ဟွာဝေးနှင့် အနောက်နိုင်ငံများ၏ သူလျှိုသံသယ

လက်ရှိအချိန်တွင် တရုတ်အိုင်တီနည်းပညာကုမ္ပဏီကြီးဖြစ်သည့် ဟွာဝေးကို အမေရိကန်အပါအဝင် အနောက်နိုင်ငံအချို့က သံသယပွားနေကြပေပြီ။ အင်တာနက်အပါအဝင် တယ်လီကွန်းဆက်သွယ်ရေးနည်းပညာများတွင် ဟွာဝေးကုမ္ပဏီထုတ် စက်ပစ္စည်းများဖြင့် သတင်းအချက်အလက်များ ထောက်လှမ်းရယူသည်ဟု အနောက်နိုင်ငံများက စိုးရိမ်နေကြခြင်းလည်း ဖြစ်၏။  ဟွာဝေးကုမ္ပဏီမှာ တရုတ်ပုဂ္ဂလိကကုမ္ပဏီဆိုသည်ထက် တရုတ်အစိုးရနှင့် နီးစပ်သည့် ကုမ္ပဏီအဖြစ် အနောက်နိုင်ငံများက ယူဆထားခြင်းကြောင့်လည်း ဖြစ်သည်။

ထို့ပြင်မက လွန်ခဲ့သည့် ရက်ပိုင်းကပင် တရုတ်ဟွာဝေးကုမ္ပဏီတည်ထောင်သူ၏ သမီးဖြစ်သူကို ကနေဒါနိုင်ငံ ဗန်ကူးဗားလေဆိပ်တွင် ဖမ်းဆီးခဲ့သည်။ အကြောင်းပြချက်မှာ အမေရိကန်က အီရန်အပေါ်ချမှတ်ထားသည့် ပိတ်ဆို့အရေးယူမှုများကို ဟွာဝေးကုမ္ပဏီက ချိုးဖောက်ခဲ့သည့် လုပ်ရပ်ကြောင့်ဟု ဆိုသည်။

ဘာကြောင့် စိုးရိမ်

တရုတ်သမ္မတရှီကျင့်ဖျင်က တရုတ်နိုင်ငံကို တန်ဖိုးနိမ့်ကုန်ပစ္စည်းထုတ်လုပ်သည့် နိုင်ငံအဖြစ်မှ အဆင့်မြင့်နည်းပညာပါဝါစက်ရုံကြီးအဖြစ် ပြောင်းလဲပစ်ရန် ဦးတည်ကြိုးပမ်းနေသည်ကို တွေ့ရသည်။ အနောက်နိုင်ငံမှ နည်းပညာကုမ္ပဏီများက တရုတ်စက်ရုံများကို သုံး၍ ကုန်ပစ္စည်းထုတ်လုပ်နေသည့် တရုတ်နိုင်ငံအဖြစ်ကို တရုတ်သမ္မတရှီအနေနှင့် အားရကျေနပ်ခြင်း မရှိ။ ထို့ကြောင့် ကမ္ဘာ့ဒစ်ဂျစ်တယ်အခြေခံအဆောက်အဦ တည်ဆောက်ရာတွင် တရုတ်နည်းပညာကုမ္ပဏီများ အနေဖြင့် အဓိကကျသည့် ပစ္စည်းအစိတ်အပိုင်းများ ထုတ်လုပ်ရန် တရုတ်သမ္မတရှီက လိုလားသည်။ ကမ္ဘာ့နည်းပညာဈေးကွက်ကို ထိန်းချုပ်ခြင်းဖြင့် တရုတ်ကုမ္ပဏီများ အမြတ်ငွေများစွာ ရစေချင်သည်။

ဟွာဝေးကုမ္ပဏီမှာ သမ္မတရှီ၏ အစီအစဉ်တွင် အဓိကနေရာတွင် ရှိသည်။ တယ်လီဆက်သွယ်ရေးနည်းပညာပစ္စည်းမျိုးစုံကို ထုတ်လုပ်သည့်  ဟွာဝေးမှာ လက်ရှိဈေးကွက် နေရာရယူထားသည့် အနောက်နိုင်ငံမှ အိုင်တီကုမ္ပဏီများအတွက် အလျင်အမြန် ပြိုင်ဘက် ဖြစ်လာတော့သည်။ စမတ်ဖုန်း၊ ဆဲလ်ဖုန်းတာဝါတိုင်များ ဆိုသည်မှာ ကမ္ဘာ့တယ်လီဆက်သွယ်ရေး အခြေခံအဆောက်အဦလောကတွင် လွှမ်းမိုးလာတော့မည့်အရာများ ဖြစ်သည်။

