မဟောသဓာကျောင်းကိစ္စ တိုင်းသံဃနာယကထံ မန္တလေးတိုင်းအစိုးရ စာရေးသားပေးပို့

မန္တလေး၊ ဒီဇင်ဘာ ၇

မန္တလေးတိုင်းပုသိမ်ကြီးမြို့နယ်ကျောက်ချောကျေးရွာအနီးတွင် မျိုးချစ်ဝါဒီများတည်ဆောက်နေသည့် မဟော်သဓာအခမဲ့ ကိုယ်ပိုင်အထက်တန်းကျောင်း တည်ဆောက်ခွင့်တားမြစ်ထားခြင်းနှင့် ပတ်သက်၍ မည်သည့်မှတ်ချက်မျှ မပြုလိုဘဲ တိုင်းသံဃနာယကထံ စာရေးသားထားကြောင်း မန္တလေးတိုင်းဝန်ကြီးချုပ်ဒေါက်တာဇော်မြင့်မောင်က ပြောကြားသည်။

“ဘာမှမရှင်းတော့ဘူး။ တိုင်း သံဃနာယကဆီ စာရေးထားတာ ရှိတယ်။  သွားမေးလိုက်တော့”ဟု ၎င်းက ပြောသည်။ 

မဟော်သဓာအခမဲ့ကိုယ်ပိုင်အထက်တန်းကျောင်း (မန္တလေး) ကို၂၀၁၇ ခုနှစ်အတွင်းမှ စတင်အကောင်အထည်ဖော်လျက်ရှိပြီး အုတ်မြစ်ချရန်စီစဉ်နေစဉ် တိုင်းအစိုးရအဖွဲ့က တားမြစ်ခဲ့ကြောင်း အဆိုပါကျောင်းဖြစ်မြောက်အောင်မြင်ရေးဗဟိုကော်မတီက နိုဝင်ဘာလ ၂၅ ရက်နေ့က ပြောဆိုခဲ့သည်။

ဆင်းရဲနွမ်းပါးပြီး ပညာသင်ယူရန်အခက်အခဲဖြစ်နေသည့် နိုင်ငံသားများ အတွက်ရည်ရွယ်ကာ အခမဲ့စာသင်ကျောင်းဖွင့်လှစ်ရခြင်းဖြစ်ကြောင်း ကော်မတီ ဒုတိယဥက္ကဋ္ဌ (၂) ဦးမျိုးချစ်က ပြောသည်။

၂၀၁၆ ခုနှစ်တွင် ရန်ကုန်မဟော်သဓာကျောင်း၊ ၂၀၁၇ ခုနှစ်တွင် တောင်ကုတ်မဟော်သဓာကျောင်းတို့ကို ပညာရေး ဝန်ကြီးဌာနခွင့်ပြုချက်ဖြင့် ဖွင့်လှစ်ခဲ့ပြီး ပြဋ္ဌာန်းထားသည့် သင်ရိုးညွှန်းတမ်းအတိုင်းသာ သင်ကြားပေးနေကြောင်း အဆိုပါကျောင်းများမှ သိရသည်။

ကျောင်းဆောင်ဆောက်လုပ်ခွင့်ကို အစိုးရက တားမြစ်ထားသော်လည်း ဆက်လက်လုပ်ဆောင်မည်ဟု ဖြစ်မြောက်အောင်မြင်ရေးဗဟိုကော်မတီက ပြောဆိုထားသည်။

မန်းမဟော်သဓာကျောင်းတာဝန်ခံ ဆရာတော်ဘဒ္ဒန္တ ဝိစိတ္တာဘိဝံသ (ဦးဝီရသူ-မစိုးရိမ်)ကလည်း အဆိုပါကျောင်းအတွက် အရာရာအားလုံးကို ပေးဆပ်ရန် ပြင်ဆင်ထားကြောင်း ၎င်းဦးစီးပြီး ထုတ်ဝေနေသည့် ပြည်ချစ်သားဂျာနယ်အင်တာဗျူးတွင် ပြောဆိုထားသည်။

You may also like...

Leave a Reply

Your email address will not be published. Required fields are marked *