ဒေါ်လာဈေးအတက်အကျ  

ဒေါ်လာဈေးတက်သဖြင့် လူအများအော်ကြသည်။ တနေ့က ဒေါ်လာဈေး တစ်ရက်တည်း မြန်မာငွေ ၅၀၊ ၆၀ဖုိုး ပြုတ်ကျပြန်ရာ လန့်အော်ကြပြန်သည်။ နောက်တစ်နေ့တွင် ၂၀ဖိုး ၃၀ဖိုး ပြန်တက်ရာ ထပ်အော်ကြပြန်သည်။ ဒေါ်လာဈေးတက်တာ ကောင်းသလား၊ ကျတာ ကောင်းသလား။ အတိုဆုံးဖြေရလျှင် ငြိမ်နေခြင်းက ကောင်းသည်။ မေးခွန်းနှင့် အဖြေတစ်ခြားစီ ဖြစ်နေသလား။ ရှင်းပါမည်။

ဒေါ်လာဈေးသည် ပညာရှင်အချို့ ရည်ညွှန်းသလို mother of all prices ‘ဈေးနှုန်းအားလုံး၏ မိခင်ကြီး’  ဖြစ်သည့်အတွက် သူ့အပေါ် မူတည်ပြီး အခြားဈေးနှုန်းတို့ ပြောင်းကြသည်။ ဒေါ်လာဈေး ဆောင့်တက် ဆောင့်ကျလျှင်၊ ခုန်တက်ခုန်ဆင်းလျှင် အခြားဈေးနှုန်းတို့ ခါကုန်ရမ်းကုန်နိုင်သည်။ အရောင်းအ၀ယ်တွင် အန္တရာယ်များသည်၊ Risk များသည်။ ထိုအခါ စီးပွားရေးလုပ်ရကိုင်ရ အန္တရာယ်များသည်။ စီးပွားရေးလုပ်ချင်စိတ် ပျောက်နိုင်သည်။ လုပ်ငန်းရှင်ဖြစ်လိုသူများ အသာနောက်ဆုတ်သွားနိုင်သည်။ ပြည်တွင်းတွင် ၀င်ရောက်လုပ်ကိုင်လိုသူ နိုင်ငံခြားစီးပွားရေးလုပ်ငန်းရှင်များလည်း တွန့်နိုင်သည်။ သာမန်ဝယ်ယူစားသုံးသူများလည်း မျက်စိလည်သည်။ သူတို့မျက်စိလည်လျှင် ပြည်တွင်းအရောင်းအ၀ယ် ထိမည်။ ထို့ကြောင့် ဒေါ်လာဈေးတည်ငြိမ်လျှင် နိုင်ငံ့စီးပွားရေးအတွက် ကောင်းသည်။ ကမ္ဘာ့စီးပွားရေးနှင့် မြန်မာ့စီးပွားရေးချိတ်ဆက်မှုများလာလေလေ ဒေါ်လာဈေးတည်ငြိမ်ရန် လိုအပ်လေလေ ဖြစ်သည်။

ဒေါ်လာဈေးတက်ခြင်း ကျခြင်းသည် ယေဘုယျအားဖြင့် သူ့ဘာသာသူ ကောင်းကွက်ဆိုးကွက် ရှိသည်။ ဒေါ်လာဈေးတက်လျှင် ပြည်တွင်းတွင် ထုတ်ပြီး ပြည်ပသို့ ပို့သောကုန်များ ဈေးချိုသဖြင့် ပြည်ပဈေးကွက်တွင် မျက်နှာပန်းလှသည်။ ပိုရောင်းရနိုင်သည်။ အချို့နိုင်ငံများတွင် အချိန်အခါအရ ဒေါ်လာဈေးတက်အောင်ပင် တမင်လုပ်ကြသည်များ ရှိသည်။ ဆိုးကွက်မှာ ဒေါ်လာဈေးတက်သည့်အတွက် ပြည်ပမှ ၀ယ်ယူရသော ပစ္စည်းများ ဈေးတက်သည်။ ပြည်တွင်းတွင် ကုန်ပစ္စည်းများ လိုက်ပါဈေးတက်နိုင်သည်။ ပြည်ပမှ သွင်းကုန်များမှာ ဈေးအလိုလိုတက်မည်။ ပြည်တွင်းတွင် ထုတ်သောကုန်ပစ္စည်းများပင် ပြည်ပမှ သွင်းကုန်စက်သုံးဆီ ဈေးတက်လျင် အချို့အ၀က် ဈေးတက်မည်။ ဒေါ်လာဈေးအတက်တွင် ပြည်တွင်းဂယက် ဘယ်လောက်ကြီးသလဲကို သွင်းကုန်များသလား၊ ပို့ကုန်များသလားက ဆုံးဖြတ်သည်။ ဒေါ်လာဈေးတက်လျှင် နိုင်ငံအတွက် ကောင်းသလား၊ ဒေါ်လာဈေးကျလျှင် နိုင်ငံအတွက် ကောင်းသလားသည် နိုင်ငံ့အခြေအနေပေါ် မူတည်သည်။ အစိုးရက နိုင်ငံကိုသွားစေချင်သည့် ရည်မှန်းချက်နှင့်လည်း ဆိုင်သည်။

