စက်သုံးဆီများ စံချိန်မီပါ၏လော

ဓာတ်ပုံ - မိုးကျော်လွင်

စက်သုံးဆီသုံးစွဲသူများ လှုပ်လှုပ်ရှားရှားဖြစ်ကုန်သည်။ ပြည်တွင်းရှိ ထိပ်တန်းစက်သုံးဆီ တင်သွင်းဖြန့်ဖြူးသည့် နာမည်ကြီး စက်သုံးဆီဆိုင်က တင်သွင်းလာသည့် ဆီသည် အစိုးရသတ်မှတ်ထားသည့် စံနှုန်းမပြည့်မီဆိုသည့် သတင်းကြောင့်ဖြစ်သည်။

ပြည်ပမှသင်္ဘောဖြင့်တင်သွင်းလာသည့် စက်သုံးဆီများကို ဈေးကွက်သို့ ဖြန့်ဖြူးခြင်းမပြုမီ အမှတ် (၁) ရေနံချက် စက်ရုံ(သန်လျင်)ရှိ ဓာတ်ခွဲခန်းတွင် စစ်ဆေးသည်။

ထိုစစ်ဆေးချက်အရ ပြည်တွင်းရှိ စက်သုံးဆီတင်သွင်းဖြန့်ဖြူးသည့် Denko Trading ကုမ္ပဏီက တင်သွင်းသည့် စက်သုံးဆီသည် သန်လျင်ဓာတ်ခွဲခန်းစိစစ်ချက်အရ သတ်မှတ်စံချိန်စံညွှန်းမမီသောကြောင့်ပင် ဖြစ်သည်။

Denko Trading ကုမ္ပဏီဂယက်ကြောင့်ပင် ပြည်တွင်းစက်သုံးဆီဆိုင်ကြီးများက မိမိတို့ဆိုင်ရှိ ဆီအရည်အသွေးပြည့်ဝကြောင်း အပြိုင်အဆိုင်ထုတ်ပြန်ကြေညာကြသည်။

TV ရုပ်သံနှင့် သတင်းစာ၊ ဂျာနယ်များတွင် ကြေညာခြင်းတော့ မဟုတ်။ ပြည်ပမှ တင်သွင်းလာသည့် စက်သုံးဆီများကို မြန်မာ့ရေနံဓာတုဗေဒလုပ်ငန်းတွင် အရည်အသွေးပြည့်မီကြောင်း စစ်ဆေးထားသည့် ထောက်ခံချက်စာများကို  Facebook ပေါ်တွင် အပြိုင်အဆိုင်တင်၍ အရည်အသွေးပြည့်မီကြောင်း ထုတ်ဖော်ကြသည်။

ထို့သို့ စက်သုံးဆီအရည်အသွေးပြည့်မီကြောင်းကြေညာချက်များက မြန်မာနိုင်ငံအတွင်းရှိ မော်တော်ယာဉ်များအတွက် စက်သုံးဆီအရည်အသွေးအမှန်တကယ်ပင် ပြည့်မီပါသလော။

စက်သုံးဆီအတွက် စံ

မြန်မာ့ရေနံ ဓာတုဗေဒလုပ်ငန်းသည် ပြည်ပမှ တင်သွင်းသည ဆီများကို အချက် ၁၄ချက် ဖြင့် စိစစ်သည်။ ယင်းအချက်အနက် တစ်ချက်မကိုက်ညီသည်နှင့် ပြည်တွင်း၌ စက်သုံးဆီဖြန့်ဖြူးရောင်းချခွင့် မပေးပေ။

ထို့ကြောင့် Denko Trading ကုမ္ပဏီသည် အကောင်းစားဒီဇယ်နှင့်ရောစပ်ထားသည့် ဆီကို ပြည်လည်စစ်ဆေးပေးရန် မြန်မာ့ရေနံဓာတုဗေဒလုပ်ငန်းထံသို့ အသနားခံတင်ခဲ့သည်။ ယင်းစာမှာ နိုဝင်ဘာလ ၂၆ရက်တွင် Facebook တွင် ပျံ့နှံခဲ့ခြင်းဖြစ်သည်။

