူများက အာဖဂန်နစ္စတန်၊ အီရန်တို့၏ နယ်မြေချင်းထိစပ်နေသည့် ဘာလိုချီစတန်ပြည်နယ်မှ ခွဲထွက်ရေးလှုပ်ရှားသူများကို အိန္ဒိယကထောက်ပံ့ပေးနေကြောင်း အခိုင်အမာပြောဆိုမှုများ ရှိနေသည်။ ကရာချီမြို့ရှိ တရုတ်ကောင်စစ်ဝန်ရုံး တိုက်ခိုက်ခံရမှုနှင့်ပတ်သက်၍ မြို့တော် အစ္စလာမ်မာဘတ်ရှိ တရုတ်သံရုံးကလည်း ပြစ်တင်ပြောကြားခဲ့သည်။

တရုတ်-ပါကစ္စတန်စီးပွားရေးစင်္ကြံလုံခြုံရေးအန္တရာယ်

ဘာလိုချီစတန်ပြည်နယ်တွင် တရုတ်၏ ရင်းနှီးမြှုပ်နှံမှုများကို ဘာလို့ခ်ျ အမျိုးသားရေးဝါဒီများက ဆန့်ကျင်ခဲ့ကြသည်မှာ အချိန်ကာလကြာမြင့်ခဲ့ပြီလည်းဖြစ်သည်။ ၎င်းတို့ပြည်နယ်သို့ တရုတ်-ပါကစ္စတန်စီးပွားရေး စင်္ကြံလာရောက်တည်ဆောက်နေမှုသည် ပြည်နယ်လူဦးရေအနေအထားကို ပြောင်းလဲသွားစေပြီး ဘာလိုချီစတန်ပြည်နယ်တွင် ဘာလူ့ခ်ျလူမျိုးများ လူနည်းစုဖြစ်သွားမည်ကို စိုးရိမ်နေကြသူများလည်းဖြစ်သည်။

ဘာလိုချီစတန်ပြည်နယ်တွင် အမေရိကန်ဒေါ်လာ သန်းထောင်ချီကုန်ကျမည့် ဂွါဒါဆိပ်ကမ်းကို တရုတ်က တည်ဆောက်နေသည်ဖြစ်ရာ ယခုကဲ့သို့သော ခြိမ်းခြောက်မှုများကြောင့် တရုတ်ရင်းနှီးမှုများကို အလွယ်တကူပြောင်းရွှေ့နိုင်မည် မဟုတ်ပေ။ ထို့ကြောင့် ဘာလိုချီစတန် ပြည်နယ်တွင်း တရုတ်၏ ရင်းနှီးမြှုပ်နှံမှုများ လုံခြုံစိတ်ချမှုရှိစေရန် တရုတ်တို့ နည်းလမ်းရှာဖွေရတော့မည်ဖြစ်သည်။

ပါကစ္စတန်နိုင်ငံမှာ တရုတ်အတွက် ပထဝီမဟာဗျူဟာအရဖြစ်စေ၊ ပထဝီစီးပွားရေးအရဖြစ်စေ အကျိုးစီးပွားရှိနေသောနိုင်ငံ ဖြစ်သည်။ ထို့ကြောင့် တရုတ်- ပါကစ္စတန် စီးပွားစင်္ကြံအောင်မြင်ရန် တရုတ်တို့က အစွမ်းကုန်လိုလားနေသည့် ကိစ္စလည်းဖြစ်သည်။ တရုတ်-ပါကစ္စတန် စီးပွားရေးစင်္ကြံကို ဆန့်ကျင်နေသော ဘာလို့ခ်ျခွဲထွက်ရေးစစ်သွေးကြွများကို တရုတ်က အလွန်အမင်း စိုးရိမ်နေခြင်းလည်းဖြစ်သည်။ တရုတ်၏ ရည်ရွယ်ချက် အောင်မြင်ရန်အတွက် တရုတ်အစိုးရ၏ အစဉ်အလာနည်းလမ်းဖြစ်သည့် အစိုးရချင်း ဆက်ဆံရေးထက် ဒေသခံလူမှုအသိုင်းအဝိုင်းနှင့် ထိတွေ့ဆက်ဆံရန် ကာနက်ဂျီ-ရှင်ဟွာစင်တာအတွက် တရုတ်ပညာရှင်များဖြစ်ကြသည့် ရှီကျီကင်းနှင့် လုရန်းတို့က တိုက်တွန်းရေးသားခဲ့သည်။

တရုတ်အစိုးရသည် တရုတ်-ပါကစ္စတန် စီးပွားရေးစင်္ကြံကို ကာကွယ်ရန် ဘာလို့ခ်ျခွဲထွက်ရေးသမားများနှင့် လျှို့ဝှက်တွေ့ဆုံ ဆွေးနွေးခဲ့ကြောင်း Finicial Times သတင်းစာတွင် ဖော်ပြခဲ့သော်လည်း ယင်းသတင်းကို တရုတ်၊ ပါကစ္စတန်နှင့် ဘာလို့ခ်ျခွဲထွက်ရေးသမားများက ငြင်းဆိုခဲ့သည်။