ပြည်ပအကြောင်း

အမေရိကန်တရုတ် ကုန်သွယ်ရေးစစ်ပွဲဟု ခေါ်ဝေါ်ကြသည့် ကုန်သွယ်ရေးတင်းမာမှုသည် ဒေါ်လာဈေးကို ဂယက်ရိုက်သည်ဟု ပြောကြသည်။ ကမ္ဘာပေါ်ရှိ နိုင်ငံရေး စစ်ရေး စီးပွားရေး အဖြစ်အပျက်ကြီးကြီးမားမားမှန်သမျှသည် ဒေါ်လာဈေးကို အနည်းအများ ဂယက်ရိုက်သည်။ အမေရိကန်နှင့် တရုတ်သည် စီးပွားရေး Superpower များဖြစ်သည်။ နိုင်ငံရေးအရလည်း အင်အားကြီးသည်။ ထိုကြောင့် ဧရာမအကောင်ကြီးနှစ်ကောင် ရန်စောင်ကြသည့်အခါ ကမ္ဘာ့စီးပွားရေးပေတံတစ်ချောင်းဖြစ်သည့် ဒေါ်လာဈေးကို သွားသက်ရောက်သည်။ ထိုသို့ သက်ရောက်လျှင် ကမ္ဘာ့အခြားနိုင်ငံများနှင့် အတူတူရောခံရမည် မဟုတ်ပါလား။ တစ်နိုင်ငံနှင့် တစ်နိုင်ငံတူမည် မဟုတ်ပါ။ ပြည်တွင်းအခြေအနေများပေါ် မူတည်သည်။ မြန်မာ့ပြည်တွင်းအခြေအနေများကား ဤသို့။

စီးပွားရေးရေခံမြေခံ

ပြည်တွင်းစီးပွားရေးအခြေအနေသည် ပြည်ပဒေါ်လာဈေးအပြောင်းအလဲဒဏ်ကို ခံနိုင် မခံနိုင် ဆုံးဖြတ်သည့် အဓိကအကြောင်းရင်းတစ်ရပ်ဖြစ်သည်။ ပြည်တွင်းစီးပွားရေး တောင့်လျှင်၊ စီးပွားရေးအခြေခံများကောင်းလျှင် တော်ရုံတန်ရုံဒဏ်ခံနိုင်သည်။ ကျန်းမာရေးကောင်းသူသည် တော်ရုံမဖျားသည့် သဘော၊ ဖျားလျှင်ပင် နာလန်မြန်မြန် ပြန်ထနိုင်သည့် သဘော ဖြစ်သည်။

ဖွံ့ဖြိုးပြီးနိုင်ငံများနှင့် မြန်မာနိုင်ငံအဓိကကွာခြားချက်မှာ Informal Economy တွင် ဖြစ်သည်။ ‘စာရင်းမ၀င် အင်းမ၀င် စီးပွားရေးကဏ္ဍ’ Informal Economy သည် ‘စာရင်းပေါက် အင်းပေါက် စီးပွားရေးကဏ္ဍ’ Formal Economy ထက် အရွယ်ကြီးသည်။ မြန်မာနုိုင်ငံတွင်းတွင် မည်သည့် စီးပွားရေးများ လုပ်ကိုင်နေသည် ၊ မည်သူတို့ လုပ်ကိုင်နေသည်၊ နယ်စပ်များမှ တစ်ဆင့် ဘာတွေ ထွက်သွားသည်၊ ဘာတွေဝင်လာသည်ကို မည်သူမျှ မသိပါ။ အလားတူပင် မြန်မာနုိုင်ငံတွင်းသို့ နုိုင်ငံခြားဝင်ငွေ မည်မျှဝင်နေသည်၊ ထွက်နေသည်၊ နိုင်ငံတွင်းတွင် မည်မျှရှိသည်ကိုလည်း မည်သူမျှ မသိပါ။ ထိုသို့ မသိခဲ့လျှင် ဒေါ်လာဈေးကို ထိန်းရန် ကျောင်းရန် ခက်ခဲသည်။ စာရင်းဇယားကိန်းဂဏန်းများ တိုးတက်ကောင်းမွန်အောင် ခပ်မြန်မြန်သွက်သွက်ဆောင်ရွက်ရမည်။