ယင်းကုမ္ပဏီက အကောင်းစား ဒီဇယ်ဆီနှင့် ရိုးရိုးဒီဇယ်နှစ်မျိုးတင်သွင်းလာခြင်းဖြစ်ပြီး ပညာရှင်ခေါ်ယူပြီး အချိုး အစားညီအောင် ရောနှောလိုက်၍ စံချိန်မီလျှင် ဖြန့်ဖြူးခွင့်ရမည်ဖြစ်သဖြင့် သနားခံခြင်းဖြစ်သည်။

ဓာတ်ခွဲခန်းတွင် သတ်မှတ်ချက်များကို တိုင်းတာ၍ စံချိန်မမီသည့် စက်သုံးဆီများကို ပြည်တွင်းသို့ တင်သွင်းခွင့်မပြုကြောင်း မြန်မာ့ရေနံဓာတုဗေဒလုပ်ငန်း၏ညွှန်ကြားရေးမှူးဦးနေလင်းက ပြောကြားသည်။

Denko Trading ကုမ္ပဏီက စင်ကာပူနိုင်ငံရှိ Seller Posco Daewoo နှင့် SHELL ကုမ္ပဏီတို့ထံမှ ဝယ်ယူသည့် ဒီဇယ်သည် ပြည်တွင်း၌ အသုံးပြုရန် သတ်မှတ်စံနှုန်းထက်နိမ့်ကျနေသည်ဟု ၎င်းက ဆိုသည်။

ပြည်တွင်း၌ ရိုးရိုးဒီဇယ် (500) PPm Cetana Index သတ်မှတ်ပမာဏမှာ 48 minium ဖြစ်သော်လည်း Denko Trading ကုမ္ပဏီ၏ စင်ကာပူနိုင်ငံမှ တင်သွင်းသည့် ဒီဇယ်မှာ 46.9 minium ဖြစ်နေသည့်အတွက မြန်မာရေနံဓာတုဗေဒလုပ်ငန်းက သတ်မှတ်စံချိန်စံညွှန်းထက် 1.5 နိမ့်ကျနေသည်။

အရည်အသွေးမပြည့်မီသည့် ဆီကြောင့် မော်တော်ယာဉ်များတွင် သက်တမ်းမကုန်မီ ပလပ်ခေါင်းလဲရခြင်းမှ မော်တော်ယာဉ်မီးလောင်သည့်အထိဖြစ်နိုင်သည်။ ထို့ကြောင့် မြန်မာရေနံဓာတုဗေဒလုပ်ငန်းက စက်သုံးဆီအရည်အသွေးကို တင်းတင်းကျပ်ကျပ်ကိုင်တွယ်စစ်ဆေးခြင်းဖြစ်သည်။

“မြန်မာ့ Standard (စံသတ်မှတ်ချက်) နဲ့ မကိုက်ညီရင်တော့ ပြန်ပဲ (လက်မခံ)” ဟု ဦးနေလင်းက ဆိုသည်။

စံသတ်မှတ်ချက်များကို နိုင်ငံ တကာစံချိန်စံညွှန်းနှင့်အညီ သတ်မှတ် ထားခြင်းဖြစ်ကာ ခြွင်းချက်အနေနှင့် စံသတ်မှတ်ချက်နှုန်းရောက်ရှိရန် ပြန်လည်ပြုပြင်လျှင် ထပ်မံစစ်ဆေးပေးကြောင်း ၎င်းက ရှင်းပြသည်။

