သာမန်ပြည်သူများအကြား  ထင်ရှားလာသည့် ဗဟိုဘဏ်

ဓာတ်ပုံ - မိုးကျော်လွင်

ဒေါ်လာဈေးအတက်ကြမ်းခြင်း၊ စီးပွားရေးအခြေအနေအပေါ် လူထုဖိအားများပြားခြင်း၊ ဘဏ်များပေါ် ချမှတ်သည့် စည်းကမ်းစည်းမျဉ်းများကြောင့် ဘဏ်များခံစားရသည့် ဖိအားရှိလာခြင်းတို့ကြောင့် အဓိကနိုင်ငံတော် စီးပွားရေးအဖွဲ့အစည်းဖြစ်သည့် ဗဟိုဘဏ်သည်ယခုနှစ်အတွင်း ထူးခြားထင်ရှားသည့် နိုင်ငံတော်စီးပွားရေးအဖွဲ့အစည်းအဖြစ် ရွေးချယ်လိုက်ပါသည်။

ဗဟိုဘဏ်သည် ဘဏ္ဍာရေးနှင့် ငွေကြေးမူဝါဒအသိုင်းအဝိုင်း၊ ဘောဂဗေဒအသိုင်းအဝိုင်းပြင်ပတွင် နဂိုက လူသိနည်းသည်။ ဗဟိုဘဏ်ဥပဒေနှင့်အညီ ကျားကျားလျားလျားဗဟိုဘဏ်အဖြစ်သို့ ၂၀၁၃ ခုနှစ်နှစ်လယ်တွင်မှ စတင်ကူးပြောင်းခဲ့သော ဗဟိုဘဏ်၏ ထင်ရှားကျော်ကြား လာမှုမှာ မြန်ဆန်လှသည်။

နိုင်ငံတွင်းတွင် ရုံးခွဲဖွင့်လှစ်ထားပြီးဖြစ်သည့် ပြည်ပဘဏ်များကို မြန်မာစီးပွားရေးလုပ်ငန်းများသို့ ချေးငွေထုတ်ချေးခြင်းအပါအဝင် ဘဏ်ဝန်ဆောင်မှုများကို ခွင့်ပြုလိုက်ခြင်းသည် မြန်မာ့ဘဏ္ဍာရေးလောကကို အသွင်ပြောင်းသွားစေမည့် ဆုံးဖြတ်ချက်ဖြစ်သည်။

ယခင်အစိုးရလက်ထက် ၂၀၁၃ ခုနှစ်က စတင်တာဝန်ယူခဲ့သည့် ဗဟိုဘဏ်ဥက္ကဋ္ဌ ဦးကျော်ကျော်မောင် ငါးနှစ်သက်တမ်းပြည့်သည့်အခါ တွင် ဆက်တာဝန်ယူမည့် သူကို စီးပွားရေးနှင့် ဘောဂဗေဒပညာ စိတ်ဝင်စားသူများသာမက နိုင်ငံရေးစိတ်ဝင်စားသူများနှင့် သာမန်ပြည်သူများပင် စိတ်ဝင်စားကြသည်။ သမ္မတသစ် မည်သူဖြစ်မည်ကို ခန့်မှန်းစိတ်ဝင်စားကြသလောက်နီးနီး ဖြစ်သည်။

ဗဟိုဘဏ်တာဝန်ရှိသူများ၏ စကားသည် စီးပွားရေးကို စိတ်ဝင်စားသူတို့ မျက်ခြည်ပြတ်မရသည့် စကားများ ဖြစ်လာသည်။ အထူးသဖြင့် ဒေါ်လာဈေးအတက်အကျကြမ်းချိန်တွင် ဗဟိုဘဏ်မှ ဒုဥက္ကဋ္ဌ နှစ်ဦးဖြစ်သော ဦးစိုးသိမ်းနှင့် ဦးဘိုဘိုငယ်တို့၏ နှုတ်ထွက်စကားကို ဂရုစိုက်နားစွင့်ကြသူ များပြားသည်။ သူတို့ပြောသမျှသည် သတင်းဖြစ်သည်။

မြန်မာ့စီးပွားရေးလောကကို စိုးမိုးထားပြီး နိုင်ငံရေးစီးပွားရေးတွင် လက်တံရှည်သော စီးပွားရေးလုပ်ငန်းရှင်ကြီးများ ပိုင်ဆိုင်သည့် ဘဏ်လုပ်ငန်းများကို စည်းကမ်းကြီးကြပ်ထိန်းသိမ်းရခြင်းနှင့် ပြည်တွင်းပြည်ပ အခြေအနေများကြောင့် လှုပ်ရမ်းချင်တိုင်း လှုပ်ရမ်းနေသည့် ဒေါ်လာဈေး (အဓိကငွေလဲလှယ်နှုန်း)ကို ထိန်းကျောင်းရခြင်းဟူသော မြန်မာနိုင်ငံတွင် အခက်အခဲဆုံး တာဝန်နှစ်ရပ်ကို ထမ်းဆောင်ရခြင်းတို့ကြောင့် သာမန် ပြည်သူများအကြားတွင်ပင် အထူးစိတ်ဝင်စားခံရသည့်အတွက် ယခုနှစ်၏ ထူးခြားထင်ရှားသည့် စီးပွားရေးအဖွဲ့အစည်းအဖြစ် ရွေးချယ်လိုက်ရခြင်းဖြစ်ပါသည်။

You may also like...

Leave a Reply

Your email address will not be published. Required fields are marked *