လွတ်လပ်စွာ ဝေဖန်ရေးသားခွင့်များရရှိအောင် ဆောင်ကြဉ်းပေးခဲ့ဟု ဒေါက်တာဇော်မြင့်မောင်ပြော

မန္တလေး၊ ဒီဇင်ဘာ ၇

နှစ်ပေါင်းခြောက်ဆယ်ကျော် အမှောင်ကာလကို ဖြတ်သန်းလာပြီးနောက် လွတ်လပ်စွာ ဝေဖန်ရေးသားခွင့်များရရှိအောင် မိမိတို့ ဆောင်ကြဉ်းပေးနိုင်ခဲ့ကြောင်း မန္တလေးတိုင်းဒေသကြီးဝန်ကြီးချုပ် ဒေါက်တာ ဇော်မြင့်မောင် က ပြောကြားသည်။

မန္တလေးတိုင်းဒေသကြီးလွှတ်တော်တွင် ဒီဇင်ဘာလ ၇ ရက်နေ့က ပြုလုပ်သည့် ကော်မတီကြားနာပွဲတွင် ပြောဆိုခဲ့ခြင်းဖြစ်ပြီး သုံးနှစ်ထဲနှင့် မပြောင်းလဲနိုင်သော်လည်း အတော်အတန်ပွင့်လင်းလာခြင်းကို မည်သူမျှငြင်း၍မရကြောင်း ၎င်းကဆိုသည်။

“ဝေဖန်လို့ ရတယ်။ လွတ်လွတ်လပ်လပ် ဝေဖန်လို့ရတယ်။ အခုလည်း ဝေဖန်နေကြတာပဲ။ သတင်းတွေ လွတ်လွတ်လပ်လပ် ရေးလို့ရနေတယ်။ ကျွန်တော်တို့ ဘာပြောလဲ။ တန်ဖိုးရှိသော လွတ်လပ်ခွင့်၊ ကျွန်တော်တို့ ဆောင်ကြဉ်းပေးခဲ့တဲ့ လွတ်လပ်ခွင့်” ဟု ဒေါက်တာ ဇော်မြင့်မောင် က ပြောသည်။

မန္တလေးမြို့တော် စည်ပင်သာယာရေးကော်မတီ ဥပဒေ၊ နည်းဥပဒေများကို ပြင်ဆင်ရေးဆွဲပြဋ္ဌာန်းနိုင်ရန်အတွက် ပြည်သူ့အသံ ကြားနာပွဲကို လွှတ်တော်သဘင်ဆောင်တွင် ဒီဇင်ဘာလ ၇ ရက်မှ ၉ ရက်နေ့အထိ ကျင်းပမည်ဖြစ်ပြီး ပြည်သူတို့နှင့် စည်ပင်တာဝန်ရှိသူတို့ တိုက်ရိုက် ပြောဆိုဆွေးနွေးမည်ဖြစ်ကြောင်း မန္တလေးတိုင်းဒေသကြီး လွှတ်တော်ဥပဒေပြုရေးဆိုင်ရာကော်မတီဥက္ကဋ္ဌ ဦးတင်အောင်က ပြောဆိုသည်။

မန္တလေးမြို့တော် စည်ပင်သာယာရေးကော်မတီတွင် ဌာနပေါင်း ၁၄ ခုရှိသည့်အနက် ယခုပြုလုပ်သည့် ကြားနာပွဲတွင် ဈေးနှင့် သားသတ်ဌာနနှင့် သက်ဆိုင်သည့်ကိစ္စများကိုသာ ပြောဆိုဆွေးနွေးသွားမည်ဖြစ်သည်။ 

You may also like...

Leave a Reply

Your email address will not be published. Required fields are marked *