“Denko က နှစ်မျိုးသွင်းလာတာ။ ကောင်းမွန်တဲ့ဒီဇယ်နဲ့ ရိုးရိုးဒီဇယ်နဲ့ပေါ့။ အဲဒီနှစ်ခုကို ပြန်ရောလို့ ရတယ်။ ရောရမယ့် အချိုးကတော့ ပညာရှင်ခေါ်ပြီး လုပ်ရမှာ။ ပြန်စစ်လို့ စံမီရင် ပြန်ဖြန့်ဖြူးလို့ ရမယ်” ဟုဦးနေလင်းက ရှင်းပြသည်။

ပြန်လည်ပြုပြင်၍ မရသည့် စက်သုံးဆီများကို ပြည်တွင်း၌ ဖြန့်ဖြူရောင်းချခွင့်မပေးဘဲ မူလဝယ်ထားသည့် နိုင်ငံသို့ ပြန်ပို့သည်။ ပြီးခဲ့သည့် မေလအတွင်းက စံနှုန်းနှင့်မကိုက်ညီသည့်အတွက် ဆီတင် သင်္ဘောတစ်စင်းကို ပြန်လွှတ်ခဲ့ကြောင်း ၎င်းက ဆိုသည်။

ပြည်ပမှ ဝယ်ယူရသည့် စက်သုံးဆီအရည်အသွေး စစ်ဆေးသည့်အခါတွင် စံချိန်မမီသည့် အလားတူ ပြဿနာအချို့မကြာခဏဖြစ်ပွားလေ့ရှိကြောင်း Denko Trading ကုမ္ပဏီ၏ ဒါရိုက်တာအဖွဲ့ဝင်ဦးရဲမင်းအောင်က ပြောဆိုသည်။

ဒီဇယ်အကောင်းစားပြန်ရော၍ အရည်အသွေးစစ်ပြန်စိစစ်ပေးရန်  Denko Trading ကုမ္ပဏီ၏ အသနားခံစာပေါက်ကြားခြင်းမှာ ဆီလောကမှ တိုက်ခိုက်ချင်သူများကြောင့်ဖြစ်ကြောင်း ၎င်းက ဆိုသည်။

“သူများကိုလည်း မပြောချင်လို့။ ဒီလိုကိစ္စမျိုးတွေ ခဏခဏလည်း ဖြစ်တတ်ပါတယ်။ အစ်ကိုတို့ကျမှ ခုနကပြောသလို ပွင့်ပွင့်လင်းလင်းပြောရင်ပြည်သူလူထုထင်ယောင်ထင်မှားဖြစ်အောင် လုပ်တဲ့ ပုံစံပေါ့”ဟု ၎င်းက ပြောကြားသည်။

Denko Trading ကုမ္ပဏီ၏ ဆီအရည်အသွေးပြန်စိစစ်ပေးရန် အသနားခံစာ Facebook တွင် ပျံ့နှံခြင်းနှင့် ပတ်သက်၍ မြန်မာ့ရေနံ ဓာတုဗေဒ လုပ်ငန်းရှိ ဝန်ထမ်းအချို့ကို ဌာနတွင်းစစ်ဆေးမှုဆောင်ရွက်နေကြောင်း မြန်မာ့ရေနံဓာတုဗေဒလုပ်ငန်းညွှန်ကြားရေးမှူး ဦးနေလင်းက ဆိုသည်။

Denko Trading ကုမ္ပဏီက ဆီစံမမီသည့်သတင်းကြောင့် ပြည်တွင်းရှိ စက်သုံးဆီဈေးကွက်ကို တစ်ကြော့ပြန်ဝေဖန်မှုဂယက်ထစေခဲ့ခြင်း ဖြစ်သည်။

ပြည်တွင်းရှိ စက်သုံးဆီဈေးကွက်သည် သုံးစွဲသူများအတွက် စက်သုံးဆီဈေးနှုန်း၊ အရေအတွက်၊ အရည်အသွေးတို့နှင့် ပတ်သက်၍ ဆိုးရွားစွာခံစားခဲ့ရဖူးသည့် အတိတ်များရှိနေသည့် အတွက်ပင်။