ယခုအခါ အင်တာနက်ကွန်ရက်ဆက်သွယ်ရေးတွင် ပဉ္စမမြောက်မျိုးဆက်  5G ကွန်ရက်တည်ဆောက်ရန် ကမ္ဘာ့တယ်လီဆက်သွယ်ရေးကုမ္ပဏီများ အပြိုင်အဆိုင်ကြိုးပမ်းနေကြရာ တရုတ်ဟွာဝေးကုမ္ပဏီမှာ ရှေ့က ပြေးနေသည့် ကုမ္ပဏီ ဖြစ်သည်။

သို့သော် အနောက်နိုင်ငံမှ ထောက်လှမ်းရေးအေဂျင်စီများက ဟွာဝေးက တည်ဆောက်မည့် ဆက်သွယ်ရေးနည်းပညာပစ္စည်းများမှ တစ်ဆင့် တရုတ်အစိုးရအတွက် ကမ္ဘာတစ်ဝန်းမှ လူများကို ထောက်လှမ်းပေးမည်ကို စိုးရိမ်နေကြသည်ကို တွေ့ရသည်။

စိုးရိမ်မှုနှင့်အတူ 5G အင်တာနက်ကွန်ရက်တည်ဆောက်ရာတွင် ဟွာဝေး ထုတ်စက်ပစ္စည်းများကို မသုံးရန် အမေရိကန်နှင့် အနောက်နိုင်ငံအချို့က ပိတ်ပင်လာကြပြီဖြစ်သည်။ နိုဝင်ဘာလတွင် နယူးဇီလန်အစိုးရက  5G ကွန်ရက်တည်ဆောက်ရာတွင် ဟွာဝေးထုတ်စက်ပစ္စည်းများမသုံးရန် တားမြစ်ထားသလို အမေရိကန်နှင့် ဩစတြေးလျနိုင်ငံတို့ကလည်း ပဉ္စမမျိုးဆက် အင်တာနက်ကွန်ရက်တည်ဆောက်ရေးတွင် ဟွာဝေးကို တံခါးပိတ်ပစ်ခဲ့သည်။

ဂျပန်နိုင်ငံကလည်း အစိုးရသုံးဆက်သွယ်ရေးနည်းပညာအဆောက်အဦများတွင် ဟွာဝေးနှင့် ZTE ပစ္စည်းများ မသုံးရန် မကြာသေးခင်ကပင် တားမြစ်ခဲ့သည်။ ဗြိတိန်နိုင်ငံ၏ အင်တာနက်ဆက်သွယ်ရေးကုမ္ပဏီကြီး ဖြစ်သည့် British  Telecom BT ကုမ္ပဏီကလည်း 5G ကွန်ရက်တည်ဆောက်ရာတွင် ဟွာဝေးကုမ္ပဏီထုတ် စက်ပစ္စည်းများအသုံးပြုထားခြင်းကို ဖယ်ရှားပစ်ခဲ့သည်။ ဥရောပသမဂ္ဂ အီးယူနည်းပညာဆိုင်ရာကော်မရှင်နာမင်းကြီး အန်ဒရူးအိုင်ဇီကလည်း အီးယူ နိုင်ငံများအနေဖြင့် ဟွာဝေးကုမ္ပဏီနှင့် ပတ်သက်၍ စိုးရိမ်ကြောင့်ကြမှု ရှိကြရန် ဒီဇင်ဘာ ၇ ရက်နေ့က ပြောကြားခဲ့သည်။ သို့သော် ဂျာမနီနှင့် ဗြိတိန်တို့မှာမူ ဟွာဝေး စက်ပစ္စည်းများ ပိတ်ပင်မှုကို ဆန့်ကျင်သည့် ဥရောပနိုင်ငံကြီးများ ဖြစ်သည်။ ဂျာမနီပြည်ထဲရေးဝန်ကြီးက ဟွာဝေးစက်ပစ္စည်းများပိတ်ပင်မှုကို ဆန့်ကျင်ကြောင်း ပြောကြားခဲ့သည်။ ဗြိတိန်ကမူ ဟွာဝေးစက်ပစ္စည်းများကို ပိတ်ပင်ခြင်းမပြုသော်လည်း ဗြိတိန်ထောက်လှမ်းရေး နည်းပညာပိုင်းဆိုင်ရာအဖွဲ့အစည်း GCHQ ၏ ပုံမှန်စစ်ဆေးမှုကို ခံယူရသည်။ အင်အားကြီးလာသည့် တရုတ်ဟွာဝေးကုမ္ပဏီနှင့် နည်းပညာဖြင့် စုံစမ်းထောက်လှမ်းမှုကို စိုးရိမ်နေသည့် အနောက်နိုင်ငံတို့၏အခြေအနေမှာ စောင့်ကြည့်ရပေဦးမည်။ ဤအခြေအနေတွင် ဟွာဝေးကုမ္ပဏီတည်ထောင်သူ၏ သမီးလည်း ဖြစ်၊ ကုမ္ပဏီဘဏ္ဍာရေးအကြီးအကဲလည်းဖြစ်သော မန်ဝန်ကျိုးကို ကနေဒါန်ိုင်ငံ ဗန်ကူးဗားလေဆိပ်တွင် ခရီးစဉ်အပြောင်းအလဲလုပ်စဉ် ကနေဒါအစိုးရက ဖမ်းဆီးခဲ့သည့် ဖြစ်ရပ်ထွက်ပေါ်လာခြင်းလည်း ဖြစ်သည်။