ဘာလိုချီစတန်ပြည်နယ်ဝန်ကြီး ချုပ်ဟောင်းဖြစ်သည့် ဒေါက်တာ အဗ္ဗဒယ် မာလစ်ခ် ဘာလို့ခ်ျကလည်း ဩဇာကြီး ခွဲထွက်ရေးခေါင်းဆောင်တစ်ဦးဖြစ်သည့် ဘရာဟွန်ဒက် ဘူတီနှင့် လျှို့ဝှက်တွေ့ဆုံမှုများ ဆက်တိုက်ပြုလုပ်ခဲ့သော်လည်း အောင်မြင်မှုမရခဲ့ပေ။

စီးပွားရေးစင်္ကြံနှင့် ဘာလို့ခ်ျပြည်နယ်သားတို့၏ အမြင်

တရုတ်-ပါကစ္စတန် စီးပွားရေးစင်္ကြံတွင် အဓိကကျသောအချက်များကို ပါကစ္စတန်အစိုးရဘက်က ထည့်သွင်းထားသည်။ သို့သော် ဘာလိုချီစတန်ပြည်နယ်သားတို့အနေနှင့် ၎င်းတို့၏အသံကို ထုတ်ဖော်ပြေဆိုနိုင်ခဲ့ပါသလော။ ယင်းစီးပွားရေးစင်္ကြံမှာ ဘာလူချီစတန်နှင့် ဂွါဒါတို့ကို ကျောရိုးပြုထားသည်ဖြစ်သော်လည်း စီမံကိန်းနှင့်ပတ်သက်၍ ဘာလူချီစတန်နယ်သားများအနေနှင့် ဆွေးနွေးတိုင်ပင်မှု မရသလောက်ဖြစ်ခဲ့သည်။ ထို့ပြင် စီမကိန်းမှရရှိမည့် အကျိုးအမြတ်များကို ပြည်နယ်သားများ အကျိုးခံစားရမည့် အထောက်အထားလည်း မတွေ့ရပေ။ စီပွားရေးစင်္ကြံ စတင်ချိန်ကလည်း ပြည်နယ်သားတို့၏ သဘောတူညီမှုကို မယူခဲ့ခြင်းကလည်း ပြည်နယ်သားအများစုအတွက် စိုးရိမ်ပူပန်မှုကို ဖြစ်စေခဲ့သည်။

ထို့ပြင် ပရောဂျက်ကြောင့် ပြည်နယ်သားမဟုတ်သည့် ပါကစ္စတန်များ အလုံးအရင်းရောက်ရှိလာကြပြီး ဘာလိုချီစတန်ပြည်နယ်တွင် ဘာလို့ခ်ျလူမျိုးများ လူနည်းစုဖြစ်သွားမည့်အရေးကိုလည်း ၎င်းတို့က ပူပန်စရာအရေးကိစ္စဖြစ်သည်။

ဘာလို့ခ်ျပြည်နယ်သား လေးပုံ သုံးပုံ ၇၅ ရာခိုင်နှုန်းမှာ ကျေးလက်ဒေသတွင် နေထိုင်သူများဖြစ်ရာ ၎င်းတို့သည်လည်း စီးပွားရေးစင်္ကြံ၏ တစ်စိတ်တစ်ပိုင်းဖြစ်လိုသည့်ဆန္ဒများ ရှိနေကြသည်ကို တွေ့ရသည်။ ပါကစ္စတန်အစိုးရနှင့် ဘာလို့ခ်ျပြည်နယ်သားတို့မှာ မူလကတည်းက တစ်ဖက်နှင့် တစ်ဖက် မယုံကြည်မှုများ ရှိနေသည်ဖြစ်ရာ စီးပွားရေးစင်္ကြံကြောင့် တင်းမာမှု မြင့်တက်လာနိုင်သည်ကို တွေ့ရသည်။

အနှစ်ချုပ်ဆိုရပါလျှင် တရုတ်အနေဖြင့် တရုတ်-ပါကစ္စတန်စီးပွားရေးစင်္ကြံ စီမံကိန်းနှင့်ပတ်သက်ပါက နယ်ခံတို့၏ ထောက်ခံမှုကို ရယူနိုင်မှသာ ပါကစ္စတန်တွင် အလုပ်လုပ်ကိုင်နေသော တရုတ်နိုင်ငံသားများ၏ လုံခြုံရေးကို အာမခံပေးနိုင်မည်ဟု ဆိုရမည်ဖြစ်ပါတော့သည်။

 

စာညွှန်း။   ။ Why Balochs Are Targeting China

ဉာဏကျော်

You may also like...

Leave a Reply

Your email address will not be published. Required fields are marked *