နိုင်ငံတကာဆီဈေးနှင့်အညီ ဈေးတင်ရောင်းသော်လည်း ဆီအခြင်အတွယ်နှင့် အရည်အသွေးပိုင်းတို့တွင် နိုင်ငံတကာစံချိန်မမီခြင်း၊ နိုင်ငံတကာစက်သုံးဆီဈေးနှုန်းကျဆင်းချိန်တွင် ပြည်တွင်းဈေးချက်ချင်းမကျခြင်း စသည့်အတိတ်ဖြစ်ရပ်များကို တစ်ဖန်သတိရစေသည်။

ပြည်တွင်း၌ ရောင်းချသည့် စက်သုံးဆီများကို စင်ကာပူနိုင်ငံမှ အများဆုံးတင်သွင်းခြင်းဖြစ်သည်။ မလေးရှားနှင့် အချို့သော နိုင်ငံများမှ တင်သွင်းသော်လည်း ငွေပေးငွေယူခက်ခဲမှုကြောင့် အဆင်မပြေ။ ပြည်တွင်း၌ ရောင်းချသော စက်သုံးဆီများကိုလည်း MOPs အမည်ရ စင်ကာပူအခြေစိုက်စက်သုံးဆီဈေးကွက် စံဈေးနှုန်းများကို အခြေခံ၍ ရောင်းချခြင်းဖြစ်သည်။

Denko Trading ကုမ္ပဏီသည်လည်း စင်ကာပူ Sellor Posco Daewoo နှင့် SHELL ကုမ္ပဏီတို့ထံမှ ဝယ်ယူခဲ့ခြင်းဖြစ်သည်။

ယာဉ်ဒုက္ခ

ပြည်တွင်းရှိ မော်တော်ယာဉ်စက်ပြင်ဆိုင်(ကားဝပ်ရှော့) များသို့ ရောက်ရှိလာသည့် မော်တော်ယာဉ်များ၏ အဓိကပြဿနာမှာ စက်သုံးဆီမသန့်ခြင်းကြောင့် ဖြစ်သည်။

တစ်နှစ်ကျော်ကြာ အသုံးပြုနိုင်သည့် မော်တော်ယာဉ်ပလပ်ခေါင်းများသည် ပြည်တွင်းစက်သုံးဆိုင်ကြီးများက ရောင်းချသည့်ဆီဖြင့် မောင်းနှင်ရာ သုံးလေးလတစ်ကြိမ် လဲနေကြရသည်။

ကားဝပ်ရှော့သို့ လာသော ယာဉ်များ၏ ၆၀ရာခိုင်နှုန်းခန့်သည် စက်သုံးဆီ မသန့်ရှင်းခြင်းကြောင့်ဖြစ်ကြောင်း WK  Auto Mechanic Services ပိုင်ရှင်ကိုတိုးက The Voice Journal သို့ ပြောကြားဖူးသည်။

စက်သုံးဆီမသန့်လျှင် မည်သည့်မော်တော်ယာဉ်မဆို ပလပ်ခေါင်းများ ပျက်တတ်သည်။ ဓာတ်ဆီ၊ ဒီဇယ်သုံးသည့် မော်တော်ယာဉ်များတွင် Catalytic  Converter (ကျောက်ဆန်ခါ) ပျက်တတ်သည်။ ဆီမသန့်ခြင်းကြောင့် ကျောက်ဆန်ခါပိတ်လျှင် မီးလောင်သည့်အထိ ဖြစ်နိုင်သည်။

ဆီတိုင်ကီသံချေးတက်ခြင်း၊ ဆီစစ်ပိတ်ကာ ဆီတိုင်ကီပေါက်ခြင်း စသည့်နောက်ဆက်တွဲဆိုးကျိုးများ ဖြစ်စေသည်။

