အစွန်းရောက်ဘာသာတရား မှတ်ချက်ကြောင့် သာသနာရေးဝန်ကြီးကို အကြီးအကဲအဆင့် ခေါ်တွေ့

ရန်ကုန်၊ ဒီဇင်ဘာ ၇

အစွန်းရောက်ဘာသာတရားဟု သုံးနှုန်းမှုအပါအဝင် ထပ်ဆင့်ပြောဆိုသည့်မှတ်ချက်များကြောင့် သာသနာရေးနှင့် ယဉ်ကျေးမှုဝန်ကြီးဌာန၏ ပြည်ထောင်စုဝန်ကြီးသူရဦးအောင်ကိုကို အကြီးအကဲအဆင့်က ခေါ်ယူတွေ့ဆုံကာ ပြောဆိုထားပြီးဖြစ်ကြောင်း နိုင်ငံတော်သမ္မတရုံး၏ ပြောရေးဆိုခွင့်ရှိသူဦးဇော်ဌေးက ပြောကြားသည်။

ဒီဇင်ဘာလ ၇ ရက်နေ့က ရခိုင် ပြည်နယ်အရေး၊ ငြိမ်းချမ်းရေးအပါအဝင် လက်ရှိအခြေအနေများနှင့် ပတ်သက်၍ နိုင်ငံတော်သမ္မတရုံးတွင် ပြုလုပ်သည့်သတင်းစာရှင်းလင်းပွဲတွင် ၎င်းက ပြောဆိုခြင်းဖြစ်သည်။

ခေါ်ယူတွေ့ဆုံသည့် အကြီးအကဲမှာ မည်သည့်အဆင့်ဖြစ်သည်ကိုမူ ဖြေကြားခြင်း မရှိခဲ့ပေ။ ခေါ်ယူတွေ့ဆုံမှုနှင့် ပတ်သက်၍လည်း အသေးစိတ်ပြောဆို၍ မရကြောင်း ၎င်းက ဆိုသည်။

ပုဂ္ဂလိကတစ်ဦးချင်းပြောဆိုချက်နှင့် နိုင်ငံတော်၏ မူဝါဒကို ခွဲခြားသိရန်လိုအပ်ပြီး အစိုးရဌာနဆိုင်ရာများက ပြောဆိုရာတွင် နိုင်ငံတော်၏ မူဝါဒနှင့်ကင်းလွတ်၍မရကြောင်း ဦးဇော်ဌေးက ပြောဆိုသည်။

နိုဝင်ဘာလ ၂၇ ရက်နေ့က ကျင်းပ သည့် မြိုင်ကြီးငူဆရာတော်ဘုရားကြီး၏ အန္တိမအဂ္ဂိဈာပနသာဓုကိဠန ပူဇာသဘင်အခမ်းအနားတွင် ဝန်ကြီးသူရဦးအောင်ကိုက ဆရာတော်ကြီးများထံ လျှောက်ထားရာတွင် အစွန်းရောက်ဘာသာတရားတစ်ခုဟု သုံးနှုန်းခဲ့ခြင်းဖြစ်သည်။

ယင်းအသုံးအနှုန်းမှာ ရည်ရွယ်ချက်ရှိရှိသုံးနှုန်းခြင်းမဟုတ်ဘဲ ဘာသာအသီးသီး၏ ဘာသာရေးအယူအဆပြင်းထန်သူများကိုသာ ညွှန်းဆိုသုံးနှုန်းခဲ့ခြင်းဖြစ်ကြောင်း အဆိုပါဝန်ကြီးဌာနက နိုဝင်ဘာလ ၃၀ ရက်နေ့တွင် ရှင်းလင်းချက်ထုတ်ခဲ့သည်။

ယင်းအသုံးအနှုန်းသုံးနှုန်းမှုနှင့် ပတ်သက်၍ မီဒီယာများက ဝန်ကြီးနှင့် တွေ့ဆုံစဉ် မေးမြန်းရာ ယင်းအသုံးအနှုန်းမှာ ဘင်္ဂလားဒေ့ရ်ှရောက် ဘင်္ဂါလီများကို ရည်ညွန်းခြင်းဖြစ်ကြောင်း မှတ်ချက်ပေးသည်။

ဘင်္ဂလားဒေ့ရ်ှဝန်ကြီးချုပ်က ဘင်္ဂါလီတစ်သန်း လက်ခံထားရသည်ဟု ကုလသမဂ္ဂညီလာခံတွင် ပြောဆိုကာ နိုင်ငံတကာအကူအညီအထောက်အပံ့တောင်းကာ ဝေမျှစားနေကြကြောင်း၊ ယင်းအပြင် ဘင်္ဂါလီလူငယ်များကိုလည်း မြန်မာနိုင်ငံကို ချီတက်ကြမည်ဟု စိတ်ထဲတွင် ရိုက်သွင်းထားကြောင်း၊ ဘင်္ဂလားဒေ့ရ်ှတွင် ပြည့်ကျပ်နေသည့် ဘင်္ဂါလီများ၏ အနာဂတ်ရည်မှန်းချက်မှာ မြန်မာနိုင်ငံသို့ ချီတက်ရန်ဖြစ်သည်ဟု ရည်ညွှန်းပြောဆိုခြင်းဖြစ်ကြောင်း ၎င်းက ဆိုသည်။

ယင်းပြောဆိုချက်ကြောင့်ဘင်္ဂလားဒေ့ရ်ှအစိုးရက မြန်မာနိုင်ငံဆိုင်ရာသံအမတ်ကြီးကို ဒီဇင်ဘာလ ၅ ရက်နေ့က ဆင့်ခေါ်ကာ သတိပေးခဲ့သေးသည်။

 

You may also like...

Leave a Reply

Your email address will not be published. Required fields are marked *