ဈေးကစားခြင်းဒဏ်ကိုလည်း မြန်မာနိုင်ငံရှိ ဒေါ်လာဈေးသည် ခံစားရနိုင်သည်။ မြန်မာသည် စီးပွားရေးပမာဏသေးငယ်ပြီး လူအများသည် ထိတ်လန့်လွယ်သဖြင့် မြန်မာအရွယ်အစားဖြင့် အကောင်ကြီးသူများဆွဲခါလျှင် ခါနိုင်သည်ဟု ယေဘုယျ ပြောနိုင်သည်။ သာမန်လူများ ၀ယ်ခြင်းရောင်းခြင်းသည် မထောင်းတာသော်လည်း ဘဏ်ကဲ့သို့ Institutional Player ဈေးမကစားအောင် ထိန်းနိုင်ဖို့ လိုသည်။ “ဈေးကွက်စီးပွားရေး ဖြစ်သောကြောင့် ဈေးကစားတာ အဆန်းလား” ဟု ဆိုနိုင်သည်။ သို့သော် ဈေးကစားသည့် ဒဏ်ကြောင့် ဒေါ်လာဈေးဖရိုဖရဲ ဖြစ်လျှင် နိုင်ငံစီးပွားရေး ထိကာ ထို Player များထံသို့ ပြန်ပတ်လာနိုင်သည်။ တကယ်တွင် မြန်မာ့စီးပွားရေးသာ အရှိန်အဟုန်ဖြင့် ဖွံ့ဖြိုးလျှင် လက်ရှိဘဏ်များသည် များစွာအကျိုးခံစားရမည် ဖြစ်သည်။ ထို့ကြောင့် ဘဏ်များသည် စီးပွားရေးရေခံမြေခံကို ကောင်းအောင် ၀ိုင်းဝန်းပံ့ပိုး စောင့်ရှောက်သင့်သည်။

မြန်မာ့စီးပွားရေးခိုင်မာအားကောင်းမှ ဒေါ်လာဈေးသည် ငြိမ်မည်။ မြန်မာ့စီးပွားရေးသည် ဈေးကွက်စီးပွားရေးစနစ်သို့ ချီတက်ရင်း စီးပွားရေးဖွံ့ဖြိုးတိုးတက်အောင် လုပ်ဆောင်နေရသည်ဖြစ်ရာ အပြောင်းအလဲများစွာကို ကျော်ဖြတ်ရမည်။ ဒေါ်လာဈေး မတည်ငြိမ်လျှင် အပြောင်းအလဲများ လုပ်ရခက်မည်။ တစ်ဖန် ထို အပြောင်းအလဲများသည်လည်း ဒေါ်လာဈေးပေါ် သက်ရောက်နိုင်သည်။ ခက်ခဲသော ပုစ္ဆာ ဖြစ်သည်။ ‘မွဲသော’ ‘မတည်ငြိမ်သော’ စသည့် ဖွံ့ဖြိုးဆဲနုိုင်ငံလက္ခဏာတို့ အပြည့်ရှိသည့် မြန်မာ့ကိစ္စတို့ကို ဖြေရှင်းရာတွင် ဖွံ့ဖြိုးပြီး နုိုင်ငံများအတွက်သာ ဦးတည်ရေးထားလေ့ရှိသည့် သာမန်ဖတ်စာအုပ်များထဲက နည်းများအတိုင်း အဆင်ပြေနိုင်သလား။ ကျွန်တော် မသိပါ။ Transitional Economies ခေါ် ဈေးကွက်စီးပွားရေးသုို့ ကူးပြောင်းစ နုိုင်ငံရေး စီးပွားရေး မတည်ငြိမ်သေးသော နုိုင်ငံများထံမှ အတွေ့အကြုံများကို အနီးကပ်လေ့လာလျှင် အနာသက်သာမည်။

ဒေါ်လာဈေးတက်ခြင်း ကျခြင်းထက် တည်ငြိမ်ခြင်းက အရေးကြီးသည်။ တည်ငြိမ်အောင် စီးပွားရေးကို အခြေခိုင်ခိုင်တည်ဆောက်ရမည်။ အခြားနည်း မရှိပါ။

ဇေယျသူ

You may also like...

Leave a Reply

Your email address will not be published. Required fields are marked *