မော်တော်ယာဉ်မောင်းအများစု ကြုံတွေ့နေရသည့် အဓိကပြဿနာမှာ မကြာခဏပလပ်ခေါင်းလဲရခြင်း ဖြစ်ကြောင်း အင်းစိန်မြို့နယ်တွင် နေထိုင်သည့် အငှားယာဉ်မောင်း ဦးစောထွန်းမင်းလတ်က ဆိုသည်။

“ကားပလပ်ခေါင်းကတော့ သုံးလနေရင်ကို တစ်ခါလောက် လဲနေရတယ်” ဟု ၎င်းက ဆိုသည်။

Genuine Part ပလပ်တစ်စုံကို တစ်နှစ်ကျော်မောင်းနိုင်သော်လည်း ပြည်တွင်း၌ တစ်လခွဲမှ နှစ်လအတွင်း ပလပ်များ ပျက်စီးစပြုလာခြင်းသည် စက်သုံးဆီမသန့်ခြင်းကြောင့်ဖြစ်ကြောင်း မော်တော်ယာဉ်ပြုပြင်သည့် ဆိုင်များထံမှ သိရသည်။

တစ်နည်းဆိုရသော် မော်တော်ယာဉ်ပလပ်ခေါင်းများကို ကြည့်၍ စက်သုံးဆီအရည်အသွေးကို တိုင်းတာနိုင်သည့် သဘောပင်ဖြစ်သည်။

အရောအနှောနှင့် အခြင်အတွယ်ပြည့်မီစေရန် ကြပ်မတ်သည့် အစီအစဉ်များ ရှိသည်။

စက်သုံးဆီများကို Mobile Fuel  Lab ယာဉ်ဖြင့် စက်သုံးဆီအရောင်းဆိုင်များသို့ ရှောင်တခင်စစ်ဆေးလေ့ရှိကြောင်း လျှပ်စစ်နှင့် စွမ်းအင်ဝန်ကြီးဌာနဒုတိယဝန်ကြီး ဒေါက်တာထွန်းနိုင်က ၂၀၁၇ ခုနှစ် ဇူလိုင်လတွင် ကျင်းပသည့် အမျိုးသားလွှတ်တော်တွင် ပြောကြားထားသည်။

၂၀၁၂ – ၂၀၁၃ ဘဏ္ဍာရေးနှစ်မှ ၂၀၁၅ – ၂၀၁၆ ဘဏ္ဍာရေးနှစ်အထိ သုံးနှစ်အတွင်း စက်သုံးဆီဆိုင် စုစုပေါင်း ၆၆ ဆိုင်ကို စာဖြင့် သတိပေးခြင်း၊ ဖြန်ဖြူးရောင်းချခွင့်လိုင်စင်ယာယီပိတ်သိမ်းခြင်းများ ဆောင်ရွက်ခဲ့ကြောင်း ၎င်းက ဆိုသည်။

ဘယ်ဆီကို သုံးရပါ့

အစိုးရက တိုက်ရိုက်ကိုင်တွယ်ကြပ်မတ်ထိန်းကျောင်းလျက်ရှိသည့် ပြည်တွင်းစက်သုံးဆီဈေးကွက်သည် မည်သို့ ရှိနေသနည်း။

နိုင်ငံတကာဈေးကွက်ပေါက်ဈေးပေါ်မူတည်၍ ရောင်းချနေသည့် စက်သုံးဆီလုပ်ငန်းသည် နိုင်ငံတကာ အခြင်အတွယ်၊ နိုင်ငံတကာအရည်အသွေးရာနှုန်းပြည့်မရှိကြောင်း မြန်မာနိုင်ငံစက်သုံးဆီလုပ်ငန်းရှင်များအသင်း အတွင်းရေမှူးဒေါက်တာဝင်းမြင့်က ဝန်ခံထားသည်။