ဘာကြောင့်ဖမ်း

ကနေဒါအစိုးရက ဖမ်းဆီးလိုက်သည့် မန်ဝန်ကျိုးမှာ ၂၀၁၁ ခုနှစ်တွင် ဟွာဝေးကုမ္ပဏီ ဘဏ္ဍာရေးအကြီးအကဲဖြစ်လာခဲ့ပြီး လွန်ခဲ့သည့် နှစ်လခန့်က ဒု – ဥက္ကဋ္ဌအဖြစ် တင်မြှောက်ခံထားရသူ  ဖြစ်သည်။ ကနေဒါအစိုးရက ၎င်းကို ဖမ်းဆီးခဲ့သည့် အကြောင်းရင်းအသေးစိတ်ကို မသိရသေးပေ။ သို့သော် ဒီဇင်ဘာလ ၇ ရက်နေ့တွင် ကနေဒါအစိုးရရှေ့နေများ၏ ပြောကြားချက်အရ ဟွာဝေးကုမ္ပဏီနှင့် ဟွာဝေးကုမ္ပဏီက ငွေကြေးထောက်ပံ့ပေးထားသည့် ဟောင်ကောင်အခြေစိုက်  Skycom  နည်းပညာကုမ္ပဏီတို့မှာ သီးခြားကုမ္ပဏီဖြစ်ကြောင်း အမေရိကန်ဘဏ်များကို လိမ်လည်ပြောဆိုခဲ့ခြင်းကြောင့်ဟု ဆိုသည်။

ဟွာဝေးကုမ္ပဏီသည် Skycom နည်းပညာကုမ္ပဏီကို သုံး၍ အမေရိကန်က စီးပွားရေးပိတ်ဆို့မှု ပြုလုပ်ထားသော အီရန်နိုင်ငံကို နည်းပညာဆိုင်ရာပစ္စည်းများ ရောင်းချခဲ့ကြောင်း စွပ်စွဲခံနေရသည်။

၂၀၁၃ ခုနှစ်က ရိုက်တာသတင်းဌာနက ထုတ်ပြန်သည့် စာရွက်စာတမ်းအများတွင် ဟွာဝေးနှင့် Skycom  နည်းပညာကုမ္ပဏီတို့သည် အီရန်နိုင်ငံကို တားမြစ်ထားသည့် HP ကုမ္ပဏီထုတ် တယ်လီကွန်းဆက်သွယ်ရေးပစ္စည်းများ ရောင်းချခဲ့ကြောင်း စွပ်စွဲပြောကြားထားသည်ကို တွေ့ရသည်။ အဆိုပါတားမြစ်ဆက်သွယ်ရေးပစ္စည်းများမှာ ထိုအချိန်က အမေရိကန်ဒေါ်လာ ၁ ဒသမ ၇ သန်း  တန်ကြေးရှိသော်လည်း ၁ ဒသမ ၃ သန်း ဖြင့် ဟွာဝေးနှင့် Skycom ကုမ္ပဏီတို့က ရောင်းချခဲ့ခြင်းဖြစ်သည်ဟု ဆိုသည်။

ဟွာဝေးကုမ္ပဏီသည် အီရန်အပေါ် အမေရိကက ချမှတ်ထားသည့် အရေးယူမှုများကို ထိုကဲ့သို့သော နည်းလမ်းများဖြင့် ရှောင်ရှားလေ့ရှိသည့် သမိုင်းမှတ်တမ်းများရှိကြောင်းလည်း အဆိုပါရေးရာဆိုင်ရာ ကျွမ်းကျင်ပညာရှင်များက ပြောကြားထားသည်။ အမေရိကန်အစိုးရရှေ့နေများက ဟွာဝေးကုမ္ပဏီ၏ လုပ်ရပ်များကို နှစ်အတန်ကြာကတည်းက စုံစမ်းထောက်လှမ်းမှုများပြုလုပ်ခဲ့အပြီး ကုမ္ပဏီဘဏ္ဍာရေးအကြီးအကဲ မန်ဝန်ကျိုးကို ဖမ်းဆီးလိုက်ခြင်းလည်းဖြစ်သည်။ သို့သော် ယခုလို ကုမ္ပဏီအကြီးအကဲတစ်ဦးကို ဖမ်းဆီးမှုမျိုးမှာမူ ဖြစ်တောင့်ဖြစ်ခဲ့ကိစ္စတစ်ခုပင် ဖြစ်သည်။

မန်ဝန်ကျိုးကို အမေရိကသို့ လွှဲပြောင်းပေးရန် အမေရိကက တောင်းဆိုမှုများရှိနေသော်လည်း လက်ရှိဖြစ်ပွားနေသည့် အမေရိကန် – တရုတ်ကုန်သွယ်ရေးစစ်ပွဲတွင်အမေရိကန်အတွက် အကျိုးရှိမည်ဆိုပါက အမေရိကန်တရားစီရင်ရေး ဌာနကို ဝင်ရောက်စွက်ဖက်မည်ဖြစ်ကြောင်းလည်း အမေရိကန်သမ္မတဒေါ်နယ်ထရမ့်က ပြောကြားထားသည်။ ယင်းကို ကြည့်ပါက မန်ဝန်ကျိုးမှာ တရုတ် – အမေရိကန်ကုန်သွယ်ရေးစစ်ပွဲတွင် သမ္မတထရမ့်အတွက် ကိုင်ဖဲတစ်ချပ်ဖြစ်လာပေလိမ့်မည်။

အဖမ်းသံသရာ

မန်ဝန်ကျိုးကို ဖမ်းဆီးလိုက်ခြင်းနှင့်ပတ်သက်၍ တရုတ်အစိုးရက ပြင်းပြင်းထန်ထန်တုံ့ပြန်ခဲ့ပြီး ပြန်လွှတ်ပေးရန် တောင်းဆိုခဲ့သည်။ ကနေဒါရှိ တရုတ်သံရုံးကလည်း တရုတ်နိုင်ငံသားများ၏ အကျိုးစီးပွားနှင့် တရားဝင်အခွင့်အရေးများကို ပြတ်ပြတ်သားသားကာကွယ်ပေးမည့် အစီအမံအားလုံး လုပ်ဆောင်သွားမည်ဟုလည်း ထုတ်ပြန်ကြေညာခဲ့သည်။

တရုတ်အစိုးရကလည်း တရုတ်နိုင်ငံတွင် စီးပွားရေးလုပ်ကိုင်နေသည့် အနောက်နိုင်ငံများမှ လုပ်ငန်းရှင်များကို တရားစွဲဆိုခြင်းဖြင့်လက်တုံ့ပြန်နိုင်ဖွယ် ရှိသည်။ တရုတ်ဥပဒေအရ ထိုင်ဝမ်နဲ့ လက်နက်ရောင်းဝယ်မှုကို တားမြစ်ထားသည်ဖြစ်ရာ ထိုင်ဝမ်တွင် အလုပ်လုပ်ကိုင်နေသော အနောက်နိုင်ငံမှ အမှုဆောင်အရာရှိချုပ်များကို တရားစွဲဆိုမှုများ ပြုလုပ်လာနိုင်ပေသည်။

ယခုပင်လျှင် တရုတ်ကလက်တုံ့ပြန်သည့်အနေဖြင့် ကနေဒါသံတမန်ဟောင်းတစ်ဦးနှင့် စီးပွားရေးလုပ်ငန်းရှင်တစ်ဦးကို ဖမ်းဆီးထားပြီဖြစ်ရာ တရုတ်နှင့် အနောက်နိုင်ငံများ၏ ‘ကိုယ့်လူ ဖမ်း၊ သူ့ လူပြန်ဖမ်း’ သံသရာကို မြင်တွေ့ရတော့မည်လောဆိုသည်ကို ဆက်လက် စောင့်ကြည့်ရမည်ဖြစ်သည်။

စာညွှန်း။      ။ ၁ ။ Arrest of Top Huawei Executive Cuold Roil Trade Talks With China             

                    ၂  ။ What’s going on with Huawei?

ဉာဏကျော်

You may also like...

Leave a Reply

Your email address will not be published. Required fields are marked *