“ဝိသမလောဘကတော့ နေရာတိုင်းမှာ ရှိပါတယ်။ လူတိုင်းတော့ မဟုတ်ပါဘူး”ဟု စက်သုံးဆီတင်သွင်းရောင်းချသူ မြတ်မေတ္တာမွန်ဆီဆိုင်လုပ်ငန်းရှင်လည်းဖြစ်သူ ၎င်းက ဆိုသည်။

လက်ရှိဈေးကွက်အတွင်း အခြင်အတွယ် မပြည့်သည့်၊ ပြည်တွင်းရေနံချက် လုပ်ငန်းမှ ဆီရောသည့် ဆိုင်အချို့ ရှိနေသည်ဟု ဒေါက်တာဝင်းမြင့်က ပြောဆိုသည်။

မုံရွာရှိချက်ဖိုများနှင့် အစိုးရပိုင် မန်းသံပုရာကန်ရှိ အရည်အသွေးမပြည့်သော ဆီများသည် မည်သည့်နေရာသို့ ရောက်ရှိကုန်ကြသနည်း။ ထိုမေးခွန်းကို လယ်ယာစိုက်ပျိုးရေးတွင် အသုံးပြုသည့် တစ်လုံးထိုး အင်ဂျင်စိုက်ပျိုးရေးစက်များတွင် သုံးစွဲကြကြောင်း ဒေါက်တာဝင်းမြင့်က ပြန်လည်ဖြေရှင်းခဲ့ဖူးသည်။

မြ၀တီဘက်က လာသည့် စီးလုံးငှား မော်တော်ယာဉ်များသည် ရန်ကုန်တွင် စက်သုံးဆီဖြည့်လေ့မရှိပေ။ အကြောင်းက မြ၀တီရှိ အောက်တိန်း 92 သည် ရန်ကုန်တွင် အောက်တိန်း 95 အရည်အသွေးဖြစ်နေကြောင်း အငှားယာဉ်မောင်း ဦးစောထွန်းမင်းလတ်က ရှင်းပြသည်။

ဆီဆိုင် ရွေးချယ်ထည့်လေ့မရှိဘဲ လူရှင်းသည့်ဆိုင်တွင် ဆီထည့်လေ့ရှိသော်လည်း နယ်ထွက်ရလျှင် နာမည်ကြီးစက်သုံးဆီဆိုင်ကြီးများတွင်သာ ရွေးထည့်လေ့ရှိကြောင်း၊ ဆိုင်ငယ်များတွင် ဆီအရော ပိုများကြောင်း ၎င်းက ဆိုသည်။

ထိုသို့ဆိုလျှင် မည်သည့်ဆီဆိုင်ကို ရွေးချယ်ရမည်နည်း။ ထိုမေးခွန်းကို ကိုယ်ပိုင်ယာဉ်မောင်းဦးနန္ဒကမူ အသစ်ဖွင့်သည့် ဆီဆိုင်များကို လိုက်ရှာ၍ ထည့်လေ့ရှိကြောင်း ဆိုသည်။

စက်သုံးဆီဆိုင်အသစ်များက မိတ်ခေါ်သည့်အနေနှင့် ဆီအရည်အသွေးနှင့် အခြင်အတွယ်ပြည့်မီကြောင်း ၎င်း၏အတွေ့အကြုံကို ပြောကြားသည်။

ဦးစောထွန်းမင်းလတ်ကမူ ရန်ကုန်တွင် ဆီအရည်အသွေးပြည့်မီသည့်ဆိုင် မပြည့်မီသည့်ဆိုင်ဟု ခွဲခြားနိုင်မှုမရှိကြောင်း ပြောဆိုသည်။

“ဆိုင်တိုင်းအတူတူပဲ”ဟု ၎င်းက ဆိုသည်။

ပို့ပို့

You may also like...

Leave a Reply

Your email address will not be published. Required fields are marked *